ئهڤرۆنيوز:
ژێدهرهكێ باوهرپێكرى بۆ ئهڤرۆنيوز راگههاند، بهرى دهمهكێ كێم عادل موراد سكرتێرێ جڤاتا ناڤهنديا ئێكهتى نيشتمانى كوردستان وئێك ژ دامهزرێنهرين ئێكهتيێ ل نهخوهشخانهكا ئهلمانيا وهغهركر.
عادل موراد وهغهركر
نووترين نووچه
- سەرۆك بارزانی: ب چو ڕەنگەكی ڕێ ناهێتە دان هەرێما كوردستانێ ببیتە پەناگەهەك بۆ گەندەلكاران
- سەرۆكێ هەرێمێ و سەرۆكێ دەستەیا دەستپاكیێ یا فیدرال ب هێزكرنا هەماهەنگیێ گەنگەشە كر
- دەرهینانا سووریێ ژ لیستا تیرۆرێ پێنگاڤەكا گرنگە
- وەزیرێ نەفتا ئیراقێ پشكا نەفتا خاڤ یا هەرێما كوردستانێ زێدە ناكەت
- وەزارەتا پێشمەرگەی: ئەركێ سەربازی یێ هێزێن ئەلمانیایێ ل هەرێما كوردستانێ ب دووماهی هات
- دو خواندنێن جودا بۆ رەوشا نها یا رۆژئاڤایێ کوردستانێ دهێنە کرن
- هیڤیدارم ئەڤ هەلكەفتا پیرۆز خێر و خۆشی و دادیێ بۆ دەڤەرا مە ب دەست بینیت
- بیرەوەرییا ژ دایكبوونا پێغەمبەری (س.خ) دەلیڤەیا نووژەنكرنا مرۆڤدۆستیێ یە
- بیرەوەرییا ژدایكبوونا پێغەمبەری (س.خ) ل هەموو ئالییەكی پیرۆز بیت
- ئەنفال پیلانەكا ڕەش بوو بۆ گوهۆڕینا دیموگرافییا كوردستانێ، لێ گەلێ مە سەركەفت
سهرهكى نووترين نووچه
وەزارەتا دارایی خشتەکێ نوو یێ مووچەی راگەهاند
ئەڤرۆ نیوز ، زنار تۆڤی :
رێڤەبەریا راگەهاندن و پەیوەندیان ل وەزارەتا دارایی و ئابووری راگەهاند،کو ل حەفتیا داهاتی دێ مووچێ ئەڤان وەزارەت و جهان هێتە دابەش کرن.
رۆژا ئێكشەمبی 20/5/2018. دێ مووچێ وەزارەتا
نافخۆ و دەزگەهێ ئاسایشێ هێتە دابەشکرن.
رۆژا دووشەمبی 21/5/2018 دێ مووچێ
پێشمەرگەیێ زێرەڤانی بەرگری و فریاكەوتن و هێزا ئامادە و
دیوان و لیوایێن وەزارەتا پێشمەرگەی هێتە دابەشکرن.
رۆژا سێشەمبی 22/5/2018 دێ مووچێ
یەكەیێن 70 و 80 یێن پێشمەرگەی هێتە دابەشکرن.
چارشەمبی 23/5/2018 دێ مووچێ
خانەنیشنێن پێشمەرگەی هێتە دابەشکرن
ل رۆژا پێنجشەمبی 24/5/2018 دێ مووچێ
خانەنیشنێن شارستانی هێتە دابەشکرن.
مووچێ پێشمهرگهى و ناڤخو و خانهنشینان ل ڤان ژڤانان دێ هێنه بهلاڤكرن
ئهڤرۆنيوز:
ژێدهرهكێ بهرپرس ل وهزارهتا دارايى وئابوورى ل ههرێما كوردستانێ راگههاند، برياره بهرى دووماهيا ڤێ ههيڤێ ب چهند رۆژان، مووچێ وهزارهتا پێشمهرگه بهێته بهلاڤكرن، ددهمهكى دا مووچێ پێشتى ل 28 ههيڤێ وهرگرتبوو.
وى ژێدهرى بۆ مالپهرێ كوردستان تيڤى گۆت ژى” مووچێ وهزارهتا ناڤخو وخانهنشينێن مهدهنى ولهشكرى وهكو يێ وهزارهتا پێشمهرگه بهرى سهرێ ههيڤێ ب چهند رۆژان دێ هێته بهلاڤكرن”.
