ژڤانێ ئه‌نجامێن پۆلێن 9ى و 12ێ هاته ئاشكه‌را كرن
ئەڤرۆ نيوز:
وەزیرێ پەروەردا حوکمەتا ھەرێما کوردستانێ ئاشکرا کر کو بەری جەژنا قۆربانی دێ ئەنجامێن ئەزموونێن خولا دویێ یێن قووناغێن 9ێ بنەرەت و 12 ئامادەیی ھێنە راگەھاندن.
د. پشتیوان سادق، وەزیرێ پەروەردا حوکمەتا ھەرێما کوردستانێ دیار کر کو ژ بەر وان کاودانێن ب سەر ھەرێما کوردستانێ دا ھاتین گەلەک ھاریکاریا قوتابیان ھاتیەکرن و بۆ رووداو گۆت: “ئەڤ سالە ب بھایێ کێمتر ژ حەفت ملیۆن دۆلاران پرتووک بۆ قوتابخانان ھاتینە چاپکرن و ل بەرە ل دەستپێکا ھەیڤا بھێت ئەو پرتووک ب گەھنە ھەرێما کوردستانێ”.
ئەڤ سالە 263 ھزار و 954 قوتابیێن قووناغێن 9ێ بنەرەت و 12ێ ئامادەیی و پێیشەی ب چاڤدێریا 54 ھزار و 301 چاڤدێر و رێڤەبەر و ھاریکاران ل چار ھزار و 270 ھۆلان خۆلا ئێکێ یا ئەزموونان ئەنجام دا.
ناڤھاتی ئاماژە دا وێ چەندێ کو ھەر قووتابیەکێ تێکرایا نمرێن وی یێن ئەڤ سالە ب دلی نەبیت دشێت ل سالا بھێت یا خواندنێ 2016 – 2017 پشکداریێ د ئەزموونان دا بکەت ب مەرجەکی ئەڤ سالە ھەموو ئەزموون ئەنجام دابن و دەرچووبیت.