ئهڤرۆ نیوز:
جڤاتا بلندا دادوهریا عیراقێ، داخاز ژ جڤاتا نوونهرێن عیراقێ دكهت، پارێزبهندیا یاسایی ل سهر هژمارهكا ئهندامێن جڤاتا نوونهرێن عیراقێ بهێته ههلگرتن.
جڤاتا بلندا داوهریێ داخاز ژ جڤاتا نوونهرێن عیراقێ كریه پارێزبهندیا یاسایی ل سهر 15 ئهندامێن جڤاتا نوونهران بهێته ههلگرتن.
ئهڤ داخازیا جڤاتا بلندا دادوهریا عیراقێ، پشتی توماركرنا سكالایێن یاسایی ل سهر ئهوان ئهندامێم جڤاتا نوونهران كۆ ب گهندهل و كهیسێن دی هاتینه تومهتباركرن.
ئهڤرۆ نیوز:
سهرۆك وهزیرێ عیراقێ وهزارهتێن بهتال ل كابینا خودا ب وهكالهت هندهكێن دی دانان.
لگۆری چهند نڤیسارهكان، مستهفا كازمی سهرۆك وهزیرێ عیراقێ وهزارهتێن بهتال ب وهزیرێن دی یێن حكومهتێ ب وهكالهت دانان، تا ئهوی دهمی وهزیر بۆ ئهوان وهزارهتان بهێنه دانان.
عهلی حهمید وهزیرێ پهروهرده ب وهكالهت وهزارهتا بازرگانیێ ژی بریڤه دبهت.
نهبیل كازم وهزیرێ خاندنا بلند ب وهكالهت وهزارهتا داد برێڤه دبهت، ناسر حسێن وهزیری ڤهگۆهاستنێ ب وهكالهت وهزارهتا كوچ برێڤه دبهت، عهبدلكهریم هاشم بریكارێ وهزیرێ دهرڤه كارێن وهزیرێ دهرڤه بریڤه دبهت، عهلی حهیدهر وهزیرێ دارایی ب وهكالهت بوویه وهزیرێ پترۆلێ، عهدنان دهرجال وهزیرێ وهرزش و لاوان ب وهكالهت وهزیرێ رهوشهنبیرێ یه.
شهڤا 6/5/2020 ل جڤاتا نوونهرێن عیراقێ ب زۆرینهیا دهنگان باوهری ب 15 وهزیرێن كابینا نوو یا حكومهتا عیراقی ب سهرۆكاتیا مستهفا كازمی هاته دان.
ئەڤرۆ نیوز:
جەنەرال بات وایت فەرماندێ گشتی یێ هەڤپەیمانیا نێڤدەولەتی ل دژی داعشێ راگەهاند، چ گوهۆرین ب سەر پلانێن ئەمریكا دا نەهاتینە دەربارەی باكور و رۆژهەلاتێ سووریا، دیسان دێ هەڤپەیمانیا نێڤدەولەتی بەردەوامیێ دەتە پشتەڤانیا هێزێن سووریا دیموكرات د شەرێ دژی رێكخستیا داعشێ دا.
د كۆنگرەكێ رۆژنامەڤانی دا جەنەرال بات وایت دیار کر: ئەمریكا یا پێگیرە ب هاریكاریا هێزێن تایبەتێن سەر ب هەسەدێ ڤە، بۆ پاراستنا كەمپ و گرتیخانێن چەكدارێن ڕێكخستیا داعش تێدا هاتینە زیندانكرن.
فەرماندێ ئۆپەراسیونێن هەڤپەیمانیا نێڤدەولەتی دوپات كر ژی: هێزێن ئەمریكا ماینە ل دەڤەرێن باكور و رۆژهەلاتێ سوریێ. پێشبینی ناهێتە كرن ل دەمەكێ نێزیك بهێنە ڤەكێشان و دێ بەردەوامیێ دەنە هەموو جورێن هاریكاری و پشتەڤانیێ بۆ هێزێن هەسەدێ، ژ پێخەمەت رێگریێ بکەن ل دووبارە سەرهەلدانا داعشێ ل وێ دەڤەرێ.
