چێدبیت ئەڤ گۆتنە زوور جاران ل جڤاکا مە یا کوردەواری مە گوهــ لێ ببیت کو بنەمایێ زانستی و پزیشکی هەیە!
ناڤــێ ڤـــێ کۆنیشانــێ دبێــژنــێ Auto-brewery syndrome (ABS) کو ل ئەندامێ هەرسکرنێ یێ کەسێ نەساخ شەکرا دهێتە خوارن ل خوارنێن رۆژانە ئەم بکاردئینین دهێتە گوهورین بۆ کحولی (ئيثانول) و هەمی نیشانێن کەسەکێ سەرخوش ل وی کەسێ ئەڤ کۆنیشانە هەی دەردکەڤیت بێ کو دلۆپەکا کحولی بکارئینابیت !!!
بەس پرسیارە لڤێرە دایە بۆچی؟ و چاوا؟
ل رویڤیکێن هەمی مرۆڤان ب شێوەیەکێ سرۆشتی و نۆرمال هندەک کەروو و بەکتریا هەنە کو هەبوونا وان دگەل ئێکدوو ل هاوسەنگیەکێ دایە کو ئەگەر ئەڤ هاوسەنگیە تێک بچیت دبیتە ئەگەرێ زێدەبوونا هندەک کەروو و جورێن بەکتریا کو شەکرا ئەم بکاردئینین ل خوارنێن رۆژانە دگوهوریت بو کحولی ژبەر ئێک ژ ئەگەرێن لخوارێ:
– گەلەک بکارئینانا شەکرێ و خوارنێن دەولەمەند ب کاربوهیدراتان.
– گەلەک بکارئینانا ئەنتی بایوتیکا کو هاوسەنگیا میکروبێن باش و خراب ل ئەندامێ هەرسکرنێ تێکدەت.
– هندەک ژ نەخۆشیێن هەرسکرنێ وەکی (کۆنیشانا رویڤیکا هەستیار IBS و نەخوشیا کڕۆن)
و دهێتە دەستنیشانکرن ب هەبوونا رێژەیەکا زوورا کحولی ل خوینێ دا پشتی خارنا ژەمەکێ دەولەمەند ب کاربوهیدراتان.
چارەسەریا وان ژی دهێتە کرن ب رێکا رێک ئێخستنا دوبارە یا هاوسەنگیا میکرۆبێن ئەندامێ هەرسکرنێ ب رێکا پرۆبایوتیکان و دەرمانێن دژە کەروو و هەرەوسا کێمکرنا بکارئینانا خارنێن دەولەمەند ب کاربوهیدراتان.
و ل چەندین وەلاتان کەیس هەبووینە کو شۆفێر هاتینە سزادان ژبەر سەرخوش بوونا وان لدەمێ هاژووتنا ترۆمبێلێ کو ئەو بخو دبێژن مە کحول بکارنەئینایە بەس ل پشکنینان بکارئینانا کحولی دەرکەفتیە بەس پشتی دویڤچوونێن دیتر یێن پزیشکی دەرکەفتیە کو ئەڤ کۆنیشانە هەیە و پاشی ژلایێ یاسایی ڤە مامەلەیەکا دیتر دگەل هاتیە کرن
نيشاندان