ئەڤرۆ نیوز:
سەرۆکێ ئەمریکا دۆنالد ترامپ ژ بەر بزاڤێن وی یێ بۆ ئاشتیا د ناڤبەرا ئیسرائیلێ و ئیماراتێ دا بۆ خەلاتێ ئاشتیێ یێ نۆبل هاتە کاندیدکرن و ترامپی ژی کەیفخوەشیا خوە ل هەمبەر وێ یەکێ دیار کر.
ترامپ بۆ خەلاتێ نۆبل هاتە کاندید کرن
نووترين نووچه
- سەرۆكێ هەرێما كوردستانێ و سەرۆكێ ئیتالیایێ پرسێن گرنگ یێن دەڤەرێ و بهێزكرنا پەیوەندییان گەنگەشەكرن
- ئەڤ سەرەدانە بۆ پاراستنا قەوارەیێ هەرێما كوردستانێ یە
- پەرلەمان نە یێ حزبانە بەلكو یێ دەنگێ خەلكی یە و كاراكرنا وی ئەركەكێ نشتیمانی یە
- دخوازین پارتی و یەكێتی پتر ل ئێكدو نێزیك ببن
- كاراكرنا پەرلەمانی پێدڤییەكا نشتیمانی یە
- ئێكگرتنا هێزێن پێشمەرگەی د قۆناغێن دووماهیێ دایە و هەتا 25ـێ ئیلۆنێ دێ بیتە ئێك هێزا نشتیمانی
- سەرۆك بارزانی و پارێزگەرێ نەجەف دوپاتیێ ل سەر بەرفرەهكرنا پەیوەندییان د بوارێن ئاڤەدانی و ژینگەهێ دا دكەن
- پێكڤەژیان ناسنامەیا رەسەن یا هەرێما كوردستانێ یە
- مەسرور بارزانی و سەلاحەدین بەهائەدین دوپاتیێ ل گرنگییا كاراكرنا پەرلەمانێ كوردستانێ دكەن
- سەرۆكێ حوكمەتا هەرێمێ: دەرگەهێ مە بۆ هەڤكاری و هەماهەنگییا ل گەل هەموو پارێزگەهێن ئیراقێ ڤەكرییە
سهرهكى نووترين نووچه
ئیران و تورکیا دێ پەیوەندیێن خوە ب هێزتر لێ کەن
ئەڤرۆ نیوز:
سەرۆک کۆمارێ ئیرانێ حەسەن رۆحانی راگەهاند کو وان و تورکیا بریار داینە پەیوەندیێن خوە یێن بازرگانی ب هێزتر لێ بکەن و ژ بۆ هندێ ژی دخوازن د دەمەکێ نێزیک دا ئاستێ بازرگانیا هەر دو وەلاتان بگەهیتە بەری سەردەمێ کۆرۆنایێ.
ل ئالیێ دی دوهی هەر دو وەلاتێن تورکیا و ئیرانێ راگەهاندن کو دێ پێکڤە دەست ب ئۆپەراسیۆنەکا هەڤپشک ل دژی پەکەکێ و پارتا ژیانا ئازاد یا کوردستانێ کەن کو ئەو ژی پارتەکا سەر ب پەکەکێ یە و ل سەر سنورێن رۆژهەلاتێ کوردستانێ چالاکیان دکەت.
ئەرمەنستان دێ کونسولخانا خوە ل هەولێرێ ڤەکەت
ئەڤرۆ نیوز:
فەرست سوفی پارێزگارێ هەولێرێ پێشوازی ل بالیوزێ ئەرمەنستانێ ل بەغدا کر و د روونشتنەکێ دا هیراچیا پۆلادیان بالیوزێ ئەرمەنستانێ ل بەغدا راگەهاند کو وان دڤێت پەیوەندیێن خوە ل گەل هەرێما کوردستانێ باشتر لێ بکەن و ژ بەر هندێ ژی نها کار دکەن دا د دەمەکێ نێزیک دا کونسولخانا خوە ل هەولێرێ ڤەکەن.
