ديدار، سالار محةمةد دؤسكى:

1-2

پێشمەرگەیێ‌ شۆرەشا گولانێ‌ (موسا یاسین تاها) د دیدارەكێ‌ دا ل گەل رۆژناما ئەڤرۆ گۆت: هەر ژ دەسپێكا شۆرەشا ئیلۆنێ‌ هەتا هەتا دووماهیێ‌ و سەرهلدانێ‌ بنەمالا مە حوكمەتا ئیراقێ‌ نەدیتی یە و هەر دەم ئەم ل گوندی بووین و دناڤا شۆرەشێ‌ دا بووینە و زێدەتر بنەمالا مە گرنگی دا جوتیاریێ‌ و ئەم حەفت برا بووینە و بتنێ‌ ئێك من مەزنتر بووینە و سێ‌ برایێن من ل ئەنفالان رەش بەرزەنە و نوكە ئەم چار براینە و سێ‌ برا ل گوندی دژین و ئەژی ل دهۆكێ‌ دژیم، حەز و ڤیانا مە بۆ مللەتێ‌ مە و كوردینیێ‌ بۆ شۆرەشا ئیلۆنێ‌ ڤەدگەریت و باب و مامێن پێشمەرگە بووینە و دیسا مالا مە هەر دەم پشتەڤان و هاریكاریا پێشمەرگەی كریە و نان دایە مەفرەزێن پێشمەرگەی دەمێ‌ سەرەدانا گوندی دكر.
پێشمەرگەیێ‌ شۆرەشا گولانێ‌ (موسا یاسین تاها) ئەو ژی دیاركر كو ل سالا 1986ێ‌ ل شۆرەشا گولانێ‌ چەكێ‌ شەرەفێ‌ هەلگرتیە و گۆت: وێ‌ سالا من چەك هەلگرت ل رێكخراوا (شرین) سەر ب لژنا ناوچا ئامێدیێ‌ وی دەمی (خسرو بامەرنی) بەرپرسێ‌ رێكخراوا مە بوو و پشتی (خسرو) شەهید بووی (ئەحمەد تروانشی) بۆ بەرپرسێ‌ رێكخراوا مە وی دەمی هەستەكێ‌ هوسا دلێ‌ مە دا هەبوو و مەزانی ئەم كوردین و مە چەك هەلگرت بۆ پاراستنا ئاخ و وەلاتێ‌ خوە و دەمێ‌ مە پێشمەگایەتی كر مە هوسا هزر دكر كو شەهیان و دەواتە و گەلەك ب عەشق و ڤیان مە چەك هەلگرت و هەتا سالا 1988 ل هەوا ئەنفالا ئەم ماینە چیایی را و ئەم نێزیكی (80) پێشمەرگەی بووین و هەتا حوكمەتا ئیراقێ‌ لێبورین و دووڤ دا ئەم دەرباز بووینە ئاخا توركیا و نێزیكی (3) هەیڤ و (20) رۆژا ماینە ل كەمپا (سلوپی)یا و ژ بەر كاودانێن نەخۆشێن وی سەردەمی ل وێ‌ كەمپێ‌ و چادر دناڤا پرێزا جەهی دا بوونن، خوارن و ڤەخوارن نەبوو و دەركەتن نەبوو و هەر دەم وەلاتێ‌ توركیا گەڤێن رادەستكرنا مە بۆ حوكمەتا ئیراقێ‌ دكرن،دووڤ دا گۆتن كێ‌ دڤێت بچیتە ئیرانێ‌ نێزیكی (4400) كەسان ناڤێن خوە نڤێسین بچنە ئیرانێ‌ و ئەم برینە گەڤەرێ‌ و پشتی دەربازبوونا شەڤەكێ‌ رۆژا پاشتر حوكمەتا ئیرانێ‌ ژی گۆت ئەم نا وەرگرین و دڤێت دەرگەهەكێ‌ فەرمی دا بهێنە ئیرانێ‌ وی دەمی خەلك كاودانێن گەلەك نەخۆش دا دەرباز بوو و برس و ترس و نەخوشی و بەرزەبوون و هندەك تشت مە دناڤا ترۆمبێلێن تركیا دا دیتن تشتێ‌ سەرنج راكێش بووینە و ئەم نێزیكی (9) مرۆڤێن ئێك خەلكێ‌ گوندێ‌ زێوە‌ ب رێكێن نە قانوونی ئەم ژ گەڤەرێ‌ چووینە ئیرانێ‌ و ئەم چووینە مەكتەبا سیاسی وی دەمی ل (راژان) بوو و پێشوازی ل مەكر و دووڤ دا ئەم هاتینە ڤە گوهاستن بۆ بارەگایەكێ‌ پارتی ل (شنو) وی دەمی لژنێن (دهۆك، شێخان، ئامێدیێ‌، زاخۆ) وێرێ‌ بوو و ئەم ماینە وێرێ‌ هەتا سالا 1990ێ‌ و دووڤ دا ب فەرمانا سەرۆك (مەسعود بارزانی) و ب سەركێشیا د.