10 خالێن گرنگ ل دەما کرینا ترومبێلەکا ب کارھاتی
ئەڤرۆ نیوز ، نەوزاد زادە ھلۆری:
بازارێ کرین و فروتنا ترومبێلان ئێکە ژ وان بازارێن کو زور ساختە و فێلبازی تێدا دھێنەکرن ، و بەری کرینا ھەر ترومبێلەکا ب کارھاتی لسەر بکری پێدڤی یە ھزاران حسابان بو بکەت داکو نەکەڤیتە د تەلھا سەختەکاران دا ، و ئەڤ یەک ژی پێدڤی ب چەند خالەکایە ھەکا کو کارێن ساختەیێن ترومبێلان بھێنە نیاسین.
ئەگەر تە ڤیا ترومبێلەکا ب کارھاتی بکری دڤێت گەلەک یێ ھوشیار و لسەر خوە بی ، ژبەرکو زور جاران فروشیار یاریان ب پیڤەریێن چوونا ترومبێلێ دکەت و ئەڤە د دەمەکێ دا کو دبیت ئەو ترومبێل زور ھاتبیتە بکارئینان و دێ ب حیسابا بھایێ ترومبێلەکا کێم ب کارھاتی ھژمێریت و دێ فروشیتن ، ژبەرڤێ پێدڤی یە ئەڤ خالە بەرچاڤ بھێنە وەرگرتن.
1- ب شێوەیەکێ ناڤنجی ترومبێل سالانە ( 20 ) ھزار کیلومەتران دبریت و ئەگەر تە ڤیا ترومبێلەکێ بکری و ژیێ وێ (5) سال بیت و پیڤەرێ کیلومەترا وێ ل خوار ( 90 ) ھەزار کیلومەتران بیت ، و ئەڤێ بکە خالەک بو دوڤچوونێ و گەلەک پرسیاران دڤی واریدا بکە چونکی ب شێوەیەکێ ئاسایی ترومبێل ( 100 ) کیلومەتران دایە ، و لڤی دەمی ترومبێل دێ گەلەک مەزاختن لێ ھێنەکرن ، و ھەر چەندە ئەڤ یەک ژی لگورەی جور و چەوانیا بکارئینانا وێ ڤەیە کو ب ساناھی ھەست بڤێ یەکێ دھێتەکرن ئەرێ ئەڤ ترومبێلە یا ماندویە یان ژی نە ؟
2- ئێکەمین تشت کو پێدڤی یە لسەر راوەستین . خاوەنداری و بەلگەنامەیێن تورمبێلی َنە وەکو ژمارە و سالنامە و ھەر بەلگەنامەکا دن ، و ھەروەسا بەراورد کرنا وان ژمارێن لسەر سالنامێ و لسەر ئرومبێلی َھەیی وەکو ژمارا شاسی و بزوێنەرێن وێ ، دگەل مودێلا ترومبێلێ ، و ئەڤە ژبلی وێ یەکێ کو دڤێت ئاگەھدار بیت کو ئەڤێ ترومبێلێ ئاریشەیێن تایبەت ھەیە ؟ ، و وەکو ماوەیێ قستان یان قەرێن لسەر وێ و کا ئەرێ خودانێ ترومبێلێ د ژیاینێ دامایە؟
3- پشکنینێن تەمام بو بودیا ترومبێلێ داکو بزانین چەند ژێ ھاتیە بویاغکرن و یان چەند ژ پارچێن وێ ھاتینە گوھرین ، و ھەروەسا دڤێت ب ھوربینی بزانین ژ وێ یەکێ کا ئەڤ ترومبێلە توشی رودانان ھاتیە یان نە ؟ کا جورێ رودانێ وێ چی یە ژبەرکو ھەر گوھرینەک ژ پارچێن ترومبێلێ دێ بھایێ ترومبێلی ئینیتە خوارێ ژ بھایێ کرین و بھایێ راستەقینەیا ترومبێلێ ، بو زانینا جھێ رودان لسەر ھاتیەکرن یان ھەبوونا ھەر بویاغکرنەکێ دکارن مفای ژ موگناتیسەکێ بچوک وەربگرن.
4- ب ھوری سەحا پایدەرێن وێ بکە چونکی پایدەرێن ترومبێلێ ب چینەکا لاسیکی ھاتیە داپوشین تایبەتی پایدەرێن ستوپی ، زور بکارئینانا وێ دێ بیتە ئەگەرا حەلیان و چوونا چینێن لاستیکان ، و ئەڤە یەک ژی دشیان دایە ببیتە ئەگەرا زانینا چەنداتیا بکارئینانا ترومبێلێ.
5- بزوێنەرێن وێ بێخە کار و گوھداریا دەنگێن نە ئاسایێن وێ بکە ، و سەحا گزوزێ وێ بکە بزانە کا دوکێلا سپی یان شین ناھاڤێژیتە دەرێ ؟ ، و سەرکێ قەباغا رونێ وێ بکە کو ھەردەم دکەڤیتە لسەراڤا بزوێنەری و ڤە بکە و بزانە کا رونی بزوێنەرێ وێ ھەلمی َدکەت یان کا چەندێ دکەت و زێدەبونا ھەلما رونی نیشانا خەلەلێ یە د بزوێنەری دا.
6- ئەگەر ترومبێلێ تەبرید تێدابوو پێویستە د جھدا بھێتە تاقیکرن و ل چەوانیا وی َپشتراست بین.
7- پشکنینا تایران . ب شێوەیەکێ ئاسایی نابیت کویراتیا گرنجا تایران ژ ( 5 ) ملم واتە نیڤ سانتیمەترێ کێمتر بیت ، ب تایبەتی د وەرزێ زستانێ دا ، و ھەر لەزاتیەک د تایرەیدا بھایێ ترومبێلێ کێم دکەت.
8- پشتی ئەڤان پێنگاڤان پێدڤی یە کەسێ ترومبێلێ دکرین یان کەسەکێ دن یێ شارەزایێ لێخورینا ترومبێلێ بو دەمەکێ ترومبێلێ ب ھاژوت ، و باشترە کو لسەر جاددەیەکا چەپ و خوار یان یا نەقێرکری بیت ھەتا کو بزانیت کا ل پێشی و پاشیا ترومبێلێ چوو دەنگ و تەقەتەق لێ ناھێن ، یان ژی دەبلێن وێ لاواز نەبوینە ، و بزانیت کا شیانێن ستوپ گرتنا وێ چەوایە ، و ھەرەسا بزانیت کا ھەست ب بزوێنەر و شاشیێن گێربوکسی دکەت.
9- ئەڤە و چەندین خالێن دن وەکو پشکنینا لایت و کارەبا و بارودوخی َنافخوەیا ترومبێلێ.
10- یا ژ ھەموان گرنتر بێی پرسیارا کەسەکێ شارەزا چو بھایا بو ترومبێلێ نەھێنە دانان.