Haverg:

سه‌رۆك مه‌سعود بارزانی ب هه‌لكه‌فتا 76 سالیا دامه‌زراندنا پارتی دیموكراتی كوردستان په‌یامه‌ك به‌لاڤكر و تێدا راگه‌هاند، پێدڤیه‌ هه‌ر كه‌سه‌كێ پارتی بیت د ئاستێ مه‌زنیا دیرۆك و قوربانیدانا حزبا خوه‌ و خوینا شه‌هیدان بن و پێدڤیه‌ ئه‌ركێ خوه‌ ب باشترین شێوه‌ ئه‌نجام بده‌ ن كو خزمه‌تكرن و ب هێزكرنا كوردستانێ Yeh.

Dehg Phyama Sahrajk Barzani…

ب هه‌لكه‌فتا هاتنا 16 ئابێ و بیرئانینا 76 سالیا دامه‌زراندنا پارتی دیموكراتی كوردستان، گه‌رمترین پیرۆزباهیان ل مالباتێن سه‌ربلندێن شه‌هید و پێشمه‌رگێن قه‌هره‌مان و هه‌موو كادر و لایه‌نگر و جه‌ماوه‌رێ پارتی و تێكرایێ خه‌لكێ كوردستانێ دكه‌م.

B Halakhafta 16 Aap Da Phiyama of Beng Chahmauhar and Laehngar and Ahindamn Parti Ehh Ko Parti Hizb Dzh, Bhaiyanh and Choinkefta Rezabaza Barzaniyeh Nehmerak Kheshmakhzh and Ghoch. Lahma پdvi‌ e e andamێn parti aێtێ mahznn dirۆg and Grbandā zbhوهh و and hiii eدانn an and پdvi aێrb b Pashtrin Shێhێh ahhێh ahh n hh n anجامh njam. Dakhawaz ژ .

سه‌رۆكێ هه‌رێما كوردستانێ د كۆمبوونا رۆژا چارشه‌مبیا بۆری ل گه‌ل ئالیێن سیاسی یێن كوردستانێ ل دۆر هه‌لبژارتنێن داهاتی یێن هه‌رێما كوردستانێ ب به‌رهه‌ڤبوونا (جینین پلاسخارت) هنارتیا سكرتێرێ گشتیێ UN راگه‌هاند، گیروبوونا هه‌لبژارتنان زیانان ب ناڤ و پێگه‌هێ هه‌رێما كوردستانێ دگه‌هینیت.

ب گۆره‌ی به‌یاننامه‌كا سه‌رۆكایه‌تیا هه‌رێمێ، د وێ كۆمبوونێدا بریار هاته‌ دان ل ده‌ستپێكا مه‌ها ئیلۆنا داهاتی دووماهی كۆمبوون بۆ ئێكلاكرنا هه‌موو بابه‌تێن گرێدای هه‌لبژارتنان و چاره‌سه‌ركرنا كێشێن ل به‌رده‌م وێ پرۆسێ بهێته‌ ئه‌نجامدان، تاكو وی ده‌می ژی سه‌رۆكایه‌تیا هه‌رێمێ و ئالیێن سیاسی ب هاریكاریا تیما بسپۆری یا یونامی دێ د دانوستاندن و به‌رهه‌ڤیێن به‌رده‌وام دا بن.

سه‌رۆكێ هه‌رێما كوردستانێ داخوازكر ئالیێن سیاسی بگه‌هنه‌ لێكتێگه‌هشتنه‌كێ بۆ دیاركرنا ده‌مێ هه‌لبژارتنان و چاره‌سه‌ركرنا گرفتان و دووپاتی ل گرنگیا هه‌لبژارتنان بۆ هه‌رێما كوردستانێ كر. هه‌روه‌سا پلاسخارتێ ژی دیاركر كو دڤێت ب زووترین ده‌م بگه‌هنه‌ ئه‌نجامه‌كی، چونكه‌ گه‌له‌ك ده‌م ل به‌ر ده‌ست نینه‌ بۆ ئه‌نجامدانا هه‌لبژارتنان.

ئه‌ڤرۆ:

سه‌رۆكا فراكسیۆنا پارتی دیموكراتی كوردستان ل جڤاتا نوونه‌رێن ئیراقێ ره‌ت دكه‌ت پارتی دژی راستڤه‌كرنا دستووری ئیراقی بیت و راگه‌هاند، راستڤه‌كرنا دستووری رێكارێن قانوونی یێن خوه‌ یێن هه‌ین، به‌لێ ئه‌وا ل ڤان رۆژان دگه‌هیته‌ مه‌ كو باس ل سیسته‌مێ سیاسی دهێته‌ كرن و ئه‌و چه‌نده‌ ژی نابیت ب بۆچوونا كه‌س و ئالیه‌كی بیت ودڤێت كوده‌نگیا هه‌موو پێكهاتان ل سه‌ر بیت.

ڤیان سه‌بری، سه‌رۆكا فراكسیۆنا پارتی دیموكراتی كوردستان ل جڤاتا نوونه‌رێن ئیراقێ گۆت” هه‌كه‌ ره‌وشا به‌غدا ب ڤی شێوه‌یێ نوكه‌ بمینیت، ئه‌گه‌ر یێ هه‌ی خوه‌نیشادان به‌ر ب شه‌رێ ناڤخوه‌ بچیت، سه‌ركردێن شیعی هه‌موویان داخوازا دانوستاندنێ دكه‌ن و ده‌ستبرن بۆ شه‌ری و خوینرشتنێ ره‌ت دكه‌ن، لێ د هه‌مان ده‌م دا هه‌موو ل سه‌ر حه‌ز و داخوازیێن خوه‌ د پێداگیرن”.

