ئەڤرۆ نیوز، نەوزاد ھلۆری:

ب مەرەما خزمەتکرنا کەرتێ ساخلەمیێ ، تیمێن خوبەخشێن سوران SORAN HEALTH CROPS رابوون ب ئەنجامدانا ڤیستەڤالەکا ساخلەمیێ و تێدا کومەکا چارەسەری و پشکنین و تاقیکرنان بو نەخوش و وەلاتیان بێ بەرامبەر ئەنجامدان ، و دیسان ژ روویێ ژینگەھی ڤە چەندین رێنمایی دانە وەلاتیان ، و بەرپرسەکێ ژینگەھی ژی ددەت دیارکرن کود نھادا گورانکاریێن ژینگەھی زورترین کارتێکرنێن ساخلەمیێ لسەر مرۆڤی ھەنە.

ھەژار ئیدلیبی سەرۆکێ رێکخراوا وار بو پاراستنا ژینگەھێ بۆ ئەڤرۆ نیوز گۆت: (ب مەرەما خزمەتکرنا وەلاتیان و نەخوشێن سنوورێ قەزا سوران، تیمێن گروپێن خوبەخشێن سوران SORAN HEALTH CROPS رابوون ب ئەنجامدانا ڤیستەڤالەکا ساخلەمیێ بو خەلکێ دەڤەرێ و تێدا ھژمارەکا زور یا چارەسەری و پشکنین و تاقیکرنێن نوژداری بێ بەرامبەر ، و سوپاس بو خودێ ھەر د رۆژا ئێکێ دا ھژمارەکا زور یا وەلاتی و نەخوشان سەرەدان بو کریە ، و ئێک ژ گرنگترین تەوەرێن کو ئەوێ ڤیستەڤالێ گرنگی پێدای پاراستنا ساخلەمیا مرۆڤان بویە ژ روویێ ژینگەھی ڤە ژبەرکو گورانکاریێن ژینگەھی و کەش و ھەوای د نوکەدا بوینە مەترسی بو سەر ژیانا وەلاتیان).

زێدەتر گۆت: (ھەر ژ دەستپێکا ھەبوونا مروڤان ھەتا نوکە کارتێکرنێن ژینگەھی ژی لسەر مرۆڤان ھەبوینە ، و دنوکەدا کو تەکنولوژیا پێشکەفتیە و ھزاران کارگەھێن پێشەسازی و وەبەرھێنانێ دەرکەفتینە کارتێکرنێن ژینگەھی زێدەتر بوینە، ژبلی کو لسەر مرۆڤان ھەیە دھەمان دەم دا کارتێکرن بو ژینگەھێ بخوە و گیانەوەران و ژێدەرێن ئاڤێ ژی ھەیە، روو ب رووبونا پاراستنا وێ گەلەک گرنگە و کارەک ب زەحمەتە ژی بەلێ پێدڤی یە ئەم ژی دەست پێ بکەین).

سەرۆکێ رێکخراوا ناڤبری دیارکر ژی کو 92% ژ رونشتڤانێن جیھانێ نوکە د ژینگەھەکا ساخلەم دان اژین و گۆت ژی: (ھەر 9 ژ وان کەسێن کو دمرن ، کەسەک ژ ئەگەرا پیسبوونا ژینگەھێ یە و دنوکە دا ئەگەرێ پیسبوونا ژینگەھێ ل ھەموو جیھانێ ھژمارا وان کەسێن کو خوە کوشتی گەھشتینە سێ ملیون کەسان کو ئەڤ یەک ژی رێژە و ھژمارەک زورە ، و ھەلبەت کوردستان و عیراق ژی ئێکە ژ وان وەلاتێن یھانێ کو کەفتیە دبن ئەڤێ کارتێکرنێ دا چونکی ل کوردستانێ ھژمارا رونشتڤان و کارگەە و ترومبێلان زوربویە و کێمترین فلتەر و روو ب رووبوون ژی بوو ھەیە ، ئەڤە سەرەرای کو ژبەر نێزیکیا ل بایابێن عیراقی و شەر و ئالوزیان کارتێکرنێن ئێسکەر لسەر پیسبوونا ژینگەھێ دھێنەکرن).

ئەڤرۆ نیوز،بارزان مزووری:
کومیسەر حازم محەمەد،راگەھانکار ژ پشکا ھاتن و چوونا قەزا بەردەرەش بو ئەڤرۆ نیوز ئاشکرا کر کو ھەر چوار رۆژێن جەژن دا ل سنورێ پشکا ھاتن و چوونا بەردەرەش بنگەھێن ناحیێن رۆڤیا و کەلەک بڤی شێوێ لخارێ ھاتین دیار کرن: