جەمال كوچەر: كورد و سونە نەچوونە دهولا پەرلەمانی ڤه
ئەڤرۆنیۆز، سالار دۆسكی:
جەمال كۆچەر ئەندامێ پەرلەمانێ عیراقێ ژ فراكسیونا ئێكگرتوو ئیسلامی كوردستانی بۆ ئەڤرۆ نیۆز گۆت، ره‌فتار ل گەل كوردان وەكو پارێزگەه دهێـتەكرن و بۆدجا كوردان هاتیە كێمكرن لەوما كورد نەرازیبووینە و نەچووینە دروونشتنا پەرلەمانی دا یا تایبەت ب بۆدجێ ڤە.
جه‌مالى گۆت ژى، عەربێن سونە ژی نەرازی بوويه‌ن ژوێ پشكا بۆ هاتیە دانان كو وەك هەر سالێن بۆری بو، ئەو دبێژن دڤێت یا مە بهێتە زێدەكرن، چونكى دەڤەرێن مە هاتینە وێرانكرن، دیسا هندەك ئەندامێن پەرلەمانی كو نوونەرێن بەسرا بوون ئەو ژی نەچووینە ژۆر كو پارێ پەترۆل دۆلارى بۆ دیارنەكریە كا ب ئاشكرا دێ چەندێ دەنێ، لەوما هژمارا قانوونی يا ئه‌ندامێن په‌رله‌مانى تەمام نەبوو و روونشتن نەهاتەكرن.
كوچەری ئەو ژی دیاركركو سەلیم جەبوری سەرۆكێ پەرلەمانی نەچاربوو بچیتە دناڤ ئەندامێن پەرلەمی دا ئەوێن ژدەرڤەی هولا پەرلەمانی و خواست بهێنە ژۆر وگۆت وان دێ بابەتێ بۆدجێ ژناف راكەين و دێ بابەتێ هەلبژارتنان بەحس كەین و گەنگەشێ كەین و بڤی رەنگی پەرلەمان نوكە روونشتیە.
هێشتا گۆت، دڤێت بۆدجە بهێتە خواندن، یان دێ بۆ حوكمەتێ ڤەگه‌رینين كو هەر دو ئالیێن سونە و كوردان رازی بكەت، یان ژی شیعە هەموو ب ئێك دەنگ پەسەند بكەن.
هێشتا گۆت، چو دەستكاری دبۆدجا كوردان دا نەهاتیەكرن و هەر 12.67% يه.
