هێمن هه‌ورامى پرسياره‌كێ ژ عه‌بادى دكه‌ت
ئه‌ڤرۆنيوز:
شيره‌تكارێ سه‌رۆك بارزانى، هێمن هه‌ورامى، ل دۆر هه‌بوونا سه‌رۆكێ ميليشيايه‌كا عيراقى ل رۆژئاڤايا سووريێ، پرسياره‌كێ ژسه‌رۆك وه‌زيرێن عيراقێ حه‌يده‌ر عه‌بادى دكه‌ت.
هێمن هه‌ورامى، دبه‌رپه‌رێ خوه ل سه‌ر تويته‌رى پارچه‌كا ڤيديۆيى به‌لاڤكريه وتێدا “قه‌يس خه‌زعه‌لى” سه‌رۆكێ ميليشيا “عه‌سائيب ئه‌هلولحه‌ق” يا سه‌ر ب حه‌شدا شه‌عبى ڤه ل گه‌ل هنده‌ك سه‌ركردێن ميليشيا حزبوللا يا لوبنانى، كو ئيران پشته‌ڤانيێ ل وان هه‌ردو ميليشيا دكه‌ت، ل رۆژئاڤايێ سووريێ ل نێزيك جۆلان ده‌ردكه‌ڤن وتێدا خه‌زعه‌لى به‌حسێ ئيسرائيلێ دكه‌ت.
هه‌ورامى دتويته‌رێ خوه دا دنڤيسيت” سه‌رۆكێ گرۆپا عه‌سائيب ئه‌هلولحه‌ق ل گه‌ل ئه‌ندامێن حزبوللا ل سووريێ يێ راوه‌ستيايه”.
ناڤبرى پرسياره‌كێ ئاراسته‌ى سه‌رۆك وه‌زيرێن عيراقێ، حه‌يده‌ر عه‌بادى دكه‌ت و دبێژيت”عه‌بادى كو فه‌رماندێ گشتيێ هێزێن چه‌كداره، دشێت شرۆڤه بكه‌ت كا ئه‌و گرۆپه ل وێرێ چ دكه‌ت ؟”.
گۆت ژى” ئايا ئه‌و گرۆپه دبن كونترۆلێ دايه وئايا گوهێ خوه دده‌ته وى؟”.