پارێزگارێ هەولێرێ ژی کەیفخوەشیا خوە ل هەمبەر ڤەکرنا کونسولخانا ئەرمەنستانێ ل هەولێرێ دیار کر و راگەهاند ئەو بەرهەڤن ب هەموو رەنگەکێ هاریکار بن.
رێژا مرنا ب کۆرۆنایێ ل دهۆکێ زێدە بوویە
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری بەلاڤکر کو تێدا هاتیە دیار کرن ٥٤٥ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١٩ تووشبوو ژی مرینە.
ل پارێزگەها دهۆکێ ژی ٢١١ کەسێن دی تووشی کۆرۆنایێ بووینە و ٧ تووشبوو ژی مرینە کو ل چاڤ رۆژێن بۆری رێژا مرنێ ل دهۆکێ زێدە بوویە.
جارا ئێكێ یه كۆبوونا پهرلهمانی بكهڤته پشتی نیڤرۆ
ئهڤرۆ نیوز:
پشتی گازندێن سهرۆكا پهرلهمانێ كوردستانێ، دهمێ كۆمبوونا پهرلهمانێ كوردستانێ هاته گوهارتن، و سكرتێرا پهرلهمانی ژی بهحسا چارهكرنا ئهوێ ئاریشهیێ دكهت.
مونا قاوهچی سكرتێرا پهرلهمانێ كوردستانێ راگههاند بریاره ههفتیا بهێت دهستهیا سهرۆكاتیا پهرلهمانێ كوردستانێ میكانزمهكێ بۆ چارهكرنا ئاریشهیا بهرههڤنهبوونا پهرلهمانتاران ل هولا كۆمبوونا دابنیت.
بریاره ئهڤرۆ دهمژمێر 2 پشتی نیڤرۆ پهرلهمانێ كوردستانێ رینشتنا ژماره 4 یا ئاسایی یا خۆلا پائیزی یا سالا دوێ ژ خۆلا پێنجێ یا ههلبژارتنان برێڤه بچیت.
بۆ جارا ئێكێ یه كۆمبوونا پهرلهمانێ كوردستانێ دكهڤته پشتی دهمژمێر 2 نیڤرۆ ئهڤه ژی پشتی گازندا رێواز فایهق سهرۆكا پهرلهمانێ كوردستانێ هات كۆ راگههاند بوو، پشكهكا پهرلهمانتاران پێگیری دهمێ كۆمبوونێ نابن.
بهرنامهیێ كارێ كۆمبوونا پهرلهمانێ كوردستانێ بۆ ئهڤرۆ خاندنا دوێ بۆ پرۆژهیی یاسایا بستوڤهكرنا قهرمانبهرێن ههرێما كوردستانێ یه.
كۆمپانیهك 14 ئامیرێن ههناسهدانا دهستكرد پێشكیشی ساخلهمیا دهۆكێ دكهت
ئهڤرۆ نیوز، لهزگین جوقی:
د. نزار عسمهت، رێڤهبهرێ گشتی یێ ساخلهمیا پارێزگهها دهۆكێ دیاركركو ئهڤرۆ 9/9/2020ێ كۆمپانیا فاستلینك پشتهڤانی و هاریكاریێن ساخلهمیێ پێشكیشی دهۆكێ كرن دپێكهاتی بوون ژ 14 ئامیرێن ههناسهدانا دهستكرد دگهل هژمارهكا ماسكا”.
د. نزار عسمهت، رێڤهبهرێ گشتی یێ ساخلهمیا پارێزگهها دهۆكێ گۆت: كوژمێ نیزیكێ 100 ملیۆن دینار مهزاختین ڤان هاریكاریێن ساخلهمیێ مه دهۆكێ پێدڤی ب ڤان جۆره هاریكاریان ههبوویه ژبهر زێدهبوونا نهخۆشیا كۆرۆنایێ وزێدهبوونا وان تووشبوویان یێن پێدڤی ئامیرێ ههناسهدانا دهستكرد ههین ئهم هیڤدارن خهلكهكێ خێرخواز بهێن پشتهڤانیێ ل ساخلهمیا دهۆكێ بكهن ژبهر پێدڤیا زۆر ب ههبوونا پشتهڤانیێ ههروهسا نۆكه بهرنامهكێ دی ل دهۆكێ دهستپێكریه بۆ چارهسهركرنا تووشبوویێن كۆرۆنایێ.
