ئه‌ڤرۆنيوز:
وه‌لاتيه‌كێ ب ناڤێ موسلح ئه‌مين دبه‌رپه‌رێ خوه يێ فه‌يسبووكى دا به‌لاڤكر، ل رۆژا پێنجشه‌مبى 24/5/2018 ل دەمێ چاندنا گوندۆران ل گوندێ دوكه‌رێ ئەڤ ماڕگیسکێ ب دو كورى هاتە دیتن.
مارگيسكه‌كێ ب دو كورى ل دوكه‌رێ هاته ديتن
نووترين نووچه
- سەرۆك بارزانی و سوودانی ڕەوشا سیاسی یا ئیراقێ و دەڤەرێ گەنگەشە كر
- كلیلا چارەسەریا كێشەیێن هەولێرێ و بەغدایێ بجهئینانا دەستوورییە و بێی وێ كێشە چارەسەر نابن
- پارتی و هەڤپەیمانییا خەدەمات دوپاتیێ ل سەر هەڤپشكییا نیشتمانی دكەن
- سكرتێرێ جڤاتا وەزیران: بۆ بنەجهكرنا شایستەیێن دارایی، دانوستاندن ل گەل بەغدایێ د ڤێ حەفتیێ ژی دا دێ بەردەوام بن
- فراكسیۆنێن كوردستانی ل دژی ڕەشنڤیسێ بودجەیا 2027ێ: دادی تێدا نینە و دەنگی پێ نادەین
- دەستەیا خوارن و دەرمانان دێ هێتە دامەزراندن
- حەتا شەش مەهێن دی سیستەمێ بەرگرییا ئەسمانی ل هەموو دەڤەران دێ هێتە دانان
- ب توندی هێرشا ل سەر فڕۆكەخانەیا شاهـ خالدی پرۆتەستۆ دكەین
- هەرێما كوردستانێ پارەی ژ ئیراقێ نابەت، بەلكو داهاتەكێ مەزن دئێخیتە سەر گەنجینەیا گشتی
- پەرلەمانتارەك: بۆ تەمامكرنا كابینەیا عەلی زەیدی، پارتی دو بەربژار هەنە
سه‌ره‌كى نووترين نووچه
هه‌لبه‌ستڤان و میدياکارێ کورد خەلەفێ زێباری وەغەر کر
ئەڤرۆ نیۆز، سەباح زوهێر
هه‌لبه‌ستڤان و میدیاکارێ کورد خەلەف یاسین یێ بەرنیاس ب خەله‌فێ زێباری شەڤا بۆری ل واشنتۆن وەغەرکر.
ئەحمەد زێباری، پسمامێ خەلەفێ زێباری بۆ ئەڤرۆ نیۆز دیارکر کو شەڤا بۆری پێنجشەمبی 24-5-2018 خەلەفێ زێباری کو خودانێ هه‌لبه‌ستا(خۆزی من تو دیتبای نەسرین) ل واشنتۆن پایتەختێ ئەمریکا د ژیێ 70 ساڵی دا وەغەر کر.
گوت ژی کو خەلەفێ زێباری ل مالا خوه لە واشنتۆن وەغەرکریە وهه‌ر ل وى باژێرى ژی دێ هێتە ڤەشارتن.
خەله‌فێ زێباری ژبلی کو دامەزرێنەر و بێژەرەکێ دیارێ رادیۆیا پشكا کوردی دەنگێ ئەمریکا بوویە، هه‌لبه‌ستڤانه‌كێ بەرنیاس بوو، ئێک ژ دیارترین هه‌لبه‌ستين وی بناڤێ (نەسرین) کو محەممەد شێخۆ کریە ستران.
ئەحمەد زێباری زێدەتر گۆت کو خەلەفێ زێباری خەلکێ گوندێ (بانیێ) یە ل سنورێ قەزا ئاکرێ و ل سالا 1974 بێژەرێ دەنگێ کوردستان- عێراق بوویە، پشتى نسکۆيا سالا 1975 چوویە ئەمریکا و ل سالا 1992 ئێک بوویە ژ دامەزرێنەرێن پشكا کوردی رادیۆیا دەنگێ ئەمریکا و دو پەرتۆک ب ناڤێ( زێرێ رەش) و ( وارێ شێران) چاپکرینە و ل سالا 2012 خانەنشین بوويە.