ئەڤرۆ نیوز:
د. سەباح نامق، رێڤەبەرێ پشکا ساخلەمیا گشتی ل فەرمانگەها ساخلەمیا کەرکووکێ دیار کر: نەهـ تووشبوویێن کۆرۆنا یێ چێبوون و ئەڤ شەڤە دێ نەخۆشخانێ بجهـ هێلن.
ناڤهاتی گۆت ژی: ئەو نەخۆشێن چێبووین ئەندامێن سێ خێزانا نە، کو ژن و زەلام و زارۆکن، دیسان هەتا نوکە 70 کەس ل کەرکوکێ تووشی کۆرۆنا یێ بووینە.
ئەڤرۆ نیوز:
وەزیرێ دارایی یێ عیراقێ پەیامەکێ ئاراستەی مووچە خۆرێن عێیراقێ دکەت و دبێژیت، مووچە دێ ب تەمامی هێته دابەش کرن.
ئەڤرۆ دوشەمبێ، عەلی عەبدولئەمیر عەللاوی، وەزیرێ دارایی یێ عیراق راگەهاند: دێ بزاڤێ کەین مووچێ تەمام یێ مووچەخۆران دابەش کەین، ل گەل هندێ پێشبینی دکەین بهایێ نەفتێ بەرەف بلندبوونێ ڤە بچیت.
هەروەسا گۆتیە: دۆخێ دارایی یێ دژوارە، بەلێ مووچە و ژیارا خەلکێ کارێ وان یێ سەرەکیە، حوکمەتا نوو دێ ب شێوەکێ باش روو ب روو قەیرانا دارایی بیت، پێدڤیە چاکسازی ل دەزگەهێن دەولەتێ و گوهۆرین د رەوشا ئابووری دا بهێتە کرن.
ئەڤرۆ نیوز:
کۆمپانیا سۆمۆ دیار کریە: ژبەر داکەفتنا بهایێ نەفتێ د بازارێن جیهانێ دا، داهاتێ عیراقێ ب کۆژمێ ١١ ملیار دۆلاران کێمکریە.
ئەڤرۆ کۆمپانیا سۆمۆ بۆ بازارکرنا نەفتا عیراقێ کو گرێدایی وەزارەتا نەفتا عیراقێ یە دیار کریە: ژبەر داکەفتنا بهایێ نەفتێ د بازارێن جیهانێ دا، داهاتێ عیراقێ ب ١١ ملیار دۆلاران کێمکریە و د دەمێ چار هەیڤێن ئێکێ یێن ئەڤ سالە، ٤٠٩ ملیۆن و ٩٦٠ هزار بەرمیلێن نەفتێ هاتینە فرۆتن کو سەرجەمێ داهاتی گەهشتیە ١٥ ملیار و ٣٩٠ ملیۆن دۆلاران، هەر بەرمیلەکێ نەفتێ ب ٣٨ دۆلاران هاتیە فرۆتن.
هەروەسا گۆتیە: عێراقێ د چار هەیڤێن ئێکێ یێن سالا بوری دا، ٤٢٣ ملیۆن و ٢٨٠ هزار بەرمیلێن نەفتێ فرۆت بوون کو داهاتێ وێ ٢٦ ملیار و ٢٧٠ ملیۆن دۆلار بوون.
ئەڤرۆ نیوز ، عەلی حاجی :
ئەندامەکێ پەرلەمانێ عیراقێ یێ سەر ب فراکسیۆنا پارتی دیموکراتی کوردستان ڤە بۆ ئەڤرۆ نیوز ئاشکرا کر: ب رێیا دەروازێ نێڤدەولەتی یێ ئیبراهیم خەلیل هەتا نوکە رێک ب ٤٠٠ کەسان هاتیە دان بهێنە موسل و چەند پارێز گەهێن دیتر یێن عیراقێ.
