محسن عەبدولرەحمان
پستی موەلیدا سەقایێ دهۆكێ تێكدای و ژینگەها وێ پیسكری و سركێت و تەڤنێ وایران دیمەنێ باژێری كرێتكری، خەلكی وەك مزگینی پێشوازی ل سیستەمێ رۆناكی كر، بەلا بلندكرنا سركێتی و سۆتنا ئامیرەیێن كارەبێ ژێڤە بوو، ئەڤە كارەكێ گەلەكی باش بوو، ب راستی سپێدەهییان ئاسمانێ باژێری وەكو بەرێ زەلال بوویە، لێ مخابن بەرەللاییەك بێسنۆر د زانینا مەزاختنا كارەبێ دا و هاتنا پارەی و شێوەیێ دانا پارەی دا هەیە، نە چ دەم و نە چ پیڤەرێن دەستنیشانكری هەنە هاولاتی ل سەر برێڤە بچیت و پەیرەو بكەت، كەس نزانیت و پێشبینی ناكەت كا چەند پارە دێ بۆ هێت…
هەتا ڤێرە دێ بێژین سیتەمێ نوویە و هاولاتی ب سەرنە هەلبووینە ، چەند هەیڤن و دێ زانیت، لی دەمێ سەرەدانا رێڤەبەرییا كارەبێ دكەت ژنوو بەرەللایی دیاربیت، هەموو ژ سەرڤە سیستەمی ئەلیكترونی یە و رێكوپێكە، لێ دەمێ دەردكەڤی تو تشتەكی تێناگەهی ژبلی گۆتنا: هەما ئەڤەیە و پارێ بدە!
هەر فەرمانبەرەرەكی كۆمپیوتەرەك ل بەر سینگی یە، یەكەیێن كارەبێ لێكددەت و دابەشدكەت و دەملدەست فۆرمەك وەكو خشتا لوگارتمێن بیركاریێ دەردكەڤیت، سەد جارا حەراما رەشبیت هەكە كەسەك بزانیت بابەت چییە و چاوا چێبوو!
ئەرێ رێڤەبەرییا كارەبێ و فەرمانبەرێن هێژا، گۆننەها هاولاتی چییە ل دەمێ خۆ پسسۆلا كارەبێ ل وەختێ خۆ نەهێت، دەمێ هاولاتی دپرسیت چ كارمەند نەبن بەرسڤەكا بەرهۆش بدەنێ و تێبگەهینن؟
د سەر رەوشا كمباخرا كارەب دهێتە بڕین، دەمی دچییە رێڤەبەریێ دێ بێژن، تە پارە نەدایە، باشە ما هەكە هاولاتی نەهاتبیە ئا گەهداركرن!؟
ل دووماهیێ كو گازندە یێ زێدەدبن، ئەرێ سیستەمی رۆناكی و رێڤەرییا كارەبا دهۆكێ دێ ب ساناهیتر بینیتەڤە، یان دێ سیستەمیێ (پارەی بدە و نە پڕسە) بكارئینیت.
نيشاندان