كەمال كەركووكی ئەم هاتینە كوردستانێ‌ و بلا ئەم راست گوو بین سەركردایەتی یا پارتی هەمی هات نەشیا مە بكەتە (100) پێشمەرگە بهێنە كوردستانێ‌ چونكە پێشمەرگە نەبوو و كەسەكێ‌ باوەری بخوە نەبوو بهێـە كوردستانێ‌ و دووڤ دا ساخ ڤەگەریت وهندی هاتنێ‌ بتنێ‌ ئەم بووینە (74) پێشمەرگە، (شاكر زێوەی) بەرپرسێ‌ رێكخراوێ‌ بوو و (محەمەد خالد بۆسەلی، تەحسین كەمەكی، خالد بانی، ئەبو عەلو بانی، سبحی رەشەڤایی) كومەكا پێشمەرگە بوون و سنور بۆ سنور ژ ئاخا ئیرانێ‌ ئەم رێ كەفتین وب رێكێن نە قانوونی ئەم هاتین و بەری ئەم دەست ب هاتنا خوە بكەین ل راژان جەنابێ‌ سەرۆكی ل گەل مە ئاخفت، گۆت: هوون سومبلن بۆ ڤی مللەتی و من نەگوتیە هەوە هەرن كریارا بكەن و شەرا بكەن و بتنێ‌ كوردستانێ‌ دابن و خەلك هزر بكەت هێشتا پێشمەرگە ل كوردستانێ‌ دا هەیە و گەلەك بوومە ئاخفت و هەتا گۆتی ئەگەر كوردستان بۆ كوردستان دێ‌ هەوە جهەكێ‌ تایبەت ل دەف من هەبیت و ئەم ب رێكەفتین و مولازم (عەلی) و (سیداد بارزانی) ل گەل مە هاتن هەتا سنوری ل (خنێرە) و هەتا گۆتن وەرن دا وێنان ل گەل ئێك بگرین و هوون هەمی دێ‌ شەهید بین و ئەم دێ‌ ڤەگەرینە ئیرانێ‌ و ئەم هاتینە كوردستانێ‌ وەلاتەكێ‌ وێران برس و ترس و مە خوە ژ تركا ڤەدشارت و مە خوە ژ پەكەكێ‌ و حوكمەتا ئیراقێ‌ ژی ڤەدشارت و ئەم دناڤا چیان دا بووین و ئەم هاتینە گوندێ‌(ساتێ‌) یێ‌ دوسكی ژووری یا بوو و سپێدێ‌ د.كەمال كەركووكی گۆتی دێ‌ هژمارەكا ئاڤا پێشمەرگا دەست ب چوونێ‌ كەن بۆ سەر ئاڤا روویێ‌ شین و بەری ئەم بهێنە دەڤەرێ‌ پەكەكێ‌ حەفت كادرێن مە دەستەسەركرن و رادەستی حوكمەتا ئیراقێ‌ كرن و هەمان دەم حوكمەتا توركیا ژی زانی ئەم هاتینە ناف ئاخا توركیا و دەمێ‌ ئەم هاتینە سەر ئاڤا روویێ‌ شین ب فەرمانا د. كەمال كەركووكی و سێ‌ شەڤ و سێ‌ رۆژا خوە پرتەكا نانی مە نەبوو، مە (عسمەت وەرمێلی) شەهید بوویە و مرۆڤەكێ‌ زیرەك بوو خوە هاڤێتە ئاڤێ‌ و چوو رەخێ‌ دی بوومە هندەك كەركێن سێڤا ئینان و ئەم لبن تیەكێ‌ بووین و مە دادقوتا و مە خوار و رۆژا سیێ‌ (محەمەد خالد بوسەلی) چوویە گوندەكی ب مەرەەما خوارنێ‌ و خەلكێ‌ گوندی گۆتیە جەدرما ئەڤە پەكەكە هات و هاتیە گرتن و هەتا وێنەكێ‌ سەرۆكی نیشا جەدرما دایی و گۆتیێ‌ ئەز پێشمەرگە مە بۆ جەدرما خوەش بوو ئەم هاتینە دەڤەرێ‌ و باوەری ب مە هەبوو، محەمەد خالد بوسلی بوومە هندەك نان و پیڤاز و ژاژی ئینان و دەمێ‌ گەهاندینە دەف حەجكو بوومە قوزیەك ئینای هوسا كەیفا مە هات و رۆژا چارێ‌ د.كەمال ئەو هاتینە دەف مە و نێزیكی هەیڤەك و 10 رۆژا ماینە و رۆژەكێ‌ ئز و شەهید(ئدریس بێسكی) زێرەڤان بووین و رۆژ بوو و مە دیت چار مرۆڤ هاتنە خوارێ‌ و دو دەوار ژی ل گەل بوون و مە چەند ب دێربینێ‌ تەماشەكر مە چ ژێ‌ نەزانی و پشتی مە پەیوەندی ب بارەگایی كری و مە ئاگەهداركرین گۆتن ئێك ژ هەوە ل جهێ‌ خوە بیت و ئێك بهێـتە خوارێ‌، (ئدریس) ما و ئەز هاتمە خوارێ‌ و ئەم چووینە بەرامبەر وان و هەر چار چوونە سەر سێڤەكێ‌ سێف دكرن و پشتی دەنگێ‌ مە گەهشتیێ‌ هەر چار هاتنە خوارێ‌ و رەڤین و مە رەمی لێ كر ئێك ژوانا كەفت و جندیەك بوو ناڤێ‌ وی (سامی) بوو خەلكێ‌ (گەیارە) بوو.