په‌رله‌مانتاره‌ك رۆهنكرنه‌كێ ل دۆر پارێ جوتيارێن هه‌رێما كوردستانێ دده‌ت
ئه‌ڤرۆنيوز:
ئه‌ندامه‌كێ لژنا دارايى ل جڤاتا نوونه‌رين عيراقێ، ده‌نگوباسێن نه‌هنارتنا پارێ جوتيارێن هه‌رێما كوردستانێ ژلايێ حوكمه‌تا به‌غدا ڤه، ره‌ت دكه‌ت ورادگه‌هينيت، ل ڤان نێزيكان دێ ئه‌و پاره گه‌هيته هه‌رێمێ.
مه‌سعود حه‌يده‌ر، ئه‌ندامێ لژنا دارايى ل جڤاتا نوونه‌رين عيراقێ، د به‌رپه‌رێ خوه ل فه‌يسووكى، رۆهنكرنه‌ك به‌لاڤكريه وتيدا دبێژيت” ده‌نگوباسه‌ك هاتيه به‌لاڤكرن كو پارێ جوتيارين هه‌رێمێ ناهێته مه‌زاختن وڤێ چه‌ندێ جوتيارێن هه‌رێمێ دلگران كريه، گه‌له‌ك ته‌له‌فۆن بۆ من دهێن كو پرسيارا وێ پرۆپاگندێ دهێته كرن، له‌وما من ل گه‌ل به‌رپرسێن وه‌زاره‌تا بازرگانيا عيراقى ل دۆر وێ چه‌ندێ ئاخڤت”.
مه‌سعودى دياركر” وه‌زاره‌تا بازرگانى ئه‌ز پشت راست كرم كو فه‌رمان يا بۆ وه‌زاره‌تا ناڤبرى هاتى بۆ مزاختنا پارێن جوتيارێن هه‌رێما كوردستانێ”.
وى ئه‌ندامێ لژنا دارايى يا جڤاتا نوونه‌رين عيراقێ به‌لاڤكريه ژى” دچه‌ند رۆژێن داهاتى دا، دێ ده‌ست ب مه‌زاختنا پارێ سالين 2014 و2015 و2016 هێته كرن”.
