وەزارەتا دارایی یا حوكمەتا هەرێما كوردستانێ كرێیا وانەبێژیێ بۆ مامۆستایێن میلاك و گرێبەست زێدە كر و بۆ هەر وانەیەكێ چار هزار دینارن.
وەزارەتا دارایی مەرجێ وەرگرتنا ڤی گوژمێ پارەی ب وێ یەكێ ڤە گرێدایە، كو مامۆستا «نیساب» ئانكو وانە گۆتنا خۆ یا یاسایی تەمام بكەت.
ئەڤ ڕێنمایە ژ دەستپێكا سالا نوو یا خواندنێ 2025 – 2026 دێ چیتە د وارێ بجهئینانێ دا.
هەڤسەرۆکێ دەم پارتی دیار دکەت، هەکە قووناغا ئاشتیێ یا تورکیا سەرکەڤیت دێ کاریگەریا خوە یا گەلەک باش بۆ هەموو رۆژهەلاتا ناڤین ژی هەبیت، چونکی د رەوشا نها یا ئالۆز دا تورکیا و رۆژهەلاتا ناڤین پێدڤی ئاشتیێ نە.
تونجەر باکرهان هەڤسەرۆکێ دەم پارتی د کۆنفرانسێ نێڤدەولەتی یێ ئاشتیێ و جڤاکێ دیموکراتیک ل ستەنبولێ دا ئاخڤی و دیار کر، وەکو دەم پارتی و گەلێ کورد ل تورکیا و باکورێ کوردستانێ ئەو ب هەموو شیانێن خوە پشتەڤانیێ ل ئاشتیێ دکەن، سەرکەفتنا قووناغا ئاشتیێ بۆ هەموو تورکیا یا گرنگە، د رەوشا نها یا ئالۆز ل رۆژهەلاتا ناڤین دا پێدڤیا تورکیا و هەموو رۆژهەلاتا ناڤین ب ئاشتیێ هەیە و گۆت: (بێگومان نها کورد ل تورکیا ژ بۆ ئازادیێ و بدەستڤەئینانا مافێن خوە یێن رەوا کار دکەن، د هەمان دەمی دا پێدڤیا تورکیا ژی ب دیموکراسیێ هەیە، ب سالانە بەرپرسێن تورکیا دبێژن ژ بەر شەرێ ئەو نەشێن چاکسازیان بکەن، نها شەڕ نامینیت و وی دەمی دڤێت قووناغەکا نوو بۆ پێشڤەبرنا تورکیا دەستپێ بکەت، کورد ژی ب هەموو رەنگەکێ ژ بۆ ئازادیێ و ئاشتیێ کار دکەن).
هەڤسەرۆکێ دەم پارتی د پشکەکا دی یا ئاخڤتنا خوە دا ئەو یەک ژی دیار کر، نها دەلیڤەیەکا گەلەک گرنگ و دیرۆکی هاتیە پێش، نابیت رێ بدەین هندەک ئالی ژ بەر بەرژەوەندیێن خوە یێن تەنگ جارەکا دی ئالۆزیان دروست بکەن، دڤێت هەموو هێزێن سیاسی ل تورکیا ژ بۆ ئاشتیێ و چارەسەرکرنا پرسا کوردی هاریکار بن و گۆت: (ژ بۆ ئاشتیێ و چارەسەرکرنا پرسا کوردی دڤێت ب کریاری هندەک تشت بهێنە کرن، مخابن هەتا نها تشتەک وەسا نەهاتیە کرن، ئالیێ کوردی و ئۆجەلانی گەلەک تشت کرن، لێ هەتا نها دەولەتا تورکیا ب کریاری چو نەکریە، کورد دلگرانن، دڤێت هندەک تشت بلەز بهێنە کرن، د پێنگاڤا ئێکێ دا دڤێت هەموو گرتیێن سیاسی بهێنە ئازاد کرن، ب تایبەتی ژی دڤێت سەلاحەدین دەمیرتاش و هەڤالێن وی ئازاد ببن، ئێدی چو ئاستەنگی ل هەمبەر ئازادکرنا دەمیرتاشی نەماینە و دڤێت بریارا ئازادکرنا وی بهێتە دان).
ناڤهاتی د دووماهیا ئاخڤتنا خوە دا ئەو یەک ژی دیار کر، تورکیا د قەیرانەکا گەلەک مەزن دایە، رەوشا رۆژهەلاتا ناڤین ژی گەلەک خرابە، دبیت شەڕێن مەزن ژی روو بدەن، لێ ب شەڕی چو پرسەک چارەسەر نابیت، ژ بەر ڤێ یەکێ ژی ئەم دبێژین هەکە قووناغا ئاشتیێ ل تورکیا سەر بگریت دێ کاریگەریا خوە یا گەلەک باش بۆ هەموو رۆژهەلاتا ناڤین ژی هەبیت، تورکیا دشێت رۆلەکێ گەلەک مەزن ژ بۆ ئارامیا رۆژهەلاتا ناڤین بگێریت، ژ بۆ ڤێ یەکێ ژی چارەسەرکرنا پرسا کوردی گەلەک یا گرنگە.
