ئه‌مریكا گه‌له‌ك ژ ڤان دو فرۆكێن روسی د ترسیت
ئه‌ڤرۆنیۆز، ئه‌یاد به‌روارى
رۆژنامه‌كا ئه‌مریكی لیسته‌ك ب ناڤێ مه‌ترسیترین چه‌كێ روسی به‌لاڤكر و ئاماژه دا كو دو جۆره فرۆكێن روسی یێن ب مه‌ترسی یێن هه‌ین.
رۆژناما (ناشینال ئه‌نترست) یا ئه‌مریكی د راپۆرته‌كا خوه‌دا دیاركر كو هه‌ردو فرۆكێن ( سو 35) و ( تو 22) مه‌ترسیترین فرۆكێن شه‌ڕكه‌ر یێن روسی نه، زێده‌باری فرۆكێن (مێگ 31) و (تو 95) یا ستراتیژی و ( سو 25) یا ته‌كتیكی.
رۆژناما ناڤبری ئاماژه دا كو فرۆكا (سو 35) یا روسی چه‌كه‌كێ ب هێز هه‌لدگریت كو دشێت ره‌فتارێ ل گه‌ل باشترین فرۆكا ئه‌مریكی و رۆژئاڤای بكه‌ت و هه‌تاكو فرۆكا جۆرێ ( ئێف 22) یا ئه‌مریكی یا پێشكه‌فتی.
ل دۆر فرۆكا (تو 22) رۆژناما ئه‌مریكی دبێژیت” دروستكرنا وێ فرۆكێ د ده‌مێ خوه‌دا گوهشینه‌ك ل بنگه‌هێن به‌ره‌ڤانیێ یێن ئه‌مریكی دروستكر، ژ به‌ر كو مه‌ره‌م ژ دروستكرنا وێ یا دیار نه‌بوو و وێ فرۆكێ مه‌ترسیه‌كا مه‌زن ل سه‌ر ئاسایشا نه‌ته‌وی یا ئه‌مریكی یا هه‌ی، ژ به‌ر كو له‌زاتیا فرۆكێن به‌ره‌ڤانیێ یێن ئه‌مریكی ژ له‌زاتیا وێ كێمتره و هه‌تا نوكه ژی ئه‌ڤ فرۆكه مه‌ترسیه‌كا مه‌زنه ل سه‌ر گه‌می و غه‌واسێن ئه‌مریكی هه‌یه”.
