ئه‌ڤرۆ، زانست:

تایبه‌تمه‌ندی تشته‌كێ‌ گه‌له‌ك گرنگه‌ بۆ وان كه‌سێن ئه‌نترنێتێ‌ بكار دئینن و ل گه‌ل ڤێ‌ چه‌ندێ‌ ل گه‌له‌ك هه‌لكه‌فتان، داتایێن وان یێن كه‌سی دهێنه‌ ده‌ستكاریكرن ژ ئه‌گه‌رێ‌ جودا. دبیت هنده‌ك جاران ژ به‌ر وان زێده‌كاریێن گۆگل كرۆمی بیت. ب تایبه‌ت نها ئه‌ڤ لێگه‌رێ‌ ئه‌نترنێتێ‌ ژ هه‌موویان زێده‌تر دهێته‌ بكارئینان و بهایێ‌ وی د بازاری دا زێده‌تری 70% یا ڤان لێگه‌رایه‌.

ئه‌گه‌رێ‌ سه‌ره‌كی ژی یێ‌ سه‌ركه‌فتنا ڤی لێگه‌ری بۆ وێ‌ چه‌ندێ‌ دزڤریت كو رێ‌ دده‌ته‌ بكارئینه‌ران لێگه‌ری باشتر لێ‌ بكه‌ن و زێده‌هیان ژی ل سه‌ر بكه‌ن.

د سه‌ر هندێ‌ را كو گه‌له‌ك كه‌س یێن هه‌ین به‌رده‌وام ڤی لیگه‌رێ‌ به‌ر ب پێش ڤه‌ دبن و زێده‌كاریێن گه‌له‌ك باش لێ‌ زێده‌ دكه‌ن، به‌لێ‌ رامانا وێ‌ ئه‌و ژی نینه‌ كو ئه‌و هه‌موو زێده‌كاریێن بۆ دهێنه‌ زێده‌كرن یێن باوه‌ریێ‌ نه‌ و د پاقژن.

نها گه‌شه‌پێده‌رێ‌ z0cc هه‌یه‌ كو زێده‌تری 1170 زێده‌كاری چاره‌ كرینه‌و ئاشكه‌را كرینه‌ و یا پێدڤی بۆ ئه‌نجام دایه‌.

چاوان زێده‌كاریێن كرۆمی سیخوریێ‌ ل سه‌ر ته‌ دكه‌ن؟

بكارئینه‌رێن كرۆمی گه‌له‌ك زێده‌كاریێن جودا یێن هه‌ین دا كو كارێ‌ وان ب ساناهی بێخیت، ئه‌ڤه‌ ژی ژ لایێ‌ كه‌سان و كۆمپانیێن جودا ڤه‌ دهێنه‌ به‌رهه‌م ئینان. ل ده‌ما دانانێ‌ ژی هنده‌ك گه‌له‌ك پێزانینان ژی دخوازن و داخوازا گه‌هشتنا گه‌له‌ك جورێن پێزانینان دكه‌ن.

ژ به‌ر ڤان تشتێن مه‌ گۆتین دبیت ئه‌ڤه‌ ببیته‌ ئه‌گه‌رێ‌ مه‌ترسیێ‌ د ماوێ‌ دانانا ڤان زێده‌كاریان دا. تایبه‌ت هنده‌ك جاران داخوازا به‌سمێ‌ دكه‌ت ل سه‌ر مۆبایلێ‌ و ئه‌ڤه‌ ژی بۆ یێ‌ دڤێت پێزانینان ل ده‌ف خوه‌ كۆم بكه‌ت ده‌لیڤه‌كا باشه‌.

بۆ نمۆنه‌ ب رێیا به‌سمێ‌ جورێ‌ ئامیرێ‌ مۆبایلێ‌ و لوكه‌یشن و گه‌له‌ك تشتێن دژی دیار دبن. به‌لێ‌ ژبیری ژی نه‌كه‌ن نه‌ هه‌موو زێده‌كاریێن كرۆمی د وه‌سانه‌.

چاوان دێ‌ زانی ئه‌ڤ زێده‌كاریه‌ سیخوریێ‌ ل سه‌ر ته‌ دكه‌ن؟

كۆمه‌كا ڤه‌كۆله‌رێن ئه‌منی زێده‌كاریا به‌سمێ‌ دروست كر كو ژێده‌رێ‌ وی یێ‌ ڤه‌كری بوو، بۆ شرۆڤه‌كرنا چه‌ندین بابه‌تان ل سه‌ر لێگه‌ری.