ئەندامەکێ کۆمسیۆنا ئاسایشا نەتەوەیی یا ئیرانێ دیار کریە، د ڤان دەمێن دووماهیێ دا ئەمریکا پێشنیازەک بۆ دانوستاندنان ئاراستەی ئیرانێ کربوو لێ ئەو یەک ژ ئالیێ ئیرانێ ڤە ب توندی هاتیە رەتکرن و ئیرانێ پێشنیازا ئەمریکا قەبوول نەکریە.
فەدا حسێن مالیکی ئەو یەک ژی دیار کریە، ئەمریکا داخوازا کربوو ئیران دەست ژ بەرنامەیێن خوە یێن ئەتۆمی و موشەکی بەردەت و دۆسیا وان رادەستی ئەمریکا بکەت و ل هەمبەر دا ئەمریکا ژی دێ هندەک سزایێن ل سەر ئیرانێ راکەت، لێ ئەو یەک ژ ئالیێ ئیرانێ ڤە ب توندی هاتیە رەتکرن و ئیران د رەوشا نها دا بەرهەڤ نینە ل گەل ئەمریکا چو دانوستاندنان ژی بکەت.
ناڤهاتی ئەو یەک ژی دیار کریە، دەمێ دانوستاندن د ناڤبەرا ئیرانێ و ئەمریکا دا هەبوون ئسرائیلێ ب پشتەڤانیا ئەمریکا ئێرشی ئیرانێ کر و ئێدی باوەریا ئیرانێ ب ئەمریکا و سۆزێن وێ ناهێت و د رەوشا نها دا ئیران بەرهەڤ نینە ل گەل ئەمریکا چو دانوستاندنان ژی بکەت.
یوسف رەجی وەزیرێ دەرڤە یێ لوبنانێ د داخویانیەکێ دا دیار کر، دڤێت حزبوللا دەست ژ چەکی بەردەت، چونکی هەتا چەک د دەستێ حزبوللا لوبنانێ دا بن ئسرائیل ل گەل لوبنانێ دەست ب دانوستاندنان ناکەت و پرسین هەی ژی چارەسەر نابن، هەکە حزبوللا دەست ژ چەکی بەردەت دێ بۆ لوبنانێ گەلەک یا باش بیت، مخابن هەتا نها ژی حزبوللا نەڤێت یا باش بۆ لوبنانێ بکەت.
وەزیرێ دەرڤە یێ لوبنانێ ئەو یەک ژی دیار کر، نها رەوشەکا گەلەک ئالۆز ل دەڤەرێ هەیە و د هەمان دەمی دا بزاڤێن گەلەک مەزن بۆ ئاشتیێ و ئارامیێ ژی دهێنە کرن، دڤێت حزبوللا ژی ببیتە پشکەک ژ پرۆژەیێ نها بۆ ئارامیێ و دەم یێ هاتی حزبوللا دەست ژ چەکی بەردەت، هەکە حزبوللا ل سەر هەلوەستێ خوە یێ نها بەردەوام بیت دێ زیانێن گەلەک مەزن گەهنە لوبنانێ و حوکمەتا لوبنانێ دڤێت حزبوللا دەست ژ چەکی بەردەت.
رێوار محهمهد رهشید:
بهرپرسێ راگههاندنێ ل گهڕا 12ێ یا فلمه فیستهڤالا دهۆك یا نێڤدهولهتی ئاشكرا كر كو ژڤانه سوبههی رۆژا سێشهمبی 9/12/2025 ل دهمژمێر 4:00 ئێڤاری گهڕا 12ێ یا فلمه فیستهڤالا دهۆك یا نێڤدهولهتی ب نیشادانا فلمێ درێژ بناڤێ (My Uncle Jens) یێ (بروا وههابپوور) ل هۆلا كۆنگران ل زانكۆیا دهۆك بهێته ڤهكرن.
حهسهن عارف، بهرپرسێ راگههاندنێ ل گهڕا 12ێ یا فلمه فیستهڤالا دهۆك یا نێڤدهولهتی بۆ بهرپهرێ هونهری یێ رۆژناما ئهڤرۆ دیار كر كو فلمێن پشكدار د ڤێ خۆلا فلمه فیستهڤالا دهۆك یا نێڤدهولهتی دا نوونهراتیا 37 وهلاتێن جودا دكهن ئهڤ چهنده دهرگهههكه بۆ نیاسینا كهلتوور و چیرۆكێن جیهانێ ل سهر شاشهیا زێڕینا فیستهڤالێ و گۆت: «بۆ ئهڤ ساله 110 فلم بۆ بهریكانێ و نیشادانێ هاتینه وهرگرتن كو 45 فلمێن كوردی نه و 65 فلمێن بیانی نه«.
