ئه‌ڤرۆ نيوز:

چاڤدێرەکێ سیاسی دیارکر، پشتی ھەلبژارتنێن داھاتی ل عیراقێ دێ گوھۆرین ‏دروست بن و کورد لاواز نابن وەک ھزر ژێ دکەین، چونکی کورد ھێزا دووێ نە ل ‏عیراقێ و ئەو سەنگا ھێزا سیاسی ل عیراقێ دروست دکەن.‏

سامی رێکانی چاڤدێرێ سیاسی، بۆ رۆژناما ئەڤرۆ گۆت: کورد ل ھەلبژارتنێن ‏داھاتی ل بەغدا لاواز نابن، چونکە تاکە لایەنێ بەرسینگێ محوەرێ ئیرانی و شیعی ‏ل بەغدا دگریت کوردن، دەڤەرێن سونی ھاتینە پشتگوە ھاڤێتن نەبتنێ د ‏بەرژوەندیا کوردان دایە، بەلکی دبەرژوەندیا عەرەبان ژی دایە، ئەڤرۆ کورد ل ‏گورەپانێ دا بھێزبن، ھەکە وەلاتێن وەک تورکیا چەند دژاتی ھەبن، دێ پشتەڤانیا ‏کوردان کەن، و نەڤێت لاوازبن دا سەنگا سیاسی ل عیراقێ بەرامبەر عەربان ‏ھەڤسەنگیا دروست بکەن.‏

رێکانی ھێشتا گۆت: کورد لاواز نابن وەک ئەم ھزر دکەین و ھەکە چو رێککەفتن ل ‏سەر بەغدا بھێنەکرن، چونکە خالا دووێ یا دروستکرنا تەرازیا ھێزێ ل گورەپانا ‏سیاسی ل عیراقێ کوردن، سونە نوکە یێ لاوازە و ھەکە سونە ھاتن ئەم دێ بینە ‏ھێزا سێ، بەلێ ھەتا نوکە ئەم کورد ھێزا دوێینە و بۆ قوناغێن بھێت ژی ھەر ‏پێدڤی ب کوردان دێ ھەبیت و ئەڤە نە ژ ھێزا مەیە بەلکو ئیرادەکا دولی ھەیە و ‏بەرژوەند ھوسا دخوازن. ‏

ھەمان چاڤدێرێ سیاسی گۆت: نوکە رۆژھەلاتا ناڤین گەلەک گوھۆڕینێ دروست بن ‏و ئەمریکا ھەر چەندە بڕیار ل سەر سوریێ دایە، وێ دڤێت شەری ب وەکالەت ‏بکەت و ئەمریکا گۆتیە ئێکگرتنا عیراقێ بەرژوەندا ئەمریکانە، سووریێ ژ بەر ‏ھەڤپەیمانێن خوە یە کو دەستھەلاتێ رابگریت بێژیتە وەلاتبَن ئەورۆپا وەرنە ‏وێرێ دێ شەری کەین وەک بریتانیا و فەرەنسا ئەو دێ ھێنە سووریێ دا و دێ ‏گوھۆڕین دروستبن و ئەمریکا دێ ل دوور تەماشەی دەڤەرێ کەت، ل سەر ئاستێ ‏ھەرێما کوردستانێ بۆ عیراقێ ژی دێ گوھۆڕین پەیدابن، شنگستە و گوھۆڕین دێ ‏کوردان گەلەک پێدڤی پێ ھەبیت و گەلەک شەر و ھەڤرکی دێ ل سەر ھێتەکرن، و ‏دێ گەلەک لایەن کار کەن دژی کوردان دا ئەڤ مللەتە نەگەھیتە چو کناران، فەرنسا ‏مەزنترین ھەڤال و دوستێ کوردانە و نەشێت ستراتیجی یەکا ئێکگرتی دناڤبەرا ‏کوردێن عیراقێ و سوریێ دا دروست بکەت، چونکە ئەو دزانیت ب ھێزبوونا ‏ھەرێما کوردستانێ ب ھێزبوونا ھەموو کوردانە ل ھەموو دەڤەران، دێ گوھۆڕین ‏پەیدابن تایبەت ل تەرازیا ھێزێ دا و نوکە دەنگۆ ھەیە ئەو دەڤەرێن ناکوکی ل ‏سەر ھەین پێشمەرگە بچیتێ و ب ھەڤپشک ل گەل ھێزێن عیراقێ بھێنە ‏برێڤەبرن، ئەڤە پلانێن دولی نە و ھێشتا گەلەک پێدڤی ب کوردان ھەیە و باشتر ‏ئەوە کورد ژی ڤێ ژ دەست نەدەن و بکەنە خلەک ھێزا خوە وەک پێشتر ڤەگەرینە ‏ڤە، لێ یاگرنگ ئەوە رێک بکەڤین ل سەر ئاستێ سیاسی و بریارا پاشەرۆژێ.‏