دياركر ژى” ههتا مووچێ وهزارهتێن پێشمهرگه وناڤخو وخانهنشينێن مهدهنى ولهشكرى نههێنه بهلاڤكرن، خشتێ مووچهى يێ ههيڤا ئادارێ ناهێته راگههاندن”.
لقێ ئێك پهيامهكێ ب ههلكهفتا سهركهفتنا ليستا 184 بهلاڤ دكهت
ئهڤرۆ نيوز:
لقێ ئێك پهيامهكێ ب ههلكهفتا سهركهفتنا ليستا 184 بهلاڤ دكهت، ئهڤهژى دهقێ وێ يه:
خهلكێ دهوكێ یێ خوشتڤى
وهفادار و دلسوزێن گهل و نشتیمانى
خودانێن رهنگ و كریارا
سهركهفتنا ههوه ل روژا (12) ى گولانێ د ههلبژارتنێن پهرلهمانێ عێراقێ دا توماركرى ، ل ههوه و ههمى خهلكێ كوردستانێ پیروزبیت.
ههوه رێكا راست بهرنهدا و بریارا ههوه ل سهر بنیاتێ رهنج و زهحمهتا چهندین سالا یا خهلكى َكوردستانێ بو.
سهركهفتنا ههوه توماركرى ، ژ ڤهخارنا ژههرى بو نهحه زان نهخوشتر بوو، چونكى ههوه كهرامهت و ئهمانهت و هێزا گهلێ خو پاراست ، ههر وهسان ههوه ئهو چهنده سهلماند كو چ تشت لبهر چاڤێن ههوه نینن ژبلى پێشكهفتن و سلامهتیا وهلاتى.
بو ڤێ چهندێ بناڤێ لقێ ئێكێ پارتى ژدل سوپاسیا ههوه ئێك ب ئێك دكهم و هین ههر بژین و سهربلندبن.
سهربهست تروانشى
بهرپرسێ لقێ ئێك
17 ێ گولانا 2018
ئەڤ سال وەرزێ كڤاركا دو جاران ل دەڤەرا ئەترووش دەستپێكر
شێخان،بارزان مزووری:
ل دەڤەرا ئەترووش بۆ ئێكەم جارە وەرزێ دەركەفتنا “كڤاركان” د ئەڤ ساله دا دو جاران ژبن ئاخێ دەردكهڤن و ژ كڤاركێن جودانه دگەل كڤاركێن وەرزێن بوری ،لهوما جهێ حێبهتيا وەلاتیێن دەڤەرێ بوو كو دبێژن بۆ ئێكەم جارە ل ڤێ دەڤەرێ ئەڤ كڤاركە دروست دبن.
ئادەم مەحمود ، ئێك ژ وەلاتیێن دەڤەرا ئەترووش بۆ ئەڤرۆنيوز دیار كر كو د ژیێ من دا ئێكەم جارە من دیتی و گوهلێ بووى كڤارك دو وەرزان دروست دبن ، ئەڤ كڤاركە سەنگ و جوانی و خوارنا وان یا جودايه ل گەل یێن وەرزێ ئێكێ، من ئیك كڤارك ل ئاقاری ئینا نێزیك نیڤ كیلو بوو”.
ناڤبری دیار كر كو خەلكەك زور سەرەدانا ئاقارێ دهڤهرا ئهترووش دكەت ژبۆ دەست ڤە ئینانا كڤاركان كو هندهك د ماوێ 30 خولەكان دا پتری 20 كیلۆیان دەردئینن .
محەمەد عبدلرەحمان، ئێك ژ وەلاتیێن كارێ فروتنا كڤاركان دكەت ل ناڤ بازارێ قەسرۆك بۆ ئەڤرۆنيوز دیار كر كو د ئەڤ ساله دا دو جاران بەرهەمێ مە ل ئاقاری هەبوو، بهلێ د ڤی وەرزی داكڤارك دجودانه ودەمێ مە بۆ بازاری برین خەلكەك مابوو حەیری ژ جوانی و سەنگێ وان و بازارێ كرین و فروتنا وان گەلەك يێ گەرم بوو خەلكی ب شەڤ تەلەفۆن بۆمە دكر ودگۆت، ئەو كڤاركێن تو د ئینی نەفرۆشە هەموو پێكڤە گەهشتنە مە ژبەر تاما وان یا جودا.