ناڤهاتی ئاماژه دا وێ چهندێ كو پرۆژێ «نووهات» بۆ دهمێ شهش سالانه د فلمه فیستهڤالا دهۆك یا نێڤدهولهتی دا پشكداره د ڤان سالان دا نووهات بوویه پرهكا بهێز بۆ پشتهڤانیكرنا گهنجان د بیاڤێ سینهمایێ دا ئهو ژی ب رێیا سازكرنا وۆركشۆپێن ئهكادیمی و دابینكرنا پشتهڤانیێ بۆ پرۆژێن وان تاكو بشێن هزرێن خوه بكهنه فلمێن بهرههمهاتی ئهڤ ساله ژی ل سهر ههمان رێباز یا بهردهوامه و گۆت: «فلمه فیستهڤال ههتا رۆژا 16/12/2025 دێ یا بهردهوام بیت و رۆژانه فلم دێ ل هۆلا كۆنگران ل زانكۆیا دهۆك و سینهماكس ل دهۆك مۆل و هۆلا خانی ل کۆلیژا هونەرێن جوان زانکۆیا دهۆک هێنه نیشادان ز سهرهرایی ڤێ چهندێ چهندین كاروچالاكیێن جودا جودا ژی د رۆژێن فلمه فیستهڤالێ دا دێ هێنه ئهنجامدان».
زنار تۆڤی:
پرۆژێ ئۆركێسترا (سۆنگس ئۆف یونتی) رهسیتالا نهتهوهیی، پرۆژهكێ گهلهك مهزنه، میراتا دهولهمهندا موزیكا كوردی ب هیڤیێن فرههێن موزیكا جیهانی دێ گههنه ئێك، ههروهسا ژ دهستپێكێ ههتا دووماهیێ ههموو پهیسكێن ڤی پرۆژهیی ب لێهاتیهكا هونهری و بالداریهكا تایبهت دهركهفتینه، د ناڤهندا ئۆركێسترایێ دا ههیبهتا ئامیرێن تار و مهلۆدیێن كهڤنارێن رۆژههلاتا ناڤین دێ ئێكگرن، دیالۆكهكا خهمگین دێ پهیدا بیت و دویتهكا موزیكێ دێ پێكئینیت، موزیكژهن نه ب تنێ ب لێهاتیا ژهنینا خۆ، د ههمان دهمدا ژیانا كلتووری و گیانێ خۆ دێ بۆ بهرههڤبوویان دیاركهن.
كهرهم چهلیك، بهرپرسێ رێكخستنا ڤی پرۆژهیی، بۆ رۆژناما ئهڤرۆ دیاركر: پرۆژێ ( سۆنگس ئۆف یونتی، رهسیتالا نهتهوهیی)، نه ب تنێ كۆمبوونا چهند ئامیرێن موزیكێ یه، بهلكو كورسهكه ژ ناسناڤ و دهنگێن جودا، رێزگرتنهكه ب ئێكگههشتنا رۆژههلات و رۆژئاڤایه، چونكی موزیكژهنێن رۆژههلات و رۆژئاڤا دێ ههست و ئهزموونێن خۆ پێشكێشكهن، دناڤا ڤی پرۆژهیی دا ناسناڤێ موزیكا رهسهن و نوو یا كوردی ل گهل ئهستاتیكا موزیكا رۆژئاڤایی دێ ئێكگرن، تهماشهڤان ژی ب ئاوازێن میزوپۆتامیا و رۆژئاڤا دێ كهڤنه د رێپیڤانهكا گهردۆنی دا، سترانبێژێن ههر چار پارچیچن كوردستانێ دێ هێنه سهر دهپێ شانۆیێ، ههر ئێكێ ژ وان دێ رهنگ و چیرۆكا خۆ پێشكێشكهت، ئهڤ ئێنێرجیا ب كۆم دێ موزایكهكێ دروستكهت دێ بینهران گههینیته جیهانا ئهفسۆنی و دێ رهنگان كۆمڤهكهت، ههروهسا ئهو سترانێن دهێنه پێشكێشكرن، دێ كلتوور و دیرۆك و ههست و رهنگێن وهلاتێ كوردان نیشاندهن، ههر سترانهك ژی، دێ شاهی و ئێش و ئهڤین و حهسرهت و بهرخۆدانێ ڤهگێریت، ستران ژ نۆتان پترن و د ههمان دهمدا بیرهاتنهكا كلتووریه.