رێکانی خویاژی کر، پەیوەندیێن ھەرێما کوردستانێ ل گەل عیراقێ گەھشتینە ‏قوناغەکێ نەچار بووینە دڤێت کێشان دچارچووڤێ دەستورێ عیراقێ ‏چارەسەربکەت، خالا مەترسی ئەوە چوونا شاندێن کوردی بۆ بەغدا ئێک بریار و ‏ئێک ستراتیجی نینە، ھەکە حوکمەت وەک نینەرا خەلکی بچیتە بەغدا ‏رێکەفتنەکێ بکەت و ھندەک لایەنێن دی بچن رێکەفتنەکا دی بکەن ل سەر ‏بەرژوەندیا ھەلبژارتنێن بھێت دا و ئەڤە دێ بیتە ئەگەر ناسنامە و پاشەرۆژا ‏سیاسی و ئابووری با ھەرێما کوردستانێ ژ دەست دەین دبەرژوەندا بەغدا دا، ‏ئەگەر عیراق وەلاتەکێ نشتیمانی با ئاریشە نەبوو، لێ وەلاتێن ھەرێمێ گەلەک ‏کونترۆل ل سەر بەغدا ھەیە، نەرێکەفتن، گەندلی و کارکرنا بوو نەئێکگرتنا ‏نشتیمانی، چەوا تو خوە رادەستی ئەڤان کەسان بکەی کو ئەو بخوە کونترۆلێن ‏دەستێن ھندەکێن دی نە و یاریا سیاسی دکەن و مەترسی گەلەکن و دڤێت کوردان ‏ل سەر ئاستێ ھەرێما کوردستانێ ئێک بریار و ئێک رێکەفتن ھەبیت بۆ ‏چارەسەکرنا کێشێن کوردی بۆ پاشەرۆژا بھێت کو پشتی ھەلبژارتنان دێ دیاربیت ‏کا چ بکەین و چ کاربکەین و دێ چەوا ڤێ چەندێ پارێزین.‏

ئەڤرۆ نیوز ، زنار تۆڤی :

وەسا بریارە ل 14 ڤێ هەیڤێ بانگەشەیا هەلبژارتنێن پەرلەمانێ عێراقێ دەست پێ بکەن، کوردان ل مووسل 150 کاندید هەنە، بەلێ لدووڤ گوتنا لایەنێن سیاسی ڤێ جارێ مەزنترین ئاستەنگ بانگەشەیا هەلبژارتنایه ل مووسله،هەروەسا ل وان دەڤەرێن ل ژێر کونترۆلا هێزێن عێراقی دایە.

هەروەسا ب گشتی ل پارێزگەها مووسل 907 کاندید دێ ل هەڤرکیێ ل سەر 31 کورسیان بۆ پەرلەمانێ عێراقێ کەن، بەلێ ئاسایی نەبوونا دۆخێ ئێمناهیێ ل ڤی باژێری دێ ئاستەنگان بۆ لایەنان دروست کەن ل دەمێ بانگەشەیا هەلبژارتنان دا.

ئه‌ڤرۆنيوز:

ئه‌ڤرۆ شه‌مبيێ 7/4/2018 ل پيرمام، سه‌رۆك بارزانى ل گه‌ل شانده‌كێ بلند يێ پارتيا ديموكراتيا گه‌لان (هه‌ده‌په‌) كۆمبوو، كو پێكهاتبوو ژ په‌روين بۆلدان هه‌ڤسه‌رۆكا گشتيێ هه‌ده‌پێ وئوسمان ايده‌مير وفه‌له‌كناز ئۆجا وئيمام تاشجيه‌ر وزه‌ينه‌ب بۆغا، په‌رله‌مانتارێن هه‌ده‌پێ وموزه‌يه‌ن گونه‌ش وعابيد ئيك نوونه‌رێن وێ حزبێ ل هه‌رێما كوردستانێ.

دديداره‌كێ دا شاندێ بلند يێ هه‌ده‌پێ سه‌ره‌خوه‌شى ل سه‌رۆك بارزانى كر ب وه‌غه‌ركرنا دلۆڤان ئيدريس بارزانى وهه‌ڤخه‌ميا خوه‌ بۆ سه‌رۆك بارزانى دياركر، زێده‌بارى ئاماژه‌دان ب كێشه‌ وته‌حه‌ديێن به‌رده‌م گه‌لێ كوردستانێ ل توركيا وعيراقێ، هه‌روه‌سا گورانكارى وپێشهاتێن رۆژئاڤا وشه‌رێ عه‌فرينێ به‌رچاڤكرن، شاندێ هه‌ده‌پێ رۆناهى خسته‌ سه‌ر روودانێن پشتى ريفراندۆمێ ودووپاتى ل وێ چه‌ندێ كر كو كێشێن به‌رده‌م گه‌لێ كوردستانێ ل ده‌ڤه‌رێ پێدڤى هه‌ماهه‌نگيێ وراوێژكرنێ يه‌ دناڤبه‌را ئاليێن سياسى يێن كوردى.

دپشكه‌كا دى وێ كۆمبوونێ دا، شاندێ هه‌ده‌پێ به‌حسێ ده‌رئه‌نجامێن كۆنگرێ خوه‌ كر وكورتيه‌ك ل دۆر ره‌وشا سياسى ل توركيا وبارودۆخێ وه‌لاتيێن كورد وكار وچالاكيێن هه‌ده‌پێ بۆ سه‌رۆك بارزانى شرۆڤه‌كر.

ل به‌رانبه‌ر دا، سه‌رۆك بارزانى، ب گه‌رمى ب خێر هاتنا شاندێ بلند يێ هه‌ده‌پێ كر وسوپاسيا هه‌لويستێ وێ حزبێ وكوردێن باكوور كر، هه‌روه‌سا رۆناهى خسته‌ سه‌ر هوورده‌كاريێن روودانێن پشتى ريفراندۆمێ ودووپاتى ل وێ چه‌ندێ كر كو بژارده‌يا سه‌ره‌كى يا گه‌لێ كوردستانێ دهه‌موو قۆناغه‌كێ دا ئاشتى بوو وبه‌رده‌وام شه‌ر يێ ل سه‌ر هاتيه‌ سه‌پاندن.

سه‌رۆك بارزانى داخوازكر” پێدڤيه‌ ئه‌م هه‌موو ل سه‌ر رێيا چاره‌سه‌ريا واقعيانه‌ وئاشتيانه‌ بگه‌هينه‌ ئه‌نجام ول گه‌ل وێ چه‌ندێ ژى دا زمانێ زۆردايێ وچه‌كى وخوه‌سه‌پاندنێ ئه‌نجام نابيت”.