ڤیان سه‌بری ب دوور نزانیت ئالۆزیێن ئیراقێ كاریگه‌ری ل سه‌ر هه‌رێما كوردستانێ هه‌بن و دبێژیت” ئه‌م هه‌موو دزانین ئه‌وا ل به‌غدا روودده‌ت كێشه‌كا كه‌سایه‌تیه‌ د ناڤبه‌را نوری مالكی و موقته‌دا سه‌در دا و گرێدایه‌ ب ناڤمالا شیعی ڤه‌، به‌لێ هه‌كه‌ هه‌رێما كوردستانێ ب به‌غدا بهێته‌ به‌راوردكرن، ڤێرێ هه‌مبه‌ركرن ل گه‌ل ئیراقێ به‌هه‌شته‌ و ده‌ڤه‌را مه‌ هه‌تا نوكه‌ یا ئارامه‌ و ره‌وشا ئه‌منی یا جهگیره‌، له‌وما ره‌وشا به‌غدا كاریگه‌ریه‌كا وه‌سا ل سه‌ر هه‌رێما كوردستانێ نابیت”.

سه‌باره‌ت گوهۆرینا دستوورێ ئیراقێ كو لایه‌نگرێن موقته‌دا سه‌در داخواز دكه‌ن، ڤیان سه‌بری گۆت” ل به‌غدا هنده‌ك بابه‌تێن وه‌كو گوهۆرینا سیسته‌مێ سیاسی و دستووری ل ڤان رۆژان دهێته‌ باسكرن، كو وی دستووری كۆمه‌كا مافێن كوردان تێدا هاتینه‌ چه‌سپاندن ول سالا 2005 ب پشكداریا هه‌موو پێكهاتان هاتیه‌ نڤیسین و بابه‌ته‌ك نینه‌ گرێدای بیت ب میزاجێ كه‌سی ڤه‌ و ل ده‌مێ خوه‌ هه‌موو خه‌لكێ ئیراقێ ده‌نگ پێ دایه‌. بۆ راستڤه‌كرنا وی ژی كۆمه‌كا رێكارێن قانوونی و دستووری یێن هه‌ین، پێدڤیه‌ ل به‌رچاڤ بهێنه‌ وه‌رگرتن”.

سه‌رۆكا فراكسیۆنا پارتی دیموكراتی كوردستان ل جڤاتا نوونه‌رێن ئیراقێ ره‌تكر كو ئه‌و دژی راستڤه‌كرنا دستووری بن و دبێژیت” ئه‌م دژی راستڤه‌كرنا دستووری نینین، به‌لكو راستڤه‌كرنا دستووری رێیا قانوونی یا خوه‌ یا هه‌ی و سالا 2019 پشتی خوانیشادانێن ئیراقێ یێن وی ده‌می لژنه‌ك هاته‌ پێكئینان و شه‌ش ئه‌ندامێن وێ لژنێ كورد بوون، به‌لێ نوكه‌ كو باس ل گوهۆرینا دستووری دكه‌ن و دخوازن سیسته‌مێ سیاسی ژ په‌رله‌مانی بۆ سه‌رۆكایه‌تی بگوهۆرن، پێدڤیه‌ ئه‌و بۆچوونه‌ یا هه‌موو ئالیێن ئیراقی بیت نه‌كو یا ئێك ئالی ب تنێ بیت”.

ل دۆر هه‌لویستێ پارتی دیموكراتی كوردستان بۆ هه‌لبژارتنێن پێشوه‌خت ل ئیراقێ، ڤیان سه‌بری دبێژیت” هه‌لبژارتنێن پێشوه‌خت ل ئیراقێ یێن هاتنه‌ ئه‌نجامدان و ئه‌نجامێن وێ ژی ئه‌و بوون كو نوكه‌ دبینین، هه‌كه‌ جاره‌كادی هه‌لبژارتن بهێنه‌ كرن و ئه‌نجامێن وێ ژی هه‌ر ئه‌و بیت، هه‌مان ئالیێ سیاسی و قانوون و ده‌ستهه‌لات ل سه‌ر كاربن، دێ چ هێته‌ گوهۆرین؟”.

ئه‌ڤرۆ:

سكرتێرێ مه‌كته‌با سیاسی یا پارتی دیموكراتی كوردستان داخواز ژ ئالیێن ناكۆك یێن شیعی كر ل دووڤ داخواز و ده‌ستپێشخه‌ریا سه‌رۆكێ هه‌رێما كوردستانێ بهێن و راگه‌هاند، وه‌رن بۆ هه‌ولێرێ مالا هه‌وه‌یه‌ و بێی هیچ فشاره‌كێ یان ترساندنه‌كێ، چونكه‌ باژێره‌كه‌ نه‌ میزاج و نه‌ ئه‌جندایێن ده‌ره‌كی حوكمی ناكه‌ت، وه‌رن باوه‌ریا خه‌لكی ڤه‌گه‌رینن، خه‌لكی روناهی دڤێت نه‌ تاری.. هه‌ولێر یا ژ هه‌وه‌ نێزیكه‌ و پتریا هه‌وه‌ وێ چه‌ندێ دزانن، نێچیرڤان بارزانی ل پێشوازیا هه‌وه‌یه‌ و دێ دگه‌ل هه‌وه‌ بیت”.