ژماره‌كا زۆر یا زێده‌كاریێن جودا ژ بابه‌تێن جودا هاتنه‌ هه‌لبژارتن، دیار بوو ژماره‌كا زۆر ژ وان وی كاری دكه‌ن ژ به‌ر هندێ‌ ژی بۆ زانینا وێ‌ چه‌ندێ‌ كا ئه‌ڤ زێده‌كاریێن ته‌ بۆ كرۆمی زێده‌كرین سیخوریێ دكه‌ن یان نه‌ سه‌ره‌دانا ڤی https://z0ccc.github.io/extension-fingerprints/# لینكێ‌ بكه‌ دێ‌ زانی كا سیخوری ل سه‌ر ته‌ هه‌یه‌ یان نه‌.

ئه‌ڤرۆ، زانست:

گه‌له‌ك جاران ریكلاما وێ‌ چه‌ندێ‌ دهێته‌ كرن كو ئایفۆن تایبه‌تمه‌ندیێن كه‌سی د پارێزیت، گه‌له‌ك ژی هه‌ر ژ به‌ری ڤی بابه‌تی ئایفۆنێ‌ دكرن، تشتێ‌ ژێ‌ پتریا كه‌سان ژی ژێ‌ نه‌زانیت كو ئه‌وه‌ ئایفۆن دشێت ب رێیا ژمارا ئای پی دووڤچوونا كه‌سی بكه‌ت، دا كو یێ‌ پاراستی بی پێدڤیه‌ ئای پی ڤه‌شێری.

ڤه‌شارتنا ئای پی د سافاری دا:

پێنگاڤا ئێكێ‌ یا تو د هاڤێژی ئه‌وه‌ كو رێ نه‌ده‌ی مالپه‌رێن ئه‌لكترۆنی ئای پی یێ ته‌ بزانن، زێده‌تر دهێته‌ بكارئینان دا جهێ‌ ته‌ یێ‌ جوگرافی بزانن. هه‌كه‌ تو سافاری ب كار دئینی ساخله‌ته‌كا نوو یا تێدا زێده‌ كری دا كو تو ئای پیێ خوه‌ ڤه‌شێری.

بۆ ڤێ‌ چه‌ندێ‌ ژی ل سه‌ر ته‌ پێدڤیه‌ بچیه‌ د سافاری دا و ل وێرێ‌ ژی بچیته‌ به‌شێ‌ تایبه‌تمه‌ندی و پاراستنێ‌ و ل وێرێ‌ ئای پیێ‌ خوه‌ بگری، هه‌كه‌ر ژی تو كرۆمی بكاردئینی پشت به‌ستنێ‌ ل سه‌ر زێده‌كریێن وی بكه‌ بۆ گرتنا ژمارا ئای پی.

تایبه‌تمه‌ندیێن خوه‌ ل ده‌مێ‌ بكارئینانا ئیمێلی ب پارێزه‌:

د هنده‌ك حاله‌تان دا ئێك دێ‌ نامه‌كێ‌ بۆ ته‌ هنێریت و هنده‌ك پێزانینان ل سه‌ر ته‌ كۆم كه‌ت، ئه‌و چاوا؟ دشیان دایه‌ بزانیت ته‌ چه‌ند جاران ئیمێلێ‌ خوه‌ ڤه‌كریه‌ و خواندی یه‌ ب رێیا هنده‌ك خزمه‌تان كو به‌ری نامێ‌ ب هنێریت كارا كریه‌.

ل گه‌ل ڤێ‌ چه‌ندێ‌ د سیسته‌مێ‌ ئای ئو ئێس 15 دا، تو دشێی پتر ب پارێزیی و د راستی ژی دا ساخله‌ته‌كا بۆ رێگریكرن ل دووڤچوونا چالاكیێن ته‌ كریه‌ تێدا و بۆ كاراكرنا وێ‌ دێ‌ چیه‌ رێكخستن و پاشان مه‌یل هه‌لبژێری و ل وێرێ‌ دێ‌ “چاڤدێریا تایبه‌تمه‌ندیێ‌” هه‌لبژێری ل پشكا ناما و دێ‌ هه‌لبژارتنا “پاراستنا چالاكیێن ته‌ د ئیمێلی دا” كارا كه‌ی.

