د.هشام یوسف بایزید، دیارکر کو گەلەک باوەریێن خەلەت یێن کەڤن ل دور شیرێ دایكێ دناڤ مەدا هەنە، لێ زانستێ نوی دبێژیت: شیرێ دایكێ نەک هەر “ نەخۆشیان ناڤەگۆهێزیت”، بەلکو دیوارەکێ بهێز یێ بەرگریێ یە و ئاماژە کر کو باوەریا کەڤن دگۆتن، هەکە دایك باقلك و گویز یان شیرەمەنیان بخۆت، دێ زارۆکێ خۆ تووشی هەستیاریێ کەت، بەلی راستیا زانستی ئەوە کو خوارنا دایكێ نابیتە ئەگەرێ هەستیاریێ. بەلکو ئەو هندەک پروتینێن کێم یێن خوارنێ یێن دناڤ شیری دا دچنە د لەشێ زارۆکی دا، سیستەمێ بەرگریا وی “فێر دکەن” کو د پاشەڕۆژێ دا تووشی وێ هەستیاریێ نەبیت.
دیارکر ژی کو ب دیتنا هندەک ژنان هەکە خوارنا نەساخلەم بخۆت، شیرێ وی ژی دێ یێ خراب بیت.”، بەلێ یا راست ئەوە لەشێ دایكێ کارگەهەکا مه‌زن یا فلتەرکرنێ یە. هەکە خوارنا وی یا ب مفا ژی نەبیت، لەشی تە دێ ژ مەخزونێ خوە یێن لەشی (وەکو کالسیۆمێ د هەستیان دا) مفای دەتە شیری داکو زارۆک هەر تشتێ پێدڤی بۆ بهێت.
و گۆت: تاما خوارنێن جودا (وەکو سیر، بهارات، کەسکاتی) دچنە دناڤ شیری دا، ئەڤێژی مفا بۆ زارۆکی هەیە داکو ل پاشەڕۆژێ حەز ل سەر خوارنێن جودا هەبیت و زوو فێری خوارنێ ببیت.
د.هشام یوسف دیارکر کو ب دیتنا هندەک ژنان، خوارنا نیسک، باقلك، یان کەلەمی دێ زارۆکی تووشی غازاتان کەت و گۆت:غازات تەنێ دناڤ رویڤیکێن دایكێ دا دروست دبن و ناچنە دناڤ خوینێ و پاشان دناڤ شیری دا. غازاتێن زارۆکی پتریا جاران ژبەر وێ چەندێ نە کو سیستەمێ وی یێ هەرسا خوارنێ یێ گەشە دکەت یانژی ل دەمێ شیرخوارنێ هەوای دکێشیتە دناڤ زکێ خۆ دا.

​ئەڤ چەندە ب تنێ نە ژ “لاوازیا ئیرادێ” یە، بەلکو ڤەدگەڕیت بۆ ئەگەرێن بایۆلۆژی و ڕەفتاری:
• گۆڕانکاریێن شەکرێ د خوینێ دا: خوارنا دانەکی کو زێدە کاربۆهیدراتێن پاقژکری تێدا بن و کێم پرۆتین و ڕویشال بن، دێ شەکرێ د خوینێ دا ب لەز بلندکەت، لەوما لەش داخوازا شەکرێ دکەت دا کو ووزەیێ قەرەبوو بکەت.
• ​نیشانێن خەڵاتکرنێ د مێشکی دا: ڕاهاتن ل سەر خوارنا شریناهیا پشتی خوارنێ، مێشکی فێر دکەت کو د وێ گاڤێ دا هۆرمۆنێ دۆپامین (هۆرمۆنێ بەختەوەریێ) دەربکەت.
• ​کێمبوونا هندەک توخمان: وەکى کێمبوونا توخمێ مەگنسیۆمی.
• ​شێوازێ ژیانێ: کێم نڤستن، و قەلەقیا بەردەوام (کو هۆرمۆنێ کۆرتیزۆل بلند دکەت).
• سروشتێ دانێ خوارنێ: نەبوونا ڕێژەکا پێدڤی یا پرۆتینی د دانێ خوارنێ دا.
• هەکە تو نەشیای ب تەمامی بەرهنگاری وێ حەزێ ببی، دشیان دایه پەنایێ ببەیە بەر بژاردەکا ساخلەم وەکى فێقی یان چکلێتێن تاری (ب کۆنترۆل و مامناوەندی).
