لقا ئێك ده‌ست ب ڤان گوهۆرينان كر
ئه‌ڤرۆ نيوز:
ژبو زێده‌تر بهێزكرنا بوارێ رێكخستنێ و كارێ پارتایه‌تى، و هه‌ڤنیاسینا جه‌ماوه‌رى، ولدیف به‌رنامێ هاتیه دارشتن ژلایێ لقێ ئێكێ پارتى ڤه بو ئالوگوركرنا پوستێن به‌رپرسێن لژنێن ناوچێن سه‌ر ب لقێ ڤه، ب ئاماده‌بونا سه‌ربه‌ست تروانشى ئه‌ندامێ جڤاتا سه‌ركردایه‌تیا پارتى و به‌رپرسێ لقێ ئێك،و كارگێرێن لقێ (سه‌لام حه‌مید و دكتور شێركو)، هژماره‌ما به‌رپرسێن نوى هاتینه دانان بو لژنان ده‌ست بكاربون ژ وان (یوسف صه‌برى بو به‌رپرسێ لژنا ئازادى،ئیسماعیل حه‌مو كه‌مه‌كى لژنا سێمێل،به‌یار سه‌فه‌ر لژنا ئالا، وه‌حید ئیبو لژنا به‌رخودان، یونس هاجانى لژنا ته‌ناهى، زوبێر عه‌بدولا لژنا دهوك، مسته‌فا هیرو لژنا شوره‌ش، رزگار كه‌مه‌كى لژنا سه‌رهلدان).
د رێوره‌سمێن ئالوگوركرنا به‌رپرسێن ناوچان دا، سه‌ربه‌ست تروانشى دگه‌ل ستافێ كارگێریا لژنان و به‌رپرسێن رێكخراوان، چه‌ند رونكرن به‌ردانه سه‌ر ره‌وشا نوكه یا هه‌رێما كوردستانێ و دیاركر ژبو ده‌ربازكرنا ره‌وشا هه‌ستیارا هه‌رێمێ، ملله‌تێ مه پێتڤى ب ئێك هه‌لویستى و ئێكرێزیێ یه، هه‌روه‌سان دیاركر سه‌ره‌رایى سه‌ره‌ده‌رى و سیاسه‌تا خه‌له‌تا به‌غدا به‌رامبه‌ر خه‌لك و حكومه‌تا هه‌رێما كوردستانێ دكه‌ت لێ هه‌رێم خودان پێگه‌هه‌كێ باوه‌رپێكرى و بهێزه ل سه‌ر ئاستێ وه‌لاتێن ئه‌قلیمى و ئه‌وروپى و ئه‌مریكا.
پاشان به‌رپرسێ لقێ ئێك، پره‌نسیبێن ئالوگورى و گهورینان دناف هه‌ر سیسته‌م كارو رێكخستنه‌كا ئیدارى یان حزبى دا، ب گرنگى دانه زانین نه‌خاسمه دناف رێكخستنا پارتى دا، گوت پارتى هه‌رده‌م دگه‌ل نویكرن و پێشڤه برنێ یه و باوه‌رى ب ڤى پره‌نسیپى هه‌یه.
هه‌روه‌سان سه‌ربه‌ست تروانشى خاست،كادرێن پارتى هه‌رده‌م به‌رژه‌وه‌ندا گشتى و نه‌ته‌وه‌یى ل پێش هه‌ر به‌رژه‌وه‌نده‌كا دى ببینن، ژبه‌ر كو دامه‌زراندنا پارتى بو ڤێ ئارمانجێ بویه، له‌ومان دڤێت هه‌ر قوناغه‌كێ دا كادرێ پارتى نموونه و پێشه‌نگ بیت و هه‌ست ب به‌رپرسیاره‌تیێ بكه‌ت به‌رامبه‌ر گه‌ل و وه‌لاتى.
ل دوماهیێ به‌رپرسێ لقێ ده‌ستخوشى ل به‌رپرسێن ناوچان كر و شیان و كارێ وان یێ پارتایه‌تى بلند هه‌لسه‌نگاند و داخازا سه‌ركه‌فتنێ بو وان خاست ل جهێن وان یێن نوى.