ناڤبری دیار كر كو گەلەك خەلك من ل ئاقارێ دەڤەرا ئەترووش دیت ل باژێرێن دوور بۆ ڤێ دەڤەرێ هاتبوون ژبو دەست ڤە ئینانا كڤاركان و گەلەك خەلكی ل تۆرێن كومەلایەتی بهلاڤكربوون و وی خەلكی دیت بوون لهوما سەرەدانا ڤێ دەڤەرێ دكهن.
پارتى:دقۆناغا ئێكێ دا دێ ههڤپهيمانيهكا كوردستانى دروست كهين
ئهڤرۆنيوز:
بهرپرسهكێ پارتى ديموكراتى كوردستان راگههاند، ل قۆناغا ئێكێ پارتى دێ بزاڤێ كهت ل ناڤخوهيا ههرێما كوردستانێ ههموو لايهن ههڤپهيمانيهكێ دروست بكهن وب هێز بچنه بهغدا، پاشى ل گهل وان لايهنێن عيراقى يێن باوهرى ب ههڤپشكيێ ودستوورى ههى دانوستاندنێ بكهين ل دۆر پێكئينانا حوكمهتا عيراقێ يا داهاتى.
عەلی حوسێن، بهرپرسێ پهيوهنديێن نيشتمانى يێن پارتى ديموكراتى كوردستان بۆ مالپهرێ فەرمیێ پارتی گۆت” ههر ل دهمێ بانگهشان دا، لايهنێن عيراقى بهحسێ ههرێما كوردستانێ دكر كو ئهڤه يا ئهرێنى بوو، مه ژى بهرسڤ بۆ وان ههبوو، بهلێ پشتى دهركهفتنا ئهنجامان، چو لايهنهكێ شيعى وسونى ب شێوهى ب هێز نينن وهكو بهرى نوكه زورينه بن، لهوما نوكه ب كێمى دڤێت سێ قهواره ل گهل كوردان ژى بشێن حوكمهتى دروست بكهن، ژبهر وێ چهندێ يا ب ساناهى نينه دشيان دابيت زوو حوكمهت بهێته پێكئينان”.
گۆت ژى” يا گرنگ ئهو ل قۆناغا ئێكێ ئهم بزاڤان بكهين ههڤپهيمانيهكا كوردستانى دروست بكهين، كا چاوان دێ گههينه رێككهفتنێ ئهو يا جودايه، پاشى دانوستاندنێ ل گهل وان لايهنێن عيراقى دێ كهين كو باوهرى ب ههڤپشكيێ وتا چهند پێگيريێ ب رێككهفتنێ ودستوورێ عيراقێ دبن، بۆ وێ چهندێ داخوازيێن مه بجهبينن، ههروهسا مه چهند گرفت ژى يێن ههين كو پێدڤيه دڤێ كابينێ دا بهێنه چارهكرن”.
حوکمەتا ھەرێما کوردستانێ دەمژمێرەک ژ دەواما فەرمانگەھان کێم کر
ئەڤرۆ نیوز :
حوکمەتا ھەرێما کوردستانێ ھاتنا مەھا رەمەزانێ ل تەڤایا موسلمانان پیرۆز کر و دەمژمێرەک ژی ژ دەواما فەرمانگەھێن حوکمەتێ کێم کر.
سەفین دزەیی پەیڤدارێ حکومەتا ھەرێما کوردستانێ د راگەھاندنەکێ دا، ھاتنا هەیڤا رەمەزانا پیرۆز ل مالباتێن شەھیدان و پێشمەرگەی و ھەموو موسلمانێن کوردستانێ و عێراقێ و جیھانێ پیرۆز کر، ھەروەسا خواست کو هەیڤا رەمەزانێ ببیتە هەیڤا خۆشیێ بۆ ھەموو لایەکێ.
پەیڤدارێ حکومەتا ھەرێمێ گۆت ژی: ب ھاتنا هەیڤا رەمەزانێ دەواما فەرمی ل فەرمانگەھێن حوکمەتا ھەرێما کوردستانێ بۆ دەما دەمژمێرەکێ دێ ھێتە کێمکرن، کو دێ ژ ھەشتی سپێدێ هەتا دەمژمێر دووی پشتی نیڤرۆ بیت.
