ئەڤرۆ نیوز:
پەیڤدارێ وەزارەتا بەرەڤانیا ئەرمەنستانێ راگەهاند کو هێزێن وان شیاینە سێ تانکێن ئازەربایجانێ ل سەر سنوری ژناڤ ببەن.
شوشان ستەپانیان پەیڤدارێ وەزارەتا بەرەڤانیا ئەرمەنستانێ راگەهاند کو هێزێن وان ب هەموو رەنگەکێ د ئامادەباشیێ دانە و دێ بەرسڤا هەر هێرشەکێ ژی دەن و گۆت: (مە شیایە دربێن مەزن ل ئازەربایجانێ بدەین و سێ تانکێن وان هەتا نها هاتینە ژناڤبرن).
ئەڤرۆ نیوز:
رێڤەبەرێ گشتی یێ نەخوشخانا خانەقینێ راگەهاند کو ئەڤرۆ سێ کەس ب کۆرۆنایێ مرینە کو دو ژ وان زەلام و ئێک ژ ئافرەت بوویە.
ئازاد دەلوی رێڤەبەرێ گشتی یێ نەخوشخانا خانەقین ئەو یەک ژی دیار کر کو هەتا نها ١٠ کەس ل خانەقینێ ژ بەر کۆرۆنایێ مرینە و رێژەکا باش تووشبوویێن کۆرۆنایێ ژی باش بووینە و نها ٦٠ تووشبوو ل نەخوشخانێ دانە و چارەسەریا پێدڤی بۆ وان دهێتە کرن.
ئەڤرۆ نیوز:
ئەنجوومەنێ نشتیمانی یێ کوردی ل سووریێ (ئەنەکەسە) د داخۆیانیەکێ دا دەستخوشی ل هەلویستێ هێزێن سووریا دیموکرات و رێڤەبەریا خوەسەر کر کو نەهێلاینە هەلبژارتنێن پەرلەمانێ سووریێ ل دەڤەرێن کوردی یێن رۆژئاڤایێ کوردستانێ برێڤە بچن.
ئەڤرۆ هەلبژارتنێن پەرلەمانێ سووریێ برێڤە دچن و هێزێن سووریا دیموکرات و رێڤەبەریا خوەسەر ژی نەهێلان کو هەلبژارتن ل رۆژئاڤایێ کوردستانێ بریڤە بچن و چو سندوق ل دەڤەرێن کوردی نەهاتینە دانان.
ئەڤرۆ نیۆز:
بەرپرسێ پشکا پەیوەندی و ڕاگەهاندنێ ل رێڤەبەریا پۆلیسێن پارێزگەها دهۆکێ بۆ ئەڤرۆ نیۆز ئاشکرا کر: پشتی کچەکا 24 سالی دوهی رۆژا 18/7/2020
کۆژمەکێ پارەی ل قەزا زاخۆ یا سەر ب پارێزگەها دهۆکێ ڤە دیتی ئێکسەر ب رێیا پۆلیسێن زاخۆ بۆ خودانی زڤراندن.
موقەدەمێ مافپەروەر هێمن سلێمان، بەرپرسێ پشکا پەیوەندی و ڕاگەهاندنێ ل رێڤەبەریا پۆلیسێن پارێزگەها دهۆکێ خویا کر کو پشتی وێ کچێ
٨٨۰۰ دۆلارێن ئەمریکی (٨٨ وەرەقە) ل بازاری دیتین ئێکسەر پەیوەندی ب پۆلیسێن ھەوارھاتنێ کر ب رێیا ژمارا ۱۰٤ یا ژوورا کونترۆلێ پۆلیسان و ب رێیا پۆلیسێن زاخۆ ئەو کوژمێ پارەی بۆ خودانی ھاتنە زڤراندن.
ناڤهاتی خویا کر کو ئەو کچا پارە زڤراندین نەڤیا وێنە و ناڤ و نیشانێن وێ دیاربن ب ئامادەبوونا وێ و برایێ وێ ل بارەگایێ رێڤەبەریا پۆلیسێن قەزا زاخو پارە ھاتنە زڤراندن.
ئەڤرۆ نیوز:
سەرۆکێ ژوورا بازرگانی یا سلێمانیێ راگەهاند کو دەمەکە وەلاتی ل پارێزگەها سلێمانیێ دەست ب کڕینا پارێ ئیرانێ دکەن، لێ ئەو یەک مەترسیا خوە هەیە، چونکو بهایێ تمەنێ ئیرانی بەردەوام دهێتە خوارێ و باشترە وەلاتی پارێ ئیرانێ نەکڕن.
سیروان محەمەد ئەو یەک ژی دیار کر کو د ماوەیێ چەند مەهێن بۆری دا تمەنێ ئیرانێ ٤٠% بهایێ خوە ژ دەست دایە و بەردەوام ژی بهایێ تمەنی دهێتە خوارێ و باشترە وەلاتی تمەنێ ئیرانی نەکرن.