ناڤهاتی گۆت ژی: ئهردهم ئهلتینسێس، رێڤهبهرێ وێ ئۆركێسترایێ یه، وی شارهزایی ل سهر چهندین ئامیرێن موزیكێ ههیه، پشكداری د چهندین پرۆژێن نێڤدهولهتی دا كریه، ل گهل هندێ ئهڤ پرۆژه ب تنێ كۆنسێرت نینه، د ههمان دهمدا ئارمانجا وی ئهوه، كو بۆ موزیكێ ببیته مانیفێستێك، دیتنا وێ ئهوه، كو موزیكا كوردی ب دهولهمهندیا ئۆركێسترایێن جیهانی بكهته ئێك و ل پاشهرۆژێ بینیته سهر ههمان دهپێ شانۆیێ، تهڤگهرا كلتوورێ كوردی نێرین بۆ پرۆژێ ئۆركێسترا رهسیتالا نهتهوهیی دانایه، ههروهسا ئهزموونا تهڤگهرا كلتوورێ كوردی یا كویر و دومدرێژه، محهمهد ئاكتاش، رێڤهبهرێ هونهری یێ ڤی پرۆژهیی یه، ئهو خۆدان ههستهكێ هونهری یێ كویره، ههروهسا تێگههێ ڤی پرۆژهیی ب سۆز و ئهزموونا خۆ خهملاندیه، عهلی گۆلهر ژی رێكخهرێ ڤی پرۆژهیی یه، ئهڤین ئاكسۆی ژی رێڤهبهرێ ڤی پرۆژهیی یه، ههروهسا ئۆركێسترا سۆنگس ئۆف یونتی- رهسیتالا نهتهوهیی، ب تنێ كۆنسێرتهك نینه، رۆژههلات و رۆژئاڤا دێ ئینیته سهر دهپێ شانۆیێ، ههماههنگیا سترانبێژان و ئۆركێسترایێ دێ حهزژێكهرێن موزیكێ دلخۆش كهت، ئهم د بهرههڤین و هوون ژی بهرههڤ بن، لێ بنێرن و بزانن چاوا كلتوورهكێ كهڤن و پرۆژهكێ نموونه دێ هێته پێشكێشكرن كو هیڤیێن جیهانی ههنه.
ل دووماهییێ گۆت ژی: ئهڤ ئۆركێسترایه ل 19 ی ڤێ ههیڤێ ل باژێرێ هانۆڤهر ل وهلاتێ ئهلمانیا ب پشكدارییا هژمارهكا هونهرمهندێن كوردێن ههر چار پارچێن كوردستانێ دێ هێته گێران.
زاخۆ، دلۆڤان هالۆ:
حسێن پیرۆ، بەرپرسێ تیپا ڕۆژ یا ستران و مۆزیکێ ل ئیدارەیا سەربخوە یا زاخۆ د دیدارەکا هونەری دا بۆ ڕۆژنامەیا ئەڤرۆ دیار کر کو ل دووڤ داخوازەکا فەرمی تیپا مە یا ڕۆژ یا ستران و مۆزیکێ دێ پشکدارێ د سێیەمین فیستەڤالا ئۆرکێش دا ل ڕۆژئاڤایێ کوردستانێ کەت.
ناڤهاتی ئاماژە ب وێ چەندێ ژی کر کو 30 گڕۆپ ژ نەتەوەیێن جودا جودا دڤێ ڤیستەڤالێ دا پشکدارن، ئەم ژی وەکو تیپا ڕۆژ یا ستران و مۆزیکێ ژ ئیدارەیا سەربخوە یا زاخۆ ب کەلتور و هونەرێ خوە دێ بەشداریێ دڤێ فیستەڤالێ دا کەین، هیڤیدارم کو ئەم بشێن ل وێرێ سترانێن دەڤەرا خوە پێشکێشی وان بکەین، و د هەمان دەمدا ئەم ژی کەلتور و هونەرێ وان گڕۆپێن بەشدار ژ نێزیك ڤە ببینین.
گۆت ژی:» 10 کەس ژ ئەندامێن تیپا مە یا ڕۆژ یا ستران و مۆزیکێ دێ بەشداریێ دڤێ فیستەڤالێ دا کەن، ئەو سترانێن کو ژ لایێ تیپا مە ڤە دهێنە گۆتن دێ هەموو سترانێن گرێدایی کەلتورێ زاخۆ بن، ب تایبەت سترانێن هونەرمەندێن نەمر ئەردەوان زاخۆیی و ئەیاز یوسڤی».
زێدەتر ژی گۆت:»تیپا ڕۆژ یا ستران و مۆزیکێ ل سالا 2012 ل ئیدارەیا سەربخوە یا زاخۆ هاتیە دامەزراندن، پتری 40 کەسان ژ کۆڕ و کچان دڤێ تیپێ دا ئەندامن،
پێشتر ڕێژا مۆزیکژەنان ل سەر دەپێ شانوویێ ل زاخۆ کێم بوو، لێ پشتی تیپا ڕۆژ هاتی ئەو ڕێژە زێدە بوو، دیسان مە شیایە دوو مۆزیکژەنێن ئامیرێن نوو یێن کلارنێت و قانوونێ ژی ل زاخۆ زێدە بکەین کو پێشتر نەبوون».