ئاماژە د وێ چەندێ کو ل باژێرێ دیاربەکر و ب بریارا سەڵاحەدین دەمیرتاش جادەیەکا مەزن بناڤێ خەلەفێ زێباری هاتیە ئاڤاکرن و بێژەرێ سالێن حەفتيان یێ ئێزگەهێ شۆره‌شێ، ڕادیۆیا دەنگێ کوردستانێ بوو، ب نەخوه‌شی یا تەنگە وه‌غه‌ر کر ، د رێورەسمەکێ دا تەرمێ وى دێ ل گۆڕستانا ڤێرجینیا ل ئەمریکا دێ هێتە ڤەشارتن.
وێنه: پوتین سه‌ركردێن ئه‌ورۆپا گولباران دكه‌ت
ئه‌ڤرۆ نیوز:
ڤلادیمێر پۆتین، سه‌رۆكێ رووسیا ئه‌ڤرۆ و چه‌ند رۆژێن بووری د گه‌ل چه‌ندین سه‌ركردێن وه‌لاتێن ئه‌ورۆپی كۆمبوو، تشتێ سه‌رنجراكێش د هه‌ڤدیتنان دا پێشكێشكرنا ده‌ستێن گولان بوون.
پوتین ل رۆسیا پێشوازی ل ئه‌نگێلا مێركل شیره‌تكارا ئه‌لمانیا كر ب پێشكێشكرنا ده‌سته‌كێ گولێن سپی، میدیا ئه‌لمانی ژی ره‌خنه ل پوتینی گرتن ئه‌و یه‌ك وه‌ك نیشاندانا ده‌ستهه‌لاتدارییا زه‌لامان و ئیهانه بناڤ كر.
وه‌كي دیاره پوتینی چ گرنگی پێ نه‌دا ژبه‌ركو ئه‌ڤرۆ ژی پیشوازی ل سه‌رۆكێ فره‌نسا و هه‌ڤژینا وی كر و ده‌سته‌كێ گولێن سپی و پیڤازی بۆ كرنه دیاری.
به‌ری نها پوتینی ب هه‌مان ره‌نگ پێشوازی ل كۆلیندا یا سه‌رۆكا كرواتیا كربوو، هنده‌ك ئالییان ژی ئه‌و یه‌ك ب دپلۆماسییا ده‌ستێن گولان ل قه‌له‌م دا د ده‌مه‌كی دا ئه‌مریكا و ئه‌ورۆپا پشتی ده‌ستبكاربوونا ترامپی تۆشی ناكۆكییان بووینه.
فرۆكخانه‌كا رژێما سووریێ كه‌فته به‌ر هێرشا مۆشه‌كان
ئه‌ڤرۆ نیوز:
فرۆكخانه‌كا سه‌ربازی یا رژێما سووریێ ل گونده‌وارێن حۆمسێ كه‌فته به‌ر هێرشا چوار مۆشه‌كان و ژ ئه‌گه‌رێ وێ یه‌كێ ئاگر به‌ربوو فرۆكخانێ.
زیانێن گیانی نه‌هاتنه زانین و چ ئالییان به‌رپرسیارییا خوه ژ هێرشێ رانه‌گه‌هاندنییه لێ ل گۆری گۆتنا رژێمێ وێ چه‌ندین مۆشه‌ك برێیا سیسته‌مێ به‌رگریێ هه‌لوه‌شاندنه.
ئه‌لمانیا.. داخوازا قه‌ده‌غه‌كرنا كاركرنا رۆژیگران هاته‌كرن
ئه‌ڤرۆ نیوز:
پارتییا راستروو یا ئه‌لمانیا یا دژی كۆچبه‌ران داخواز كر موسلمانێن ئه‌لمانیا یێن د كاری دا برۆژی د مه‌ها ره‌مه‌زانێ دا ژ كاركرنێ بهێنه قه‌ده‌غه‌كرن.
