قوتابيێن تيكرايێ وان 55% دشێن ل ڤان هه‌ردو پشكان بخوينن
ئه‌ڤرۆنيوز:
ل دووڤ نڤيساره‌كا وه‌زاره‌تا خواندنا بلند وڤه‌كۆلێن زانستى ل هه‌رێما كوردستانێ، قوتابيێن هه‌رسێ پارێزگه‌هێن هه‌ولێر وسلێمانيێ ودهۆك دشێن ب تيكرايێ 55 ل هه‌ردو پشكێن دروستكرنا ددانان وده‌رمانسازى ل په‌يمانگه‌هێن ته‌كنيكى يێن تايبه‌ت بخوينن.
ل دووڤ نڤيسارا هژمار (17677) ل 6/12/2017، رێڤه‌به‌ريا خواندنا تايبه‌ت ل وه‌زاره‌تا خواندنا بلند وڤه‌كۆلينێن زانسى ل هه‌رێما كوردستانێ كو ئاراسته‌ى هژماره‌كا په‌يمانگه‌هين تايبه‌ت ل پارێزگه‌هێن هه‌ولێر وسلێمانيێ ودهۆكێ كرى، تێدا هاتيه” رازيبوونا وه‌زيرێ خواندنا بلند وڤه‌كۆلينێن زانستى هاته وه‌رگرتن بۆ وه‌رگرتنا قوتابيان ل پشكێن دروستكرنا ددانان وده‌مانسازى بۆ سالا خواندنێ 2017 – 2018″.
وێ نڤيسارێ به‌حسێ وه‌رگرتنا قوتابيان ب ڤى شێوه‌ى كريه:
- پلانا وه‌رگرتنێ ل په‌يمانگه‌هێن ته‌كنيكى يێن تايبه‌ت ل سنورێ پارێزگه‌ها هه‌ولێرێ ل پشكێن ده‌مانسازى ودروستكرنا ددانان، دێ 150 قوتابى بن بۆ هه‌ر پشكه‌كێ ب تيكرايێ55% بۆ ده‌رچوويێن به‌شێ زانستى ودێ چنه پێشبه‌رگيا ه‌رگرتنێ.
- پلانا وه‌رگرتنێ ل په‌يمانگه‌هێن ته‌كنيكى يێن تايبه‌ت ل سنورێ هه‌ردو پاريزگه‌هێن دهۆك وسلێمانيێ ل پشكا ده‌رمانسازى، دێ 200 قوتابى بن ب تيكرايێ55% بۆ ده‌رچوويێن به‌شێ زانستى كو دێ چنه پێشبه‌ركيا وه‌رگرتنێ.
