ئاسايشێ بازگه‌هه‌‌ك راده‌ستى حه‌شدا شه‌عبى نه‌كر
ئه‌ڤرۆنيۆز ،عه‌زیز هه‌ورامی:
سپێده‌يا ئه‌ڤرۆ شه‌مبيێ 2/12/2017 هێزه‌كا له‌شكرێ عيراقێ وحه‌شدا شه‌عبى هاتنه بازگه‌ها شێخ باوه‌ى ل سنورى ئيدارا گه‌رميان وداخوازكر ئه‌و بازگه راده‌ستى وان بهيته كرن، رێڤه‌به‌رێ ئاسايشا گه‌رميان ژى دبێژيت پشتى نه‌راده‌ستكرنا وێ بازگێ، هێزێن عيراقى خوه ڤه‌كێشا.
نه‌وشيروان ئه‌حمه‌د رێڤه‌به‌رێ گشتى يێ ئاسايشا گه‌رميان بۆ ئه‌ڤرۆنيۆز گۆت، ئه‌ڤرۆ سپێدێ هێزه‌كا هه‌ڤپشك يا له‌شكرێ عيراقێ وحه‌شدا شه‌عبى هاتنه بازگه‌ها شێخ باوه‌ى يا ئاسايشێ ل كه‌لار ل سنورێ ئيدارا گه‌رميان وداخواز كر وێ بازگه‌هێ راده‌ستى وان بكه‌ين.
گۆت ژى، مه ژلايێ خوه‌ڤه په‌يوه‌ندى ب لايه‌نێن سه‌ر خوه‌ڤه كردئه‌نجامدا مه بازگه‌ه راده‌ستى وان هێزێن عيراقى نه‌كر وپاشى وان هێزان بێ دروستبوونا گرژيان خوه ڤه‌كێشا.
