د دیدارەكێ‌ دا ڕاهێنەرێ‌ تیما یانەیا زاخۆ دیار كر ئەو روودانێن پشتی یارییا تیما وان بەرانبەر یانەیا شەباب یا سعۆدیێ‌ هاتینە پێش دوور ژ گیانێ‌ وەرزشی بوون و یاریزانەكێ‌ نە تێگەهشتی بوو ئەگەرێ‌ تێكدانێ‌، ئەڤچەندە هات پشتی د یارییا پێش دووماهییا قارەمانییا كۆپا كەنداڤی ئەوا تیما زاخۆ ب لێدانێن پەنەلتییان تووشی خوسارەتیێ‌ بووی پشتی یاری ب گۆلەكێ‌ وەكهەڤی ب دووماهی هاتی، دووڤدا ئێكسەر یاریزانێ‌ هەلبژارتیێ‌ سعۆدیێ‌ و یانەیا شەباب عەلی ئەلبلێهی لڤینێن دەستی یێن سڤكاتی ب یاریزانێن زاخۆ كری.
ئەیۆب ئۆدیشۆی گۆت: د جیهانا وەزرشی و فوتبۆلێ‌ دا جوانترین تشت پشتی سەركەڤتنا هەر تیمەكێ‌، دێ‌ ب گیانێ‌ وەرزشی هەردو تیم چنە دەستێن ئیكۆدو و پیرۆزباهی و لێبۆرینێ‌ پێكگهۆڕن، لێ‌ مخابن د یارییا مە دا بەرانبەر شەباب یا سعۆدیێ‌ بەرۆڤاژی بوو و دوور ژ ڕەوەشتێ‌ وەرزشی هاتە پێش، مە گەلەك حەز دكر تیما بەرانبەر ب گیانێ‌ وەرزشی هاتبانە دەستێ‌ یاریزانێن مە و ئەڤە ڕێزگرتنا دروستە د ناڤا وەرزشێ‌ دا.
هەروەسان ناڤهاتی گۆت: هیچ شێوەیەكی یاریزانێن مە دگەل توندوتیژیێ نەبوون، لێ‌ مخابن ئەو یاریزانێ‌ شەبابا سعۆدیێ‌ دیاربوو د دەمەكێ‌ ئەنجامدانا یاریێ‌ ژی یارییەكا زڤر دكر، هەرچەوابیت مە ئەو هزر نەدكر دێ‌ روودانەكا نەچاڤەڕێ‌ كری و دوور ژ گیانێ‌ وەرزشی دژی مە هێتە روودان، یاریزانێ، یانەیا زاخۆ هەردەم خودان گیانێ‌ وەرزشی بووینە لێ‌ ئەوا هاتیە كرن نەچاربوون بەرگریێ ژ خوە بكەن.
ژلایەكێ‌ دووڤە فدراسیۆنا فوتبۆلا سعۆدیێ‌ ب فەرمی ڕاگەهاند ئەوان یاریزان عەلی ئەلبەلیهی دگەل هەلبژارتیێ‌ وەلاتێ‌ خوە هەتا دەمەكێ‌ نە دیار دوورئێخست دیسان، هەروەسان یانەیا شەباب ژی بڕیاردا ئەو یاریزانە بهێتە سزادان.

شاهۆ فەرید:

