يانا دهۆك پێشڤه‌هاته سه‌رێ ليستا خولێ
ئه‌ڤرۆ نيوز، نيوار محه‌مه‌د سه‌ليم:
تيما ته‌پا پێ يا يانا دهۆك يا پشكدار د حولا نايابا عيراقێ دا گرۆپێ دويێ دا، پشه‌ركه‌فتنه‌كا گرنگ ل ياريگه‌ها خوه ل سه‌ر تيما حدود تۆمار كر و ب ڤێ چه‌ندێ ژى پێشڤه‌هاته سه‌رێ ليستا خولێ.
ل نيڤا ئێك ياريه‌كا ئاست ناڤه‌ندى ژ لايێ هه‌ردو تيمان ڤه دهاته ئه‌نجام دان، هه‌تا ده‌قيقا 30 دادڤانێ ياريێ په‌نه‌لتيه‌ك بۆ دهۆك هه‌ژمارت پشتى ياريكه‌رێ وێ سالح سه‌دير ل ناڤ ده‌ڤه‌را په‌نه‌لتيێ كه‌فتى، به‌رى هه‌مان ياريكه‌ر گۆلا ئێكێ ژ ئه‌نجامێ وێ په‌نه‌لتيێ تۆمار بكه‌ت ل ده‌قيقا 31 و نيڤا ئێكێ ب ڤى ئه‌نجامى ب دووماهى هات.
د نيڤا دويێ دا، سه‌ره‌راى بزاڤێن خه‌ردو تيما، خودانا ئه‌ردى بۆ پشتراستكرنا سێ خالێن ياريێ و مێڤاندارا وێ بۆ وه‌كهه‌ڤكرنا ئه‌نجامێ ياريێ، به‌لێ يا بێ ئه‌نجام بوو و نيڤا دويێ ژى بێ ئه‌نجام ب دووماهى هات و ب ڤێ چه‌ندێ ژى دهۆك سه‌ركه‌فت ب گۆله‌كێ بێ به‌رامبه‌ر.
نوكه يانا دهۆك ب 10 خالان ل سه‌رێ ليستا ڤێ كۆمێ دهێت ب كێميا ياريه‌كێ و يانا ته‌له‌به ب كێمتر ب خاله‌كێ ل رێزا دويێ دهێت.
دوهى ژى هه‌ولێر د ياريا خوه يا ئێكێ دا ژ كۆما ئێكێ سه‌ركه‌فتن ل سه‌ر تيما زاخۆ ب سێ گۆلان به‌رامبه‌ر گۆله‌كێ ل ياريگه‌ها خوه تۆمار كر.
