20 بەنداڤ دێ بۆ نەمانا مەترسیا کێمیا ئاڤێ ھێنە دروستکرن
ئەڤرۆ نيوز:
وەزیرێ چاندنێ و ژێدەرێن ئاڤێ ل حکوومەتا ھەرێما کوردستانێ ئاشکرا کر، دروستکرنا بەنداڤا ژلایێ تورکیا و ئیرانێ ڤە مەترسیا کێمیا ئاڤێ ل کوردستانێ دروست کریە و ھەتا ئەو ئاڤێ بەرنەدەن، مەترسیا ئاڤێ دوماھیک ناھێت.
عەبدولستار مەجید وەزیرێ چاندنێ و ژێدەرێن ئاڤێ بۆ ئەڤرۆ خویا کر، ئاریشا ئاڤێ نەھاتیە چارەکرن و مەترسیا وێ یا بەردەوامە و دروستکرنا بەنداڤا ل تورکیا و ئیرانێ زیان گەھاندیە ئاڤێ ل کوردستانێ و من باوەری نینە ئەو دەستا ژڤێ چەندێ بەردەن، ئەگەر ل گەل وان رێک بکەڤین ژی دەمکی یە و جارەکا دی رێکێ ل وێ ئاڤێ دگرن کو دھێتە کوردستانێ.
وەزیرێ چاندنێ و ژێدەرێن ئاڤێ گوت ژی: پێدڤیە ئەم پتر گرنگیێ ب دروستکرنا بەنداڤێن خوە ب دەین ل کوردستانێ نھا 20 بەنداڤ ل کوردستانێ دھێنە دروستکرن بۆ کۆگەھکرنا ئاڤێ 16 ھاتینە تەمامکرن ئەڤ بەنداڤە دێ ل دووڤ پێدڤیا دەڤەران ھێنە دروستکرن بەنداڤێن سەرەکینە ئەم دکارێن ئاڤا پێدڤی دابین بکەین.
عەبدولستار ئاشکرا کر، پشتی تمامبوونا بەنداڤێن کوردستانێ مە پێدڤی ب ئاڤ گرتنا تورکیا و ئیرانێ نامینیت و دێ ژ ئاریشا کێم ئاڤیێ دوماھیک ھێین و مە چ رێیەک نینە ژبلی چارەسەریا وان وان بەنداڤا ل کوردستانێ.