په‌رله‌مانتاره‌كێ پارتییا (ئه‌ی ئێف دی) ل په‌رله‌مانێ ئه‌لمانیا پێشنیاز كر، نۆشدار و په‌رستیار و فرۆكه‌ڤان و شۆفێرێن پاس و ترێنان یێن موسلمان كو ل مه‌ها ره‌مه‌زانێ رۆژییان دگرن، رێ پێ نه‌هێته دان د وێ مه‌هێ دا كاربكه‌ن.
ل گۆری وی په‌رله‌مانتاری پێدڤییه موسلمان هنده‌ك ژ ده‌ستوورییا خوه یا سالانه بكاربینن دا مه‌ها ره‌مه‌زانێ كار نه‌كه‌ن ب تایبه‌ت ئه‌وێن نه‌شێن شێفتێن شه‌ڤێ ل كاری بده‌ستڤه بینن.
ئه‌ڤ كچه هاته سۆتن و گيانێ خوه ژ ده‌ست دا
ئەڤرۆ نیوز، باسم قاسم شنگالی:
ئێڤاریا ئه‌ڤرۆ ژ ئه‌نجامێ شورته‌كێ كاره‌بێ ئاگر ب كه‌مپا خانكێ یا ئاوارێن شنگالێ كه‌فته و د ئه‌نجام دا پێنج خیڤه‌ت ب تمامى هاتنه سوتن و كه‌سه‌كێ ژى گیانێ خوه ژ ده‌ست دا.
ژێده‌ره‌كێ ژ كه‌مپا خانێ كو جیرانێن روودانێ نه بۆ ئەڤرۆ نیوز گۆت: (ئێڤاریا ئه‌ڤرۆ ده‌ردورێن ده‌مژمێر 4ێ ئێڤارى ژ ئه‌نجامێ شوته‌كێ كاره‌بێ ئاگر ل كه‌مپا خانكێ یا ئاوارێن شنگالێ كه‌فت و د ئه‌نجام دا كچه‌كێ بناڤێ شلیناز خالد خدر كو دژیێ 16 سالیێ دابوو گیانێ خوه ژ ده‌ست دا و پێنج خیڤه‌ت ژى ب تمامى هاتنه سوتن و زیانێن زور یێن ماددى پشت خوه هێلان).
دەرگەهەکێ بازرگانی ل سنورێ پارێزگەها هه‌له‌بجه هاتە ڤەكرن
ئه‌ڤرۆ نیۆز ، عه‌زیز هه‌ورامی :
ئه‌ڤرۆ ب فەرمی دەرگەهێ نیڤ فه‌رمیێ پشته دناڤبەرا پارێزگەها هه‌ڵه‌بجه و ئیرانێ هاتە ڤەكرن،كو ڕۆژانه (300 بۆ 400) ترۆمبێلێن بارهه‌لگر دێ هاتنوچوونێ لێ کەن و ئەڤ،چەندە دێ بزاڤا بازرگانی ل ڤێ دەڤەرێ خۆرت کەت.
عادل مه‌لا سالح رێڤه‌به‌رێ شارەدێی بۆ ئه‌ڤرۆ نیۆز راگه‌هاند:ل هەیڤا دوو یا ئه‌ڤساله ب هاریكاریا حوکمه‌تا هه‌رێما كوردستانێ ئه‌ڤرۆ ب فەرمی جارەکادی مه‌رزێ پشته هاتە ڤەكرن و ب ڤەکرنا ڤی دەرگەهی دێ کاریگەریەکا باش هەبیت بۆ دابەزاندنا بوهایێ کەرەستێن ئافاکرنێ ،دیسا دێ گەلەک دەلیڤێن کاری ژی بۆ خەلکێ سلێمانیێ و هەلەبجە و گەرمیان ژی پەیدا بن .
ده‌مژمێرێن كاركرنا مواليدان هاتنه گوهۆڕين
ئه‌ڤرۆ نيوز:
لژنا سه‌رپه‌رشتيا مواليدان يا سه‌ر ب پارێزگه‌ها دهۆكێ ڤه، ده‌مژمێرێن كاركرنێ بۆ هه‌يڤا خزيرانێ ئاشكه‌را كرن.
