داخوازا حه‌سانێ بۆ حه‌شه‌د شه‌عبى و پێشمه‌رگه‌يى دهێته كرن
ئه‌ڤرۆ نيوز:
په‌رله‌مانتاره‌كێ عيراقێ داخواز دكه‌ت كو حه‌سانێ ژ وان په‌رله‌مانتاران بستينن يێن ئاخفتنان دبێژنه پێشمه‌رگه‌يى و حه‌شه‌د شه‌عبى و داخواز ژى دكه‌ت حه‌سانا له‌شكرى بده‌نه ئه‌وان شه‌ركه‌ران يێن دژى داعش شه‌رى دكه‌ن.
زاهر عه‌بادى، په‌رله‌مانتارێ هه‌ڤپه‌يمانيا ده‌وله‌تا قانوونێ د كۆنگره‌كێ رۆژنامه‌ڤانى ل ئاڤاهيێ جڤاتا نوونه‌رێن عيراقێ راگه‌هاند: هنده‌ك ژ وان سياسيێن حه‌سانه‌يا په‌رله‌مانى هه‌ين، داخۆيانيا دژى پێشمه‌رگه‌يى و حه‌شه‌د شه‌عبى و چه‌كدارێن عه‌شيره‌تان دده‌ن ئه‌وێن دژى داعش شه‌رى دكه‌ن.
گۆتژى: “ئه‌ڤ داخۆيانيه دژى په‌رژه‌وه‌نديێن گه‌لێ عيراقێ نه و بزاڤه‌كن بۆ نه‌هێلانا وره‌يا شه‌ركه‌ران و دروستكرنا ترسێ د ناڤ وه‌لاتيان دا، داخواز ژى ژ سه‌رۆكاتيا جڤاتا نوونه‌ران دكه‌ن حه‌سانێ ل سه‌ر هه‌ر په‌رله‌مانتاره‌كى راكه‌ت يێن د روويێ ميديايێ و لوجستيكى دا پشته‌ڤانيا داعش دكه‌ن.
داخواز ژ حوكمه‌تا عيراقێ ژى كر كو حه‌سانا له‌شكرى بدانيته سه‌ر وان شه‌ركه‌ران يێن دژى داعش شه‌رى دكه‌ن و ل ده‌مێ بجهئينانا ئه‌ركێ له‌شكرى دا روو ب روويێ سڤكاتيێ و لێدان و لێپرسينێ دبن و ديسا ب پێدڤى ژى زانى حوكمه‌ت هه‌موو ئه‌وان كه‌نالان دائێخن يێن بانگێشێ بۆ كارێن داعش دكه‌ن.