سه‌ره‌كى نووترين نووچه

گه‌نجه‌ك د رووبارێ ئاڤا شین دا خه‌ندقى

27/07/2018 15:59

659

ئه‌ڤرۆ نیوز، نه‌وزاد هلۆرى:

ده‌مه‌كێ كێم به‌رى نها گه‌نجه‌كێ دهۆكێ كه‌فته‌ دناڤا رووبارێ ئاڤا شین ل ناحیا شێلادزێ و خه‌ندقى، و ته‌رمێ وى ژلایێ هه‌ڤالێن وى هاتیه‌ ده‌رئینان و ره‌وانه‌كرن بۆ نوژاریا داد ل دهۆكێ.

بێوار كوردى ژ بنگه‌هێ به‌ره‌ڤانیا باژێرى ل شێلادزێ بۆ ئه‌ڤرۆ نیوز گۆت: (ئه‌ڤرۆ پشتى نڤێژا ئه‌ینيێ، گه‌نجه‌كێ باژێرێ دهۆكێ كه‌فته‌ دناڤا رووبارێ ئاڤا شین ل شێلادزێ و خه‌ندقى)

زێده‌تر گۆت: (ته‌رمێ وى ژلایێ گه‌شتیار و هه‌ڤالێن وى د رووبارى هاتیه‌ ده‌رئینان و ره‌وانه‌كرن بو نه‌خوه‌شخانا شێلادزێ ،و پاشى بۆ نوژداریا داد ل دهۆكێ).

مه‌زنترين هه‌يڤ غه‌يرين ئه‌ڤرۆ دێ هێته‌ روودان

27/07/2018 11:16

584

ئه‌ڤرۆ نيوز:

ب گۆره‌يى ژێده‌ره‌كێ گه‌ردونناسى ئه‌ڤرۆ درێژترين هه‌يڤ غه‌يرينا سه‌دێ 21ێ دێ رووده‌ت كو ماوێ وێ زێده‌تر ژ چار ده‌مژمێران و دێ ماوێ ده‌مژمێره‌ك و 43 ده‌قيقان دێ هه‌يڤ غه‌يرينا ته‌مام بيت.

هه‌يڤ غه‌يرين دێ ئه‌ڤ شه‌ڤه‌ ل پشتى ده‌مژمێر 9:00ى شه‌ڤ روو ده‌ت و ل كوردستانێ دێ يا ناڤه‌ندى بيت و پاشان ژى دێ هه‌يڤ ب ته‌مامى هێته‌ غه‌يرين.

ئه‌ڤ روودانا سرۆشتى دێ بيته‌ درێژترين هه‌يڤ غه‌يرينا ڤى سه‌ده‌ى و هه‌سارا مه‌ريخێ دێ ب ته‌مامى نێزيكى ئه‌ردى بيت كو ئێك ژ رووناهيترين هه‌سارايه‌ پشتى “رۆژ” و “ڤينۆس” ێ.

ئەمریكا ناڤێ پێشمەرگەی دئێخیتە ناڤا بودجێ بەرگریا سالا 2019

27/07/2018 10:36

265

ئەڤرۆ نیوز ، زنار تۆڤی:

ئەندامێن پەرلەمانێ ئەمریكا بریار دایە کو ناڤێ پێشمەرگەی بێخنە ناڤ رەشنووسێ قانوونا بودجێ سەربازی یێ ئەمریكا بۆ 2019 كو تێدا گوژمێ 290 ملیۆن دۆلار بۆ هێزێن پێشمەرگێ كوردستانێ هاتینە تەرخانکرن، ژ سەرجەمێ 850 ملیۆن دۆلاران یێن هاتینە تەرخانكرن بۆ سوپایێ عێراقێ.

