سالار محەمەد دۆسكی:

3-7

جەلال حەسەن ڕەشوی گۆت: ل هەیڤا ئەیارێ‌ ل سالا 1983 من پەیوەندی ب شۆرشێ‌ كر، و بەری چوونا من بۆ ناڤ شۆرشێ‌ مە چەند چالاكیێن ناڤخویی وەك رێكخستنێن نهێنی ئەنجامدا بوون وەك مالا ئێكێ‌ بەعسی ل ناڤ ئێسفنێ‌ مە هاڤێتێ‌ و مە ل كەلها باعەدرێ‌ دا و دەمێ‌ من بریار دایی بگەهمە ناڤ شۆرشێ‌ ئەز چووم و چەند رۆژا مامە ل گەل پێشمەرگەی و ئەوا نەدڤیا بچمە ناڤ شۆرشێ‌ و ئەوا دگۆت مانا هەوە ل جەرگێ‌ دوژمنی دا بوومە گرنكترە و چالاكیێن هەوە دناڤ باژێری پتر سەنگ و دەنگا خوە هەیە و دێ‌ زێدەتر خزمەتا كوردایەتیێ‌ كەن وی دەمی رێكخستیێن مە گەلەك زێدە ب بوون، و شانەكا بنەكی بوو، و دوڤدا ب بوو شانەكا سەرەكی و دوڤدا بوو رێكخراوا (خەلیفان) دوڤدا ناڤێ‌ وێ‌ هاتە گوهورین بۆ رێكخراوا (ئاشتی) وی دەمی بتنێ‌ ئەم زەلام رێكخستی بووین بەلێ‌ پشت هەر زەلامەكی ژنەكا ب جەرگ و زیرەك و ئازا هەبوو پشتەڤانیا وی زەلامی دكر و هەان دەم چالاكیێن ژنان و ئافرەتان وی دەمی نەبوون چونكە كاودان نەخوش بوون و دەمێ‌ چوویمە ناڤ پێشمەرگەی ئەم د خورزا را دەربازبووین و گۆتن دێ‌ چین چالاكیا شێخان كەین و دو چالاكی مە ئەنجامدان یا شێخان و یا باعەردێ‌ و ئەم زڤرین چووینە (ڕكاڤا) ئەم چەندەكێ‌ ماین (محەمەد خالد بالێتەی و میرزا) ئەڤ بەرپرسێن مە بوون و سەر ب رێكخراوا (شەهید محمود ئێزدی) ڤە بوون و سەر ب لژنا شێخان ڤە بوون ئەم چەندەكێ‌ ماین هەتا بوویە دەمێ‌ فراڤینێ‌ و هندەكا فراڤین خوار و هندەكا نەخوار و مە هند دیت فرۆكە هاتنە سەر سەرێ‌ مە و مە چالاكی ل شێخان كربوو و ئەو گەهشتنە مە ب فرۆكان ل ڕكاڤا و ئەڤە هزرا كەسەكێ‌ دا نەبوو وی شەڕی دا ئەم دو پێشمەرگە ب برینداری هاتینە گرتن، و كەفتینە دەستێن حوكمەتێ‌ دا و (8) هەڤالێن مە شەهید بوون، و چەندین ساچمێن فرۆكێ‌ ب من كەفتن و كەفتم و شەش فرۆكە هاتبوونە سەر سەرێ‌ مە 3 فرۆكان دوشك تێدا بوون و 3 ئەڤێن باری بوون و جندی تێدا بوون و دەسپێكێ‌ دو جاران فرۆكە ل سەر سەرێمە زڤری و دو زێرەڤانێن مە ل هەر دو ئالیان كوشتن و كوشتنا هەر دو زێرەڤانا ئەگەر ئەو بخوە بووینە ب چەكێ‌ سڤك رەمی ل فرۆكان كر و هەمان دەم چەكێ‌ مە ژی چ نەمابوو چونكە مە هەر وێ‌ گاڤێ‌ دو چالاكیێن مەزن ل شێخان و باعەردێ‌ كربوون، و نیڤرۆ بوو و ئەم دولەكێ‌ دا بووین بەلێ‌ هاتن و چوون و جه گوهورین ب چ رەنگا مرۆڤ نەدشیا و هەر هەمی جهان مرۆڤێ‌ دیاربوو، و ئەوا فرۆكێن من ئاماژە پێكرین جندی تێدا بوون هەر هەمی جندی ل پشت مە بەردانە خوارێ‌ و بەرسینگێ‌ مە ژی یێ‌ دیاربوو ما دا كیڤە چی؟ چ چەكێ‌ هوسا ل گەل مە ژی نەمابوو و هەر پێشمەرگەكی گەلەك مایی ساجورەك یان ساجورەك و نیڤێ‌ فیشەكان ل گەل دا هەیە و هەمان دەم حوكمەت یا ب فرۆكان و دوشك و رێژەكا مەزن یا جندی و چەكێ‌ پێشكەفتی مادا كیڤە چی، مە بتنێ‌ بەركەكێ‌ بازوكێ‌ و بەرەكێ‌ هاونەكا 60ملم مابوو و ئەو ژی مە هاڤێتن و چ كارتێكرن ل سەر نەبوو بەلێ‌ دەمێ‌ مە دهاڤێتێ‌ فرۆكە بلند بوو وی دەمی هندەك پێشمەرگان جهێ‌ خوە دگوهارت و هەڤالەكێ‌ من جهێ‌ خوە گوهارت و من گۆتێ‌ جهێ‌ خوە نە گوهورە و ئەگەر فرۆكێ‌ تو دیتی تو قورتال نابی ژێ‌ و ناڤبڕەكێ‌ من خوە نەدیت و من دیت چەند ئاخ و بەر كەفتنە سەر لەشێ‌ من هوسا دنیا بۆ توز و مە ئێك و دو نەدیت ئێدی و هەر ئێكسەر هەڤالێ‌ من شەهید بوو و دوشكا وا دەمێ‌ رەمی دكر گولێن وێ‌ دچوونە ئەردی دا ، دوڤدا دتەقین و بهێنا من تەنگ بوو و هێدی هێدی من خوە ژبن ئاخێ‌ دەرخست و پشتا من گەرم بوو و من هەر دو تبلێن خوە هاڤێـنە پشتا خوە من دیت پشتا من هەمی گەرم بوو و هەر دو تبلێن من چوونە دپشتا من دا و من دەست هاڤێـە زكێ‌ خوە و پیچەكێ‌ من بلندكر، چونكە من هەستپێكر وێ‌ گولێ‌ لەشێ‌ من سمتی یە و هەر چەند خوینا من دچوو تەنگە نەفەس بوو من دروست بوو و هزرێن من چوون و لەشێ‌ من هەمی بووینە سەجمە و سەجما مەزن پشتا من را چوویە ب مێلاكێ‌ كەفتیە و پرت پرت كریە و هەتا نوكە ژی چەندین سەجمە لەشێ‌ من دا هەنە و دەمێ‌ ل فرۆكاخانا هاتن وچوونێ‌ دكەم گەلەك ئەزیەتامن دهێتەكرن دەمێ‌ پشكنینێ‌ چونكە لەشێ‌ من هێشتا هەمی سەجمەنە و ئەو كەسێن وی دەمی شەهید بووین ل گەل مە ( رەمزی، هەسن، ملا شینو، سلاح، عوبێد، شمو) یێ‌ دی ناهێتە بیرا من بشگتی هەشت بوون پێنج ئێزدی بوون و سێ‌ موسلمان و ئەم دو ژی ب برینداری هاتینە دەستە سەكرن و پشتی بریندار بوونێ‌ وەەك مە پێشتر ئاماژە پێكری ئێدی هزر ل سەرێ‌ من دانەمان و دەمێ‌ پشتا