د دیدارەکێ دا ئەحمەد سەلاح جێگرێ سەرۆکێ فدراسیونا یاریا بلیاردێ یا لەقێ دهۆک بۆ رۆژنامەیا ئەڤرۆ دیارکر: هەردو قارەمانین سنوکەرێ و ناین بالێ یا سالانە سەر ئاستێ پارێزگەها دهۆکێ و ئیدارا سەربەخوەیا زاخۆ هاتنە ئەنجامدان، پشکدرایا کومەکا یاریزانان پتریا وان کەنجێن خودان شیان بووین چەند یاریزانێن ژیێ گەنج ژی پشکدارهەبوون، هەموی یاریزان ژی خودان شارەزایەکا باشن ئەڤێ یاریێ دا، ئەڤ هەردو قارەمانیە ماوەیێ هەردو قارەمانیا شەش رۆژان دا بوون، رۆژێن ژێک جودا یا سنوکەرێ هولا تیدورس و یا ناین بالێ ژی هولا ناین بولێ هاتنە ئەنجامدان.
زێدەتر ناڤهاتی گۆت ژی: مەرەم ژ ڤەکرنا ئەڤان جۆرە قارەمانیا پاراستنە بۆ یاریزانان، هەست بگەش و هەوایێ قارەمانیابکەن، هەروەسا ژی مەرەم پێ ئەوە بەرهەڤبن بۆ هەر خول و قارەمانیەکا ناڤخوەیی و دەرڤە، هەروەسا ئەڤان قارەمانیا دادڤان و جەماوەر ئامادەیا یاریزانی هاندەت خوە باشتر لێبکەت، بزاڤێ دکەین ژ ئەڤان قارەمانیا بخوە یاریزانان ژێبگرین بۆ هەر قارەمانیەکا مە هەبیت، چونکۆ ئەم خوە خودانێن ئەڤان یاریزانان دزانین دڤێت شێوازەکێ ئەکادیمی و باش فێربکەین، شیانێن مە سنوردان ئەم بزاڤێ دکەین هەر رێکەکا هەبیت نە هێلین ئەڤ یاریزانە بێ قارەمانی بن، گەلەک جارا مە داخاز هندەک جهان کرینە ببنە سپونسەر بەلێ مخابنڤی ڤە خوەل مە نەکرینە خودان، بەلێ بەردەوامین لسەر بزاڤ و چالاکیێن خوە دەستبەردایی نابین.
بۆ زانین ئەڤە هەردو قارەمانیە سالانە دهێنە ئەمجامدان ژلایێ فێدراسیونا یاریا بلیارێ دهوکێ دهێتە ئەنجامدان ، سەرکەفتێن یاریا سنوکەری محەمەد فەرحات وهونەر ئەحمەد و هەروەسا ناین بالێ ژیی هشیار عیماد و عامر رەمەزان یاریا دووماهیێ ئەنجامدابوون

پشتی دەنگۆیێ فرۆتنا یانەیا یۆڤانتۆس ب ستێرێ‌ خوە یێ‌ گەنج یێ‌ توركی كینان یەلدز سێ‌ یانەیێن ئۆرۆپا هەرزو لڤینێن دەستڤە ئینانا وی كرینە و ب ڕێیا ڕێڤەبەرێن تیمێ‌ یێن كارگریێن یانەیێن خوە پەیوەندی ب بڕیكارێ‌ یەلدزی كرینە، لێ‌ یۆڤانتۆس ب ئێك رۆهنكرن بزاڤێن هەرسێ‌ یانەیان هێلاینە هەلاویستی.
ل دەستپێكا ڤێ‌ حەفتیێ‌ بابەتێ‌ گەرم یێ‌ یانەیا یۆڤانتۆس ژ دەستدانا ستێرێ‌ خوە یێ‌ گەنج یێ‌ توركی كینان یەلدز ئەوێ‌ گرێبەستا وی دگەل یانەیا ئیتالی هەتا سالا 2030ێ‌ كو دهێتە هژمارتن ئێك ژ بەهرەمەندێن خودان شیان دژیێ‌ 20 سالیێ دایە، ژبەر شیانێن وی هەر ئیك ژ یانەیا ڕیال مەدرید یا ئسپانی، لیڤەرپۆل و مانچستەر یۆنایتد یێن ئنگلتەرایێ‌ بزاڤێن خۆرت كرینە ژبۆ ڕازیكرنا یاریزانێ‌ توركی.
د ڕاپۆرتەكا رۆژنامەڤانی دا هاتیە كو یانەیا یۆڤانتۆس بەرهەڤە دەست ژێ‌ بەردەت لێ‌ ب مەرجەكی گرێبەستا وی ژ 100 ملیۆن یۆرۆیان كێمتر نەبیت، ئەڤچەندە وەكرییە هەرسێ‌ یانەیێن ناڤهاتی نەچاربن دانۆستاندنێن خوە ب هەلاویسن

