ئه‌ڤرۆ نيوز:

د کومبونا سەرکرداتیا پارتی دیموکراتی کوردستان دا یا ل ژێر سەرپەرشتیا سەرۆک مەسعوزد بارزانی ھاتیە ئەنجامدان، بڕیارا گوھۆڕینا ل پشکەکا لقێن سنۆرێ ھەر ئیدارەیا جڤاتا سەرکرداتیا پارتی ل سلێمانیێ و ھەلبجە ە کەرکووک و گەرمیان دان.

ژێدەرەکێ بەرپرسی د جڤاتا سەرکرداتیا پارتی دیمورکاتی کوردستان ل سلێمانیێ کو نەڤیایە ناڤێ خوە ئاشکرا بکەت بۆ رۆژناما ئەڤرۆ راگەھاند، د رۆژێن بھێت دا، سەرۆکێ جڤاتا سەرکرداتیا پارتی دیموکراتی کوردستان ل سلێمانی و ھەلەبجە کو نوکە شێخ ئەدھەم بارزانی یە دێ ھێتە گوھۆڕین، و عارف تەیفۆر ئەندامێ مەکتبا سیاسی یا پارتی دێ ل جھێ وی ھێتە دانان و دێ بیتە سەرۆکێ جڤاتا سەرکرداتیا پارتی ل سلێمانی و ھەلەبجە.

ژێدەرێ رۆژناما ئەڤرۆ ل جڤاتا سەرکرداتیا پارتی ل سلێمانیێ ھەروەسا گۆت: ب درێژاھیا گوھۆڕینێن پارتی ل سلێمانی و ھەلەبجە بەسام عەلی کریە بەرپرسێ لقێ 12 یێ پارتی ل حەلەبجە، فازل حاجی رەئووف کو بەرپرسێ لقێ 21 یێ دەوروبەرێن سلێمانیێ بوویە، دێ بیتە ئەندامێ جڤاتا سەرکرداتیا پارتی ل جھێ ئالان حەمە سەعید، بەرپرسێ نڤیسینگەھا رێکخستنا جڤاتا سەرکداتیا پارتی ل سلێمانیێ و ھەلەبجە دێ بیتە بەرپرسێ لقێ 21 یێ پارتی ل جھێ حاجی رەئووف، ھیوا گەیلانی دێ بیتە بەرپرسێ لقێ 11 یێ پارتی ل ڕانیێ .

ژێدەرێ رۆژناما ئەڤرۆ گۆت: بڕیار ھاتیە دان ل سنۆری لقێ 12 یێ پارتی ل ھەر ئێک ژ ناحیێن، بیارە و شلێرە و ناو پارێز و زەڕانین و سیوران، لژنێن حزبی بۆ خەلکێ وان دەڤەران بھێنە ڤەکرن، کو ددەمێ دوسالێن بۆری دا، ھاتبوونە داخستن.

ل سنۆرێ پارێزگەھا کەرکووکێ ژی، سەرۆکێ جڤاتا سەرکرداتیا پارتی ل کەرکووک ـ گەرمیان دێ ھێتە گوھۆرین، پەیڤدارێ جڤاتا سەرکرداتیا پارتی ل کەرکووک ـ گەرمیان، عەدنان کەرکووکی بۆ رۆژناما ئەڤرۆ راگەھاند، کەمال کەرکووکی ئەندامێ مەکتەبا سیاسی یا پارتی دیموکراتی کوردستان دێ وەک سەرۆکێ جڤاتا سەرکرداتیێ ل جھێ سەلاح دەلۆی دانایە، و ب فەرمی ژئالیێ مەکتەبا سیاسی ڤە ھاتینە ئاگەھداکرن.
پەیڤدارێ جڤاتا سەرکرداتیا پارتی گۆت: ھەتا نوکە ب فەرمی بتنێ سەرۆکێ جڤاتا سەرکرداتیێ ھاتیە گوھۆرین و چو گوھۆین ل سنورێ کەرکووکێ ل سەر ئاستێ لقان نەھاتینە کرن.

ئه‌ڤرۆنيوز، ئيقبال عومه‌ر

ل شەڤا بۆری به‌رپرسه‌كێ په‌كه‌كێ و سێ چەکدارێن دی بوونە ئارمانجا فروکێن تورکی و هاتنە کوشتن.

