سالار محەمەد دۆسكی:

3-4

ئەم ل هەر دو ترۆمبێلێن خوە سوار بووین و ئەم هاتینە جهێ‌ زالگەها نوكە یا دناڤبەرا مە و ئیرانێ‌ دا ل حاجی عومران وەكی ڤێگاڤێ‌ ل بیرا منە عەلی گۆت وەرنە خوار و ئەم 14 زێرەڤانین و مە گۆتێ‌ خێرە خالێ‌ عەلی گۆت مەلا مستەفا بارزانی ژلایێ‌ ئیرانێ‌ ڤە هاتیە دەستەسەركرن و نسكۆ ب شۆڕشێ‌ كەفتیە قور و قورا پێشمەرگەی یا دچیتە بەر ئەسمانا وەكی بچیكا یێ‌ دكەنە گری و رۆژەكا گەلەك نەخوش بوو ب سەرێ‌ مللەتێ‌ مەهاتی و عەلی شەعبان گۆتن هوون خودان خێزان و دایك و باب و خویشك و برانە و هەر كەسەكێ‌ ژ هەوە دل ل سەر هەبیت هەرنە مالێن خوە و یێ‌ دڤێت ژی بلا ل گەل مە بهێت و مرن و ژینا مە پێكڤە و ئەم ئەڤێن بەهدینی مە گۆتێ‌ ئەم دێ‌ چینە ناڤ خێزانێن خوە چونكە مالێن مە ل دهۆكێ‌ نە و پتر ژ سالەكێ‌ یە مالێن مە چ دەنگوباسێن مە نوزانن و هەر ئێك ژ مە 10 دینار دانێ‌ گۆت ئەڤە حەقێ‌ رێكا هەوە و ئەو چوون و ئەم ژی ل ترۆمبێلەكێ‌ سوار بووین و بەرەف دەڤەرا بەهدینان ڤە هاتن و خوە مە خواتر ژ ئێك و دو نەخواست چونكە حالێ‌ مە هەردوكان بەسی مە بوو و ئەم هاتینە ئامێدیێ‌ ئێڤاری و مە دیت سەدام حسێنی لێبورین دەركر و ترۆمبێل هنارتنە بەراهی یا پێشمەرگەی ل سەر سنوری، ئەڤ سەرفرازی و خوشیا نوكە ئەم كەفتینە تێدا كوردا ب حەیات نەدیتی یەهەرە فەرمانگەهەكێ‌ ب زمانێ‌ كوردی دێ‌ ل گەل تە ئاخڤیت و پێشوازیێ‌ ل تە كەت و مام كەرەم بكە ما خوشی ژ ڤێ‌ مەزنتر هەیە و هەتا كوردێن رۆژئاڤا ژی هەر ب رێكا سەرۆك بارزانی و نێچیرڤان بارزانی بەرنیاس بوون و دونیا تەورێ‌ ئینا و ئەڤە راستیە و ناهێتە ڤەشارتن، راستە كێماسی هەنە بەلێ‌ باوەربكە و خودێ‌ دناڤبەرا من و تەدابیت ئەگەر ئێكێ‌ بیانی پێنگاڤا خوە ب هاڤێتە دناڤ ڤێ‌ ئاخێ‌ دا هەر ئەڤە دێ‌ بەرەڤانیێ‌ ژ مللەتی كەن و كەسەكێ‌ دی مە نینە و مایا سەرۆكی بۆ كوردێن رۆژئاڤا كری ئەڤێ‌ دونیایێ‌ هەمیێ‌ بۆ كریە؟ .
پێشمەرگەیێ‌ شۆڕشا ئیلۆنێ‌، شەمسەین ئەحمەد سەعدوللا عومەر، گۆت: پشتی نسكۆیا سالا 1975 ئەم زڤرینە مال و مە چەكێن خوە برنە لیوا دهۆكێ‌ ل جهێ‌ سوپرماركێتا مازی یا نوكە و مە ڕادەستی حوكمەتێ‌ كرن، و هەر ئێك ژ مە كاغەزەك دایێ‌ و گۆتن هەرن سوباهی نە دوزبە وەرن پارێ‌ تڤەنگێن خوە وەرگرن و هەر ئێك ژ مە 50 دینار بەرامبەر ڕادەستكرنا تڤەنگێ‌ دانێ‌ .
