عه‌بادی هیڤی ژ پارێزگارێ كه‌ركووكێ كرن ئالایێ كوردستانێ بئینیته خوار
ئه‌ڤرۆ نیوز:
سه‌رۆكوه‌زیرێن ئیراقێ د پرێسكۆنفراسێ خوه دا ئه‌ڤرۆ ل به‌غدا پتر ژ جاره‌كێ ژ پارێزگارێ كه‌ركووكێ خواست ئالایێ كوردستانێ ل سه‌ر داموده‌زگه‌هێن باژارێ كه‌ركووكێ بئینیته خوار.
حه‌یده‌ر عه‌بادی گۆت: نها پارێزگارێ كه‌ركووكێ و جڤاتا وێ پارێزگه‌هێ ده‌لیڤه هه‌یه ژ بریارا خوه لێڤه ببن هیڤیدارم ئالایێ كوردستانێ ل كه‌ركووكێ بئینه خوار.
هه‌روه‌سا عه‌بادی گۆت ژی: بلندكرنا ئالایێ كوردستانێ ل كه‌ركووكێ بریاره‌كا تاكئالی یا ئه‌ندامێن كورده ل جڤاتا كه‌ركووكێ و عه‌ره‌ب و توركمان د گه‌ل نه‌بووینه.