رێ ل ئه‌پلیكه‌یشنا بگره‌ دووڤچوونا ته‌ بكه‌ن:

هنده‌ك ئه‌پ یێن هه‌ین وه‌كو فه‌یسبۆكی دووڤچوونا ته‌ دكه‌ن دا كو ریكلامه‌كا ل دووڤ دلێ‌ ته‌ نیشا ته‌ بده‌ن، به‌لێ‌ هه‌كه‌ ته‌ تایبه‌تمه‌ندی دڤێت دشیان دایه‌ رێگریێ‌ لێ‌ بكه‌ی، به‌لێ‌ هنده‌ك جاران ژی ئه‌ڤ ئه‌په‌ كارناكه‌ت هه‌كه‌ ڤێ‌ رێگریێ‌ لێ‌ بكه‌ی و دێ‌ داخوازا ده‌ستووریێ‌ كه‌ت، ژ به‌ر هندێ‌ ژی دێ‌ نه‌چار بی رێ ده‌یێ‌ یان ژی ب ئێكجاری ده‌ستا ژ ڤێ‌ ئه‌پێ‌ شووی.

بۆ ڤێ‌ چه‌ندێ‌ ژی دێ‌ چیه‌ رێكخستن و ل وێرێ‌ “تایبه‌تمه‌ندی” و پاشان هه‌لبژارتنان “دووڤچوون” و پاشان دێ‌ گری، ئانكو رێ‌ ناده‌ی ئه‌ڤ ئه‌په‌ دووڤچوونا ته‌ و چالاكیێن ته‌ بكه‌ت و دیسان ژی تو دشێی “رێ‌ دا بۆ دووڤچوونا ئه‌پا” بگری دا چو ئه‌پلیكه‌یشن دووڤچوونا چالاكیێن ته‌ نه‌كه‌ن د پاشه‌رۆژێ‌ ژی دا.

ئه‌ڤه‌ گرنگترین خال بوون كو كه‌سه‌كێ‌ ئایفۆنێ‌ بكاربینیت بگریته‌ به‌ر دا كو زێده‌تر خوه‌ ب پارێزیت ژ لایێ‌ تایبه‌تمه‌ندیێ‌ ڤه‌.

ئه‌ڤرۆ، زانست:

ژ وان ساخله‌تێن گه‌له‌ك به‌ربه‌لاڤ یێن مۆبایلێن زێره‌ك ئه‌وێن ب سیسته‌مێ‌ ئه‌ندرۆید كار دكه‌ن د ڤان سالێن دووماهیێ‌ دا، پلاكێ‌ بارگه‌كرنێ‌ یه‌، ژ وێ‌ ژی بارگه‌كرنا ب له‌ز. ئه‌ڤ چه‌نده‌ ژی رۆژ بۆ رۆژێ‌ یا د پێشكه‌فتنێ‌ دا، گرۆڤه‌ ژی ل سه‌ر ڤێ‌ چه‌ندێ‌ ئه‌وه‌ كو دێ‌ مۆبایلا ئێكێ‌ یا ب له‌زاتیا 150 واتان كه‌ڤیته‌ د بازاری دا ب ناڤێ‌ Realme GT Neo 3. كو بڕیاره‌ ل دووماهیا ئه‌ڤ ساله‌ ب كه‌ڤیته‌ بازاری.

كۆمپانیا Digital Chat Station یا چینی یا به‌رنیاس به‌لاڤكریه‌ كو هه‌موو بۆچوون بۆ وێ‌ چه‌ندێ‌ دچن كو مۆبایلا زیره‌ك یا ئه‌ڤ ساله‌ دێ‌ هێته‌ به‌لاڤكرین ب بارگه‌كرنا ب له‌ز دێ‌ ژ 100 واتان وێڤه‌تر بیت.

ته‌كست ژی ل سه‌ر وێ‌ چه‌ندێ‌ كریه‌ كو ل ئه‌ڤ ساله‌ ئه‌و دێ‌ مۆبایلا ئێكی ب بارگه‌كرنا ب له‌ز بینن كو دبیته‌ 200 وات، ب گۆره‌ی ڤێ‌ پێزانینێ‌ دێ‌ ئه‌ڤ مۆبایله‌ iQOO 10 Pro و Xiaomi 12S Proبیت و دێ‌ پلاكێ‌ بارگه‌كرنێ‌ ل گه‌ل بیت و ژمارا جورێ‌ وێ‌ دێ‌ MDY -12-ED بیت ئه‌وا ب سیسته‌مێ‌ بارگه‌كرنا ب له‌ز یا 120 واتی كار دكه‌ت.

هه‌كه‌ ئه‌ڤ پێزانینه‌ راست بیت و مۆبایل بهێنه‌ د بازاری ب له‌زاتیا 200 واتێ‌ بارگه‌ ببن، پتر ژ نیڤا سیسته‌مێ‌ ئه‌ندرۆید هه‌تا دووماهیا ئه‌ڤ ساله‌ دێ‌ ب 120 واتان هێنه‌ بارگه‌كرن.