سه‌در دێ لیوایه‌كا تایبه‌ت بۆ قودسێ دا‌مه‌زرینیت
ئەڤرۆ نیۆز،زنار تۆڤی:
چه‌كدارێن سه‌رایا سه‌لام یێن سه‌ر به موقته‌دا سه‌در ڤە، لیوایه‌كا دیتر یا تایبه‌ت ب قودسێ ڤە یا ب ناڤێ قودسیێن سه‌در راگه‌هاند، بۆ هندێ گه‌نجێن خۆبه‌خش یێن عێراقی، بچنه ناڤ ریزێن وێ.
ل دووڤ راگه‌هاندنەکا، سه‌رایا سه‌لام، ئه‌بو دوعا عیساوی،هاریکارێ موقته‌دا سه‌دری، كۆمبوونه‌کا بەرفرەه و ب لەز ل گه‌ل به‌رهنگاربوونا ئیسلامی، سه‌رایا سه‌لام و به‌رپرسێن وێ هێزێ ئه‌نجامدایه.
هەروەسا عیساوی د وێ كۆمبوونێدا گوتیە شه‌هید سه‌ید محه‌مه‌د سه‌در گوتیە نه‌خێر نه‌خێر بۆ ئه‌مه‌ریكا.. نه‌خێر نه‌خێر بۆ ئیسرائیل و رایگه‌هاندیه، ب ئەگەرێ بڕیارا تره‌مپی، سه‌در بریاردایە ببیته ئێکەم سه‌رباز بۆ ئازادكرنا قودسێ ئۆرشه‌لیم نه‌كو سه‌ركرده.
دیسا عیساوی د وێ كۆمبوونێدا ئاشكراكریه، بنگەهێ ناڤ نڤێسینا خۆبه‌خشان دێ ب رێیا تیمەکێ تایبه‌ت ل پارێزگەهان هێتە ڤەکرن و دێ موجاهدان نڤێسن بۆ هندێ کو لیوایه‌كا تایبه‌ت ب ناڤێ قودسیێن سه‌دری پێكبینن.