فازل میرانی، سكرتێرێ مه‌كته‌با سیاسی یا پارتی د په‌یامه‌كێ دا بۆ ئالیێن ناكۆك یێن شیعی، كو نوكه‌ ب رێیا خوه‌نیشادانێن لایه‌نگرێن وان سه‌نگه‌ر ل هه‌ڤدو گرتیه‌، داخواز ژێ كر ل دووڤ ده‌ستپێشخه‌ریا نێچیرڤان بارازنی، سه‌رۆكێ هه‌رێما كوردستانێ بهێن و دبێژیت” ئه‌ڤه‌ ئێكه‌م داخواز نینه‌ ژ ئالیێ مه‌ڤه‌ بۆ هه‌لوه‌شاندنا وێ تۆرا تێلێن بۆمبه‌كا ژڤانكری كو ئاماژێ ب وێرانكرنا هه‌ڤكێشا سیاسی دكه‌ت و ب دیتنا من دووماهی ژی نابیت، چاره‌سه‌ریێن به‌ری نوكه‌ چاره‌سه‌ری نه‌بوون و تنێ ته‌ناكرن بوو، له‌وما ده‌رد دێ دناڤ جه‌ستێ فه‌رمی دا مینیت ودێ به‌لاڤ و به‌رفرهه‌ بیت”.

ل رۆژا ئێكشه‌مبیا بۆری، نێچیرڤان بارزانی، سه‌رۆكێ هه‌رێما كوردستانێ د ده‌ستپێشخه‌ریه‌كێ دا، ئالیێن سیاسی یێن ئیراقی بۆ دانوستادنێن ڤه‌كری داخوازی هه‌ولێرێ كرن و راگه‌هاندبوو، هه‌رێما كوردستانێ دێ پشكه‌ك بیت ژ چاره‌سه‌ریێ، ئالیێن ئیراقی ژی ل دووڤ وێ ده‌ستپێشخه‌ریێ هاتن و ب گاڤه‌كا ئه‌رێنی باسكر”.

ل دوور خوه‌نیشادانیچن ئیراقێ و ره‌وشا ڤێ دووماهیێ یا به‌غدا، نێچیرڤان بارزانی گۆتبوو” ئالۆزبوونا زێده‌تر یا ره‌وشێ، ئاشتیا جڤاكی و ئاسایش و سه‌قامگیریا وه‌لاتێ دئێخیته‌ د مه‌ترسیێ دا”.

فازل میرانی د پشكه‌كا دی یا په‌یاما خوه‌ دبێژیت” دشایندایه‌ برایێن هه‌ڤپشك هه‌ژمارا قه‌یرانان و هۆكار و ئه‌نجامێن وان بزانن كو د راستیدا هه‌موو دووربوون ژ باشكرنا تاك و جڤاكێ ئیراقی، به‌لێ گرانیا قه‌یرانا ڤێ دووماهیێ پێدڤی ب ئارامكرنێ و هزركرنێ و داگیرانێ هه‌یه‌ بۆ وێ چه‌ندێ ئه‌و روو نه‌ده‌ت كو ره‌وش ب ته‌قیت و دگه‌لدا ئاگره‌كێ درێژ بهێته‌ هه‌لكرن كو نه‌هێته‌ ڤه‌مراندن و هیچ تشته‌كی نه‌هێلیت”.

د درێژیا ئاخڤتنێن خوه‌ دا، فازل میرانی، سكرتێرێ مه‌كته‌با سیاسی یا پارتی دیموكراتی كوردستان گۆت” ئه‌ڤه‌ وێنێ ئیراقیچ نینه‌ و هه‌ژی وێ چه‌ندێ نینه‌ ده‌نگوباسێن وه‌سا خراب به‌لاڤ ببن و ل سه‌ردێرێن ده‌نگوباسان بیت، كۆمكرنا چه‌كی و هێرشكرن ل سه‌ر هه‌ڤپشكان و دروستكرنا هه‌لویستی ژ پێخه‌مه‌ت داپۆشینا وان روودانان، وێ چه‌ندێ دیاردكه‌ت كو وێنه‌ی د ناڤه‌رۆكێ دا رێره‌وێ هه‌ڤكێشه‌كا حیساب بۆ نه‌هاتیه‌ كرن یا هه‌ی، ئه‌وژی د ئه‌نجامدا وه‌دكه‌ت ئه‌و چاره‌سه‌ریێن ل به‌رده‌ست ژ پێخه‌مه‌ت خوه‌ دوورخستن ژ كاره‌سات ب زه‌حمه‌ت په‌یدا بن هه‌كه‌ كار بۆ ده‌رخستنا فیشه‌كان ژ چه‌كی نه‌هێته‌ كرن”.