سەفین دزەیی
پەیڤدارێ فەرمی یێ حوکمەتا هەرێما کوردستانێ
16.5.2018
كۆمسیۆنا هەرێمێ: حوکمهتێ پاره بۆ ههلبژارتنێن ههرێما کوردستانێ تەرخان كرینە
ئەڤرۆ نیوز ، زنار تۆڤی :
كۆمسیۆنا ههلبژارتن و راپرسیێن ههرێما كوردستانێ دیارکر:کو جڤاتا وهزیران قۆناغا ئێكێ یا پارهیێ پێدڤی بۆ ههلبژارتنێن ههرێمێ تەرخان كریە.
شێروان زرار پهیڤدارێ كۆمسیۆنا ههلبژارتنێن ههرێمێ بۆ دهنگێ ئهمریكا گۆتیە:کو حوکمهتا هەرێما کوردستانێ 10 ملیار دینار وهك قۆناغا ئێكێ بۆ وان تهرخان كرینه و جڤاتا كۆمسیۆنێ ژی، پلانا خوه دانایه و دهمێ بانگهشهیا ههلبژارتنان و پاقژكرنا تۆمارا دهنگدهران و چهند بابهتێن دی ئێكلاكرینه.
ئهڤه د دهمهكی دایه كو ل 9 گولانێ نێچیرڤان بارزانی سهرۆكێ حوکمهتا ههرێما كوردستانێ ب مهرسومهكێ سهرۆكاتیێ كو ژ دهستههلاتا وی یه، رۆژا 30 ئیلۆنێ وهك رۆژا ههلبژارتنێن ههرێمێ دیاركریە و راگههاندیە،کو ب چو رهنگان ئهو رێككهفته ناهێته گۆهورین.
كۆمسیۆنا هەلبژارتنان:ل دو رۆژێن بهێن دێ ئهنجامێن دوماهیێ یێن ههلبژارتنان راگههینین
ئەڤرۆ نیوز ، زنار تۆڤی :
كۆمسیۆنا بلند یا سهربەخۆ یا ههلبژارتنان ل عێراقێ ئاشكرا كریە: کو ب چو رەنگان دەنگ ب دەست ناهێنە هژمارتن.
ریاز بهدران سهرۆكێ كۆمسیۆنا بلند یا سهربەخۆ یا ههلبژارتنان ل عێراقێ د پرێسكۆنفرانسهكی دا دیارکریە:کو ل دو رۆژێن بهێت دا دێ ئهنجامێن دوماهیێ یێن ههلبژارتنان هێنه راگههاندن.
سەبارەت نهرازیبوونا شهش لایەنێن ههرێما كوردستانێ كو دبێژن سەختهكاری هاتینه كرن، سهرۆكێ كۆمسیۆنێ راگههاندیە:کو وان وەک کۆمسیۆن سهربەخۆ یا خوه د هەلبژاتنان دا پاراستیه و چو بههانه ژی بۆ ب دهست هژمارتنا دهنگان ل عێراقێ نینه.
بۆ ئاوارەیێن شنگال خیڤەت ژ کاڤلێن وێرانکری خۆشترن
ئهڤرۆ نيوز:
فەرماندێ فەرماندەیا شنگال یا پێشمەرگەی دیار کر کو ژ بەر نەبوونا سلامەتیا 100% ل شنگال، خەلک نەشێن نوکە بزڤرنە سەر مالێن خوە، ئیدارا شەرعی یا شنگالێ ژی دبیژیت خەلکێ شنگال ل ھەلبژارتنان سەلماندن وان نەڤێت شنگال ب سەر بەغدا ڤە بیت. خۆیا ژی کر کو پتریا ئاوارێن شنگال دخوازن ل کەمپێن ئاواران دا بمینن و نازڤرنە ناوچەیێن خوە، چونکو دەڤەرێن وان د بێ خزمەتگوزارێ نە و ھێشتا مەترسی ل سەر ژیانا خەلکی ھەیە، ئەگەر بزڤرنە ناوچەیێن خوە، ژبەر تیرۆرستێن داعش بۆمبە و مین یێن چاندین و ھەتا نھا نەھاتینە راکرن و خزمەتگۆزاری ژی ل دەڤەرێ نینن و ھەموو یا وێرانکریە.
