ئهڤرۆ نیوز:
پشتى چهندین كومبوونان، ل دۆر دانا مولهتا 5 سالان ب فهرمانبهران، ل دووماهیێ جڤاتا وهزیران ب ڤان مهرجان، مولهتا 5 سالى راگههاند.
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
فهرماندێ نوو بهحسێ دووماهى بهرههڤیێن رزگاركرنا مووسل دكهت
ئهڤرۆ نیوز:
لیوا روكن عهبدولا نهجم جبورى، فهرماندێ نوو یێ پرۆسا سهربازى یا نهینهوا ئاشكراكر ئهو هێزا كو دێ پشكداریێ د كونترولكرنا مووسل دا كهت، یا بهرههڤه و چاڤهرێى فهرمانا گشتى یا چهكداران دكهت.
دداخویانیهكێ دا بۆ رۆژنامهڤانان لیوا روكن عهبدولا نهجم جبورى هێشتا گۆت: ئهو هێزا سهربازى یا كو دێ پشكداریێ د پلانا كونترۆلكرنا مووسل دا كهت، هێزهكا تایبهته و راهێنان پێ هاتینه كرن و ژ هێزهكا ههلبژارتى نه، تا نوكه پشكدارى د چ ئوپهراسیونان دا نهكرینه ژ وان دهڤهرێن كو سوپایێ عیراقێ ئوپهراسیون لێ ئهنجام داین.
ئاماژه ب وێ یهكێ ژى كر ئهو هێزا بۆ رزگاركرنا مووسل هاتیه بهرههڤكرن، نووتریك چهك و كهل و پهلێن سهربازى ڤێنه.
لیوا روكن عهبدولا نهجم جبورى رژدى ل سهر وێ یهكێ ژى كر كو ئهو چاڤهرێى دهمژمێرا سفر دكهن كو ژ ئالیێ فهرماندێ گشتى یێ هێزێن چهكداران ڤه دهێته دیاركرن.
.
175 خیڤهت د سوژن
ئهڤرۆ نیوز:
ل دووڤ دهنگوباسهكێ ئاژانسا سومهریه نیوز، زێدهتر ژ 175 خیڤهت ل كهمپا لایواء یا ئاوارێن ئهنبار ل باشوورێ بهغدا د سوژن.
ژێدهرێ ئاژانسێ دیاركریه كو تیمهكا بهرهڤانیا باژێرى یێن شیان كونترلا ئاگرى بكهن، و چ زیانێن گیانى پهیدانهبووینه، بهلێ زیانێن مادى یێن زور گههشتینه ئاواران.
ب سهدان هزار وهلاتیێن پارێزگهها ئهنبار د ماوێ چهند رۆژێن كێم یێن بوورى دا، ژبهر ترسا داعش قهستا بهغدا كرینه.
داعش بهرپرسهكێ ئێكهتیێ بدارڤهكر
ئهڤرۆ نیۆز، قائید میرۆ
گروپا تیرۆرستیا داعش ل باژێڕێ مووسڵ بهرپرسهكێ ئێكهتیێ بدارڤهكر و مهلبهندێ نهینهوا ژی رادگههینیت بهری ههیڤهكێ ئهڤ بهرپرسێ وان هاتیه گرتن.
غهیاس سورچی، پهیڤدارێ ئێكهتی نیشتیمانی كوردستان ل نهینهوا ب ئهڤرۆ نیۆز راگههاند: ئێڤاریا دوهی تیرۆرستێن داعش ل باژێڕێ مووسڵ، بهرپرسهكێ ئێكهتیێ بناڤێ محهمهد کەنعان ، كو ئهندامێ جڤاتا قهزا مووسڵ بوویه بدارڤهكریه و شههید كریه.
سورچی گۆتژی” محهمهد کەنعان ژ نهتهوا عهرهبه و خهلكێ گوندێ سهلاحیهیه ژ عهشیرهتا جبوری و لسهر لیستا ئێكهتیێ ئهندامێ جڤاتا قهزا مووسڵ بوویه و بهری ههیڤهكێ مالا وی ل باژێڕێ مووسله و ژلایێ داعشڤه دهست ب سهر دا هاتبوو گرتن.
عيراقێ 16 هزار و 773 تۆمهتبار ئازاد كرن
ئهڤرۆ نيوز:
دهستهلاتا دادوهرى عيراق ئاشكهرا دكهت، د ماوێ سێ ههيڤێن بۆرى دا، 16 هزار و 773 تۆمهتبار ژ دادگههێن عيراقێ هاتينه ئازادكرن.