پێشمەرگەیێ‌ شۆڕشا ئیلۆنێ‌، شەمسەین ئەحمەد سەعدوللا عومەر زێدەتر گۆت: بۆ خودێ‌ و دیرۆك دێ‌ بێژم وی دەمی بارزانی ل بەراهی یا پێشمەرگەی بوون ل شەران دا و گەلەك زێرەڤانا گۆتێ‌ خال عەلی نە گوهێ‌ خوە نەدا كەسێ‌ و ل گەل مە بوو، و باوەربكە ل شەرێ‌ هیران و نازەلین بەتەنەك بوو و شەڤ بوو عەلی شەعبان كەفت و دەستێ‌ وی شكەست و دەستێ‌ وی مە گرێدا و عێلنجی هاتنێ‌ و مە برە سەرێ‌ كانیكێ‌ و مە گەهاندە بارەگایی هەتا بوویە سپێدە و ئەم هاتینە بارەگایی و عەلی شەعبانی گۆت شەمسەدین من گۆتێ‌ بەلێ‌ خالێ‌ عەلی گۆت تو و زوبێر ل گەل من وەرن من گۆتێ‌ دێ‌ كیڤە چین گۆت دێ‌ چینە تەهران و نێزیكی هەشت هەیڤان ما ل نەخوشخانێ‌ ل تەهران و دووف دا مە ئینا راژان جارەكا دی و هەتا دەستێ‌ وی باش دروست بووی و جارەكا دی ئەم ل ترۆبێلێن خوە سوار بووین و ئەم هاتینە بارەگایێ‌ خوە ل ئیراقێ‌.
هەمان پێشمەرگەیێ‌ شۆڕشا ئیلۆنێ‌ گۆتژی: داخوازا من ژ خودێ‌ ئەوە چ ئاتاف و دەردەسەری و نەخوشی ب سەرێ‌ مللەتێ‌ مە نەهێن، چونكە مە ژیانەكا گەلەك نەخوش و سەخت دەربازكریە و خودێ‌ ڤێ‌ تەناهی و روحەتی و ئارامیێ‌ بوومە پارێزیت و ئێكگرتن و ئێكرێزیێ‌ دناڤبەرا هەمی پارت و لایەنێن سیاسی دا ل كوردستانێ‌ پەیدا بكەت و سەركردێن مە خودێ‌ تفاقێ‌ بدەتێ‌ و گوهێ‌ وا ل ڤی مللەتی بیت .
پێشمەرگەیێ‌ شۆڕشا ئیلونێ‌، شەمسەین ئەحمەد سەعدوللا عومەر، بەحسێ‌ بیرهاتنا 11 ئادارێ‌ یا سالا 1970ێ‌ كر و گۆت: بیراهاتنەكا گەلەك خوش بوو و دونیا خرابوو و ئاهەنگ هاتنەكرن وی دەمی ئەز ل بێتواتێ‌ بووم و سێ‌ شەڤ و سێ‌ رۆژا دەهول و زرنا هاتە قوتان و لێدان و خودێ‌ ژ هەمیان رازی بیت و خودێ‌ جهێ‌ مەلا مستەفا بارزانی بكەتە بەهشت ل حاجی عومەران بوو و هەمی رۆژێن ئەینی عەلی شەعبان دا بێژیت دا بچینە دەف خالێ‌ من دا لەندروڤەر سوار بین و چووینە حاجی عومەران و پشتی ئەو تێنی ب مەلا مستەفا بارزانی ڤە هاتیە تەقاندن زێرەڤانی یا وی گەلەك توند بوو و گەلەك جاران رێگری ل مە ژی دكر و جارەكێ‌ رێگری ل چوونا مە كر و عەلی شەعبان گۆتە زێرەڤانا رێكا من بكەن خارزایێ‌ وی مە دێ‌ چمە دەف خالێ‌ خوە و ژ زالگەهێ‌ و پێدا و بەری بگەهیە حاجی عومەران و بیرا من ناهێت چەند دەستێن دهول و زرنایێ‌ بوون، و ئاهەنگەكا مەزن ل وێ‌ دەڤەرێ‌ هاتە گێران ب هەلكەفتا رێكەفتنا 11ی ئادارێ‌ و خەلكی هزر كر، شەر ب دووماهی هاتن و هاتن و چوون ئاسایی بوو و پێشمەرگە ژ چیا هاتە خوار و بۆ تەناهی و روحەتی و خوشی بەرقەرەرار بوو، و دونیا خرابوو هندی گولە دهاتنە هاڤێـتن یا ستار ئەڤێن ل سەر دوشكان سەرێ‌ خوە دخار .
