ئەڤرۆ نیوز:
ب ئەگەرێ پێكدادانێ دناڤبەرا خوەپیشاندەران و هێزێن ئەمنی 150 خوەپیشاندەر بریندار بوون.
ل ئێڤاریا ئەڤرۆ 18-1-2020، گرژی و ئالۆزی كەفتە دناڤبەرا خوەپیشاندەران و هێزێن ئەمنی، ئەڤە ژی ب ئەگەرێ هندێ کو خوەپیشاندەران دڤیا دەستبگرن ب سەر ئاڤاهیێ پەرلەمانێ لبنانێ، خاچا سۆر یا لبنانی ئاشكرا كریە، کو هەتا نوکە 150 خوەپیشاندەر بریندار بووینە.
میشێل عەون، سەرۆك کۆمارێ لبنانێ، د پەیامەكێدا داخواز ژ هێزێن ئەمنی دکەت، کو ئێمناهیێ ڤەگەرینن بۆ ناڤەراستا لبنانا پایتەخت.
ئەڤرۆ نیوز:
جۆناسان راس هۆفمان، هاریکارێ وەزیرێ بەرگریا ئەمریکا بۆ رۆژنامەڤانان راگەهاند: یا روون و ئاسکرایه کو رێککەفتنا گشتی ل عیراقێ ئەوە، کو هێزێن ئەمریکا ب نیەتەکا باش ل عیراقێ نە.
هەروەسا گۆتیە، هەبوونا ئەمریکا ل عیراقێ، د قازانجا عێراقێ دایە و دی ئەمن و ئاسایشا زێدەتر بۆ گەلێ عێراقێ دەست بەرکەت.
پەرلەمانێ عێراقێ ب زۆرینا دەنگێن پەرلەمانتارێن شیعی، دەنگ ل سەر پرۆژە بریارەکیێ بۆ ڤەکێشانا هێزێن بیانی دایە.
ئه‌ڤرۆ نیوز:
ئه‌ڤرۆ ب سه‌رۆكایه‌تیا سه‌رۆك مه‌سعود بارزانى، ئه‌نجوومه‌نێ سه‌ركردایه‌تیا پارتى دیموكراتى كوردستان كۆم بوون و بڕیار دا ل سالا 2020 كۆنگره‌ى ئه‌نجام بده‌ن.
كومبوونا ئه‌ڤرۆ ب سه‌رپه‌رشتیا سه‌رۆك مه‌سعود بارزانى سه‌رۆكێ پارتى دیموكراتى كوردستان و ب به‌رهه‌ڤبوونا نێچیرڤان بارزانى جێگرێ سه‌رۆكێ پارتى و ئه‌ندامێن مه‌كته‌با سیاسى و جڤاتا سه‌ركردایه‌تى هاته ئه‌نجامدان و چه‌ندین بابه‌تێن سیاسى و رێكخستنا حزبى دانوستاندن ل سه‌ر هاتنه كرن.
جڤاتا سه‌ركردایه‌تیا پارتى سه‌باره‌ت گرێدانا كۆنگرێ بهێت یا حزبا خوه راگه‌هاند” ژبه‌ر پێدڤیبوون و خوه‌گونجاندنێ ل گه‌ل ره‌وشا نوكه یا كوردستانێ و عیراقێ و گوهۆرینێن زور و بله‌ز یێن ناڤخو و ده‌رڤه و زێده‌تر به‌خشینا هێزێ ب ئورگانان، هه‌روه‌سا ل گۆره‌ى په‌یره‌وێ ناڤخو، كومبوونا جڤاتا سه‌ركردایه‌تیا پارتى، بڕیاردا، ل سالا 2020 ێ كۆنگره‌ى ئه‌نجام بده‌ت و ده‌ستهه‌لاتێن تمام دانه مه‌كته‌با سیاسى كو پێنگاڤ و رێكارێن پێدڤى ده‌ستپێ بكه‌ت”.