من بریندار بوویی سیها من ژی بریندار ب بوو و هەوا دسیهێ‌ را پشتێ‌ دهات و من سەرێ‌ خوە دانابوو سەر بەرەكی و من هند دیت چەندین گولێن ئارپیكیێ‌ هاتنە من ژلایێ‌ جندیەكی ڤە و ئەوا گولا ژ سەرێ‌ من نەگرت بەلكو ژ بەری و هندەك پرچا من گرت و ئەو دەنگێ‌ بەری و گولان پیچەكێ‌ هشیاركرم و من دیت جندیەك هاتە هنداڤ سەرێ‌ من و هەرێ‌ ب هەستا بێژم هەوا نەشێم ب هەلكێشم ئەوی لیلیا تڤەنگا خوە كرە دەڤێ‌ من دا و ئەو لیلی هوسا گوری بوو و ب زمانێ‌ ئەرەبی گۆت:
هلو هەكە دێ‌ تە كوژم و من ب هەستێن خوە گۆتێ‌ من تەمام بكە و هەڤالێ‌ وی خوە لێدا و گۆتێ‌ بریندارە پێلە دابەین و ئەو ب پارێن من ڤە و دەمژمپێرا من ڤە و گوستیرەك تبلا من بوو پێڤە مژوویلی بوو وێ‌ ئێڤارێ‌ من سێ‌ پاكیتێن جكارا هەلگرت بوون ئەوی ئەو ژی بخوە برن و ل گەل خوە راكرن و ئەو جندیێ‌ دی راكرم و نێزیكی 10 مەترا ب سەرئێخستم و ل گەل چوون من گولە دهاتنە وی و ئەوی ئەز بەردام وی دەمی پترێن خوینێ‌ وەك مێلاكێ‌ ژ دەڤێ‌ من كەفتن و باوەربكە هەتا كیلویك دو كیلوێن خوینا جەمدی ژ دەڤێ‌ من كەفتن و هەتا ئاستەكێ‌ باش پیچەكێ‌ بهێنا من هات، وەك پێشتر مە ئاماژە پێكری ئەو هەرسێ‌ فرۆكێن جندی تێدا ل دەسپێكێ‌ ئەو ئینا بوونە پشت مە، و بەرسیگێ‌ بەردابوو و ب گولێن ئارپیچی و دوشكان دهاڤێتە مە و بێی دیتن و سنگی فرۆكێ‌ مووشەك دهاڤێتن و هەتا گەهشتیە نارنجوكان و ئەم ب ناڤ ئێكەفتین و ئەو شەر هەتا تاریێ‌ مەغرەب ڤەكێشا و هەڤالێن مە خوە ڤەكێشا و خوە گەهاندنە بنی و چەند كێشامە سەری بوو من ئوكسجین دروست بوو، و من داخوازا ئاڤێ‌ كر.

رەمەزان زەكەریا

سەلوان تەها تەیب ئاكرەیی، بەربژارێ‌ ژمارە 15 د دیدارەكێ‌ دا ل گەل رۆژناما ئەڤرۆ دیار كر، پارتی ل سەر بنەمایێ كاركرنێ بەربژار دەستنیشانكرینە و ئەز ژی ئێكم ژ وان بەربژێرانم كو من بەرنامە هەیە وەك چەوا ل دەمێ بۆری ب رێكا كارێن بارزگانی و خێرخوازی پشتەڤانیا وەلاتیان كریە، وەسا ئەگەر بوومە پەرلەمانتار ژی دێ‌ پشتەڤان و هاریكار بم ل گەل هەموویان، ب تایبەت ل وارێ خێرخوازی من بەرنامە هەیە كو هەموو مووچەیێ خۆ ب رێژا 100% دابینكەم بۆ كارێن خێرخوازی و مرۆڤایەتی و پشتەڤانیا نەخۆش و كەسێن هەژار و دەستكورت.

