سندس سالح:
هێتفون (هێدفۆن) ئامێرەکێ بچووکە کو دهێتە گرێدان ب تلەفۆن یان کۆمپیوتەری ڤە دا کو مرۆڤ بشێت ب نهێنی و بێی دەنگی بەرز ب دەنگێن ئامێری گوهداری بکەت. ئەڤ ئامێرە ب جۆرێن جۆدا د بازارێ دا بەردەستن.
باشیێن هێتفونێ:
-1 تایبەتمەندی:
هێتفون ڕێ ددەن تو ل هەر جهەکی بێی دەنگى بلند بکەيی گوهداریا موزیک یان ڤیدیۆیان بکەيی، کو ئەڤە ڕێزگرتنە ژ وان کەسێن دەوروبەرێن تە.
-2 کوالێتیا دەنگی:
هێتفونێن نوو کوالیتیەکا باش یا دەنگی پێشکێش دکەن گوهداریێ زێدە دکەت.
-3 بێ تێلە:
گەلەک هێتفون نها بێ تێلە کو ب ڕێيا بلوتوسى د گەل ئامێران دهێنە گرێدان، ئەڤە ژی بزاڤێ بۆ تە ئاسانتر دکەت.
-4 پاراستنا ژ دەنگێن دەرڤە:
هێتفونێن باش دەنگێن دەرڤە نەهێلن بهێنە ناڤ گوهێن تە، ئەڤە ژی هاريكاريا تە ددەت باشتر ژ وی تشتێ تو گوهداری دکەيی وەرگری.
-5 بکارئینانا گەلەک ڕۆژان:
گەلەک هێتفون دشێن چەندین ڕۆژان بهێنە بکارئینان بێی پێدڤی ب شەحنکرنێ بن، تایبەت یێن بێ تێلە.
خرابیێن هێتفونێ:
-1 زیانێن وێ بۆ گوهی دەنگێ بلند ژ هێتفونان دشێت زیانێ بگەهینیتە گوهێن تە، تایبەت ئەگەر بۆ دەمەکێ درێژ بکاربینی.
-2 ئاگەهداریا کێم:
دەمێ تو هێتفونان دکەیە گوهێن خوه، تو کێمتر هەست ب دەوروبەرێن خوه دکەيی، کو ئەڤە دشێت دەم و جاران مەترسیدار بیت.
-3 پاتری خلاسبوون:
هێتفونێن بێ تێلە دڤێت بهێنە شەحنکرن، لەوا ئەگەر تو هشیار نهبی وان چارچ بکەيی، تو دێ بێ گوهداری مینی.
-4 بهایێ وان:
هێتفونێن باش گەلەک جاران بهایەکێ بلند هەیە، کو ئەڤە ژی بارگرانیەکە ل سەر بەریکا مرۆڤی.
-5 بەرزەبوون:
هێتفون د بچووکن و دشێن ب ساناهی بهێنە بەرزەکرن، نەخاسمە یێن بێ تێلە.
ئەنجام:
هێتفون ئامێرەکێ گەلەک باشە ژ بۆ گوهداریا موزیک، پەیوەندی و گەلەک تشتێن دی، تایبەت دەمێ مرۆڤ دڤێت تایبەتمەندیا خوه بپارێزیت یان ژی نەدڤێت کەسێن دی بێزار بکەت. لێ دڤێت مرۆڤ بزانیت چەوا ب شێوەیەکێ دروست بکاربینیت دا کو زیانێ نەگەهینیتە گوهێن خوه و هەروەسا هشیار بیت ژ دەوروبەرێن خوه.
نيشاندان