نێچيرڤان بارزانى و كوسره‌ت ره‌سۆل بزاڤێن چاره‌كرنا كێشا په‌كه‌كێ و پارتيا ديموكرات دده‌ن
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگري سه‌رۆكێ هه‌رێما كوردستانێ كوسره‌ت ره‌سۆل، بزاڤێن خوه دئێخنه پێش دا كو ره‌وشا د ناڤبه‌را حزبا ديموكرات و په‌كه‌كێ دا ئارام بكه‌ن و بڕيارا پێكئينانا ده‌سته‌كێ دايه.
تۆڕا ميديايى يا رووداو به‌لاڤكريه كو هه‌ر ئێك ژ نێچيرڤان بارزانى و كوسره‌ت ره‌سۆل كو ژبلى پۆستێن حكومى، كه‌سێن دويێ يێن پارتى ديموكراتى كوردستان و ئێكه‌تى نشتيمانى كوردستانن و د په‌يوه‌نديه‌كا تله‌فۆنى دا دانوستاندن ل سه‌ر ئالۆزيێن د ناڤبه‌را هه‌ردو پارتيان دا كريه و دێ بزاڤا لێك نێزيككرنێ كه‌ن.
ئاماژه ب وێ چه‌ندێ ژى كريه كو هه‌ردو لايان ته‌كست ل سه‌ر وێ چه‌ندێ كريه كو كێشه ب زووترين ده‌م بهێته چاره‌كرن و ده‌سته‌يه‌ك ژى بۆ چاره‌كرنا كێشێن ناڤبه‌را وان بهێته پێكئينان.
ژ لايێ خوه ڤه په‌رله‌مانێ كوردستانێ د به‌ياننامه‌كێ دا داخواز كريه كو هه‌ردو پارتيێن كوردستانى ل په‌رله‌مانێ كوردستانێ ڤێ كێشا خوه چاره بكه‌ن.
ژ لايێ خوه ڤه هه‌ر ئێك ژ پارتيا ديموكراتا كوردستانا ئيرانێ و پارتيا كرێكارێن كوردستانێ ئاماده‌يا خوه بۆ دانوستاندنێ ده‌ربڕيه.
پشتى بۆ ماوێ چه‌ند رۆژان ئابلۆقه داين، ئه‌ڤرۆ د ل ده‌ڤه‌را كێله‌شين گه‌ريلايێن په‌كه‌كێ هێرش كريه سه‌ر پێشمه‌رگێن پارتيا ديموكراتا كوردستانا ئيرانێ و ب گۆره‌يى ژێده‌رێن پارتيا ديموكرات چار ئه‌ندامێن وێ شه‌هيد بووينه.
نوكه ژى رووداو به‌لاڤكريه كو پێشمه‌رگێن پارتيا ديموكرات چووينه سه‌ر باره‌گايه‌كێ په‌كه‌كێ و ئه‌و ئابلۆقه شكانديه و چه‌ند گه‌ريلايێن په‌كه‌كێ ده‌سته‌سه‌ركرينه بێى كو ئاماژێ ب ژمارا وان بده‌ت.