كومبوونێ پشته‌ڤانیا خوه بۆ بزاڤێن حوكمه‌ت و سازیێن قانوونى ده‌ربرى، ل هه‌مبه‌ر چاكسازى و رێكخستنا كاروبار و خواستا وه‌لاتیێن كوردستانێ، هه‌روه‌كى د به‌رنامێ پارتى بۆ هه‌لبژارتنێن په‌رله‌مانێ كوردستانێ ئاماژه پێ هاتیه كرن.
ئەڤرۆ نیوز:
وەزیرێ بەرەڤانیێ یێ هۆلەندا راگەهاند کو حوکمەتا عیراقێ داخواز ژ وان نەکریە کو هێزێن خوە ژ عیراقێ ڤەکێشن و دیار کر هۆلەندا دڤێت جارەکا دی دەست ب راهێنانا هێزێن عیراقێ و پێشمەرگێ کوردستانێ کەتە ڤە.
ئانک بێیلێڤلد وەزیرێ بەرەڤانیێ یێ هۆلەندا ئەو یەک ژی دیار کریە کو هەتا نها ژی مەترسیا داعشێ ل عیراقێ یا هەی و ژ بەر هندێ هێزێن وان دێ بەردەوام راهێنانان ب هێزێن عیراقێ و پێشمەرگێ کوردستانێ کەن.
ئەڤرۆ نیوز:
ژ بەر برێڤەنەچوونا کاروبارێن وان ژ ئالیێ سنورێ ئیرانێ ڤە ئەڤرۆکە هژمارەکا زێدە ژ شوفیرێن بارهەلگران ل دەرگەهێ سنوری یێ پەرویزخان رێیا سەرەکی یا دەرگەهی داخستن و کاروبارێن بازرگانی ژ بەر هندێ هاتنە راگرتن.
شوفیرێن بارهەلگران دیار دکەن کو ل ئالیێ ئیرانێ کارێن وان برێڤە ناچن و ئەو یەک ژی ئاریشان بۆ وان دروست دکەت، وەکو نەرازیبوون ژی مانگرتن راگەهاندینە و دەرگەهێ سەرەکی هاتیە داخستن.
ئه‌ڤرۆ نیوز:
سه‌قا ناسیا هه‌رێمێ راگه‌هاند: باران بارین دێ به‌رده‌وام بیت ل ده‌ڤه‌رێن چیایی ژی ئه‌گه‌رێ به‌فر بارینێ ژی هه‌یه و زۆر ترین رێژا باران بارینێ ل ناحیا بجێل بوویه.
رێڤه‌به‌ریا گشتی یا سه‌قا ناسیێ و بیڤه‌له‌رزان ل هه‌رێما كوردستانێ پێشبینێن دو رۆژێن بهێت به‌لاڤكر، لگۆری پێشبینیان باران بارین دێ به‌رده‌وام بیت و ل ده‌ڤه‌رێن چیایی به‌فر باریت.
رێڤه‌به‌ریا گشتی یا سه‌قا ناسیێ دیاركر ژی ل ده‌مێ 24 ده‌مژمێرێن بوری ل دڤه‌رێن جودا جودایێن هه‌رێمێ باران باریه و زۆرترین رێژا باران بارینێ ل ناحیا بجێل باریه كۆ 11.3 ملیم بوویه.
ئەڤرۆ نیوز ، زنار تۆڤی:
د دەمێ 24 دەمژمێرێن بوری دا، پێلەکا دیتر یا بەفرێ پرانیا دەڤەرێن چیایی یێن سنۆرێ پارێزگەها دهۆکێ ڤەگرتینە و د ئەنجامدا رێژەکا باش یا بەفرێ ل ناحیا کانی ماسێ و دەروازێ نێڤدەولەتی یێ سەرزێری باریە، هەروەسا رێکێن هاتنووچوونێ ژی هاتینە ڤەکرن.
سەربەست سەبری ئاکرەیی رێڤەبەرێ ناحیا کانی ماسێ، تایبەت بۆ ئەڤرۆ نیوز دیار کر: ل شەڤا بوری رێژەکا باش یا بەفرێ ل سنورێ ناحیا کانی ماسێ باریە و د ئەنجامدا 30 سەنتیمێن بەفرێ ل کۆمەلگەها دەروازێ نێڤدەولەتی یێ سەرزێری بارینە و ل سەنتەرێ ناحیا کانی ماسێ ژی 10 سم بەفرێ بارینە.
