جاره‌كا دى كومسیونێ ده‌ما پروپاكندێن هه‌لبژاردنان پاشئێخستن
ئه‌ڤرۆ نیوز ، نه‌وزاد هلۆرى:
بو جارا دوویێ كومسیوونا بلند یا هه‌لبژاردن و راپرسیێ ده‌ما پروپاكندێن هه‌لبژاردنان بو په‌رله‌مان و سه‌روكاتیا هه‌رێما كوردستانێ پاشئێخستن.
بریار بوو كو 17 چریا ئێكێ 2017 ده‌ما پروپاكندێن هه‌لبژاردنان بو هه‌لبژاردنێن سه‌روكاتیا هه‌رێما كوردستانێ و په‌رله‌مانێ كوردستانێ بهێنه‌كرن كو بریاره ل ئێكێ چریا دوویێ بهێنه ئه‌نجامدان.
ل گوره‌ى زانیاریێن ئه‌ڤرۆ نیوز د كومبوونا ئه‌ڤرۆ یا كومسیارێن كومسیوونێ دا بریارهاته‌دان كو بو جارا دوویێ ده‌ما پروپاكندێن هه‌لبژاردنان بهێنه پاشئێخستن و ل شوونا 17ێ مه‌هىێ ل 18ى َمه‌هێ بهێنه‌كرن.
هه‌تاكو نها چوو لایه‌نێن سیاسیێن كوردستانێ هه‌لویستێن خوه‌یێن ئێكلاكه‌ر و روون نه‌راگه‌هاندنیه بو ئه‌نجامدان یان پاشئێخستنا هه‌لبژاردن و ئه‌گه‌رێ ژى دزڤرینن بو بارودوخێ هه‌رێما كوردستانێ و ئه‌وان گورانكاریێن كو دناڤبه‌را هه‌رێما كوردستان و عیراقێ هاتینه‌كرن.
