سالار محەمەد دۆسكی:
5-7
چونكە لڤینێ لەشكرێ ئیراقێ و چەتان ل دەڤەرێ و خۆ بەرهەڤ دکر ئانكو بگشتی مە ئاگەهـ ژ لڤینێن لەشكری ل دەڤەرێ هەبوو و رێنما ئەو بووینە كو بەرەڤانیێ بكەین و شەرێ خوە بكەین لژنێن هوشیاركرنێ و هاندانێ هەبوون ل دەڤەرێ و سمینار بۆ خەلكی دهاتنە گۆتن كا دێ چەوا خوە پارێزن و ئەگەر هاتو حوكمەتا بەعس چەكێ كێمیایی و بكارئینا وی ماوەی ژی دا خەلكی گوند بەردا بوون و قەستا گەلی و جهێن ئاسێ كربوون و تێدا بخوە خانی دروستكربوون ب مەرەما خوە پاراستنێ و دیسا گەلەك ژی چو بوونە جهێن نەپەنی ژ بەر فرۆكان، دیسا هەمان دەم پێشمەرگە و بەرگێری مللی ل دەڤەرا شێخان هاتبوونە بەلاڤەكرن ل دەڤەرێ و من گەلەك بزاڤكرن ئەوا خێزانا قورتال بكەین بەری بكەڤنە دەستێ حوكمەتا بەعس وی دەمی خودێ ژێ راوی (فەتەح گولی) بەرپرسێ لژنا ناوچا شێخان بوو وی ماوەی دا كاك (فەتاح) دەستیردان وەرگرت بوو و ل جهێ وی (عەلی خنسی) وەك بەرپرسێ لژنێ هاتبوو دانان كارگێرێ لژنێ بوو و بەرپرسێ رێكخستنێ بوو وەك جێگرێ لژنێ دهاتە دیتن و ئەو یێ بەرهەڤبوو، چەند جاران ئەز و ئەو ب هەڤركی چووین سەرا ڤی بابەتی و من گۆتێ مە شەر پێ چ نابیت و ئەز زانم هێزا حوكمەتێ بەرامبەر مە چەندە و بەرامبەر ئەوی گۆت تو فەوزایێ دكەی من گۆتێ نەخێر ئەز فەوزایێ ناكەم و من گۆتێ نەشێین بەرامبەر شەری بكەین، وی گۆت دێ شەرێ اعساباتا كەین و من گۆتێ من فەرهنگا شۆرشان دا گولێ نەبوویە شەرێ اعساباتا ب خێزان و زارۆكان ڤە بهێتەكرن و ئەڤە ئەگەر بوو ئەم ب هەڤرا بچین و ئەوی گۆت نابیت تو ئەڤان ئاخفتنا بێژی من گۆتێ ئەڤان ئاخفتنا دكەم چونكە زانم مە شیانێن ڤێ هێزێ نین و ئەگەر بینم زارۆكێن مە دناڤ دەستێ دوژمنی دا بن ئەم نەشێین شەری ژی بكەم و نە ئەز بتنێ بەلكو هەمی پێشمەرگە بڤی رەنگی و دڤێت قوناغا ئێكێ ئەم خێزان و زارۆكێن خوە ڤەگوهێزینە سەر سنوری و پاراستی بن و راستی پێش وەخت من بزاڤكرن كو خێزان و زاۆكێن خوە ڤەگوهێزم دووڤ دا هندەكا گوتە من دێ بیتە فەوزا و تو دێ بیتە ئەگەرێ ڤێ فەوزایێ، خێزان و زارۆكێن من ل گوندێ قورپنیێ بوون ل سیار و سپیندارا و ئێكێ گوندی هەبوو دگۆتنێ (محەمەد سلێمان) ئەم دبێژینێ (حەمێ) هاتە دەڤ من و گۆت ئەگەر هوون رازی بن ئەم دێ خێزانێن خوە ڤەگوهێزین و ئەگەر هوون رازی بن دێ خێزان و زارۆكێن هەوە ژی ل گەل خوە بەین و هەوە خەما وا نەبیت، بەلێ رێنمایێن حزباتیێ ئەو نەبوون كو ئەم خێزان و زارۆكان دەرباز بكەین لەوما مە نەدڤیا ئەم ببینە ئەگەرێ ڤێ چەندێ و ئەم ماینە ل دەڤەرێ و مە دیت رۆژ بۆ رۆژێ هێزێن لەشكری و چەتە بەرەڤ زێدەبوونێ یێ دچن و پێزانین بەردەوام دگەهشتنە مە و رۆژا 25/8/1988ێ ئەز ل گوندێ ستكوركێ بووم ل گەل دەنگێ فرۆكان ل تاڤ هەلاتێ هشیاربووم و من ئاگەهـ ژ دەنگێ قومبلا بوو و دهاتە گوهێن من و من نەزانی كێمیاوی هاڤێتی یە چونكە بەرێ ڤە چیایی رەمی كربوو ئەو گەلیێ دهێت بۆ بێ نارینكێ و ئەو دەڤەر ژصوریا و بێناریكێ و هەتا دگەهیتە ئالیێ سیارێ قومبلە هاڤێـت بوون و ل هەمان رۆژ ل دەڤەرا ئامێدیێ و گەلەك دەڤەرێن دی ژی كێمیاوی هاڤێت بوو و كارتێكرن كربوو و مەزانی كێمیاوی هاڤێت و ئەو كەسێن نێزیكی روودانێ كارتێكرن ل سەر هەبوو و گەلەكا بهێ، تەنگی بۆ دروست بوو و چاڤێن وا روندك دكرن و هەتا وەرمین كەفتە ناڤ چاڤان و دیاربوو كو كێمیاوی هاتیە هاڤێتن ل سیارێ ژنەك پێ هاتە كوشتن و گەلەك ئاژەل پێ كەفت بوون و گەلیێ عەمەر ل بن صوریا هەتا ژووردا دهێتە بێنارینكێ گەرێن ئاڤێ هەبوون و ماسی دناڤ گەراندا نەمابوون و هەمی كارتێكرنا هاڤێتنا كێمیاوی بوو و گەلەك ئاژەل و بالندە كەفت بوون و مربوون، رۆژا 26/8 هەڤالەكێ من هەبوو بناڤێ (سالح زاویتەی) ئەم دبێژینێ (سەید سالح) وێ رۆژێ چوومە مال و من گۆت كا دێ رێنما چ بن و هێشتا سپێدەكا زووی بوو و هەتاڤ نە هەلات بوو و (سەید سالحی) گازی من كر شێخ شێخ من گۆتێ خێرە تو سەرێ ڤێ سحارێ رابووی؟ گوت دێ هلو من شولێ ب تەهەی و ل گەل گۆتنێن وی رابوومە ڤە و من گۆتێ خێرە گۆت ئەڤە پوستەكێ هاتی و برۆسكەك ژ مەكتەبا سیاسی و جەنابێ سەرۆكی گەهشتە مە و تێدا هاتبوو دیاركرن كو رێكخستن دناڤبەرا لژنا شێخان و ئاكرێ دا بهێـتەكرن و كار بۆ ڤەگوهاستنا خێزانا بهێتە كرن و ئێدی ئەم گەهشتینە وێ باوەریێ كو كاودان گەلەك نەخوشن و هەمان بۆچوونا من دەركەفت و من شاهد ژی هەنە ل سەر ڤێ چەندێ و ئێدی مە هەست پێكر كاودان ئالوزن و هەمان رۆژ دا خەلكی دەست ب رەڤێ كر و رێنمایێن حوكمەتا بەعس ئەو بووین كو ئەو دەڤەرێن بن دەستهەلاتا شۆرشێ ڤە هاریكارن و ئەو سەرەدەریا ل گەل پێشمەرگەی دهێتەكرن هەمان سەرەدەری دێ ل گەل وی خەلكی ژی هێتەكرن و چ جوداهی دناڤبەرا چن و زارۆكی و زەلامی و دانعەمری نینە و دێ هەمان سەرەدەری ل گەل هێـتەكرن و ئەو رێنما گەهشت بوونە دەستێ چەتان ژی و ئەو لەشكرێ هاتیە دەڤەرێ لەشكرەكێ مەزن بوو و فەوجێن چەتان وێ هزرێ بكە هەمی رێك هاتبوونە گرتن و جادە هاتبوونە گرتن و دەڤەر بگشتی هاتبوو گرتن، دماوێ ئەنفالان دا مە شەڤەكێ ڤیا ئەم دەربازبین ل جادەكێ باوەر بكە دناڤبەرا ئاگری بۆ ئاگری 40 بۆ 50 مەتران بوو .
نيشاندان