زاخۆ، دلۆڤان هالۆ:
دەروونناسەکێ دیار کر کو حەزا زارۆیان ژ بۆ خودانکرنا گیانەوەران د مالدا ب شێوەیەکێ سادە دهێتە دیتن، لێ ژلایێ دەروونناسیا پەروەردەیی ڤە دبیتە ڕێیەك ژبۆ پێشڤەبرنا شیانێن بەرپرسایەتیێ ل دەف زاڕۆکی.
سەعادەت شێخ ڕەحیمی، دەروونناسە د بیاڤێ زاڕۆك و سنێلەیان دا د دیدارەکێ دا بۆ روژنامەیا ئەڤرۆ دیار کر کو د گەلەك خێزانان دا زاڕۆكان حەز و ئارەزویەکا زێدە هەیە بۆ هەبوون و خودانکرنا گیانەوەران دناڤ مالدا، ئەڤە ژی بۆ چەندین ئەگەران دزڤڕیت وەکو یاریکرن یان چاڤلێکرن یان ژی سۆزداری و گۆت؛ ب سەرڤە ئەڤ چەندە ل دەف زاڕۆکان ب شێوەیەکێ سادە دهێتە دیتن، لێ دەروونناسیا پەروەردەیی ڤێ چەندێ ب ڕەوشەکا پەروەردەیی دبینیت، چونکی ئەڤە دەلیڤەکە بۆ فێرکرنا وان شیان و ئارەزوویان یێن کو ڕۆلەکێ سەرەکی د گەشەکرنا زاڕۆکی دا دگێڕن.
دەروونناسێ دیار کر ژى کو خودانکرنا گیانەوەران دناڤ مالدا ژلایێ زاڕۆکانڤە کاریگەریێن مەزن ل سەر کەسایەتیا زاڕۆکی هەنە وەکو زێدەکرنا خوڕاگریا سۆزداری و پێشڤەبرنا شیانێن تاکەکەسی و جڤاکی، هەروەسا کێمکرنا هۆگربوونێ و بهێزکرنا باوەری بخوبونێ و بەرهەڤکرنا زاڕۆکی ژ بۆ ڕۆلێن پاشەڕۆژێ یێن مەزنتر وەکو دایك و بابینی و چاڤدێریا کەسێن دی.
سەعادەتێ د بەردەوامیا ئاخفتنێن خۆدا دیار کر کو ژلایێ دەروونناسیا پەروەردەیی ڤە داخوازیا زارۆکی بۆ هەبوونا گیانەوەران د ناڤ مالدا دەرفەتەکا گرنگ و پر بهایە بۆ پێشڤەبرنا بەرپرسایەتی و پلان دانان و ڕەوشتێن کرداری ل دەف زاڕۆکی ل دووڤ ڕێنمایێن دایك و بابێن زاڕۆکی و هەڤالینیا گۆنجایی و گۆت؛ گیانەوەرێن ناڤ مالێ دشێن حەز و ئارەزوویێن سادە یێن زاڕۆکی بگۆهۆرن بۆ کاریگەترین ئالاڤ د پەروەردەیا زاڕۆکی دا.
قەیس وەیس:
پشتی فدراسیۆنا فوتبۆلا ئیراقێ بڕیارا ڕاوەستاندنا خولا ستێران هەتا دووماهییا ڤێ مەهێ دەركری، ژبەر پشكدارییا هەلبژارتیێ ئیراقێ د كۆپا عەرەبی دا ئەوا نوكە هەڤڕكیێن وێ ل وەلاتێ قەتەر دهێنە كرن، ب بۆرینا حەفت گەڕان ژ هەڤڕكیێن خولا ستێرێن ئیراقێ ئەنجامێن باش و لاواز دگەل هەبوونا ڕێزبەندییا جودا پەیدابووینە، هەرچوار یانەیێن كوردستانێ دهۆك، زاخۆ، هەولێر و نەورۆز چەند مفادارن و چەند زیان دێ ڤێ كەڤیت، جارێ ئەم پێزانین گشتی بۆ خواندەڤانا دیار بكەین.
دهۆك د سەردەمێ عەبدولغەنی شەهد دا
پشتی هاتنا ڕاهێنەر عەبدولغەنی شەهەد ل جهێ سلێمان رەمەزان و پێشتر یێ بەرازیلی فاریاس ئەوێن هەردو ڕاهێنەران نە شیان چو سەركەڤتنان بینن ژلایێ خوەڤە عەبدولغەنی شیابوو د سێ یاریێن دووماهیێ دا سەركەڤتنەك و دو وەكهەڤییان بینت، دنوكە دا دهۆك ب پێنج خالان ژ سەركەڤتنەك و دو وەكهەڤییان ل ڕێزا 16ێ دهێت و خودانا حەفت گۆل تۆماركرینە و 10 گۆل ل سەر هاتینە تۆماركرن.