ب گۆره‌ى لژنا سه‌رپه‌رشتيكرنا مواليدان ل پارێزگه‌ها دهۆكێ ل هه‌ر ژ ده‌مژمێرێ 7:00ى سپێدێ هه‌تا ده‌مژمێر 1:00ى نيڤرۆ دێ كاره‌ب هه‌بيت و ژ ده‌مژمێر 2:00ى پشتى نيڤرۆ هه‌تا 5:00ى سپێدێ.
ل قه‌زا و ناحيێن سه‌ر ب پارێزگه‌ها دهۆكێ ڤه ل دووڤ ره‌وشا و داخوازيا كارگێريێن وان دێ هێنه دياركرن.
بهايێ ئه‌مپێرێ كاره‌بێ هاته دياركرن
ئه‌ڤرۆ نيوز:
لژنا سه‌رپه‌رشتيا مواليدان يا سه‌ر ب پارێزگه‌ها دهۆكێ ڤه، بهايێ ئه‌مپێرێ كاره‌بێ بۆ هه‌يڤا گۆلانێ ئاشكه‌را كر.
ب گۆره‌ى لژنا سه‌رپه‌رشتيكرنا مواليدان ل پارێزگه‌ها دهۆكێ ل قه‌زايێن دهۆك و سێمێل 7:00 هزار دينارن و ل زاخۆ 7:500 دينارن.
ب گۆره‌ى لژنا سه‌رپه‌رشتيا مواليدان ژ 250 ديناران هه‌تا 1750 ديناران وه‌كو قه‌ر ل سه‌ر ئه‌مپێرێ كاره‌بێ هاتينه زێده‌كرن ل جهێ وان هه‌يڤێن بۆرى يێن بهايێ وان گه‌له‌ك و هاتيه كێمكرن.
ل ده‌ڤه‌رێن دژى ل دووڤ ڤى خشتێ ل خوارێ يه.
دهه‌لبژارتنێن كوردستانێ دا سیسته‌مێ ئه‌لكترۆنى ناهێته بكارئینان
ئه‌ڤرۆنیوز:
جڤاتا كۆمسیۆنا بلند یا هه‌لبژارتن وراپرسیان ل هه‌رێما كوردستانێ ب تێكرایا ده‌نگان بریار دا دهه‌لبژارتنێن كوردستانێ دا ب چو جۆره‌كى سیسته‌مێ ئه‌لكترۆنى بۆ ده‌نگدانێوجوداكرنا ده‌نگان ژى نه‌هێته بكارئینان.
كۆمسیۆنا بلند یا هه‌لبژارتن وراپرسیان ل هه‌رێما كوردستانێ ئه‌ڤرۆ پێنجشه‌مبى 24/5/2018 ل دۆر چه‌ندین پرسان كۆمبوو كو ئێك ژوان ره‌تكرنا بكارئینانا سیسته‌مێ ئه‌لكترۆنى بوو دهه‌لبژارتنێن هه‌رێما كوردستانێ دا.
پشتى كۆمبوونێ، شێروان زرارى په‌یڤدارێ كۆمسیۆنا بلند یا هه‌لبژارتن وراپرسیان ل هه‌رێمێ دكۆنگره‌كێ رۆژنامه‌ڤانى دا راگه‌هاند” دكۆمبوونا ئه‌ڤرۆ دا بریار هاته دان ل هه‌لبژارتنێن په‌رله‌مانێ كوردستانێ كو بریاره ل 30/9/2018 بهێنه ئه‌نجامدان ده‌نگ ب ده‌ستى بهێنه هژمارتن”.
شێروانى گۆت ژى” دێ بزاڤێ كه‌ین هه‌لبژارتنێن هه‌رێما كوردستانێ گه‌له‌ك دجودا بن ژ هه‌لبژارتنێن عیراقێ وسیسته‌مێ ئه‌لكترۆنى نه‌هێته بكارئینان”.
دیاركر ژى” كۆمسیۆنا كوردستانێ به‌رهه‌ڤیان دكه‌ت بۆ وێ چه‌ندێ رێگریێ ل هه‌ر كه‌م وكوریه‌كێ وهه‌ولێن سه‌خته‌كاریێ دهه‌لبژارتنێن هه‌رێما كوردستانێ بكه‌ت”.
نيشاندان
WP Facebook Auto Publish Powered By : XYZScripts.com