سكرتێرێ مه‌كته‌با سیاسی یا پارتی ل دۆر ده‌ستپێشخه‌ریا نێچیرڤان بارزانی بۆ ئالیێن ناكۆك یێن شیعه‌ رۆهنكر” نێچیرڤان بارزانی، سه‌رۆكێ هه‌رێما كوردستانێ دۆسته‌كێ كه‌ڤن یێ مه‌یدانا خه‌باتێ یه‌ كو چه‌ندین سالان ئه‌م كۆمكرینه‌ و ب شكۆڤه‌ هه‌موو قوربانیدان و راستگۆیی بوو، ده‌ستپێشخه‌ریه‌كا ئیراقی، كوردی و نیشتمانیانه‌یه‌، هه‌ر كه‌سه‌كی خه‌بات كربیت  پێخه‌مه‌ت ئیراقه‌كا باشتر هه‌ست ب راستگۆییا وی دكه‌ت، ئیراقه‌كا بێ دكتاتۆریه‌ت و بێ تایفگه‌ری و بێ قانوونا سته‌مكارانه‌، بێ هه‌ژاری و خوین ب هه‌روه‌”.

سه‌باره‌ت هه‌ولێرێ وه‌كو جهه‌ك بۆ كۆمكرنا ئالیێن دناڤ چارچۆڤێ هه‌ماهه‌نگیێ و ره‌وتێ سه‌دری دا، فازل میرانی دبێژیت” هه‌ولێر باژێرێ هه‌موویانه‌، به‌ری 2003 ده‌مێ مه‌ خوه‌ بۆ ئیراقه‌كا نوو به‌رهه‌ڤ دكر و ئه‌و رۆژێن نێزیك بووین كو تشته‌كی پێشكێشی گه‌لێ خوه‌ ب هه‌موو ناسنامێن خوه‌ڤه‌ بكه‌ین كو وه‌لێبكه‌ت بشێت هه‌موو نه‌هامه‌تیێن رژێما به‌رێ ده‌رباز بكه‌ت و نه‌هامه‌تیێن كه‌ڤن بۆ نوو نه‌كه‌ین، هه‌موو رێكخستنێن كو ده‌وله‌تێ رێك دئێخیت پێشبێخین”.

هه‌روه‌سا گۆت” چوونا پشكه‌كا هێزان بۆ شكاندنێ ل سه‌ر حیسابا هه‌موو گه‌لی ب بیانوویا ملكه‌چبوون بۆ جه‌ماوه‌ره‌كێ ب سه‌ر ویڤه‌، دبیت به‌ری چه‌ند چه‌رخه‌كا ژ نوكه‌ قبوولكرنا تمام بۆ هه‌بیت، به‌لێ نه‌وه‌كو ل سه‌رده‌مێ نوكه‌ ل وه‌لاته‌كی كو ئه‌ندامێ خێزانا نێڤده‌وله‌تیه‌، پێگه‌هێ وی هه‌ر چاوان بیت تێدا، ئه‌وه‌ ژ ئه‌گه‌رێ سیاسه‌تێن كه‌ڤن و هنده‌ك ژ سیاسه‌تێن نوكه‌یه‌”.

فازل میرانی ئه‌وژی بۆ ئالیێن ناكۆك یێن شیعی به‌رچاڤكر” به‌ر ب ده‌ستپێشخه‌ریا نێچیرڤان بارزانی هه‌رن، وه‌رنه‌ هه‌ولێرێ، مالا هه‌وه‌، بێ هیچ فشاره‌كێ یان ترساندنه‌كێ، چونكه‌ باژێره‌كه‌ نه‌ میزاج و نه‌ ئه‌جیندایێن ده‌ره‌كی حوكمی ناكه‌ت، رێ بده‌نه‌ مه‌ باوه‌ریا خه‌لكی بزڤرینین، خه‌لكه‌ك چاڤه‌رێی روناهیێ دكه‌ت نه‌كو تاریێ، ژیانا خوه‌ و خێزانێن خوه‌ ب شكۆڤه‌ دڤێت، نه‌وه‌كو ژیانه‌كا مه‌ینه‌تی، هه‌ولێر نێزیكی هه‌وه‌یه‌ و پتریا هه‌وه‌ باش دنیاسن، نێچیرڤان بارزانی دێ ل پێشوازیا هه‌وه‌ بیت و دگه‌ل هه‌وه‌ دا بیت”.

ئه‌ه‌و ده‌ستپێشخه‌ریا نێچیرڤان بارزانی پشتی رۆژه‌كێ بوو ژ خوه‌نیشادانێن لایه‌نگرێن موقته‌دا سه‌در و چوونا وان بۆ ناڤ خۆلا جڤاتا نوونه‌ران كو وێ چه‌ندێ ژی ناكۆكیێن ره‌وتا سه‌دری ل گه‌ل هه‌ڤپه‌یمانیا چارچۆڤێ هه‌ماهه‌نگیێ زێده‌تر لێكری.

ئه‌ڤرۆ:گ

پشتی سه‌رۆكێ هه‌رێما كوردستانێ، په‌یامه‌ك ل دۆر ره‌وشا ئیراقێ به‌لاڤكری و تێدا داخواز ژ هه‌موو ئالیێن سیاسی یێن ئیراقی كربوو ل هه‌ولێرێ كۆمبن و چاره‌سه‌ریه‌كێ بۆ ره‌وشا ئیراقێ ببینن، په‌یڤدارێ هه‌ڤپه‌یمانیا چارچۆڤێ هه‌ماهه‌نگیێ راگه‌هاند، پێشوازیێ ل داخوازناما نێچیرڤان بارزانی، سه‌رۆكێ هه‌رێما كوردستانێ دكه‌ین بۆ ئه‌نجامدانا دانوستاندنێن نیشتمانی.

