مەفرەزێن پێشمەرگەی چار سیخور ل شنگالێ گرتن
دھۆک، تایبەت:
فەرماندێ ھێزا پێشمەرگەی ل چیایێ شنگال بۆ ئەڤرۆ دیار کر کو چار سیخورێن خۆفرۆش ژ لایی مەفرەزێن پێشمەرگەی ڤە ھاتنە گرتن د ناسنامێن وان دا یا نڤیسی ئێزدی و گۆت “ھەکە ب دروستاھی ئێزدی بن دێ گەھنە سزایێن خوە یێن دادپەروەرانە”.
قاسم شەشۆ فەرماندێ ھێزا پێشمەرگەی ل چیایێ شنگال دیار کر کو رەنگە ئەڤ چار سیخۆرێن ھاتینە گرتن ژ خێزانێن خۆفرۆش بن و ھەکە دروستاھی ئێزدی بن، ئانکو ناسنامێن وان نە سەختە بن دێ ڤەکۆلین ل گەل ھێتە کرن و دێ گەھنە سزایێن خوە.
فەرماندێ ھێزا پێشمەرگەی ل چیایێ شنگال دیار کر ژی پشتی دوھی 28\10 شەرەکێ دژوار د ناڤبەرا ھێزێن وان و چەکدارێن داعش دا روو دای خۆکوژێن داعش ھاتنە شکاندن و ھەموو ژی ھاتنە کوشتن و ھێزین پێشمەرگەی شیان دوشەک و دو قەناس و پێنج کلاشینکوفان و چەندین جۆرین دی ژ چەک و تەقەمەنیان ژ خۆکوژێن داعش بستینن و گۆت “ھەڤالێن مە یێن قارەمان وێنە کریە کا چەوا ئێدی خۆکوژێن داعش نەشێن شەری بکەن و خوە ل بەر سینگێ پێشمەرگێ قارەمان ناگرن”.