هه‌ڤژين نابيت ل ده‌مێ سكسى جلكان ژ به‌ر خوه بكه‌ن
ئه‌ڤرۆ نيوز:
سعودى تووشى شوكێ بوون ده‌ما گوهـ لێ بوويى كو فه‌توايه‌ك يا ب ناڤێ د. عه‌لى رۆبه‌يعى ل تۆڕێن جڤاكى هاتيه به‌لاڤكرن و ئاماژه ب وێ چه‌ندێ كرى “ل ده‌مێ ل سه‌ر جهى هه‌ر ژنه‌كا جلكێن خوه بێخيت، هه‌ڤژينيا وان نامينيت”.
ئه‌ڤ فه‌توايا رۆبێعى سوحبه‌ته‌كا نوو نينه و چه‌ندين جاره ل تۆڕێن جڤاكى و ل سعودێ گه‌نگشه بۆ ماوێن درێژ ل سه‌ر هاتيه كرن، به‌لێ هه‌تا نوكه ژى نه‌هاتيه ئێكلاكرن.
رۆبێعى كه‌ساتيێ ناڤدارێ سعودى و خودانێ 27 پرتووكان د وارێ په‌ره‌پێدانا هه‌ستياريا مێشكى و دامه‌زرێنه‌رێ پرۆگرامه‌كێ ب ناڤ و ده‌نگێ ڤه‌ژاندنا مێشكێى يه و بسپۆره‌كێ نێڤده‌وله‌تى يه د ڤى وارى دا.
ناڤبرى راگه‌هاند كو ئه‌وى چ فه‌توايێن ژ ڤى ره‌نگى نه‌داينه و چو جاران يێ ئاماده ژى نينه چو فه‌توايان ب ده‌ت و كارێ وى نه ئه‌وه و جهێن تايبه‌ت ب فه‌توايێ يێن هه‌ين وێ بڕيارێ بده‌ن، “هنده‌ك كه‌س ب تنێ بۆ كێمكرنا ناڤێ من و دژاتيكرنا من ڤان ره‌نگه ئاخفتنان به‌لاڤ دكه‌ن”.