زاخۆ ب ئاست و ئەنجام باش بوویە
ئەنجامێن تیما یانەیا زاخۆ ب سەركێشیا یێ قەتەری ویسام ڕزق گەلەك باش بووینە ئەوێن شیانین چار سەركەڤتن، وەكهەڤییەك و دو خوسارەتی بینن ب كۆمكرنا 13 خالان ڕێزا شەشێ بهێن، هەرچەندە د كۆپا كەنداڤی ژی دا پشكدارن و شیاینە حەفت خالان كۆمبكەن سەرێ لیستا كۆما خوە بهێن و دەربازبوونێ بۆ قووناغا دویێ و چارگۆشەیا زێرین مسۆگەر بكەن.
هەولێر پاشایا خولێ یە
تیما یانەیا هەولێر وەكو پاشایا خولا ستێرێن ئیراقێ و شیایە سەرێ لیستا خولێ ب پارێزیت و بەردەوامە ل سەر ئاست و ئەنجامێن خوە یێن باش هەتا نوكە ب 19 خالان ڕێزا ئێكێ دهێت ژ شەش سەركەڤتن و ئێك وەكهەڤی بێ خوسارەتی، یاریزانێن وان 12 گۆل ئیناینە ژوانا حەفت گۆل یێن پیشەكارێ وان یێ كازاخستانی شیرازۆڤی نە و بتنێ پێنچ گۆل ل سەر هاتینە تۆماركرن.
نەورۆز یا د نالیت
تیما یانەیا نەورۆز ژ باژێرێ سلێمانیێ نەشیایە د حەفت یاریێن بۆری دا ئاستێ خوە باش بكەت كو د رەوشەكا خراب دایە ل ڕێزا 18ێ دهێت ب كۆمكرنا سێ خالان ژ سەركەڤتنەكەكێ ئەوا ل یاریگەها دهۆكێ بەرانبەر كارەبا ئینایی و شەش خوسارەتیێن ل دووڤ ئێك، حەفت گۆل هەنە لێ 16 گۆل ل سەر هاتینە تۆماركر، هاتنا وەلی كەریم دێ بیتە ئەگەر بۆ ڤەگەڕاندنا ئاست و ئەنجامێن جاران!.
ڕێزبەندییا گشتی پشتی بۆرینا حەفت گەڕان ژ خولێ
1- هەولێر 19 خال.
2- دیالا 16 خال.
3- جەوییە 16 خال.
4- شورتە 15 خال كێمترییا یارییەكێ.
5- ئەلگەرمە 13 خال.
6- زاخۆ 13 خال.
7- ئەلغرافە 12 خال.
8- زەورا 11 خال كێمترییا یارییەكێ.
9- تەلەبە 11 خال.
10- ئەلكەرخ 11 خال.
11- مینا 10 خال.
12- مووسل نەهـ خال.
13- ئەمانەت بەغدا نەهـ خال.
14- نەفت نەهــ خال.
15- نەجەف شەش خال.
16- دهۆك پێنچ خال.
17- نەفت میسان چار خال.
18- نەورۆز سێ خال.
19- كارەبا دو خال.
20- ئەلقاسم ئێك خال.
كەنگی یاریێن گەڕا هەشتێ نە
لدووڤ پێشبنییا هاتیە دانان فدراسیۆنا فوتبۆلا ئیراقێ 22ێ ڤێ مەهێ وەكو دەستپێكرنا خولا ستێرێن ئیراقێ ب ئەنجامدانا یاریێن گەڕا هەشتێ دانای، ئانكو پشتی ب دووماهی هاتنا قارەمانییا كۆپا عەرەبی و لدووڤ ئەنجامێن هەلبژارتیێ ئیراقێ دبیت چەند رۆژەك نێزكتر بن، بڕیارە یاریێن گەڕا هەشتێ بڤی شێوەیی بهێنە كرن، دهۆك- نەجەف، ئەلگەرمە- زاخۆ، دیالا- هەولێر، نەورۆز- ئەمانەت بەغدا، تەلەبە- شورتە، مووسل- نەفت میسان، ئەلكەرخ- ئەلغراف، زەورا- مینا، نەفت- جەوییە، ئەلقاسم- كارەبا.
بڕیارا ئەنجامدانا كۆپایێ هاتە هەلوەشاندن
پێشتر هاتبوو ڕاگەهاندن فدراسیۆنا فوتبۆلا ئیراقێ پشتی ڕاوەستییان گەڕا هەشتێ ژ خولا ستێرێن ئیراقێ دێ ل جهێ وێ یاریێن قووناغا 16ێ یا كۆپا ئیراقێ هێنە كرن، لێ دەنگۆباسێن هاتینە بەلاڤكرن كو بڕیارە هاتیە هەلوەشاندن ل سەر داخوازییا گەلەك یانەیێن پشكدار ئەوێن یاریزانێن وان دناڤ ڕێزێن هەلبژارتیێ ئیراقێ دا تایبەت، شورتە، زەورا، هەولێر، زاخۆ و ئەلگەرمە، دهێتە پێشبینیكرن كۆپا ئیراقێ ل شووباتا سالا بهێت ڤەگەڕیت.