سه‌رۆكێ هه‌رێما كوردستانێ ل دۆر ره‌وشا ئیراقێ و ئالۆزیێن ل ڤێ دووماهیێ په‌یدابووین، په‌یامه‌ك به‌لاڤكربوو و تێدا دیاركربوو” ب دلگرانیه‌كا مه‌زن ڤه‌ دنێرینه‌ ره‌وشا سیاسی یا ئیراقێ و پێشهاتێن وێ، داخوازێ ژ ئالیێن سیاسی یێن ناكۆك دكه‌ین دان ب خوه‌ دا بگرن و بۆ چاره‌سه‌ركرنا كێشان ده‌ست ب دانوستاندنێن راسته‌وخوه‌ بكه‌ن. د ڤێ ره‌وشا هه‌ستیار دا ئالۆزبوونا زێده‌تر یا ره‌وشێ، ئاشتیا جڤاكی و ئاسایش و سه‌قامگیریا وه‌لاتێ دئێخیته‌ د مه‌ترسیێ دا”.

زێده‌تر د په‌یاما خوه‌ دا گۆتبوو” د ده‌مه‌كی دا رێزێ ل خوه‌نیشادانێن ئاشتیانه‌ یێن جه‌ماوه‌ری دگرین، دووپاتیێ ل پاراستنا ده‌زگه‌هێن ده‌وله‌تێ و ئێمناهیێ و سه‌ر و مالێ وه‌لاتیان و كارمه‌ندێن ده‌وله‌تێ دكه‌ین. گه‌لێ ئیراقێ هه‌ژی ژیان و نوكه‌ و پاشه‌رۆژه‌كا باشتره‌ و ئه‌رك و به‌رپرسیاره‌تیا هه‌ڤپشك یا هه‌موو هێز و ئالیانه‌ پێكڤه‌ ئیراقێ ژ ڤێ ره‌وشا هه‌ستیار و مه‌ترسیدار ده‌رباز بكه‌ن”.

هه‌روه‌سا دیاركربوو”هه‌رێما كوردستانێ وه‌كو به‌رده‌وام دێ پشكه‌ك بیت ژ چاره‌سه‌ریێ، له‌وما داخوازێ ژ ئالیێن سیاسی یێن په‌یوه‌ندیدارێن ئیراقێ دكه‌ین بهێنه‌ هه‌ولێرا پایته‌ختا دویێ و ده‌ست ب دانوستاندنێن ڤه‌كری بكه‌ن و ل سه‌ر بنه‌مایێ به‌رژه‌وه‌ندیێن بلند یێن وه‌لاتی بگه‌هنه‌ لێكتێگه‌هشتن و رێككه‌فتنێ. هیچ كێشه‌ك نینه‌ ب دانوستاندنان نه‌هێته‌ چاره‌سه‌ركرن”.

ژ ئالیێ خوه‌ڤه‌، ئه‌حمه‌د ئه‌لئه‌سه‌دی، په‌یڤدارێ چارچۆڤێ هه‌ماهه‌نگیێ ل دۆر ده‌ستپێشخه‌ریا سه‌رۆكێ هه‌رێما كوردستانێ راگه‌هاند” دووپاتیێ ل ڤه‌كرنێ ب روویێ هه‌موو ئالیان بۆ چاره‌سه‌ركرنا كێشان و گه‌هه‌شتن ب رێچاره‌كا راستیانه‌ پالپشت ب دستووری و قانوونێ و به‌رژه‌وه‌ندیا گه‌لی”.

ئه‌ڤرۆ:

سه‌رۆكێ دیوانا سه‌رۆكایه‌تیا جڤاتا وه‌زیرێن هه‌رێما كوردستانێ راگه‌هاند، مه‌ كار كریه‌ بۆ نه‌مانا رۆتینێ و ریچكخستنا ئیداری و شۆركرنا ده‌ستهه‌لاتێ بۆ پارێزگا و ئیدارێن سه‌ربخوه‌، د ده‌مێ سێ سالێن بۆریدا، ژ سه‌رجه‌مێ 40 هزار نڤیسارێن چووینه‌ جڤاتا وه‌زیران، 96% ژێ كارێن وان یێن ب دووماهی هاتین.

ئومێد سه‌باح، سه‌رۆكێ دیوانا سه‌رۆكایه‌تیا جڤاتا وه‌زیرێن هه‌رێما كوردستانێ دیاركر كو وان كاركریه‌ بۆ ئه‌نجامدانا چاكسازیا كارگێری ل جڤاتا وه‌زیران و رێكخستنا كاركرنا فه‌رمانبه‌ران، هه‌روه‌سا كار هاتیه‌ كرن بۆ دامه‌زراندنا جڤاتا راژه‌ی ل هه‌رێمێ.

ئاماژه‌كر” ل گه‌ل سكرتاریه‌تا جڤاتا وه‌زیران و ئالیێن په‌یوه‌ندیدار، مه‌ كار كریه‌ بۆ ده‌ركرنا قانوونا چاكسازیێ د مووچه‌ی و ده‌رمالان و بابه‌تێن دی دا، ژ ئالیه‌كی دیڤه‌ هه‌ر ژ ده‌ستپێكا كابینا نه‌هێ، مه‌ ل گه‌ل وه‌زاره‌تا دارایی كاركریه‌ بۆ زێده‌كرنا داهاتی، بۆ نموونه‌ داهاتێ ناڤخوه‌یی ژ 140 ملیۆن دۆلاران گه‌هشته‌ زێده‌تر ژ 200 ملیۆن دۆلاران”.