د رەشنووسێ قانوونا بودجێ سەربازی یێ ئەمریكا، كۆنگرێسی ناڤێ هێزێن پێشمەرگێ كوردستانێ ئینایە و پشکەک ژ پارێ هاتیە تەرخانكرن بۆ هێزێن تەناهیێ ل عیراقێ بۆ پێشمەرگەی تەرخان كرینە.

لدووڤ وی رەشنووسی ئەندامێن پەرلەمانی و جڤاتا پیرێن ئەمریكا وەسا دبینن كو هێزا پێشمەرگەی رۆلەکێ دیار و مەزن دیتیە ل گەل هەڤپەیمانان ل شەرێ دژی داعشان ل عیراقێ، لەوما بەردەوامبوون و هاریکاریا وەزارەتا پێشمەرگەی د چارچۆڤێ پالپشتیا حوکمەتا عیراقێ ب گرنگ دبینن، ئەڤە ژی بۆ رێگرتن ل ڤەگەریانا داعشێ و پاراستنا ئاسایشا ڤێ دەڤەرێ.

پارتی و ئێکەتی دێ کۆم بن

27/07/2018 10:16

142

ئەڤرۆ نیوز ، زنار تۆڤی:

وەسا بریاره‌ د ڤێ حەفتیێ ‌دا كۆمبوونەک دناڤبەرا مه‌كته‌با سیاسی یا پارتى دیموكراتى كوردستان و ئێكەتیا نیشتمانى كوردستان بهێتە ئه‌نجامدان و ئه‌ندامەکێ سه‌ركرداتیا پارتی گوتیە، كۆمبوونێن پارتى و ئێکەتیێ د ێ بنه حە‌فتیانه‌.

ئاراس حه‌سۆ میرخان ئه‌ندامى سه‌ركرداتیا پارتى دیموكراتى كوردستان دیارکریە، کو بریاره‌ د چه‌ند رۆژێن داهاتیدا جارەکادی مه‌كته‌بێن سیاسی یێن پارتى و ئێکەتیێ كۆم ببن‌، هەروەسا هەماهەنگیەکا باش دناڤبەرا پارتى و ئێکەتیێ دا هه‌یه‌ و ره‌نگه‌ كۆمبوونێن دناڤبەرا وان هەردو حزبان ببیتە‌ حه‌فتیانه‌ و به‌رده‌وام گفتوگۆیان ل ‌سه‌ر پێشهاتان بكه‌ن.

بهایێ ئەمپێرێ کارەبێ هاتە دیارکرن

27/07/2018 09:41

1285

ئەڤرۆ نیوز:

ب سەرپەرشتیا قایمقامێ دهۆکێ لژنا سەرپەرشتیا موالیدان کۆمبوو و بهایێ ئەمێرێ کارەبا موالیدەی بۆ ڤێ هەیڤێ هاتە دیارکرن کو ب ڤی رەنگێ ل خوارێ یە:

دانه‌غاز دێ به‌رهه‌مێ نه‌فتا كوردستانێ بۆ 70 هزار به‌رمیلان بلند کەت

27/07/2018 08:44

323

ئەڤرۆ نیوز ، زنار تۆڤی:
رێڤه‌به‌رێ جێبه‌جێكار ل كۆمپانیا دانه‌غاز ئاشكرا دکەت، کو به‌رهه‌مێ نه‌فتا وێ كۆمپانیێ ل هه‌رێما كوردستانێ، د نوکە دا 65 هزار به‌رمیلن د رۆژەکێدا و پێشبینی دکەت کو هەتا دووماهیا ئەڤ سالە بەرهەمێ نەفتێ بۆ 70 هزار به‌رمیلان د ئێک رۆژ دا بلند بکەن.
باتریك ئه‌لمان رێڤه‌به‌رى جێبه‌جێكارل كۆمپانیا دانه‌غاز، د‌ دیدارەكێدا بۆ رۆژناما (به‌یان) یا ئیماراتى گوتیە، دانه‌غاز ل هه‌رێما كوردستانێ پلان هه‌یه‌، هەتا سالا 2021 زێدەكرنا به‌رهه‌مێ بیر پترۆلیۆم ب رێژا 170% بلند بكەت، ب ڤێ دێ به‌رهه‌مێ غازا كێلگه‌هێ (خۆرمۆر) گەهیته 580 ملیۆن پێن سێجا و به‌رهه‌مێ نه‌فتا چركری ژی 20 هزار به‌رمیل د رۆژەکێدا.
رێڤه‌به‌رى دانه‌غاز ئاشكراكریه کو ل دەستپێکا سالا 2019 ل‌ بلۆكى (6) یێ ده‌ریایی ل مسرێ دێ ده‌ست ب لێدانا بیرەکێ کەن.

