ئه‌ڤرۆ نيوز، ئه‌ياد به‌روارى:

رۆژنامەڤان و پێشکێشکەرێ بەرنامێ ( بصراحە) ل کەنالێ دجلە یێ ئەسمانیێ عیراقی د داخۆیانیەکێ دا بۆ رۆژناما ئەڤرۆ دبێژیت کەس پشتەڤانیێ ل ئێکگرتنا عیراقێ ناکەت و شیعە ژی رێگریێ ل جودابوونێ ھەرێما کوردستانێ ژ عیراقێ ناکەن و سونە ژی یێن کەفتینە د ناڤبەرا سنۆرێن کوردان و حەشد شەعبی دا، لێ داعش دێ دناڤ چارچۆڤێ شۆرشا سونی دا حەلیێت.

عەدنان تائی بۆ ئەڤرۆنیۆز گوت”وەلاتێن دەوروبەرێن عیراقێ پارچەکرنا عیراقێ ب زەحمەت وەربگرن ژبەرکو بەرژوەندەیێن وان تێکھەلی ھەڤدو دبن د ڤی واری دا، ب دیتنا من دێ عیراقا نوکە وەکو خوە مینیت کا چاوا ئورۆپا دەولەتا عوسمانی ھەتاکو شەڕێ جیھانیێ ئێکێ ھێلای و پاشی پارچەکر ل دووڤ ھندەک پیڤەر و باوەریێن نێڤدەولەتی”.

ل دۆر دەلیڤێن مانا عیراقێ وەکو وەلاتەکێ ئێکگرتی، ھەرچەندە ب پراکتیک یێ بۆ سێ کیانان ھاتیە پارچەکرن، عەدنانی گوت”چو لایەن پشتەڤانیێ ل ئێکگرتنا عیراقێ ناکەن و عیراق یا بوویە بارگرانیەکا سیاسی یا مەزن، شیعە ل گەل ئێکگرتنا عیراقێ نە و رێگریێ ل سەربخوەیا کوردستانێ ناکەن و باش ژی دزانن کو عیراقا شیعان و سونان یا بەردەوام نابیت ب (غیابا) کوردان، سونان خوە دیت د دۆرپێچکری د ناڤبەرا سنۆرێن کوردی یێن کو ب خوینێ ھاتینە دیارکرن و سنۆرێن حەشد شەعبی ب خوینێ ددانیت، ئانکو بژارەیا سونان یا نوکە جودابوونە یان ژی ھەرێمبوونە، حەزا کوردان یا جودابوونێ ژ عیراقێ یا دیارە و ئەز ل وێ باوەریێ نینم کو نوکە کەس کار بکەت بۆ مانا عیراقێ وەکو وەلاتەکێ ئێکگرتی”.

ل دۆر پرۆژێ جۆ بایدنی یێ پارچەبوونا عیراقێ، عەدنان تائی دبێژیت” ئەو پرۆژە بوچوونەک و ل وێ دەمی ھاتبوو بەرچاڤکرن و رۆژانە چەندین پرۆژە دھێنە پێشکێشکرن، نەشێین بێژین ژی کو ئەمریکا حەزا تمامبوونا وی پرۆژەی یا ھەی، ژ بەر کو چو بەلگە ل سەر ڤێ چەندێ نینن، بەلکو دەم بۆ دەمی ئەمریکا پشتەڤانیا خوە بۆ ئێکگرتنا عیراقێ بەرچاڤ دکەت و ئۆباما ئەڤ چەندە ژی ل گەل بەرێز مەسعود بارزانی بەحسکریە”.
گوت ژی” گەلەک گرۆپێن چەکدار یێن چووینە دناڤ داعشێ دا ژ ئەگەرێ نەرازیبوونا سونان ژ حوکمەتا عیراقێ کو وێ حوکمەتێ ب تائیفی ناڤ دبەن، لێ پەیوەندیێن وان گرۆپان و داعشێ دێ ب دووماھی ھێت و دێ داعش دناڤ چارچۆڤێ شۆرشا سونی دا حەلیێت، چەکدارێن سونە گرنگیا پێدڤیا داعشێ بۆ خوە زانی، لێ وان باوەری ب داعشێ نینە کو ببیتە نوونەرا وان .
ناکۆکیێن د ناڤبەرا بەغدا و ھەولێرێ ل سەر پەترۆلێ پشکەکە ژ زنجیرا ناکۆکیێن وان، لێ ئەو گرنگترین ناکۆکی یە، ژ بەر کو ھەردو لایەنان حەزا وێ چەندێ یا ھەی کونترۆلکرنێ و دەستھەلاتداریێ ل سەر یێ دی بکەت.