شرۆڤەكارێ وەرزشی بۆچوونا خوە هەبوو
لدۆر كارتیكرنا ئەرێنی و نەرێنی یێن ڕاوەستیانا خولێ ل سەر ئاست و ئەنجامێن یانەیێن كوردستانی وەحید ڕەشید شرۆڤەكارێ وەرزشی ل پارێزگەها دهۆكێ و ڕاهێنەرێ شارەزا یێ فوتبۆلێ بۆ رۆژنامەیا ئەڤرۆ بڤی شێوەیی گۆت:
پێنەڤێت ڕاوەستیانا خولێ دێ كارتیكرنێن ئەرێنی و نەرێنی هەبن ل سەر هەموو تیمان كەت، بۆ تیمێن ئەنجامێن وان د باش نەبوون دەلیڤەیەكە كوپ تر لێكنێزكیبوون و چارەسەركرنا هەر كێماسیەكێ تایبەت یێن یانەیێن دهۆك و نەورۆز ژبەركو هەردو یانە پێدڤی ب دەمی هەبووینە، ژبەركو ئەنجامێن وان د جیگیر نەبوون و باش نەبوون بەرۆڤاژی هەردو یانەیێن هەولێر و زاخۆ.
دهۆك دێ مفای ژێ وەرگریت
هەكە ئەم دۆڤچوونا ئەنجام و خالێن دهۆكێ بكەین دێ بینن ژ شەش یارییان بتنێ پێنج خال هەبن و ڕێزبەندیێن دوور كو دگەهیتە یا 16ێ، لەوما ژی دبینم ئەڤ ڕاوەستیانە یا باش بوو و دهۆك دێ مفایی ژێ وەرگریت و دیار ژی بوو هەتا نوكە دو یاریێن هەڤالینی كرینە، دوور ژ ئەنجامی یا گرنگ ڕاهێنەر بشێت شێواز و تەكتیكا خوە دگەل تیمێ بگونجینیت و دەمێ دچیتە دناڤ خولێ دا بشێت سەرەدەرییا دروست دگەل تیمێ بكەت، دهۆك پێدڤی ب ڤەگەڕیانێ یە، ئەنجامێن بۆری كەس ژێ ڕازی نەبووینە.
زاخۆ د دو چەبەران دا شەڕی دكەت
سەبارەت یانەیا زاخۆ ژی ناڤهاتی گۆت: ب گشتی ئەنجامێن وێ نە د خرابن و دبیت گڤاشتنەك یا ل سەر یاریزانان و كادرێ ڕاهێنانێ یا هەیی ژبەركو پشكدارن د خولا ستێرێن ئیراقێ و كۆپا كەنداڤی ئەڤە هەردو قارەمانییە گەلەك گرنگن و ب هێزن، لێ گەلەك جاران یانە هەبووینە د كۆپیتگا ئاست و ئەنجامێن خوە دا پشتی ڕاوەستیانا خولێ كارتیكرنەكا نەرێنی ل سەر تیما وان دكەت، تیما زاخۆ یا ئێگكرتییە و ب هێز هاتینە دناڤ خولێ دا ڕاهێنەر كارەكێ باش دكەت.
هەولێر دڤێت ئاست و ئەنجاما بپارێزیت
ل دۆر یانەیا هەولێرێ گۆت: تیما كوردستانی ئەوا نوكە سەرێ لیستێ دهێت جهێ دەستخوەشیێ یە، ب هیڤی نە ڕاوەستیانا خولێ كارتیكرن ل سەر تیما وان نە كەت و بەردەوامیێ ب دەتە ئاست و ئەنجامێن باش، ڕاهێنەر باسم قاسم شارەزاهییەكا باش هەیە دبیت ئەو سەرەدەریێ دگەل ڤێ ڕاوەستیانێ بكەت.
د بەرژوەندییا نەورۆز دا بوو
ل سەر یانەیا نەورۆز وەحید رەشید گۆت: تیما نەورۆز د شەش یاریێن خولێ دا بتنێ سەركەڤتنە ئینابوو ئەڤە ژی ئاماژیە كو ئەنجامێن وێ د خرابن و رەوشەكا باش دا نینە، لێ هاتنا وەلی كەریم و ئەنجامدانا چەند یاریێن هەڤالینی بەلكو ئەوان كێماسیان چارەسەر بكەن، ب گشتی ڕاوەستیانا خولێ بۆ تیمێن ئەنجامێن وان د لاواز ئەو دمفادارن.