دیاركر ژی” ژ روویێ قانوونی ڤه‌، ب هاریكاریا ئالیێن په‌یوه‌ندیدار، مه‌ شیایه‌ 24 قانوونان و 15 په‌یره‌وان ده‌ربكه‌ین بۆ رێكخستنا كاروباران”.

سه‌رۆكێ دیوانا سه‌رۆكایه‌تیا جڤاتا وه‌زیرێن هه‌رێمێ دیاركر” رازیبوون ل سه‌ر ئه‌نجامدانا 884 پرۆژان هاتیه‌ دان و زێده‌تر ژ 840 ملیار دیناران بۆ هاتینه‌ ته‌رخانكرن” .

ئه‌ڤرۆ:

وه‌كو به‌رهه‌ڤی بۆ گرێدانا كۆنگره‌ی، پارتی دیموكراتی كوردستان لژنا هه‌لبژارتنا نوونه‌رێن كۆنگرێ 14 پێك دئینیت.

دوهی ئێكشه‌مبی 24 ته‌مووزا 2022، ئیدریس هادی، سه‌رۆكێ لژنا هه‌لبژارتنا نوونه‌رێن كۆنگرێ 14 یێ پارتی دیموكراتی كوردستان راگه‌هاند، ژ ئالیێ سه‌رۆك بارزانی ڤه‌ ئه‌ز وه‌كو سه‌رۆكێ لژنا هه‌لبژارتنا نوونه‌رێن كۆنگرێ 14 یێ هاتیمه‌ دیاركرن و ئه‌ڤ لژنه‌ ژ 19 ئه‌ندامان پێكهاتیه‌ كو ژ زاخۆ هه‌تا خانه‌قینێ ئه‌ندام یێن تێدا هه‌ین و دو ئه‌ندام ژی ژ ده‌رڤه‌ی وه‌لاتی نه‌ و ئاماژه‌كر ژی كو بۆ ده‌ستپێكرنا كارێن خوه‌ ئه‌م چاڤه‌رێی فه‌رمانا سه‌رخوه‌ دا دكه‌ین.

ل رۆژا 17 ته‌مووزا 2022، نه‌جات حه‌سه‌ن، جێگرێ سه‌رۆكێ لژنا به‌رهه‌ڤكارا كۆنگرێ 14 یێ پارتی دیموكراتی كوردستان راگه‌هاندبوو” هه‌موو تشته‌ك یێ هاتیه‌ دیاركرن و مه‌ رۆژا كۆنگره‌ی ژی یا ده‌ستنیشانكری، به‌لێ چه‌ند هوورده‌كاریه‌ك یێن ماین، له‌وما ل رۆژێن داهاتی دێ پێزانینێن زێده‌تر و ژڤانێ كۆنگره‌ی به‌رچاڤ كه‌ین”.

مه‌حموود محه‌مه‌د، په‌یڤدارێ پارتی دیموكراتی كوردستان ل 8 گۆلانا 2022 د كۆنگره‌كێ رۆژنامه‌ڤانیدا باسێ كۆنگرێ 14 یێ پارتی كربوو و راگه‌هاندبوو” جڤاتا سه‌ركردایه‌تیا پارتی بریار ل دۆر گرێدانا كۆنگرێ 14 دایه‌ و ده‌ستهه‌لات ب مه‌كته‌با سیاسی هاتیه‌ دان بۆ پێكئینانا لژنان بۆ به‌رهه‌ڤیان و ل هه‌فتیا داهاتیدا رێكارێن دێ هێنه‌ ده‌ستپێكرن و هه‌تاكو هه‌یڤا 10 یان 11 دێ كۆنگره‌ هێته‌ گرێدان”.

ب گۆره‌ی په‌یره‌وێ ناڤخوه‌یێ پارتی دیموكراتی كوردستان، پێدڤیه‌ چار سالان جاره‌كێ كۆنگره‌ بهێته‌ گرێدان، به‌لێ ژ سالا 2010 پارتی كۆنگره‌ نه‌ گرێدایه‌ و ئه‌گه‌ر ژی دزڤریت بۆ شه‌رێ داعشێ و قه‌یرانێن سیاسی و ئابووری ل هه‌رێما كوردستانێ.

پارتی دیموكراتی كوردستان ب گۆره‌ی هه‌لبژارتنێن جڤاتا نوونه‌رێن ئیراقێ و په‌رله‌مانێ كوردستانێ، مه‌زنترین حزبا هه‌رێما كوردستانێ یه‌ و خودانا زوورترین كورسیێن په‌رله‌مانی یه‌، ل جڤاتا نوونه‌رێن ئیراقێ ژی 31 كورسی یێن هه‌ین و ل په‌رله‌مانێ كوردستانێ ژی ژ سه‌رجه‌مێ 111 كورسیان خودانا 45 كورسیانه‌.

درۆكا كۆنگرێن پارتی دیموكراتی كوردستان:

كۆنگرێ ئێكێ: ل 16/8/1946 ب نهێنی ل به‌غدا ل مالا سه‌عید فه‌هیم هاته‌ گرێدان و تێدا 70 ئه‌ندام پشكدار بوون.