ئەڤرۆ نیوز:
ئەندامەکێ لیژنا ساخلەمیێ ل پەرلەمانێ کوردستانێ ئاشکراکر، ھێشتا کەرتێ تایبەتێ ساخلەمیێ ل دووڤ حەز و پێدڤیان پێش نەکەڤتیە و گۆت: ھەر نۆشدارەکی ھەتا سێ پەرستار دگەھنێ و ئەڤە باشترە ژ ھەبوونا نۆشداران، ئانکو 22 ھزار و 60 کارمەندێن ساخلەمیێ ل کوردستانێ ھەنە، ھەر 174 کەسان پەرستارەک دگەھیتێ

د. عەبدوللا رێکانی، ئەندامێ لژنا ساخلەمیێ ل پەرلەمانێ کوردستانێ بۆ رۆژناما ئەڤرۆ گۆت: 42 نەخۆشخانێن ئەھلی ل ھەرێما کوردستانێ ھەنە و پێکھاتینە هزار و 267 تەختێن نڤستنێ بۆ نەخۆشخانان ب خوە ڤەدگرن، ئانکو ھەر 147 نۆشداران نەخۆشخانەکا ئەھلی دگەھیتێ و ھەر چار هزار و 532 وەلاتیان تەختەک دگەھیتێ، ھەمان ئەندامێ پەرلەمانێ کوردستانێ ئاشکراکر، ھەکە ئەڤ ھەژمارێن نەخۆشخانێن ئەھلی بھێنە بەراوردکرن ل گەل نەخۆشخانێن حکومی، کو 74 نەخۆشخانێن حکوومی ل ھەرێما کوردستانێ ھەنە، ئانکو ھەر 78 ھزار وەلاتیێن کوردستانێ نەخۆشخانەکا حکوومی دگەھیتێ و ھەر 804 وەلاتیان تەختەکێ نڤستنێ دگەھیتێ و ھەر 764 وەلاتیان نۆشدارەک دگەھیتێ، ئەڤە ل دووڤ ستاندارێن ساخلەمی یێن جیھانی 500 ھەتا 600 وەلاتیان نۆشدارەک ھەیە و ب ڤێ ھژمارێ ھژمارا نۆشدار و نەخۆشخانێن کوردستانێ نێزیکی ستاندارێن جیھانی یە.
د. عەبدوللا رێکان گۆت: ھەر نۆشدارەکی ھەتا سێ پەرستار دگەھنێ و ئەڤە باشترە ژ ھەبوونا نۆشداران، ئانکو 22 ھزار و 60 کارمەندێن ساخلەمیێ ل کوردستانێ ھەنە، ھەر 174 کەسان پەرستارەک دگەھیتێ، ھەکە دووڤچوونەکێ ل سەر بکەین کەرتێ ساخلەمیێ و کارمەندێن ساخلەمیێ پتر زێدەبوویە ژ نۆشداران و دیسا ئەو کارمەندێن ل بەر دەرمانخانان کار دکەن.
ئارمانج و دروشمێ مە نە ئەوە کا مە چەند ھژمار و کارمەند و نۆشدار ھەنە، بەلکو کا ب چو رەنگ و شێوە دێ شێن پتر خزمەتا نەخۆشان کەین ب ڤێ ھەژمارا مە ھەی و ل بەردەست، نەخۆشخانەکا وەک ئازادی پتر ژ 500 تەختان ھەنە و ژ سەرجەمێ 24 دەمژمێران ب تنێ چەند دەمژمێران کار دکەت، ئانکو مە مفا ژ ڤێ سازیێ وەرنەگرتیە، پتریا نۆشداران ل نەخۆشخانێن ئەھلی دەوامێ دکەن و نەخۆشخانێن خوە ھەنە، بەرامبەر ل نەخۆشخانێن حکوومی تە کادرەکێ باش ھەیە و تە نۆشدار ھەنە، لێ ب تنێ چەند دەمژمێران کار دکەن.
د. عەبدوللا رێکانی زێدەتر دبێژیت: سەرەرایی ڤێ چەندێ ل سالا 2014 نشتەرگەریێن ھاتینەکرن ل کوردستانێ 209 ھزار نشتەرگەری بووینە ژ ھەموو جۆران، مەزن و ناڤنجی و بچووک و ئەگەر ئەڤە ل کەرتێ تایبەت ھاتبانەکرن دا ب ملیۆن دۆلار بۆ کەرتێ تایبەت چن، ئانکو ھەکە ئەڤ ھەژمارە ل سەر رۆژێن سالێ بھێتە پارەکرن رۆژانە و بێ راوستیان 570 نشتەرگەری ھاتینەکرن، ئانکو تشتەکێ باش یێ دھێتەکرن لێ نەیێ ب رێک و پێکە.
ھەمان ئەندامێ پەرلەمانێ کوردستانێ ئاشکراکر کو ل سالا 2014 پشکنینێن ھاتینەکرن 15 ملیۆن و 400 ھزار پشکنین بووینە، وەک ھەژمارا دباشین، لێ ئەو مفایێ وەرگرتی ژ ڤێ ھژمارێ ھێشتا مە نەکریە، چونکە گەلەک لاوازی د سیستەمێ مە یێ ساخلەمیێ دا ھەنە.