شەمسەین ئەحمەد سەعدوللا عومەر گۆتژی: ئەم هاتینە دەڤەرێ‌ زەوقێ‌ خەلكی گەلەكێ‌ نەخوش بوو و یێ‌ بێ‌ ئومێد بوون و چ هیڤی نەمابوون و هزر ل ماندیبوونا خوە دكر ئەو چەندین سال بوو خەبات ل شۆڕشا ئیلۆنێ‌ دكر، و چەوا و ب چ شێوە چەكێ‌ خوە بدانن، بەلێ‌ دەما بوویە 1976 جارەكا دی پێشمەرگە هاتە دەڤەرێ‌ و بیرا من دهێت 1976 هەیڤا 11 بوو مەفرەزەكا پێشمەرگەی هاتە گوندێ‌ مە برجینی و هاتنە سەرێ‌ زركا و چالاكیەكا لەشكری ل سەر جادا مەرینێ‌ ئەنجامدا و ئەوێ‌ چالاكیێ‌ گەلەك دەنگڤەدا دناڤا خەلكی دا و ئەڤە پێنگاڤەكا باش بووك و پێشمەرگە هەر ل دەڤەرێ‌ یە و شۆڕشێ‌ جارەكا دی ب خوینەكا دی خوە نووكریە ڤە بەلێ‌ نەیێ‌ پشست راسترم هەیڤا یازدە بوو یان دەه بوو و ئەم ل سەر بێدەرا بووین و مە تری و تشت بۆ تینا و پائیز بوو، مەرەزا محو گەودا و ئوسمانێ‌ مەیێ‌ قاسمی ل گەل بوو و ئێكی دگۆتنێ‌ سەید حەسەن ب شەڤ دنیا نەدیت ما لدەف مە ل سەر بێدەرێ‌ هەتا دونیا بوویە سپێدە و چالاكیێن پێشمەرگەی بڤی رەنگی دەركەفتن و بەردەوام بوون و هێدی هێدی پێشمەرگەی خوە لێكدا ڤە و رێكخستنێن خوە باشتر لێكرن، و و سالا دەربازبوون هەتا بوویە سالا 1980ێ‌ و دەسپێكرنا شەرێ‌ ئیراق و ئیرانێ‌ گەلەك ژ خەلكی ژ عەسكریێ‌ رەڤین و قەستا ناڤ رێزێن پێشمەرگەی كرن، و هێدی هێدی هێزا پێشمەرگەی باشتر لێ‌ هات و پشتەڤانیا دولی ژی وەك چەك بۆ شۆڕشا گولانێ‌ هەبوون ل سالا 1982ێ‌ بۆ جارا دووێ‌ بوومە پێشمەرگە ل گوندێ‌ لیناڤا ل گەل سادق گەلناسكی و ئەم ماینە ل گەل سادقی هەتا بوویە 25/8/1988ێ‌ و ئەم ل گوندێ‌ برجینی بووین، و هندەك ژ زاخو هاتن گۆتن شەمسەدین سوباهی دێ‌ حوكمەتا بەعس دەرمانی هاڤێتە دەڤەرێ‌ و مە باوەرنەكر، و مە گۆتێ‌ چ بێژی دەرمانێ‌ چ؟، ئەم ل مالێن خوە بووین و ئەو ژ وجبی دهاتن و رۆژا دی بۆ سپێدە و دەمژمێر سێی شەڤێ‌ هاتن گۆتن خوە لێكدە دێ‌ دەرمانی هاڤێژن و دیارە ئەوا تشتەك دزانی و مە نەزانی و مە ژن راكرن، و نان پات هەتا بوویە دەمژمێر شەش و چارێكەك و دەنگێ‌ فرۆكان هات و هێتا هەتاڤ نە دەركەفت بوو و ئەز ل نیڤا حەوشێ‌ بووم و بیرا من ناهێت نوزانم شەش یان هەشت فرۆكە بوون، و هاتنە سنورێ‌ لژنا زاخو و لژنا دهۆكێ‌ و یێ‌ دگەرن و ناڤبەینەكێ‌ من دیت فرۆكەكێ‌ خوە نزمكر و من هزر كر دێ‌ رەمیێ‌ ل گوندی كەت و دەنگەك ژێ‌ هات و مە دەرمان هاڤێت ئانكو كێمیا و مە نەزانی كێمیا هاڤێت و ئێكسەر بهێن هات و فرۆكەكا دی هات چار قومبلە ل جهەكێ‌ دی دان.