مه‌رجه‌عه‌كێ شیعی به‌حسێ زڤستانا ئه‌تۆمی دكه‌ت
ئه‌ڤرۆنیۆز، ئه‌یاد به‌رواری
مه‌رجه‌عه‌كی شیعی هوشداری دا جیهانی ژ هه‌لبوونا شه‌ڕێ جیهانیێ سیێ هه‌كه پێكئینانا هه‌ڤپه‌یمانیان و ئالوگوركرنا گه‌فان دناڤبه‌را وه‌لاتێن زلهێز دا به‌رده‌وامبوو.
مه‌رجه‌عێ شیعی (ئایات الله محه‌مه‌د ته‌قی موده‌رسی) د خوتبه‌كێ دا ل باژێرێ كه‌ربه‌لا گوت” پێكئینانا هه‌ڤپه‌یمانیان و گه‌فێن هنده‌ك وه‌لات ل وه‌لاتێن دی دكه‌ن، دوور نینه ببیته ئه‌گه‌رێ شه‌ڕه‌كێ جیهانیێ وێرانكه‌ر كو هه‌موو بوونه‌وه‌رێن ل سه‌ر روویێ جیهانێ ژناڤ ببه‌ت ژ ئه‌گه‌رێ بكارئینانا چه‌كێن ئه‌تۆمی”.
ڤی مه‌رجه‌عێ شیعی گوت ژی” دڤێت هه‌موو وه‌لات خوه دوور بكه‌ن ژ (زڤستانا ئه‌تۆمی) كو دێ هه‌ر تشته‌كی ل سه‌ر روویێ ئه‌ردی ژناڤ به‌ت، هه‌كه ئێك ژ سه‌ركردێن جیهانێ شاش بوو و چه‌كێ ئه‌تۆمی بكارئینا”.