​چاوانیا کۆنترۆلکرنا وێ حەزا شریناهیان؟
• ​خوارنا خۆ هەڤسەنگ بکە: گرنگیێ بدە هەبوونا پرۆتین، ڕویشال و کەسکاتیێ د خوارنێ دا، و هندى بشێی خۆ ژ کاربۆهیدراتێن دوبارەکری دویربکە.
• ئاڤێ ڤەخۆ: پاراستنا تەڕاتیا لەشی (ب تایبەت بەری خوارنێ) ڕێگریێ ل زێدەخوارنێ دکەت.
• ​چ جاران ژەمێن خوارنێ پشتگوهـ نەئێخە: برسیبوونا بۆ دەمەکێ درێژ دێ تە پاڵدەت کو پاشان ب شێوەیەکێ زێدە شریناهیان بخۆی.
• ب باشی بنڤە و بەرهنگاری قەلەقێ ببە: تێر نڤستن و کۆنترۆلکرنا فشارێن دەروونی، هۆرمۆنێن برسیبوون و حەزا خوارنێ کێم دکەن.
• بزاڤێ بکە (وەرزش): چالاکیا لەشی و وەرزش هاریکارن بۆ کێمکرنا ڕێژەیا شەکرێ د خوینێ دا.

​قورمچینا پیستی پشکەکا سرۆشتی و ئاسایی یا پرۆسەیا پیربوونێ یە، بەلێ هندەک فاکتەرێن ژینگەیی و ساخلەمی دبنە ئەگەر کو زووتر ژ ژیێ خۆ دیار ببن.
​ل دویف راپۆرتەکا کلینیکا کلیڤلاند، ئەڤ نیشانە پتر ل دێمێ، ستو، و دەستان دیار دبن، کو تێدا پیست شیانا کێشان و ڤەگەریانێ بۆ بارێ خۆ یێ ئاسایی ژ دەست ددەت.
​گرنگترین پێزانین دەربارەی ئەگەر و رێگریگرتن ل قرمچینا پیستی:
-1 ئەگەرێن سەرەکی: کێمبوونا بەرهەمئینانا کۆلاجینی و تەنکبوونا تەخا ناڤەڕاست یا پیستی دگەل ژیێ مرۆڤی دبنە ئەگەرێ دروستبوونا قورمیچینێ. زێدەباری ژیێ مرۆڤی، تیشکا رۆژێ، کێشانا جگارێ، و ژەهرێن ناڤ هەوایێ وەک تۆز و دویکێل پرۆسەیا تێکچوونا کۆلاجینی بلەزتر دکەن.
-2 کاریگەریا میکیاژی و کافاینێ: ​نڤستن ب میکیاژێ ڤە دبیتە ئەگەرێ گرتنا کونیلکێن پیستی و رێگریێ ل دروستبوونا کۆلاجینی دکەت. دەربارەی کافاینێ، هەرچەندە وەک دژە ئۆکسانەک دبیت مفا بۆ دەمەکی هەبیت، بەلێ بکارئینانا وێ بۆ ماوەیەکێ درێژ نابیتە ئەگەرێ نەمانا قورمچینان.
-3 رێکێن چارەسەریێ: ​هەرچەندە پێدڤی ب چارەسەریا نۆشداری نینە، بەلێ ئەوێن دخوازن روویێ وان گەنجتر دیار ببیت، دشێن مفا ژ ئەڤان تشتان وەربگرن:
• ​کریمێن رێتینۆڵ (Retinol).
• ​تەقشیرکرنا پیستی ب لەیزەرێ.
• ​دەرزیێن بۆتۆکس و فیلەر.
• ​نشتەرگەریا راکێشانا پیستی.
-4 خوارن و پاراستن: ​ڤەخوارنا ئاڤەکا زۆر، خوارنا ڤیتامینێن A و C، و ئەو پرۆتینێن د ماسی و مریشکێ دا هەی هاریکاریا مانەوا ساخلەمیا پیستی ددەن. هەروەها بکارئینانا رۆژانە یا دژەخۆرێ باشترین رێکە بۆ رێگریکردن ل قورمچینا پێش وەخت.
​تێبینی: پسپۆر تەئکید ل سەر وێ چەندێ دکەن کو دروستبوونا هێلێن هویر ل دەوروبەرێن دێمی ل ژیێ ٢٥ سالیێ دەست پێ دکەن و پشتی ژیێ ٦٥ سالیێ پتر دیاردبن.