ناتۆ داخواز ژ روسیا دكه‌ت هێرشێن خوه ل سووریێ راوه‌ستینیت
ئه‌ڤرۆنیۆز، ئه‌یاد به‌روارى
قۆلپا ناتۆ چوونا فرۆكێن روسی بۆ ئه‌سمانێ توركیا ب (كاره‌كێ گه‌له‌ك مه‌ترسی) هژمارت و داخواز ژ روسیا كر د جهدا هه‌موو هێرشێن خوه دژی ئۆپۆزسیۆنا سووری یا چه‌كدار راوه‌ستینیت.
قۆلپا ناتۆ پشتى ئه‌نجامدانا كۆمبوونه‌كا نه‌ئاسایی ل دۆر گرفتا سووری راگه‌هاند” ئه‌م ب توندێ سه‌رپێچیا فرۆكێن روسی بۆ ئه‌سمان و سه‌روه‌ریا توركیا شه‌رمزار دكه‌ین”.
بالیۆزێن 28 وه‌لاتێن ئه‌ندام د قولپا ناتۆ دا دلگرانیا وه‌لاتێن خوه ژ هه‌بوونا له‌شكری یا روسی ل سووریێ و هێرشێن ئه‌سمانی یێن روسی دیاركر كو بووینه ئه‌گه‌رێ په‌یدابوونا زیانان دناڤ وه‌لاتیێن سڤیل دا و ئارمانجێن وان هێرشان نه رێكخستیا (ده‌وله‌تا ئیسلامی – داعش-) بوو.