ئاشكهرا كركو رێژا كۆرۆنایێ رۆژ دووڤ رۆژی دزێدهبوونێ دایه رێژا گیان ژ دهستدانێ ل دهۆكێ 1% یه سرۆشتی ڤێ نهخۆشی بخۆ وهسا یه 80% نیشانیێن وێ سڤكن یان دبێ نێشانن و 20% تووشبوویان ئهون یێن نێشان دهڤ دیاربن وهندهك ژی نیشانێن وان دژوارن هیڤێ دكهین هژمارا تووشبوویان كێم بیت دا بشێن خزمهتا وان تووشبوویان بكهین یێن پێدڤی ب نهخۆشخانێ ههین راستی بارگرانیی ل سهر نهخۆشخانهیان چێبوویه و پتریا تووشبوویێن ناڤ نهخۆشخانهیان دا ئهون یێن پێدڤیی ب ئوكسجینێ وئامیرێ ههناسهدانا دهستكرد بن.
پارێزگهرێ دهۆكێ كۆمبوونهكا تایبهت ل دور دانانا میكانزمهكا نوو یا ئاڤهدانكرنێ كر
ئهڤرۆ نیوز:
ئهڤرۆ سپێدێ 9/9/2020 د.علی تهتهر پارێزگارێ دهۆكێ سهرپهرشتیا كۆمبوونهكا تایبهت ل گهل چهند فهرمانگههێن ئهندازیاری وخزمهتگوزاری كر.
دكۆمبوونێدا دانوستاندن لدوردانانا میكانزمهكا نوویا ئاڤهدانكرنێ ل سنورێ پارێزگهها دهوكێ كر.
پارێزگارێ دهوكێ فهرمانگههێن پشكدار راسپاردن كو پلان و میكانزمهكا نوو یا ئاڤهدانكرنێ ل ناڤ باژێر وباژێركێن پارێزگههێ بهرههڤكهن وههموو ئاڤاهی وپروژێن ئاڤهدانكرنێ ل دوڤ رێنما ویاسایێن حكومهتا ههرێمێ وب كوالیتیهكا پێشكهفتی بهێنه دورستكرن وپشتهڤانیا كارگێریا پارێزگههێ نیشان دا بۆ بجهئینانا میكانزما نوو.
نابیت پاره ژ كریارێن یهكهیێن ئاكنجیبونێ بهێته وهرگرتن
ئهڤرۆ نیوز:
نابیت ل دهمێ رێكخستن یان گوهورینا گرێبهستهكا كرینا یهكهیێن ئاكنجیبوونێ پاره ژ بكران بهێنه وهرگرتن.
رێڤهبهراتیا وهبهرهێنانێ ل پارێزگهها دهۆكێ د راگههاندنهكێ دا بهلاڤكریه و تێدا هاتیه، ئەڤرۆ ل رێکەفتی 9/9/2020هەوا ئاگەهدارکرنا خودانێن پڕۆژێن ئاکنجیبوونێ ل سەر وێ بڕیارا ژ لایێ حکومەتا هەرێما کوردستانێ بۆ بەرژەوەندیا گشتی یا وەلاتیان هاتیەدان کو (نابیت پارە بەرامبەر رێکخستن یان گهۆڕینا گریبەستا کڕینا یەکێن ئاکنجیبوونێ ژ بکڕان بهێتە وەرگرتن، ل سنوورێ قەزایێن سەر ب پارێزگەها دهۆکێ ڤە (دهۆک، سێمێل، زاخۆ، ئاکرێ، بەردەڕەش و ئامێدیێ) بدوماهی هات.