تره‌مپ بۆ توركیا: هەکە هوون وی قه‌شه‌‌ی ئازاد نه‌كه‌ن دێ سزایێن مەزن دەینە هەوە

27/07/2018 08:26

420

ئەڤرۆ نیوز ، زنار تۆڤی:

دۆنالد تره‌مپ سه‌رۆكێ ئه‌مریكا راگه‌هاند، هەکە توركیا قه‌شه‌ ئیندرۆ برانسۆن ئازاد نه‌كەت، دێ سزایێن مەزن ب ‌سه‌ر هەوەدا ‌سه‌پینین.

تره‌مپ د‌ هه‌ژمارا تایبه‌ت یا خوەدا ل‌ تویته‌ری نڤێسیە، دڤێت توركیا ئێکسەر قه‌شه‌ ئیندرۆ برانسۆن ئازاد بكەت.
گوتیە ژی، هەکە توركیا قه‌شه‌ ئیندرۆ برانسۆن ئازاد نه‌كەت، دێ سزایێ مەزن ب سه‌ر دا ‌سه‌پینین.
هەروەسا دیارکریە‌، پێدڤیه‌ ئه‌و زەلامێ بێتاوانێ‌ ئاینی زوو بهێته ئازاد کرن.

ئیندرۆ برانسۆن، قەشێ ئەمریکی کو پتری سالەک و شەش هەیڤانە ل تورکیا دەست ب سەرە، ژلایێ دادگەهەکا تورکیا ب زیندانیکرن ل مالدا هاتیە سزادان، ل هەیڤا کانوونا ئێکێ ل سالا 2016 ل تورکیا ب تۆمەتا ئەنجامدانا چالاکیێن توندوتیژیێ ل وی وەلاتی هاتیه دەستگیر کرن.

ئیندرۆ برانسۆن قەشەکێ ئەمریکی پرۆتستانتە و ل باژێرێ ئیزمیر، هەڤدەم ب دەست تێكەلكرنێ ل گەل فەتحوللا گولەنی ژی هاتیە تۆمەتبار كرن.

ئێكه‌م روودانا هاتن و چۆنێ لسه‌ر جوتسایدێ نوو يێ شێلادزێ

26/07/2018 22:05

307

ئه‌ڤرۆ نیوز ، نه‌وزاد هلۆرى:

ئێڤاره‌ دره‌نگى یا ئه‌ڤرۆ لسه‌ر رێیا گشتى یا دناڤبه‌را دێره‌لووك – شێلادزێ و لسه‌ر جوتسایدێ نوو چێكریێ شێلادزێ روودانه‌كا هاتنوچۆنێ روویدا و دوو كه‌س برینداربوون.

ب گوره‌ى زانیاریێن ئه‌ڤرۆ نیوز روودان ل نێزیك كانیا بێدلێ دناڤبه‌را دوو ترومبێلێن تایبه‌ت روویدایه‌ و دوو كه‌س ژ هه‌ردوو ترومبێلان برینداربووینه‌ و هاتینه‌ ره‌وانه‌كرن بو نه‌خوشخانا ئامێدىێ.