گۆنگرێ دوویێ: ل هه‌یڤا ئادارا 1951 ل به‌غدا ل مالا عه‌لی حه‌مدی هاته‌ گرێدان، تێدا 30 ژ نوونه‌رێن لق و ناوچان پشكدار بوون.

كۆنگرێ سیێ: ل 26/1/1953 ل كه‌ركووكێ ب به‌رهه‌ڤبوونا 35 هه‌تا 40 نوونه‌ران.

كۆنگرێ چارێ: ل 4/7/1959 ل به‌غدا ل مالا سه‌ید كاكه‌ ب سه‌رپه‌رشتیا مسته‌فا بارزانی.

كۆنگرێ پێنجێ: ل گۆلانا 1960 ل باره‌گه‌هێ وی ده‌می یێ پارتی ل به‌غدا.

كۆنگرێ شه‌شێ: ل ده‌ستپێكا ته‌مووزا 1964 ل قه‌لادزێ.

كۆنگرێ حه‌فتێ: ل 15/11/1966 ل گه‌لاله‌.

كۆنگرێ هه‌شتێ: ل 1/7/1970 ل ناوپردان ب به‌رهه‌ڤبوونا 488 ئه‌ندامان.

كۆنگرێ نه‌هێ: ل 4/10/1979 ل زێوه‌ ل ده‌ڤه‌را مه‌رگه‌وه‌ر هاته‌ گرێدان، تێدا ب تێكراییا ده‌نگان سه‌رۆك مه‌سعود بارزانی ب سه‌رۆكێ پارتی هاته‌ هه‌لبژارتن.

كۆنگرێ ده‌هێ: ل 2/12/1989 ل مه‌رگه‌وه‌ر ب پشكداریا 332 نوونه‌ران.

كۆنگرێ 11: ل سالا 1993 ب پشكداریا 2167 ئه‌ندامان ل هه‌ولێرێ.

كۆنگرێ 12: ل 14/10/1999 ب پشكداریا 1473 ئه‌ندامان ل هه‌ولێرێ.

كۆنگرێ 13: ل 18/12/2010 ب پشكداریا هزار و 500 ئه‌ندامان ل هه‌ولێرێ.

ئه‌ڤرۆ:

سه‌رۆكێ حوكمه‌تا هه‌رێما كوردستانێ، مه‌سرور بارزانی ب سه‌ره‌دانه‌كا فه‌رمی گه‌هشته‌ به‌غدا ب مه‌به‌ستا دانوستاندنێ ل گه‌ل مسته‌فا كازمی، سه‌رۆك وه‌زیرێن ئیراقێ بۆ چاره‌سه‌ركرنا كێشێن د ناڤبه‌را به‌غدا و هه‌ولێرێ دا، ئه‌وژی پشتی د ده‌مێ بۆری دا مه‌سرور بارزانی نامه‌ك بۆ جۆ بایدن سه‌رۆكێ ئه‌مریكا هنارتی.

دۆهی شه‌مبیێ 23 ته‌مووزا 2022، مه‌سرور بارزانی سه‌رۆكێ حوكمه‌تا هه‌رێما كوردستانێ گه‌هشته‌ به‌غدا و ژ ئالیێ به‌رپرسێن بلند یێن ئیراقێ پێشوازی لێ هاته‌ كرن.

سه‌ره‌دانا مه‌سرور بارزانێ، سه‌رۆكێ حوكمه‌تا هه‌رێما كوردستانێ ل دۆر كێشێن د ناڤبه‌را هه‌ولێرێ و به‌غدایه‌، د ده‌مێ بۆری دا ژی نامه‌ك ئاراسته‌ی جۆ بایدن سه‌رۆكێ ئه‌مریكا كربوو، د به‌رسڤا وێ نامێ دا مسته‌فا كازمی سه‌رۆك وه‌زیرێن ئیراقێ ده‌ستپێشخه‌ری كر بۆ دانوستاندنێ و چاره‌سه‌ریا كێشێن هه‌لاویستی.

دوهی سه‌رۆكێ حوكمه‌تا هه‌رێما كوردستانێ ل سه‌ر داخوازا مسته‌فا كازمی سه‌رۆك وه‌زیرێن ئیراقێ گه‌هشته‌ به‌غدا، ب گۆره‌ی پێزانینان، جۆ بایدن سه‌رۆكێ ئه‌مریكا د به‌رسڤا ناما مه‌سرور بارزانی دا، داخواز ژ مسته‌فا كازمی كریه‌ كێشان چاره‌سه‌ر بكه‌ت، كازمی ده‌ستپێشخه‌ریه‌ك بۆ چاره‌سه‌ركرنا كێشێن د ناڤبه‌را هه‌ولێرێ و به‌غدا یا هه‌ی.

