فدراسیۆنا فوتبۆلا ئالایان یا ئەمریكی ڕاگەهاند كو لژنەیا ئۆلمپییا نێڤدەولەتی ب فەرمی ڕازیبوو ل سەر زێدەكرنا یارییا وان دناڤ ئۆلمپییادا لۆس ئەنجلۆس 2028ێ ئەوا بڕیارە ل 21 و 22ێ تەمووزا سالا 2028ێ دناڤ هەڤڕكیێن ئۆلمپیادا دا بهێتە كرن و ب شێوەیەكێ راستەوخوە هاتییە پەسەندكرن.
د ڕاگەهاندنا خوە دا فدراسیۆنا ناڤهاتی گۆت: پشتی بەربەلاڤبوونا ڤێ یاریێ ل چەندین وەلاتێن ئەمریكا باشۆر، ئۆرۆپا و هندەك وەلاتێن ئاسیا ب فەرمی لژنەیا ئۆلمپییا نێڤدەولەتی ڕازیبوون ئەڤ یارییە ببیتە ئۆلمپی و بۆ جارا ئێكێ بهێتە پەسەندكرن و بكەڤیتە دناڤ چالاكیێن نێڤدەولەتی دا و پێشبینی دكەین بەربەلاڤبوونەكا بەرچاڤ وەربگریت و ببیتە ئێك ژ خوشترین یاریێن ئۆلمپیادا.
ژلایێ خوەڤە بیێر ترۆچێ سەرۆكێ لژنەیا ئۆلمپییا نێڤدەولەتی بۆ رۆیتەرز گۆت: ئەڤ ئێك ژ یاریێن جوانن و یا نوویە، پێنەڤێت دێ بیتە یارییەكا ب هەڤڕكی، شێوازێ یارییا وێ هند هێز پێنەڤێت بەلكو لەز و چەستەیێ یاریزانی یێ بلند و باش بیت، ڕازیبوونا دەستەكا گشتی یا ئۆلمپییا جیهانی ژی دۆپات دكەت ئەم یێ بەر ب پێشڤە دچین و دەلیڤە بۆ هەموو وەرزشا دهێتە دان.
بۆ زانین ئەڤ یارییە ل دەستپێكا سالا 2015ێ هاتییە پێش ب سیستەم و شێوازێن و یارییا خوە یا جودایە وەرگرتییە ژ فوتبۆلا ئەمریكی، پشت بەستنێ ل سەر هەڤكەتنا لەشییە، دو ئالایێن بچووك دو پارچە پاتەنە- هەر لایەكێ ڕانێ یاریزانەكی ڤە یە،ل شوونا بزاڤ بهێتە كرن تەپە ژ یاریزانێ هەڤڕك بهێتە وەرگرتن دێ بزاڤێ كەت ئالایی ژ ڕانێ یاریزانێ تەپە ڤێ ژێ ڤەكەت ب مەرەما هێرشا وان ب دووماهی بهێت و تەپە بهێتە وەرگرتن و ئەڤ شێوازە بەردەوامبیت هەتا دگەهیتە گۆلا هەڤڕك، ژ پێنچ یاریزانان پێدهێت دناڤ یاریگەهێن بچووك دا دهێتە كرن.
فوتبۆلا ئالایان نووترین وەرزشە بۆ ئۆلمپیادا 2028ێ هاتیە پەسەندكرن
نيشاندان