ئەڤرۆ نیوز:
رێکخراوا چاڤدێریا مافێن مرۆڤی یا سووریێ دیار دکەت کو چەند رۆژن تورکیا هێزێن زێدەتر ل سەر سنورێ سووریێ ب تایبەتی ژی ل وان دەڤەران کو ناکۆکیێن خوە ل گەل روسیا هەنە، کۆم دکەت و ئەو یەک ژی بوویە جهێ نەرازیبوونا روسیا.
ل ئالیێ دی تورکیا ل سنورێ باژێرێ کۆبانێ یێ رۆژئاڤایێ کوردستانێ ژی بەرهەڤیان بۆ ئۆپەراسیۆنەکا سەربازی دکەت.
ئهڤرۆ نیوز:
حالهتێن گیان ژ دهستدانا توشبوویێن كورونایێ ل جیهانێ ژ 60 هزاران دهرباز بوو.
دوماهی ئامارێن ل سهر ڤایرۆسێ كورونایێ كۆ ژمارهیا گیان ژ دهست دانا توشبوویێن ڤایرۆسێ كورونایێ گههشته 605 هزار و 356 كهسان.
ژمارهیا توشبوویێن ڤایرۆسێ كورونایێ ل سهر ئاستێ جیهانێ گههشته 14 ملیۆن و 446 هزار و 957 كهسان ژ ئهڤێ ژمارهیێ ژی ههشت ملیۆن و 631 هزار و 756 كهس ژی ساخ بووینه.
زۆرتین وهلاتێ ژمارهیا توشبوویێن ڤایرۆسێ كورونایێ تێدا هاتیه توماركرن ئهمریكایه كۆ سێ ملیۆن و 833 هزار و 716 توشبوون بوون، 142 هزار و 881 توشبوویان ژی گیانێ خوه ژ دهست دایه و ملیۆنهك و 775 هزار و 450 توشبوو ژی ساخ بووینه.
ئهڤرۆ نیوز:
وهزارهتا كارهبا حوكمهتا ههرێما كوردستانێ د راگههاندنهكێ دا راگههاند دێ بهرێ بنیاتێ پرۆژهیێ گرێدانا وێسگهها كهسنهزان ب هێلا 132 كهیڤی دانان.
وهزارهتا كارهبێ یا حوكمهتا ههرێما كوردستانێ د راگههاندنهكێ دا بهلاڤكریه و تێدا هاتیه سوبههی ل بن چاڤدێریا مهسرور بارزانی سهرۆك وهزیرێ حوكمهتێ، بهرێ بنیاتی بۆ پرۆژێ گرێدانا وێسگهها كهسنهزان ب هێلا 132 كهیڤی هێتهدانان.
د ئهوێ راگههاندنێ دا هاتیه ژی كۆ پرۆژه ب سهرپهرشتیا وهزارهتا كارهبێ و ژلایێ كۆمپانیا دلسوز ل دهمێ 60 رۆژان ئهنجام دهت و رۆلێ وێ ژ كارپیكرنا وێسگهها 132 كهیڤی یا كهسنهزان و كێمكرنا لود و ریكخستنا كارهبێ ل تهڤایا دهڤهرا رۆژههلاتا ههولێرێ.
ئهڤرۆ نیوز:
پهیڤدارێ وهزارهتا چاندن و ژێدهرێن ئاڤێ یا حوكمهتا ههرێما كوردستانێ دیاركر پلان بۆ دروستكرنا چهند بازارهكێن ملی بۆ ساخكرنا بهرههمێ جۆتیاران دانایه بریاره چهند كۆمپانیهكێن كهرێ تایبهت بهرههمێ جۆتیاران بكرن و هناردهی دهرڤهی وهلاتی بكهن.
حسێن حهمه كریم پهیڤدارێ وهزارهتا چاندنێ و ژێدهرێن ئاڤێ یا حوكمهتا ههرێما كوردستانێ راگههاند چهند كۆمپانیهكێن كهرتێ تایبهت بهرههڤیا خو دهربرینه بۆئهوێ چهندێ بهرههمێ جۆتیاران بكرن ل سهر خواست و پێدڤیا وهلاتان پشتی پشكنین و پهسندكرنێ نمونهیین وان رهوانهی بازارێن دهرڤه بكهن.
پهیڤدارێ وهزارهتا چاندنا حوكمهتا ههرێما كوردستانێ ئهو چهنده ژی راگههاند دروستكرنا چهند بازارهكێن ملی ل باژێر و باژێركێن كوردستانێ د پلانا وهزارهتێ دایه كۆ جههك بیت بۆ ئهوێ چهندێ جۆتیار رۆژانه بهرههمێن خۆ بێكۆ خویك و كریێ بدهن، راستهوخو بفروشنه وهلاتیان، چهند پلان و بهرنامهیهكێن دی ژی ههنه بۆ ڤهژاندنا چاندنێ، چاڤهریێ ئاسایبوونا رهوشا ساخلهمیێ دكهین داكۆ ب چهند قوناغهكان بێخینه بیاڤێ بجهكرنێ دا.
نيشاندان