سەلوان تەها تەیب ئاكرەیی، بەربژارێ‌ ژمارە 15 ل سەر لیستا 275 یا پارتی دیموكراتی كوردستان ل بازنەیێ دهۆك بۆ رۆژناما ئەڤرۆ دیار كر، هەكە من باوەریا دەنگدەر و جەماوەری ب دەستڤەئینا و بوومە ئەندامێ ئەنجومەنێ نوونەرێن ئیراقێ ل خولا شەشێ، ئێكەمین كارێ من دێ جێبەجێكرنا كارناما پارتی دیموكراتی كوردستان بیت، ژبەركو هەمی دەمان پارتی خودان بەرنامەیێ خوەیێ تایبەت بوویە كو د بەرژوەندیا گشتی دا بوویە و كار بۆ هەموو تەخ و چینێن جڤاكی كریە، هەروەسا من بەرنامەیێ تایبەت ب خوە هەیە كو ئەنجامدانا پرۆژە و كارێن خێرخوازیە و دەمێ چەندین سالایە كارێ من بەخشین ب رێكا خودێ بۆ كارێن خێرخوازی و مرۆڤایەتی و هاریكاریا نەخۆش و كەسێن هەژار و دەستكورت دكەم و دێ بەردەوام بم ل سەر ئەرك و كارێن خوە یێن خێرخوازی.
ناڤبری گۆتژی: ئەرك و كارێ پارتی بەرەڤانیكرنە ژ ماف و ئەركێن وەلاتیێن هەرێما كوردستانێ و چەندین خولێن پەرلەمانیە ئێكانە پارتا شەر ل سەر مافێن گەلێن كورد كری و گەهشتینە ئەنجامەكێ كو د بەرژوەندیا وەلاتیێن هەرێما كوردستانێ دا بیت پارتی بوویە، ب هیڤینە ل خولا شەشێ ئاریشە و قەیرانێن ئابووری ب ئێكجاری چارەسەر بكەین و دووماهیێ‌ ب ڤێ رەوشا نوكە بهێت كو مووچە بهێنە گیروكرن و هۆكارێ سەرەكیێ ڤان ئاریشان ئەوە حكومەتا ئیراقێ كار ب دەستووری ناكەت، لەورا ئاریشە دروست دبن.
ناڤهاتی ئاشكرا كر، گرنكترین خال كو پێدڤیە كورد ل بەغدا و ناڤخۆ جێبەجێ بكەن ئێكگرتن و ئێكدەنگیە بەرامبەر پرسێن چارەنڤیساز و نەتەوەیی، پێدڤیە ئەندامێن نوو یێن جڤاتا نوێنەرێن ئیراقێ ئەڤجارە ب هێزەكا نووڤە بەرامبەر وێ زۆلمی راوەستن كو چەندین سالە ئیراق ل مووچەخۆرێن هەرێما كوردستانێ دكەت و ئێكەمین خال ڤێ رەوشێ باشتر بكەت و بەرەڤ ئاقارەكێ ئارام و خوشگوزەران بچیت، پێدڤیە ئێكگرتن ئێك هەلوێستی بەرنامەیێ پەرلەمانتارێن كورد بیت، ب هیڤیا وێ چەندێ بۆ پرسێن نەتەوەیی و نیشتیمانی هەموو پەرلەمانتارێن كورد چاڤ ل پەرلەمانتارێن پارتی بكەت.
گۆت ژی: هەموو دەما پارتی پشتەڤانیا هەموو تەخ و چینا كریە ل بوارێ دروستكرنا دەلیڤێن كاری و پێشڤەبرنا شیانێن گەنجان، پارتی هەردەم خۆ ل كار و بەرنامەیێن پێدڤی ب وەلاتیێن كوردستانێ ڤە كریە، ئەم ب هیڤینە ڤێ خۆلی پارتی پتر كار بۆ پێشڤەبرنا دەستێ كاری بكەت بۆ وێ چەندێ پتریا وەلاتیان مفا دار ببن، ل هەر جهەكێ بم دێ كار كەم بۆ هاریكاریا كەسێن هەژار و كێم و دەرامەت و نەخۆش و خودان پێدڤیێن تایبەت.
خویا كر: چارەسەركرنا ئاریشەیا مووچەی بۆ وێ چەندێ قەیرانا دارایی ب ئێكجاری نەمینیت پێدڤیە دەسهەلاتدارێن ئیراقێ كار ب دەستووری بكەن كو ئەوا نوكە بەرامبەر كوردان دهێتە كرن تەمام بەروڤاژی دەستوورێ نوكەیێ ئیراقێ یە، لەورا دێ كار كەین بۆ وێ چەندێ ئاریشێن ئابووری و قەیرانێن دارایی ب رێكا دەستووری چارەسەر بكەین.