ئه‌ڤرۆ:

سه‌رۆكێ حوكمه‌تا هه‌رێما كوردستانێ ل دۆر هێرشێن تیرۆرستی ل سه‌ر به‌رژه‌وه‌ندیێن هه‌رێما كوردستانێ په‌یامه‌ك به‌لاڤكر و تێدا هاتیه‌، وه‌كو وه‌لاتیێن سه‌رانسه‌ری كوردستانێ، گه‌له‌ك یێ نیگه‌رانم ژ دووباره‌بوونا هێرشێن تیرۆرستی بۆ سه‌ر خه‌لك و ژێرخانا گشتی یا كوردستانێ ل چه‌ند هه‌یڤێن بۆریدا. ئه‌و ترسنۆكێن ل پشت ئه‌نجامدانا وان هێرشان له‌وما په‌نایێ بۆ وان كاران دبه‌ن، چونكه‌ ده‌نگێ رایا گشتی ل ئیراقێ یا ژده‌ستدای،ل شوینا وێ ئێكێ هزر د پاشه‌رۆژێدا بكه‌ن و كاری بۆ پێشخستنا ئابووری و پێشڤه‌برنا په‌یوه‌ندیان ل گه‌ل جڤاكێ نێڤده‌وله‌تی و په‌یداكرنا ده‌لیڤێن كاری بۆ گه‌نجان بكه‌ن، گرۆپێن ژ ده‌رڤه‌ی قانوونێ، گوندێن مه‌ مووشه‌ك باران دكه‌ن و خه‌لكێ سڤیل دكه‌نه‌ ئارمانج.

من ب رێیا ته‌له‌فۆنێ ل گه‌ل هه‌ڤپشكێن سیاسی یێن سه‌ره‌كی یێن هه‌رێما كوردستانێ و ئیراقێ وهه‌روه‌سا دۆستێن مه‌ ل ده‌رڤه‌ی وه‌لاتی ئاخڤتیه‌، د په‌یوه‌ندیا خوه‌ دا ل گه‌ل مسته‌فا كازمی سه‌رۆك وه‌زیرێن ئیراقێ، من دووپاتی ل سه‌ر پێدڤی و گرنگیا پێكئینانا هێزه‌كا هه‌ڤپشك یا پێشمه‌رگه‌ی و هێزێن ئه‌منی یێن ئیراقی كر بۆ پركرنا هه‌ر ڤالاهیه‌كا ئه‌منی كو ل ده‌ڤه‌رێن ناكۆكی ل سه‌ر هه‌بیت كو گرۆپێن ژ ده‌رڤه‌ی قانوونێ بكاردئینن بۆ تێكدانا سه‌قامگیریا هه‌موو ئیراقێ، من بۆ كازمی رۆهنكر كو ئه‌و هێرشه‌ مه‌ترسیێ ل سه‌ر سه‌قامگیری و ره‌وشا وه‌به‌رئێنانێ ل ئیراقێ ب گشتی دروست دكه‌ن و من داخواز ژێ كر رێكارێن رژد و كریاری بگریته‌ به‌ر بۆ كونترۆلكرنا وان گرۆپان.

هه‌روه‌سا وه‌زیرێن كاروبارێن پێشمه‌رگه‌ و ناڤخوه‌یی من راسپاردن هه‌موو رێكارێن پێدڤی ئه‌نجام بده‌ن بۆ پاراستنا ژێرخانا گشتی و ده‌زگه‌هێن په‌ترۆل و غازێ، د چارچۆڤێ پلانێدا، رێككه‌فتین ل سه‌ر هنارتنا هێزێن زێده‌تر بۆ ده‌ڤه‌رێ، ل رۆژێن داهاتی ژی دا دێ رێكارێن زێده‌تر ئه‌نجامده‌ین.

هه‌روه‌سا ل گه‌ل بریت مه‌كگۆرك رێكخه‌رێ كۆچكا سپی بۆ رۆژهه‌لاتا ناڤین و باكوورێ ئه‌فریقیا ئاخڤتن، هه‌ڤالێن مه‌ یێن ئه‌مریكی و هه‌موو وه‌به‌رئێنه‌ره‌كی، دڤێت پێگیریێ به‌رچاڤ بكه‌ین، نه‌شێین ملكه‌چی بۆ ترسێ و توپاندنێ بده‌ین، ل چه‌ند رۆژێن داهاتیدا، دێ داخوازێ ژ دۆست و هه‌ڤپشكێن نێڤده‌وله‌تی یێن مه‌ كه‌م و پێدڤیه‌ جڤاتا ئاسایشا نێڤده‌وله‌تی ژی د په‌یوه‌ندی و بزاڤێن خوه‌ دا ل گه‌ل هه‌ولێرێ و به‌غدا به‌رده‌وامبیت بۆ وێ ئێكێ پێكڤه‌ زێده‌تر رێ ل هێرشێن تیرۆرستی بگرین.

حوكمه‌تا هه‌رێما كوردستانێ، ب پێزانین ڤه‌ دنێریته‌ رۆلێ وه‌به‌رئێنانێ د كه‌رتێ په‌ترۆل و غازێ و سه‌رجه‌م ژێرخانا گشتی و به‌رگریێ ژی لێ دكه‌ت، گه‌له‌ك ب راشكاوی دبێژین، هێرشكرن ل سه‌ر هه‌ر جهه‌كی ل كوردستانێ، هێرشكرنه‌ بۆ سه‌ر هه‌موو كوردستانێ و خه‌لكێ كوردستانێ ب گشتی.

داخوازێ ژ خه‌لكێ كوردستانێ دكه‌م ئیرادا وان یا ب هێز بیت. ئه‌ڤه‌ هێرشه‌كا ئاشكرایه‌ بۆ سه‌ر ژێرخانا مه‌ و پشكه‌كه‌ ژ بزاڤه‌كا تێكده‌رانه‌ بۆ راوه‌ستاندنا مه‌ ژ پلانێن ستراتیژی و كارناما مه‌ یا چاكسازیێ، به‌لێ د پشتراست بن دێ د خۆراگر بین.