فروکێن تورکی ل گەلیێ بالندا ل سنورێ ناحیا شێلادزێ یا سەر ب قەزا ئامێدیێ ڤە ترومبێلەك بومبە بارانکر كو چار کەس ئه‌وژى به‌رپرسه‌ك و سێ چەکدارێن پەکەکێ دناڤا وێ ترومبێلێ دا هاتنە کوشتن، دو فروکێن  تورکی ئێکسەر هاتنە هنداڤی کومەلگەها سیریێ ودو مۆشه‌ك ل ترومبێلا وان چەکدارێن پەکەکێ دا ل گەلیێ بالندا.

ناڤێ وى به‌رپرسێ په‌كه‌كێ(دەلیل) و چەکدارەك ژی ب ناڤێ (هەمزە) هاریکارێ دەلیل بو و دو چەکدارێن دی کو ناڤێ وان نەهاتیە زانین).

دەلیل، بەرپرسێ دارایی یا هەرێما زاپێ و ئاڤا شین بوو، ڤی به‌رپرسێ پەکەکێ هەردەم خوە نێزیکی جهێن گەشتیاری دکر و دچو دناڤا وەلاتیێن سڤیل دا، و ب شەڤ ژی دهاتە جهێن ئاڤەدان و هەروەسا خوە نێزیكى زالگەها پێشمەرگەی ژی دکر داکو  یێ پاراستی بیت و نەبیتە ئارمانجا فروکێن تورکی، ئەڤ به‌رپرسێ په‌كه‌كێ دژیێ نێزیکی ۷٥ سالیێ دابوو كو ل شەڤا ۱۳/۷/۲۱۸ ل دەمژمێر ۱۱ و پینجی خولەك ل گەلیێ بالندا سەد مەترا دوور ژ زالگەها پێشمەرگەی بوو ئارمانجا فروکێن تورکی.

ئه‌ڤرۆ نیوز ، ره‌زوان رۆژبه‌یانى:

به‌ره‌ڤانیا باژێرێ پارێزگه‌ها دهۆكێ دیار كر خێزانه‌ك ب مه‌ره‌ما گه‌شت و سه‌یرانێ دچنه‌ سه‌ر لێڤى روبارێ خازر دا و ژنكه‌كێ ڤه‌ سێ زارووێن وان دكه‌ڤنه‌ ناف روبارى و ئێك دهێته‌ قورتال كرن و دووی ێن دى ژى خه‌ندقینه‌.
رائد ” بێوار عبدالعزیز” رێڤه‌به‌رێ پۆلیسێن به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوزخویاركر ئه‌ڤرۆ رۆژا شه‌مبى ده‌م ژمێر (12:00) ى نیڤرۆ رێكه‌فتێ 14/7/2018 خێزانه‌كا ئاكنجیێ گوندێ ئامیان یا سه‌ر ب قه‌زا به‌ره‌ده‌ڕه‌ش ڤه‌ , ژبۆ هین كرن و گه‌شت و سه‌یرانێ دچنه‌ سه‌ر لیڤێ روبارێ خازر ل نزیك پردێ مه‌ندان به‌لێ ژنشكه‌كێ ڤه‌ سێ زارویێن وێ خێزانى دچنه‌ ناف روبارى و ئێك دهێته‌ قورتال كرن و دووێین دى ژى ب ناڤێ ( شیفا ره‌مه‌زان و نیهایه‌ت ره‌مه‌زان ) دژیێ 12و 13 سالى كو هه‌ردو كچن و خوشكێت ئێكن وجانێ خوه‌ ژ ده‌ست دده‌ن, گوت ژى ئه‌ف ساله‌ هه‌تا نوكه‌ 24 كه‌س ل سنوورێ پارێزگه‌ها دهۆكێ خه‌ندقینه‌و 17 كه‌س ژى ژ خه‌ندقینێ هاتینه‌ رزگار كرن ئه‌م داخاز ژ هه‌مى خێزانان دكه‌ین كو ده‌مێ دچنه‌ سه‌ر رووبارى ل وه‌رزێ هاڤینێ پیتڤییه‌ چاڤێ وان ل زارویێن وان بیت دا چوو نه‌خوشى بۆ وان په‌یدا نه‌بن زارویێن وان نه‌ بنه‌ قوربانى

ئه‌ڤرۆ نيوز:
ئەڤرو لدەمژمێر 10: 10 ” خولەك ل سەرجادەیا سەرەکیا سێمێل_دهوك ل نێزیك پانزینخانا دەریا ترومبێلەك ژ جورێ ئودی ژمارە ئەورپێ ژ بن کۆنترۆڵا شوفێری دەرکەت و خوە ل دیواری دا و د ئەنجامدا دو كه‌سان گیانێ خو ژێ دە ست دا و چار كه‌س ژى بریندار بوون كو ئه‌ندامێن ئێك خێزان بوون.