تەكەستكر، ل دەمێ بۆری ب هەموو شیانێن خوەڤە مە كار بۆ هەموو تەخ و چینێن جڤاكی كریە، ب تایبەت ل بوارێ خێرخوازی و پشتەڤانیا گەنجان و نەخۆش و كەسێن هەژار و كێم دەرامەت و ل هەر جهەكی بم و هەر پلە و پۆستەك من هەبیت دێ بەردەوام بم.
سەلوان تەها تەیب ئاكرەیی: ل سالا 1973 ژ دایكبوویە، دەمێ 30 سالایە ل بوارێ كارگێری و بازرگانی و كارەبێ كار دكەت، هەلگرێ باوەرناما پشكا كیمیایێ یە ل زانكۆیا مووسل، زمانێ دایك و زمانێ عەرەبی و ئینگلیزی دزانیت، شارەزایی هەیە ل بوارێ گۆتاربێژیێ و شرۆڤەكرنا گۆتارا سیاسی، دەمێ 15 سالایە كارێن خێرخوازی ئەنجام ددەت، شارەزایی هەیە ل بوارێ كارگێری و بازرگانی و بۆدجەیی ، نوكە بەربژێر ب ژمارە 15 بۆ هەلبژاردنێن خولا شەشێ یا ئەنجومەنێ نوونەرێن ئیراقێ ل سەر لیستا 275 یا پارتی ل بازنەیێ دهۆك.

لەزگین جوقی

بەربژارێ‌ ژمارە 15 ل سەر لیستا 275 یا پارتی دیموكراتی كوردستان ل شنگالێ راگەهاند، بۆ دەرمانكرنا ئێش و ئازارێن خەلكێ خۆ دێ كاركەین و هەر تشتەكێ دشیاندا بیت بۆ شنگالێ و ئێزدیان دێ ل بەغدا كەین.

نەواف بەدەل خەلەف، بەربژارێ‌ ژمارە 15 ل سەر لیستا 275 یا پارتی دیموكراتی كوردستان بازنێ نەینەوا بۆ رۆژناما ئەڤرۆ گۆت: سوزێ دەم هەر تشتەكێ دشیاندا بیت بۆ خەلكێ خۆ ل بەغدا بكەم، هەر وەكۆ ساڵا 2014ێ ئەوا بابێ من دژی تێرۆرستێن داعش ئەنجامدای و بەرەڤانیێ ژ شنگالێ كر، ئەز سوزێ دەم ل بەغدا بەرەڤانیێ ژ مافێن خەلكێ خۆ بكەم.
نەواف بەدەل خەلەف تەكەز كر، پارتی دیموكراتی كوردستان بۆ شنگالێ و ئێزدیان خزمەتەكا مەزن ئەنجامدایە، دێ‌ ب هەمی شیانێن خۆ دێ كاركەین بۆ خزمەتكرنا خەلكێ شنگالێ، وەكو قەرەبووكرنا خەلكێ زیانڤێكەڤتین شنگال و ئاڤەدانیا دەڤەرێ، چونكو ل سەر دەستێن تێرۆرستێن داعش زیانەكا مەزن گەهشتیە خەلكێ شنگال و هەتا نوكە وەكو پێدڤی كار و خزمەتا شنگالیان نەهاتیە كرن.
ئاشكرا كر، پارتی دیموكراتی كوردستان ب هەموو شێوەیان خزمەتا جڤاكێ‌ ئێزدیان ل شنگالێ دكەت و پێدڤیە خەلكێ مە لیستا 275 یا پارتی دیموكراتی كوردستان هەلبژێرن، دا كو پتر خزمەتا خەلكی بهێتە كرن و شنگال بهێتە ئاڤاكرن و خەلكێ مە ب سەرفەرازی ڤەگەرنە سەر مالێن خۆ.