دبیت خول بەردەوام نەبیت
پێشبینی دكەم خولا ستێرێن ئیراقێ د وەرزێ ئەڤ سالە دا دێ یا بزحمەت بیت ب دووماهی بهێت، ژبەركو ل خزیرانا سالا 2026ێ دێ دەست ب مۆندیالا جیهانی هێتە كرن و هەبوونا نێزیكی 30 حەفتی ماینە و هەكە بەلاڤكەین وەكو خشتەیێ یارییان بزەحمەتە بگەهیتە دووماهییا خولێ و لدووڤ فیفایێ نابیت هیچ خولەكا وەلاتەكی هەبیت و مۆندیال دەستپێكری بیت، لێ هەكە فدراسیۆنا ئیراقێ گوهۆڕین ئێخستە د خشتەیێ خوە و هەردەمێ هەلبژارتیێ ئیراقێ یارییەك هەبیت خولێ نە ڕاوەستینیت دبیت بگەهیتێ لێ دێ گەلەك هنگاڤتن دناڤ یاریزانان دا پەیدابن و دبیت ئاریشەیێن جودا ژی هەبن.
تیما ڤۆلی بۆلی بۆلا یانەیا سەنحاریب سەركەڤتنەكا گرنگ و ب ڕیمۆنتادا ل سەر هەڤڕكا خوە نەسر یا ئوردنی ئینا ب سێ گێمان بەرانبەر دو گێمان وەكو قارەمانا كۆما خوە دەربازبوون قووناغا چارێك دووماهیێ، د یارییا واندا ئەوا ژ چارچووڤەیێ یاریێن گەڕا سێیێ ژ كۆما سێیێ یا هەڤڕكیێن قارەمانییا رۆژئاڤا ئاسیا ل سەر ئاستێ كچان، ئەوا هەڤڕكیێن وێ ل هۆلا سەلوا وەلاتێ كۆێتێ بەردەوامن
دەربازبوونەكا دیرۆكی
كچێن یانەیا سەنحاریب نوونەرا پارێزگەها دهۆكێ، كوردستانێ و ئیراقێ ب سەرپەرشتییا ڕاهێنەرێ پارێزگەهێ د. هەكار برقی شیان سەركەڤتنێ ل سەر هەڤڕكا خوە یا ئوردنی بینن و پاشكەڤتنا خوە ب دو گێمان بەرانبەر گێمەكی بكەنە سێ گێم بەرانبەر دو گێمان ب ڕیمۆنتادا سەركەڤتنەكا دیرۆكی بینن و ببیتە یا سێیێ ل دووڤ ئێك بینن پشتی سەركەڤتی ل سەر یانەیێن فەیحاد یا سعۆكیێ ب(3-1) گێمان و دگەل قدوس یا فلەستنینی ب(3-چنە) گێمان سەركەڤتن ئینایی.
نێزیكی ناسناڤی بوو
پشتی سێ سەركەڤتێن ل دووڤ ئێك كچێن سەنحاریب وەكو خودانا سەرێ لستا كۆما سێیێ دەربازبوو قۆناغا چارێك دووماهیی ئەوا بڕیارە ل چارشەمبییا بهێت دەمژمێر چارێ ئێڤاری یارییا خوە د ڤێ قووناغێ دا بەرانبەر خودانا ڕێزا دەیێ یا ئەلعەلا یا سعۆدیێ، سەركەڤتیێ وان دێ دەربازبیتە پێش دووماهیێ.
لدۆر ڤێ سەركەڤتنێ داود ڕەبەن سەرۆكێ یانەیا سەنحاریب و سەرۆك شاندنێ تیمێ بۆ رۆژنامەیا ئەڤرۆ گۆت: یارییەكا دراماتیكی بوو بەرانبەر یانەیا نەسر یا ئوردنی و بهێزترین یاری د قارەمانیێ دا هاتییە كرن ژبەركو ئاستەكێ مەزن و هونەری هاتە دیتن، پێشتر مە گۆتبوو یارییەكا ب سانەهی نابیت، پیرۆزباهیێ ل كادرێ ڕاهێنانێ و یاریزانان و خەلكێ كوردستانێ دكەم ئەڤ سەركەڤتنە بۆ وەرزشا كوردستانێ و ئیراقێ یە
ژلایەكێ دووڤە ناڤهاتی ئەوچەندە ژی دۆپاتكر ئەو ڕژدن بۆ هیڤی و ئارمانجا خوە و گۆت: قووناغا بهێت دێ بزەحمەتر بیت لێ مە باوەری ب شیانێن كادرێ ڕاهێنانێ و یاریزانان هەیە ب هیڤی نە ب گەهینە ئارمانجا خوە، هەرچەندە ئەركێ مە ب سانەهی نابیت لێ مۆرال یا بلندە بۆ دەستكەڤتەكێ دیرۆكی.
بۆ زانین تیما ڤۆلی بۆلا یانەیا سەنحاریب د كۆما سێیێ دایە پێكهاتینە ژ یانەیێن نەسر یا ئوردنی، قودس یا فلەستینی و فەیحا یاسعودی، كۆما ئێكێ پێكهاتییە ژ قەلەمۆن یا لوبنانی، قەتەر یا قەتەری، عەلا یا سعۆدیێ، فەتات یا كۆێتی، كۆما دویێ پێكهاتینە ژ نەسر یا یەمەنی، شارقە یا ئیماراتی، عەرەبی یا قەتەری و سەلوا یا كوێتی.
نيشاندان