سولین سلێمان

شیلان محەمەد کچە یاریزانا یانەیا ئافرەتێن هەولێرێ بۆ یارییا فوتتسالێ خۆشحالییا خوە دیار کر کو دگەل خۆشکا خوە سارایێ پێکڤە دگەل ئێک یانە وەرزشێ دکەن و قوتابینە ل کۆلیژەیا وەرزشی و دچالاکیێن جودا دەستکەڤتێن جودا یێن ڕێزێن ئیکێ ب دەستڤەئیناینە، ب گشتی یاریزانێن کچ تووشی گەلەک ئاستەنگان دبن و پێدڤی ب هاریکاریێ نە.
زێدەتر ناڤهاتی بۆ رۆژناما ئەڤرۆ گۆت: هەرچەندە دەستپێکا مە ژ قوتابخانەیان بوویە، لێ وەکو یاریزانا فوتسالێ ئەڤە حەفت سالە دکەل خویشکا خوە پێکڤە یاریێ دناڤ چەند یانەیێن کوردستانی و ئیراقێ دکەن ئەوژی چۆمان، رەواندز، نەفتی شیمال،غازی باکور، زەورا، بیلادی و تا نوکە دگەل یانەیا ئافرەتێن هەولێرێ و شیاینە ناسناڤان و ڕێزێن دویێ ب دەەستڤە بینن.
هەروەسان شیلانێ گۆت: یاریزانێن کچ تووشی گەلەک ئاستەنگان دبن، لایەنێ دارایی ئاریشەکا مەزنە هەمبەر هەر پێنگاڤەکا مە، دیسان ئاریشا هاتنۆچونێ کارتێکرنێ هەم بارگرانی ل سەر یانەیان دکەت و لمە ژی دکەت هیڤیدارم لایەنێن پەیوەندیدار پشتەڤانیا مەبکەن و گۆت: بۆ وەرزێ نوو یێن خولێن ئیراقێ و کوردستانێ بەرهەڤیان دکەین لێ هێش بفەرمی بۆ هیچ یانەکێ مە خوە ئێکلا نەکرییە
ل دووماهیێ ناڤهاتی گۆت: هیڤییا مە ئەوە هەموو خێزان و دایکوباب پشتەڤانیا کچێن خۆ بکەن، داکو یێن سەرکەڤتی بن چنکو پشتەڤانێن سەرەکی یێن مە هەر دایکوبابێ مەنە ب تایبەتی ژی بابێ من، گەلەکێ هاریکارە گەل مە بەردەوامی پشتەڤانیا مە دکەت.

قەیس وەیس:

رۆژانێن مێركاتۆیا هاڤینێ‌ و ڤەگۆهاستنێن ڕاهێنەرا و یاریزانان دناڤا یانەیێن كوردستانی و ئیراقێ‌ دا بەردەوامن سەرباری سست بوونا وێ‌ خوە بەرهەڤكرن بۆ وەرزێ‌ نوو یا خولا ستێرێن ئیراقێ‌ یا فوتبۆلێ‌، ڕێژەیا ئینانا یاریزانێن نافخوە و دەرڤە ژلایێ‌ یانەیێن پشكدار گەهشتییە ئاستەكێ‌ بلند و دبیت د ڤێ‌ حەفتیێ‌ دا پرانییا یانەیان دەست ب ڕاهێنانێ‌ و كەمپێن نافخوە و دەرڤە بكەن.
دهۆكێ‌ دەست ب بەرهەڤییان كر
ل دووڤ ژێدەرێن جودا یێن رۆژنامەڤانی یانەیا دهۆك پەیوەندی ب ڕاهێنەرێ‌ بەرنیاس یێ‌ ئیراقی ئەیوب ئۆدیشۆ كرییە و ل سەر چەندین خالان گەهشتینە ڕێكەڤتنێ‌، لێ‌ هێشتا چو ڕاگەهاندنێن فەرمی نینن، ژلایەكێ‌ دووڤە یانەیا دهۆكێ‌ گڕێبەستا گۆلپارێزێ‌ پێشتر یێ‌ یانەیا نەفت یا بەغدایی عەلی یاسی ڕاگەهاند، بۆ زانین تیما دهۆكێ‌ ل شەمبییا بۆری ب ئامادەبوونا كۆمەكا یاریزانان خرڤەبوونا ئێكێ‌ كرییە و دەست ب ڕاهێنانێن سڤك كرییە ئەوا ب سەرپەرشتییا ڕاهێنەر سلێمان رەمەزانی ڤە هاتییە ئەنجامدان، هاتییە زانین ل دەستپێكا حەفتییا بهێت تیما دهۆكێ‌ دێ‌ بەر ب هەولێرا پایتەخت چیت ژبۆ دانانا كەمپەكێ‌ ڕاهێنانێ‌، بۆ زانین تیما دهۆكێ‌.
زاخۆ چاڤەڕێ‌ بەرسڤا یانەیا كۆمۆ یە
بڕیارە د ڤێ‌ حەفتیێ‌ دا یێ‌ قەتەری ویسان رزق بۆ ئەركێ‌ ڕاهێنەراتییا تیما زاخۆ ب هاریكارییا یێ‌ جامایكی میسێل كوولی ب گەهینە كوردستانێ‌ ژبۆ ئیمزاكرنا گرێبەستێن خوە و دەست ب بەرهەڤییان بۆ وەرزێ‌ نوو یا خولا ستێرێن ئیراقێ‌ و پشكداریكرن بۆ كۆپا كەنداڤی، كو دێ‌ بیتە هاریكارێ‌ وی، دووماهی گرێبەستێن یانەیا زاخۆ دگەل هەر ئێك ژ شڤان جەمیلی و یێ‌ ئوردنی یوسف ئەلئالۆسی و یێ‌ سوری عەلا ئەلدالی بوون، هەروەسان دوهی هەردو پیشەكارێ زاخۆ یێ‌ غینیا محەمەد یاتارا یێ‌ بەرازیلی ئۆرینیۆ و عەباس یاسین، ئۆسامە رەشید، حەمید عەلی، شێركۆ كەریم، گەهشتنە باژێرێ‌ زاخۆ، هەروسان بفەرمی یاریزانێ‌ ڕەڤەندا كورد ل ئۆرۆپا هادی سالح گرێبەستا خوە نووكر.
ژلایەكێ‌ دووڤە بزاڤێن یانەیا زاخۆ بەردەوامن ژبۆ ڕازیكرنا ستێرا هەلبژارتیێ‌ ئیراقێ‌ عەلی جاسم و یانەیا وی كۆمۆ یا ئیتالی، ژێدەرێن رۆژنامەڤانی خویاكرینە كو یاریزان تا ڕادەیەكێ‌ مەزن ڕازیبوویە لێ‌ چاڤەڕێ‌ بەرسفا یانەیا وی نە، دەنگۆیێ‌ هاتینە بەلاڤكرن كو یاریزان داخواز 700 ملیۆن دیناران كرییە، لێ‌ هێش دیار نەبوویە یانەیا وی چەند دڤێت.
ئاریشە پەیدابوو
د ماوەیێ‌ بۆری دا یانەیا ئەلگەرمە گرێبەست دگەل محەمەد باقر یاریزانێ‌ یانەیا جەوییە ئیمزاكربوو، لێ‌ یانەیا جەوییە ئەڤچەندە ڕەدكرییە و دیاركرییە گرێبەستا یاریزانێ‌ وان سالەك یا مایی، ژبەركول وەرزێ‌ بۆری محەمەد باقر ب خواستن چوبوو یانەیا ئەلگەرمە لێ‌ دڤی وەرزی دا دڤیابا ڤەگەڕیابا ژبەركو گرێبەستا وی هەتا 2027ێ‌ یە، یانەیا ئەلگەرمە ڕازینە دەستدان ژێ‌ بەردەت و جەوییە بەر ب سكالا چوویە و ئاریشە مەزنتر لێهاتیە.
بۆ زانین رۆژنامە پرۆسێسا گرێبەستێن یاریزانا بەردەوامە و هەر یانەیەك رۆژانە بزاڤێن دەستڤە ئینانا یاریزان و ڕاهێنەران دكەن، لەوما ژی گوهۆڕین پەیدا دبن و پشتی نڤێسینا ڤی بابەتی هاتن و چوونا یاریزانان بەردەوامن.
ژلایەكێ‌ دووڤە ناڤهاتی ئەوچەندە ژی گۆت: ب هیڤییە ئارمانجێن مە بۆ وەرزێ نوو بجهبینن وەكو گۆلپارێزگەهێ‌ خەلكێ‌ دهۆكێ‌ بشێم ئاستەكێ باش نیشان بدەم و گۆلا خوە باشترین شێوە ب پارێزیم، دیسان ئەو پرۆژەیێ یانەیێ دانایی ئەم ژی دگەل وانا پشكەك بین و بشێن سەركەفتنا بینن، چونكۆ بەرهەڤی ل سەر ئاستەكێ بلند كرینە و گرێبەستێن باش یاریزانێن پێشەكار و ناڤخوە یی راگەهاندینە، ئەڤی وەرزی دێ یانەیا ئەلگەرمە ژمارەكا زەحمەت بین دناڤا خولێ دا هێتە دیتن.