بێوار حەمدی:
سترانبێژێ گەنج (زۆردار رەبیع) د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: ئەڤە پتری 10 سالایە ئەز سترانان دبێژم، لێ هەتا نوکە من بتنێ ئێک بەرهەم هەیە و یێ بەردەوامم.
زورداری هێشتا گۆت: هەر ژ زارۆکینیێ من حەزا سترانگۆتنێ هەبوویە و د ناڤ خێزانامە ژی دا دوو سترانبێژ هەنە لەوما پتر دەرفەت و پشتەڤانی بۆ من ژی چێبوو، ئەز حەز ژهەمی جورێن سترانان دکەم لێ پتریا وان ب شێوێ «had2 نە، چونکۆ پتر دگەل دەنگێ من دگۆنجن و ئەز پتر ل ڕوونشتنا و دگەل هەڤالان سترانان دبێژم و جاران ژی ل دووڤ داخوازیا نە.
ناڤهاتی ئەو چەندە ژی دا زانین کو ژبلی سترانگۆتنێ ئەز ئامیرێ عودێ ژی دژەنم، چونکۆ گەلەک یا گرنگە سترانبێژ ئامیرەکێ مۆزیکێ بزانیت، ژ بەر کو یێ مۆزیکێ نەزانیت نەشێت ببیتە سترانبێژەکێ سەرکەفتی، گۆتنا سترانا دوقۆلی ژی گرنگیەکا تایبەت ل دەفمن هەیە لێ هەتا نوکە من هزر دڤێ چەندێ دا نەکریە.
ل دووماهیێ ژی زۆرداری دیار کر کو بۆ داهاتی دپلانا من دا هەیە کو سترانێن هونەرمەندێن رەسەن یێن وەکو ( ئەردەوان زاخۆی، محەمەد شێخۆی، تەحسین تەهای) ب شێوەیەکێ نوی بێژم و زیندی بکەمەڤە، لێ ب گشتی داخوازیا من ژجهێن پەیوەندیدارو سەندیکایێن هونەرمەندان هەی کو پتر پشتەڤانیێ ل سترانبێژێن گەنج بکەن.
نيشاندان