بو قوتابیان : سكالا و نه‌رازیبوونێ ب رێیا ئه‌ڤى مالپه‌رى تومار بكه
ئه‌ڤرۆ نیوز ، نه‌وزاد هلۆرى:
پشتى كو هژماره‌كا قوتابێن رێزا 12ێ ئاماده‌یى په‌یوه‌ندى ب ئه‌ڤرۆ نیوز كرى ل بارا چه‌وانیا توماركرنا سكالا و تانه‌یێن نه‌رازیبوونێ ئه‌نجامێن وه‌رگرتنا ناڤێن خوه ل زانكو و په‌یمانگه‌هان ، پشتى كو چه‌ند شاشى دناڤێن وان دا هاتینه‌كرن و هژماره‌كا قوتابیان ژى ناڤێن وان ل چوو زانكو و په‌یمانگه‌هان نه‌هاتینه وه‌رگرتن ، ئه‌ڤرۆ نیوز ب فه‌ردیت دوڤچوونێ لسه‌ر كێشه‌یا وان قوتابیان ل وه‌زاره‌تا خواندنا بلند و ڤه‌كولینێن زانستى بكه‌ت.
عه‌باس ئه‌كره‌م دزیى ئاخففتنكه‌رێ وه‌زاره‌تا خواندنا بلند و ڤه‌كولینێن زانستى دیاركر كو ئاریشه ل هه‌موو كوردستانێ هه‌یه و بو ئه‌ڤرۆ نیوز گۆت: ( وه‌زاره‌تا خواندنا بلند و ڤه‌كولینێن زانستى ناڤێن قوتابیێن كو ل زانكو و په‌یمانگه‌هان هاتینه وه‌رگرتن ب رێیا سیسته‌مێ زانكولاین به‌لاڤكرینه ، به‌لێ پشتى كو هژماره‌كا زور یا قوتابیان ناڤێن وان نه‌زڤرین یان شاشى دهاتنا ناڤێن وان هاتینه‌كرن یان ژى ئه‌و زانكو و پشكا بو وى هاتى ب دلێ وى نینه ، نه‌چاربووین پێداچونه‌ڤه‌یه‌كێ د سیسته‌مى دا بكه‌ین ، بو ڤێ مه‌ره‌مێ راوێژكار و رێڤه‌به‌رێن گشتیێن وه‌زاره‌تا خواندنا بلند و ڤه‌كولینێن زانستى و رێڤه‌به‌ریا گشتى یا فه‌رمانگه‌ها خواندن و پلاندانان و دوڤچوون و رێڤه‌به‌ریا ناڤه‌ندا وه‌رگرتنا قوتابیان كومبوون ئه‌نجامدان و تێدا هه‌موو ئاریشه و چاره‌سه‌ركرنا وان ئاریشه‌یان هاتنه به‌حسكرن و دیاربو كو گه‌له‌ك شاشى د سیسته‌مى دا هه‌نه و سالانه دوباره دبین به‌لێ ئه‌و شاشى گه‌له‌ك كێمتربوون ژ سالێن بورى ، گه‌له‌ك ژ وان شاشیان ژى په‌یوه‌ندى ب قوتابیان ڤه هه‌یه و ل ده‌ما پركرنا فورم و پیشكێشكرنێ شاشى كرینه )
زێده‌تر گۆت: ( ئه‌و قوتابیێن كو ناڤێن وان هاتین به‌لێ ب دلێ وان نینه ، پێدڤى یه ئه‌و سكالایێ تومار بكه‌ن ل وى جهێ كو ناڤێ وى تێدا هاتیه ، و ده‌ست ب ده‌واما خوه بكه‌ن هه‌تاكو ئه‌نجامێ سكالا وان دزڤریت ، و ئه‌وێت كو ناڤێت وان ژى نه‌هاتینه پێدڤى یه راسته‌وخو سكالایێ تومار بكه‌ن ، بو ڤێ مه‌ره‌مێ ژى دێ ل چه‌ند رۆژێن بهێت ده‌رگه‌هێ توماركرنا سكالا و تانه‌لێدوانێ لسه‌ر مالپه‌را زانكولاین هێته‌ڤه‌كرن و قوتابى دكارن ب رێیا ئه‌وى مالپه‌رى سكالایێن خوه تومار بكه‌ن و تانه‌یێن نه‌رازیبوونێ بدانن )
ناڤبرى دیاركر ژى كو چوو قوتابى په‌یوه‌ندیێ ب مالپه‌ر و په‌یچ و ئاكاوتنێن ده‌رڤه‌یێ وه‌زاره‌تێ نه‌كه‌ن و زانیاریێن وان د شاشن ، و گۆت ژى: ( تاكه مالپه‌ر و په‌یچێن كو سه‌ر ب وه‌زاره‌تا خواندنا بلند و ڤه‌كولینێن زانستیه كو قوتابى بكارن په‌یوه‌ندیێ پێ بكه‌ن بو توماركرنا سكالا و تانه‌یێن نه‌رازیبوونێ ئه‌ڤێن ل خوارێ نه www.mhe-krg.org ، www.facebook.com/mhekrg)
وه‌رگرتنه‌ن