زێدەتر شێروان دوبەردانی گۆت : هەر ژ رێکەڤتی ٢٠/٤/٢٠٢٠ هەتا نوکە هاتنا خەلکێ ئاسێ ماینە ل هندەک وەلاتان وەکو تورکیا و رووسیا ب رێیا دەروازێ نێڤدەولەتی یێ ئیبراهیم خەلیل دهێنە دناڤ کوردستانێ دا لدووڤ دا ژی بۆ پارێزگەهێن موسل و ژووریا عێراقێ دهێنە رەوانە کرن و هەتا نوکە نێزیکی ٤٠٠ کەسان گەهشتینە باژێرێن خوە و پشتی ١٤ روژێن کەرەنتی کرنێ ژ نوو قەستا مالێن خوە دا دکەن و خوەش بەختانە وەزارەتا نافخو یا حکومەتا هەرێما کودستانێ بریارەک دەر کری یە ئەو کەسە دشێن ل رۆژێن دوو شەمب و پێنچ شەمبان دێ رێک ب وان هێتە دان ب رێیا دەروازێ ئیبراهیم خەلیل بهێنە دناڤ کوردستانێ دا و ب سوپاسی ڤە ژی دەما دهێنە لایێ کوردستانێ ب شێوەیەکێ باش و ل بن چاڤدێریا تیمێن نوشداری بۆ دوماهی خالا دناڤبەرا کوردستانێ و سوپایێ عێراقێ دهێنە رەوانە کرن.
ناڤهاتی ئاشکەرا کر ” ئەو کەسێن رێک ب وان دهێنە دان هەمی وەلاتیێن ئاسایی نە و پشکەکا دیتر ژی قوتابی نە و ئەڤرۆ ژی ل روژا دو شەمبێ رێکەڤتی ١١/٥/٢٠٢٠ نێزیکی ١٦٠ کەسێن دیتر رێک ب وان هاتە دان ڤەگەرنە دناڤ ئاخا کوردستانێ دا و پاشان بۆ باژێرێ موسل هاتنە رەوانە کرن.
ئەڤرۆ نیوز:
وەزارەتا ساخلەمیا عیراقێ راگەهاند: 51 حالەتێن نوو یێن توشبوون ب کۆرۆنایێ و حالەتەکێ گیان ژ دەستدانێ و ٥٤ حالەتێن چێبوونێ هاتینە تۆمار کرن.
وەزارەتا ساخلەمی و ژینگەها عیراقێ راگەهاند:د دەمێ ٢٤ دەمژمێرێن بوری دا 51 حالەتێن نوو یێن توشبوون ب کۆرۆنا یێ هاتینە تۆمار کرن، کو ٥٠ ژ وان ل بەغدا و ئێک ژی ل بەسرا ، کەسەکێ ب وێ نەخۆشیێ ل بەغدا گیانێ خوە ژ دەستدایە.
دیار کریە ژی: ٥٤ کەسێن دی چێبووینە، کو ٣٩ ل بەسرا، سێ ل کەرکوکێ و ئێک ژی ل واست.
ئەڤرۆ نیوز:
ساخلەمیا هەولێرێ راگەهاند: توشبوویەکێ دی یێ کۆرۆنا یێ چێبوو، نوکە سەرجەمێ چێبوویان ل وی باژێری گەهشتە ١٩٧ کەسان.
رێڤەبەریا گشتی یا ساخلەمیا هەولێرێ راگەهاندیە: پشتی وەرگرتنا چارەسەریێن نۆشداری ئەو نەخۆشە ب تەمامی چێبوویە و نوکە رەوشا ساخلەمیا وی ب تەمامی باش بوویە، هەروەسا چەندین پشکنین بۆ هاتینە کرن و بریار هاتیە دان بۆ مال بهێتە ڤرێکرن.
نيشاندان