ههر د ئهوێ راگههاندنا رێڤهبهریا وهبهرهێنانا دهۆكێ ئاماژه ب وێ چهندێ هاتیه دان كۆ ههوا ئاگههداركرنێ ب رێكا نڤیسارهكا فهرمی و پوستهرهكێ فیلیكسی بۆ ههموو پرۆژێن ئاكنجیبوونێ هاتیه ئاراستهكرن.
رێڤهبهراتیا وهبهرهێنانێ ل پارێزگهها دهۆكێ ئهو چهنده ژی د راگههاندانا خوه دا دیاركریه هەر دەما پارە بەرامبەر رێکخستن یان گهۆڕینا گرێبەستێ ژ وەڵاتیان هاتە وەرگرتن، ل وی دەمی وەڵاتی دێ سکاڵایا خۆ پێشکێشی رێڤەبەریا گشتی یا وەبەرهێنانێ کەت یان ژی پەیوەندیێ ب ڤێ ژمارێن ٠٧٥١٤١٠٩٦٧٦
٠٧٥٠٨٧٧١٠٥٤ مه کەت.
د تهقینهكێ دا جێگرێ سهرۆكێ ئهفغانستانێ بریندار بوو
ئهڤرۆ نیوز:
بومبهك ب كاروانێ ترۆمبێلێن جێگرێ سهرۆكێ ئهفغانستانێ تهقی و شهش ژ زێرهڤانێن وی هاتنه كوشتن و ئهو ژی برینداره.
پهیڤدارێ وهزارهتا ساخلهمیا ئهفغانستانێ راگههاند ب ئهگهرێ تهقینهكێ 12 كهس بریندار بوون و شهش كهس ژی هاتنه كوشتن، عهمروللا سالح جێگرێ سهرۆكێ ئهفغانستانێ ژی برینداره.
عهمروللا سالح د ڤیدویهكێ دا راگههاند ئهزێ باشم بهلێ هندهك ژ زێرهڤانێن من بریندارن و ئهز و كورێ خوژی د باشین.
تهقین د دهمهكی دایه كۆ پێشبینی دهاتهكرن، دانوستاندنێن ئاشتیێ و دانوستاندنێن حكومهتا ئهفغانستان و بزاڤا تالیبان ل باژێرێ دوحهیا پایتهختێ قهتهرێ دهست پێ بكهت.
دهمێ ئیمزاكرنا رێكهتنا ئیسرائیل و ئیماراتێ هاته دیاركرن
ئهڤرۆ نیوز:
رێ و رسمێن فهرمی یێن ئیمزاكرنا ئاسایكرنا پهیوهندیێن دناڤبهرا ئیسرائیل و ئیمارات، ل 15 ئیلول ل كۆچكا سپی هێته ئهنجام دان.
بهرپرسێن كوچكا سپی ئهو چهنده راگههاند رێ و رسمێن ئیمزاكرنا رێكهتنا ناڤبهرا ئیسرائیل و ئیماراتێ ل رۆژا 15 ئیلول ل كۆچكا سپی ب مێڤانداریا دونالد ترهمپ سهرۆكێ ئهمریكا برێڤه دچیت.
دهێته چاڤهرێكرن شاندێ ئیسرائیلێ ب سهرۆكاتیا بنیامین ناتانیاهو سهرۆك وهزیرێ ئیسرائیلێ و شاندێ ئیماراتێ ژی ب سهرۆكاتیا محهمهد بن زاید برایێ جهنشینێ ئیماراتێ و عهبدولا بن زاید ئالنهیان وهزیرێ دهرڤهیێ ئیماراتێ بیت.
ل 13 ئاب دونالد ترهمپ دناڤبهرا ئیماراتێ و ئیسرائیلێ راگههاند ئهڤه د دهمهكی دایه ئیمارات پشتی مسرێ ل سالا 1979 و ئوردن ل سالا 1994 دبیته وهلاتێ سیێ یێ عهرهبی رێكهتنا ئاسایكرنا پهیوهندیێن خوه ل گهل ئیسرائیلێ ئیمزا بكهت.
نيشاندان
WP Facebook Auto Publish Powered By : XYZScripts.com