ئەڤرۆ نیوز ، ئێقبال عومەر:

لروژا 20-9-2017 حەفت گەنجێن رێکانی کو ئاکنجیێن سیریێ و شێلادزێ و دێرەلوک بوون ل دەڤەرا رێکان بونە ئارمانجا فرۆکێن تورکیا و هاتنە شەهیدکرن ، ئەڤرۆ تەرمێ دوماهیک شەهیدێ ئەوێ روودانێ هاتە دیتن کو ب کارەساتا رێکان دهێتە نیاسین.

دڤی واریدا سادق محەمەد سیدانی مامێ ئەوی شەهیدی بو ئەڤرۆ نیوز گۆت : (  پشتی لێگەریان بو دەما 15 روژان دوماهیێ تەرمێ سیداد سدقی سیدانی ل دەڤەرا رێکان هاتە دیتن کو رووباری ل گەل خوە ئینابویە بن پرا باڤێ)

زێدەتر گۆت: ( نها تیمەکا نقومڤانێن شێلادزێ ب هەڤکاریا خەلکێ شێلادزێ و کەس و کارێن وی چوینە جهێ روودانێ بو ئینانەڤا تەرمێ شەهیدی)

ئەڤرۆ نیوز ، نەوزاد هلوری:

هێمن سلێمان بەرپرسێ راگەهاندنا پولیسێن دهوکێ بو ئەڤرۆ نیوز گۆت: ( ل تاخێ ماسیکێ و سەنتەرێ باژێرێ دهوکێ زەلامەکێ دانعەمر کورێ خوەیێ 40 سالی ب چەند گولەیەکان کوشت ، پەرێن ڤەکولینێ ژی ژلایێ نڤیسینگەها نەهێلانا گونەهباریان هاتیە ڤەکرن بو دوڤچون لسەر روودانێ)

زێدەتر گۆت: (پشتی کو ئەوی زەلامی کورێ خوە کوشتی ، دوڤدا ئێکسەر خوە رادەستی پولیسان کریە ، پولیس ژی دێ ل گۆرەی قانونێ سەرەدەریێ ل گەل روودانێ کەن داکو ئەڤ تاوانبارە بگەهیتە سزایێ خوە ، ئەگەرا روودانێ ژی ل گورەی ڤەکولینێن دەستپێکی دزڤریت بو ئاریشەکا جڤاکی)

ئه‌ڤرۆ نیوز ، هلورى:
رێڤه‌به‌ریا پولیسێن هه‌ولێرێ راگه‌هاندنه‌ك به‌لاڤكر و تێدا هاتیه‌ كو ئه‌وان شوفێره‌كێ ته‌كسیێ گرتیه‌ كو دناڤ ته‌كسیا خوه‌ دا ده‌ستدرێژیا سێكسى كریه‌ سه‌ر ژنه‌كێ ل هه‌ولێر.
ل گوره‌ى راگه‌هاندنا پولیسان ئه‌و لدور روودانه‌كا ده‌ستدرێژیا سێكسى لسه‌ر ژنه‌كێ دناڤا ته‌كسیێ دا ل عه‌نكاوه‌یا هه‌ولێر هاتنه‌ ئاگه‌هداركرن و پشتى كو پولیس گه‌هشتینه‌ جهێ روودانێ ئه‌و شوفێر هاتیه‌گرتن و دیاربو كو ئه‌و ئافره‌ت ، ئافره‌ته‌كا بیانى و خه‌لكا وه‌لاتێ ممه‌غریب بوویه‌.
ل بارا ناسناما تاوانبارى ، پولیسان گۆت: ( ئه‌و كه‌سه‌ ناڤێ وى ” ف.ح.ح” و ژیى َوى 46 سال و كارێ شوفێریا ته‌كسیێ دكه‌ت ، و به‌رامبه‌ر پولیسان ژى شوفێرى دانپێدان ب تاوانا خوه‌ كریه‌)

ئه‌ڤرۆ نیوز ، نه‌وزاد هلۆرى:
وه‌زاره‌تا خواندنا بلند و ڤه‌كولینێن زانستى ب هه‌ڤكاریا هه‌ردوو زانكویێن زاخو وگه‌رمیان بریاردا كو كولیژێن نوژدارى لوان هه‌ردوو زانكویان ڤه‌كه‌ت.

دڤى واریدا ” عەباس ئەکرەم ” ئاخفتنكه‌رێ وه‌زاره‌تا خواندنا بلند و ڤه‌كولینێن زانستى دیاركر كو ب پشت به‌ستن ب پروپوزه‌لێ زانكویان و ل به‌رچاڤ وه‌رگرتنا به‌رژه‌وه‌ندیا گشتى بریارهاته‌دان كو پشكێن كولیژا نوژدارى ل زانكویا زاخو و زانكویا گه‌رمیان بهێنه‌ڤه‌كرن و گۆت: ( هه‌موو پێرابوونێن قانونى هاتینه‌كرن و وه‌زاره‌تێ ژى ره‌زامه‌ندى نیشادایه‌ بو ڤه‌كرنا وان و نها به‌رهه‌ڤى دهێنه‌كرن بو دابینكرنا ستاف و ژێرخان و تاقیگه‌ه و پێدڤیێن ژێده‌رێن زانستى و پێدڤیێن دن )
زێده‌تر گۆت: ( پشتى هوروبونیكرنا هه‌موو ستاف و ژێرخان و پێدڤیێن ئه‌وان هه‌ردوو كولیژان دێ بریار لسه‌ر ده‌ستپێكرنا ڤه‌كرنا ئه‌وان هه‌ردوو كولیژان هێته‌دان)