قاسم شەشۆ، فەرماندێ فەرماندەیا شنگال یا پێشمەرگەی دیار کر کو 100% حۆکمەتا عیراقێ سۆزێن خوە ل گەل خەلکێ شنگال بجە نەئینان، ھەتا ئەڤرۆ شنگال یا وێرانکریە و چو خزمەتگوزاری و ئاڤەدانی ل شنگال نەھاتیە کرن، حۆکمەتا عیراقێ بەردەوام کاردکەت ئاوارە بھێنە ھاندان بزڤرنە ناوچەیێن خوە، د وەختەکی دا سەمەلاتی نینە و ھێشتا پتریا دەڤەرێن شنگال دمینرێژکرینە.
وەیسی نایف، سەرۆکێ جڤاتا قەزا شنگال دیار کر کو ژبەر نەبوونا سلامەتیێ ل قەزا شنگال 330 ھزار کەس نەشێن بزڤرنە سەر مالێن خوە، بۆ وان ژیان ل کەمپێن ئاواران گەلەک خوشترە ژ زڤرینا سەر مالێن خوە، چونکو تەناھی و خزمەتگوزاری نینن و ھێشتا ئیدارا شەرعی یا شنگال یا ب دەنگێن خەلکێ شنگال ھاتیە ھەلبژارتن و نە زڤرینە شنگال، ھەر دەمێ ئیدارا نە شەرعی یا شنگال ھاتە ھەلوەشاندن دێ وی دەمی ئیدارا شەرعیی یا شنگال زڤریت.
خۆیا ژی کر کو پتریا ئاوارێن شنگال دخوازن ل کەمپێن ئاواران دا بمینن و نازڤرنە ناوچەیێن خوە، چونکو دەڤەرێن وان د بێ خزمەتگوزارێ نە و ھێشتا مەترسی ل سەر ژیانا خەلکی ھەیە، ئەگەر بزڤرنە ناوچەیێن خوە، ژبەر تیرۆرستێن داعش بۆمبە و مین یێن چاندین و ھەتا نھا نەھاتینە راکرن و خزمەتگۆزاری ژی ل دەڤەرێ نینن و ھەموو یا وێرانکریە.
مەحما خەلیل، قایمقامێ قەزا شنگال دیار کر کو خەلکی شنگال سەلماندن وان نەڤێت حەشدا شەعبی ل شنگال بیت، ب دەنگێن خوە خەلکێ شنگال یێ گازی دکەنە حۆکمەتا عیراقێ و حەشدا شەعبی زێدەگاڤی ل سەر قانوون و دەستۆری کریە و ب رێیێن نەقانوونی ئیدارەکا نەشەرعیی ل سەر خەلکێ سەپاندیە، خەلکێ شنگال ژی ل ھەلبژارتنان بەرسڤا حەشدا شەعبی و بەغدا دان یێ دبێژنی مە ھوون نەڤێن، ئەم کوردستانی نە و دێ ب سەر کوردستانێ ڤەبین.
مەحما خەلیل ئاشکەرا کر، ئەنجامێن ھەلبژارتنان ئەو راستیە نیشا ھەموو دوژمنێن شنگالێ دا، ب تنێ پارتی دشێت ببیتە جھێ باوەریا خەلکێ قەزا شنگال و دێ ھەر پارتی بیت جارەکا دی شنگال ھاتیە وێرانکرن ژلایێ تیرۆرستێن داعشێ ڤە ل سەر دەمێ حۆکمەتا مالکی ئاڤەدان بکەت.
ئەو ژی دیار کر کو خەلکێ شنگال گەھشتینە وێ باوەریێ بەغدا بۆ شنگال چو ناکەت، لەورا ل ریفراندۆمێ ژێ پتر ژ 92% خەلکێ شنگال دەنگبۆ سەربەخۆیا کوردستانێ دان و ل ڤان ھەلبژارتنان ژی خەلکێ شنگال ب دەنگێن خوە گازی کرن بلا حۆکمەتا عیراقێ و حەشدا شەعبی ژ شنگال دەرکەڤن، ئەم داخوازێ دکەین ھەموو رێ بھێنە خوشکرن بۆ زڤرینا ئیدارا شەرعی یا شنگال دا کو دەست ب خزمەتگوزاریان ل شنگال بھێتە کرن و خەلک ژی بشێن بزڤرن.
نيشاندان
WP Facebook Auto Publish Powered By : XYZScripts.com