كوڕێ‌ باژێرێ‌ ئەلقۆشێ‌ و ڕەڤەند ل ئۆرۆپا بۆكسڤان جوناسان مازن شیا ناسناڤێ‌ قارەمانییا سان دیێگۆ یا نێڤدەولەتی ب دەستڤە ئینا پشتی شیایی د یارییا فینالێ‌ دا بۆ كێشا 65 كگم ب سەركەڤیت ل سەر هەڤڕكێ‌ خوە یێ‌ ئەمریكی كینگ وێلیمان ب دربێ‌ كەتنێ‌، د هەڤڕكیێن قارەمانیێ‌ دا ئەوا ب پشكدارییا 102 یاریزانێن ئاستێ‌ دو یپشەكاران ل سەر ئاستێ‌ نێڤدەولەتی ل باژێرێ‌ سان دیێگۆ یا وەلاتێ‌ ئەمریكا هاتیە كرن.
بڤێ‌ سەركەڤتنێ‌ كوڕێ‌ باژێرێ‌ ئەلقۆش شیا پلێتەكا زێرین بۆ قارەمانییا داهاتی یا نێڤدەولەتی وەربگریت ئەوا دێ‌ ل تیرمەها بهێت ل پایتەختێ‌ ئەمریكا واشتنۆن هێتە كرن كو دبیتە ئێكەم یاریزانێ‌ ئیراقی ب گەهیتە ڤێ‌ قارەمانیێ‌.
ژلایەكێ‌ دووڤە لژنەیا ئۆلمپییا ئیراقێ‌ جوناسان ئێخستیە لبن چاڤدێریێ ژبۆ پرۆژەیێ‌ قارەمانێ‌ ئۆلمپی و پشتەڤانییا دارایی بۆ دهێتە كرن، ب مەرەما پشكداریێ‌ د قارەمانیێن نێڤدەولەتی و ئۆلمپی دا ب ناڤێ‌ هەلبژارتیێ‌ ئیراقێ‌ بكەت، بڕیارە ل دەستپێكا مەها بهێت ڤەگەڕیتە كوردستانێ‌ و ئیراقێ‌.
هەژی گۆتنێ‌ یە جوناسان مازت د ژیێ‌ 25 سالی دایە وخەلكێ‌ دەڤەرا ئەلقۆشێ‌ یە و د نوكە دا ل ئەمریكا دژیت، ل سالا بۆری ناسناڤێ‌ قارەمانیا ئەمریكا بۆ یاریزانێن پێشكەڤتی د كێشا 60كگم دا ب دەستڤە ئینابوو.

دەرئەنجامێ‌ بزاڤێن بەردەوام یێن یانەیا مانچستەر یۆنایتد یا ئنگلتەرایێ‌ ژبۆ ب ڕازیكرنا یانەیا ڕیال مەدرید بۆ دەست ژ بەردانا ستێرێ‌ خوە یێ‌ فرەنسی ئۆریلین چوامینگی بۆ وەرزێ‌ نوو یێ‌ سالا بهێت، لێ‌ یانەیا ئسپانی ب مەرجەكی ڕازییە.
د ڕاپۆرتا رۆژنامەیا تێلێگرام یا ئنگلتەرایێ‌ هاتییە، یانەیا مان یۆنایتد گرنگیەكا تایبەت دایە چوامینیگی و بزاڤێن ب دەستڤە ئینانا وی كریە، هەرچەندە یانەیا ڕیال مەدرید دەرگەهێ‌ دانۆستاندنێ‌ نە گرتییە لێ‌ دیاركرییە بەری دەست ب دانۆستاندنێ‌ بكەن هەكەر شیان یاریزانێ‌ مانچستەر ستی رۆدیگێری ڕازی بكەن و بینە دناڤ ڕێزێن تیما خوە دا ئەو بەرهەڤن دەست ژ چوامینگی بەردەن، تا كە ڕێكە بۆ چوونا وی ژ ڕیالێ‌، ئەڤ گۆتنە هیڤییەك دایە مانچستەر یۆنایتدێ‌ ژبەركو یانەیا مان ستی و رۆدیگێر ل سەر كۆمەكا خالان هیچ ڕێكەڤتنەك نە كرییە و دوور نینە گرێبەستا وی بهێتە هەلوەشاندن.