كه‌ركووك هه‌موو رێيێن دچنه ده‌ڤه‌رێن داعش گرتن
ئه‌ڤرۆ نيوز:
لژنا ئه‌منى ل پارێزگه‌ها كه‌ركووك راگه‌هاند كو ئه‌وان ل رۆژا چارشه‌مبى رێكه‌فتى 20ى گۆلانا 2015ێ هه‌موو رێيێن دچنه لايێ ده‌ڤه‌رێن بن كۆنترۆلا داعش هاتينه گرتن.
لژنا ئه‌منى د به‌ياننامه‌كێ دا راگه‌هاند: “ژ ئه‌گه‌رێ كاودانێن ئه‌منى ئه‌وێن ل عيراقێ هه‌ين و چه‌په‌رێن شه‌رى، ئه‌وان بڕيار دا كو هه‌موو رێيێن دچنه سه‌ر ده‌ڤه‌رێن بن كۆنترۆلا داعش بهێنه گرتن”.
ئه‌ڤ ده‌ڤه‌رێن بن ده‌ستێ داعش ل كه‌ركووك هه‌ر ئێك ژ قه‌زا حوێجه و گه‌له‌ك ده‌ڤه‌رێن دى يێن ده‌وروبه‌رێن وێ قه‌زايێ نه و هنده‌ك گۆندێن باشوورێ كه‌ركووكێ ژى ب خوه ڤه دگرن، د به‌ياننامێ ژى دا ئاماژه ب هندێ كريه كو ب چو ره‌نگان هاتنوچوونێ قه‌بوول ناكه‌ن.