ئه‌ڤه‌ د ده‌مه‌كێ دایه‌ كو جوتسایدێ شێلادزێ هێشتا د كاركرنێ دایه‌ و نه‌هاتیه‌ ڤه‌كرن، به‌لێ ژ بو ساناهى هاتنوچۆنێ لایه‌كێ رێكێ هاتیه‌ ڤه‌كرن و ترومبێل هاتنوچۆنێ تێدا دكه‌ن، و دبیته‌ ئێكه‌مین روودان ژى لسه‌ر جوتسایدێ دهێته‌ روودان.

100 دونه‌مێن ژینگه‌هێ سوتن و 100 مێش ژى هاتنه‌ رزگاركرن

26/07/2018 22:01

158

ئه‌ڤرۆ نیوز ، نه‌وزاد هلۆرى:

ئێڤاره‌ دره‌نگى یا ئه‌ڤرۆ ئاگر به‌ربوویه‌ پوش و پاوانێ گوندێ هاریكا ئاغا و نێزیك هاڤینگه‌ها گه‌لیێ شێرانه‌ ، و زیانێن زور ب پوش و پاوان و ژینگه‌هێ كه‌فتن، و به‌رڤانیا باژێرى ل دێره‌لوك ب هاریكاریا به‌ره‌ڤانیا باژێرى ل شێلادزێ شیان زێده‌تر ژ 100 مێشێن هنگڤینى ژ سوتنێ رزگار بكه‌ن.

دڤى واریدا” پێشوار رێكانى ” ژ بنگه‌هێ به‌ره‌ڤانیا باژێرى بۆ ئه‌ڤرۆ نیوز گۆت: (ئێڤاره‌ دره‌نگى یا ئه‌ڤرۆ ئاگر به‌ربوویه‌ پوش و پاوانێ گوندێ هاریكا ئاغا و نێزیك هاڤینگه‌ها گه‌لیێ شێرانه‌ ، و ژبه‌ركو ئاگر یێ مه‌زن بو و كونترولكرنا وى یا ب زه‌حمه‌ت بوو ب مخابنیڤه‌ هه‌تاكو هاتیه‌ كونترولكرن زیانێن زور ب پوش و پاوان و ژینگه‌هێ گه‌هاندن، و به‌رڤانیا باژێرى ل دێره‌لوك ب هاریكاریا به‌ره‌ڤانیا باژێرى ل شێلادزێ شیان ئاگرى كونترولك بكه‌ن و زێده‌تر ژ 100 مێشێن هنگڤینى ژ سوتنێ رزگار بكه‌ن كو ب بهایێ نێزیكێ سێ ده‌فته‌رێن دولارى بوون)

زێده‌تر گۆت: (هه‌تا نها ئه‌گه‌را روودانێ ناهێته‌ زانین ، به‌لێ ئاگر ل نێزیكێ جهێن گه‌شتیارى و رێیا هاتنوچۆنێ بوویه‌ ، و گه‌له‌ك خه‌لك هاتنوچۆنێ ل وێرێ دكه‌ت، و ئه‌م یێ دوڤچوونێ لسه‌ر دكه‌ین ، و یا گرنگ ئه‌وه‌ كو ئه‌م داخوازێ ل خه‌لكى بكه‌ین ئه‌وه‌ كو پێدڤى یه‌ خه‌لك هوشیارى خوه‌ بكه‌ن ده‌ما كو سه‌ره‌دانا جهێن گه‌شتوگۆزارى دكه‌ن و دیسان هوشیارى خوه‌ بن ژ هه‌لكرنا ئاگر و جگارێن خوه‌ داكو چوو زیان ل پشت خوه‌ نه‌هێلن) ب گوره‌ى زانیاریێن ئه‌ڤرۆ نیوز د روودانا ئه‌ڤرۆ یا گوندێ هاریكێ دا زێده‌تر ژ 100 دونه‌مێن عه‌ردى هاتینه‌ سوتن.