ب گۆرهيى راگههاندنهكا دهستهلاتا دادوهرى يا عيراقى د ههيڤا بۆرى دا ههشت هزار و 631 تۆمهتبار ژ دادگههێن عيراقێ هاتينه ئازادكرن و ئهڤه ژى پشتى ڤهكۆلينا تهمام د روودانان دا كرى.
ئاماژه ب وێ چهندێ ژى هاتيه كرن كو د سێ ههيڤێ بۆرى دا، 16 هزار و 773 تۆمهتبار هاتينه ئازادكرن و ژ وێ ژمارێ ژى، شهش هزار و 992 وهلاتى بێ ڤهكۆلين هاتينه ئازادكرن و هزار و 693 وهلاتى چووينه بهر دادگههێ و بێ تاوان بووينه.
سايلۆيهك دێ ل رۆڤيا هێته چێكرن
ئهڤرۆ نيوز:
بڕياره ل ڤان رۆژان دهست ب چێكرنا سايلۆيا رۆڤيا ژ لايێ كۆمپانيێن مۆلمێكس يا ئيتالى و سنور يا كوردى بهێته كرن.
رێڤهبهريا ناحيا رۆڤيا ل سهر پهيجێ خوه يێ فهيسبۆكى بهلاڤكريه كو ئهڤرۆ رۆژا سێشهمبی ڕێكهفتی 21-3-2015 ب سهرۆكاتیا سهروهر سهعید دێوالی ڕێڤهبهرێ ناحیا ڕۆڤیا و نازم مهحهمد عهلی نوونهرێ وهزارهتا بازرگانی و پیشهسازی و سهرۆكێ باژێرڤانیا رۆڤیا و ئهندازیارێن سهرپهرشتیارێ پڕۆژهی سهرهدانا جهێ ئاڤاكرنا سایلۆیا ڕۆڤیا هاته كرن كو ل ڤان ڕۆژان دێ دهست پێهێته كرن.
ئاماژه ب وێ چهندێ ژى كريه كو پرۆژه ژ لایێ ههردو كۆمپانیایێن – مۆلمێكس یائیتالی و سنور يا كوردی دهێته ئهنجام دان و كوژمێ 16 ملیار و 900 ملیۆن دینارێن عیراقی بۆ هاتیه تهرخانكرن.
رێڤهبهريا ناحيا رۆڤيا دايه زانين ژى كو د گهل دا ژی شهش ئاڤاهی بۆ فهرمانبهرێن سایلۆیێ دێ هێنه ئاڤاكرن.
ڤيديۆ: سهرۆكێ مسرێ يێ بهرێ ب دژوارى هاته سزادان
ئهڤرۆ نيوز:
دادگهها تاوانێن قاهيره، ئهوا ل ئهكاديميا پۆليسان ب سهرۆكاتيا دادوهر ئهحمهد سهبرى يوسف هاتيه برێڤهبرن، محهمهد مورسى سهرۆكێ بهرێ يێ مسرىب 20 سالان هاته زيندانكرن.
ل دۆر ڤێ چهندێ لژنا قانوونى يا ئيخوانان ژى راگههاند كو ئهو دێ تانێ ل ڤێ بڕيارا دادگههێ دهن ئهوا ل دژى محهمهد مورسى سهرۆك كۆمارێ بهرێ يێ مسرى هاتيه دان.
بهرههڤى يێ بۆ ههلبژارتنێن مامۆستايان دهێنه كرن
ئەڤرۆ نیۆز، سالار دۆسکی:
جێگرێ ئێکەتیا مامۆستایێن کوردستانێ، ئاشکرا کر کو بەرھەڤیێ دھێنەکرن بۆ گێرانا کونگرێ مامۆستایێن کوردستانێ و نوکە ناسنامە بۆ مامۆستا یێ دھێنە چێکرن ب مەرەما پشکداریکرنا پتریا مامۆستان د ھەلبژارتنان دا، دیسان نێزیکی کونفرانسێ پەروەردێ دھێتە ئەنجامدان ل سەر ئاستێ کوردستانێ.