ناڤهاتی گۆت ژی: ل سپێدەهیا ئەڤرۆ تیمێن رامالینا بەفرێ شیاینە رێیا سەرزێری ژ بەفرێ رابمالن و نوکە هاتنوچوونا رێڤنگان د ڤی دەرگەهی را یا ئاسایی یە، هەردەم تیمێن رامالینا بەفرێ د بەرهەڤن و ب زووترین دەم رێیا هاتنوچوونێ ژ بەفرێ پاقژ بکەن، هەروەسا هەتا نوکە ل سنۆرێ ناحیا کانی ماسێ 316 ملیمێن بارانێ ل گەل بەفرێ بارینە.
ئه‌ڤرۆ نیوز:
په‌رله‌مانتاره‌كێ كورد دیار دكه‌ت كو لایه‌نێن سیاسی ناگه‌هنه چ رێكه‌تنان و ره‌وشا عیراقێ چه‌ند ویڤه‌تره خراپ تر دبیت .
ته‌ها حه‌مه ئه‌مین ئه‌ندامێ جڤاتا نوونه‌رین عیراقێ راگه‌هاند: عیراق ریب ری ژ دیركه‌تنا ئیك بووینه ب ئه‌گه‌رێ پرسا پیك نه ئینانا حوكمه‌ته‌كا نوو، هه‌ڤ ده‌م پێشنیاره‌ك هه‌یه بۆ دوباره دانانا عادل عه‌بدل مه‌هدی ئه‌ڤ چه‌نده ژی ئالوزیێن نێڤ دوله‌تی و ناڤخویی دروست كه‌ت.
ته‌ها حه‌مه ئه‌و چه‌نده دیاركر و گۆت: عادل عبدل مه‌هدی د بزاڤا بجهكرنا ده‌رخستنا هیزێن بیانی یه و بجهكرنا رێكه‌تنا ئابووری یا ل گه‌ل وه‌لاتێ چینێ ئیمزاكری ل نێزیكترین ده‌م دا، ب ئه‌گه‌رێ جادیا عیراقی بوویه دو پشك هه‌تا نوكه ل سه‌ر چ كاندیدی بۆ سه‌رۆك وه‌زیرێ عیراقێ نه‌هاتیه ده‌ست نیشانكرن و فراكسیونێن عیراق ی ژی ل سه‌ر كاندیده‌كێ هه‌ڤبه‌ش نه رێكه‌تینه.
ئه‌ڤرۆ نیوز:
فرانس فیلیپ شامپانی وه‌زیرێ ده‌رڤه‌یێ كه‌نه‌دا ل گه‌ل محه‌مه جه‌واد زه‌ریف وه‌زیرێ درڤه‌یێ ئیرانێ ل عومانا پایته‌ختێ ئوردنێ كۆمبوون.
د وێ كۆمبوونا دناڤبه‌را وه‌زیرێ ده‌رڤه‌یێن هه‌ردو وه‌لاتان ل سه‌ر ئێخستنا باله‌فرا ئوكرانی ل تارانێ بوو كۆ ب بو ئه‌گه‌رێ كوشتنا 57 كه‌سێن كه‌نه‌دی.
وه‌زیرێ ده‌رڤه‌یێ كه‌نه‌دا ل گه‌ل وه‌زیرێن ده‌رڤه‌یێن پێنج وه‌لاتێن په‌یوه‌ندیدار ل ب ئێخستنا باله‌فرا ئوكرانی كۆمبوو و هه‌ر پێنج وه‌لات ئه‌و ژی كه‌نه‌دا و ئوكرانیا و سوێد و بریتانیا و ئه‌فغانستان و داخاز ژ ئیرانێ كر قه‌ره‌بوویا بنه‌مالێن قوربانیێن وێ كاره‌ساتێ بكه‌ن.
سه‌رۆك وه‌زیرێ كه‌نه‌دا دیار كربوو كو ئه‌و دێ هه‌ر بنه‌ماله‌كا قوربانیێن وێ كاره‌ساتێ 25 هه‌زار دۆلارێن كه‌نه‌دی ده‌ینێ.
نيشاندان