ئەحمەد گەرمیانی جێگرێ سەرۆکێ ئێکەتیا مامۆستایێن کوردستانێ بۆ ئەڤرۆ نیوز گۆت: “دووماھیا ھەیڤا ١١ دێ دووماھی ب خولا مە ھێتەکرن و ژ روویێ قانوونی دڤێت ھەلبژارتن و کۆنگرە بھێتەکرن، ھەکە کاودانێن کوردستانێ د ھاریکار بن ژ روویێ ئێمناھیێ و دارایی ڤە”.
ھێشتا ژی گۆت: “چەندین پرۆژه مە ھەنە، لێ ژ بەر کاودانێن دارایی و کاودانێن شەرێ ل سەر مللەتێ کورد ھاتیە سەپاندن، دیسان بەرھەڤی دھێنەکرن کو چەندین سمینار و وورک شوپ بۆ مامۆستا بھێنەگێران ب مەرەما گەشەکرنا ئاستێ زانستی و رەوشەنبیری ل جەم مامۆستان”.
ئەحمەد گەرمیانی، ئەو چەندە ژی ئاشکرا کر کو کونتاک ل گەلەک چەندین کومپانیان ھەنە بۆ خزمەتا مامۆستا برنا مامۆستان بۆ دەرڤە ب بھایەکێ ئەرزان و دیسان ئاڤاکرنا یەکێن ئاکنجیبوونێ.
بهشار ئهسهد: داعش 2006 ب سهرپهرشتيا ئهمريكا هاتيه دامهزراندن
ئهڤرۆ نيوز:
سهرۆكێ سوريا، بهشار ئهسهد، وهلاتێ ئهمريكا ب وێ چهندێ تاوانبار كر كو ئهوان داعش يا ئينايه بهرههم.
سهرۆكێ رژێما سوريا د ديدارهكا رۆژنامهڤانى دا راگههاند كو داعش ل سالا 2006 ل سوريا ل ژێر سهرپهرشتيا ئهمريكا هاتيه دامهزراندن.
زێدهتر گۆت: “ئهز نه ل عيراقێ مه و چو جاران ژى ل عيراقێ نهبوويمه. من حوكم ژى ل عيراقێ نهكريه، ئهمريكى نه دهست دانايه سهر عيراقێ و داعش ژى ژ عيراقێ هاتيه سوريا بۆ چێكرنا ڤێ تێكدانێ”.
بهشار ئهسهد ئاماژه ب وێ چهندێ ژى كر كو ههكه هات و تێكدان ل وهلاتهكێ ههڤسۆ ههبيت دڤێت هزرا هندێ بهێته كرن كو دێ هێته د ناڤ وهلاتێ مرۆڤى ژى دا.
د شهرێ ئهڤرۆ يێ حهردان دا، پێشمهرگهيى ژى زيان ههبوون
ئەڤرو نیوز ،بارزان مزووری:
مقدم جەلال جێگری فەوجا دو يا لیوا ھەشت ل میحوەرێ زۆمار بۆ ئەڤرۆ نیوز ئاشکرا کر کو ئهڤرۆ 21ى نيسانا 2015ێ دەمژمێر پێنجى سپێدێ چەکدارێن تیرورستێن داعش ژ سێ لایان ڤە ھێرش کرە سەر ھێزێن پێشمەرگەيی ل دۆریانا حەردان و گوندێ تلشورێ، پێشمەرگەيی ژى ب چەکێ گران بەرسڤا ھێرشێن وان دا.
گۆتژى: “د ڤى شهرێ زێدهترى سێ دهمژمێران ڤهكێشايى دا، هێزێن پێشمهرگێ كوردستانێ زيانێن گيانى يێن مهزن گههاندنه چهكدارێن داعش و دو پێشمهرگه ژى ب سڤكى بريندار بوون”.
جێگری فەوجا دو يا لیوا ھەشت ئاماژه ب وێ چهندێ ژى كر كو د وی شەری دا داعش ھێزێن پیادە و ستێرکڤانێن قەناسێ بکار ئینا بوون ب پیان ڤە بهر ب وان دچوون و گۆت: “بهلێ نەشیان خوه نێزیکى ھێزێن پێشمەرگەی بکەن”.
نهڤهشارت ژى كو ل گهل بهرسينگگرتنا وان ژ لايێ پێشمهرگهيى ڤه، فرۆكێن شهرى يێن ههڤپهيمانان بۆردومانا وان كرن و هژمارهكا مهزن يا كهلهخێن وان ل مهيدانا شهرى ماينه.
نيشاندان
WP Facebook Auto Publish Powered By : XYZScripts.com