ئهڤرۆ نيوز:
بهرى دهمهكێ كێم كۆمبوونا جڤاتا گشتى يا گۆڕان بۆ ههلبژارتنا سهرۆك و خانا راپهراندنێ دهسپێكر و بۆ ڤێ مهرهمێ ژى 10 كهسان خوه بهربژێر كريه و بۆ سهرۆكاتيا بزاڤێ ژى چار كهسان خوه بهربژێر كريه.
د كۆمبوونا وێ دا، نامهكا نهوشيروان مستهفا هاته خواندن و ئهڤا ل خوارێ ژى دهقێ وێ يه كو ل دۆر ههلبژارتنا رێكخهرێ گشتى و جڤاتا راپهراندنێ يه.
وهكو د كۆمبوونێ دا هاتيه دياركرن ئهڤ نامه ل ههيڤا شوباتێ يا ئهڤ ساله هاتيه بهلاڤكرن.
ئەڤرۆ نیوز ، ھلۆری:
ھەر چەندە رۆژنامەڤانان فورما وەرگرتنا پارچە زەڤیان بەری نھا پرکربوو بەلێ نھا جارەک دی سەندیکا رۆژنامەڤانێن کوردستانێ فورما دوویێ بەلاڤکر.
ڤیان عەباس سکرتێرا سەندیکا رۆژنامەڤانێن کوردستانێ لقێ دھۆک بۆ ئەڤرۆ نیوز گۆت: ( ژ بو وەرگرتنا پارچە زەڤیان سەندیکا رۆژنامەڤانان دێ فورمەکا نو دابەش کەت و ھەر رۆژنامەڤانەکێ ئەندامێ سەندیکایێ بیت دشێت فورمێ وەربگریت و پر بکەت )
زێدەتر گۆت: ( فورم لسەرانسەرێ پارێزگەھا دھۆکێ دێ ھێنە دابەشکرن و ھەر رۆژنامەڤانەکێ فەرمانبەر نەبیت و ل سەندیکایێ ئەندام بیت دێ فورمێ وەرگریت ، و ژبەرکو دێ پارچە زەڤی ب وان ھێنەدان)
سەندیا رۆژنامەڤانێن کوردستانێ د رێیا فورمەکا نوو دا داخوازێ ل ھەموو ئەندامێن خوە دکەت کو فورما دوویێ یا وەرگرتنا پارچە زەڤیان پر بکەن ، و ئەڤ یەک ژی د دەمەکێ دایە کو بەری نھا ژی سەندیکایێ فورمێن وەرگرتنا پارچە زەڤیان ب ئەندامێن خوە دابوون پرکرن.
وەزارەتا باژێرڤانی پار سال بریار دابوو کو ل گەل دابەشکردنا پارچە زەڤیان بەھرا رۆژنامەڤانان ژی بدەت ، بەلی َھەتا نھا چوو دیار نینە و نھا وەزارەتا باژێرڤانیێ جارەک دن فورمەکا نو بو دابەشکرنا پارچە زەڤیان بەلاڤکر.
ل بارا ئەو فورما بەری نھا ژلایێ رۆژنامەڤانان ھاتیە پرکرن ڤیانێ گۆت: ( مە وەکو سەندیکا رۆژنامەڤانێن کوردستانێ لقێ دھۆک ئاگەھی ژ پرکرنا ئەوێ فورمێ نینە و نھا ئەم دێ دەست ب پرکرنا فورمان کەین)
ئەڤرۆ نیوز ، بێوار حسێن:
ئەڤرۆ ئێڤاری ل ئاڤا گوندێ باکرمان یا سەر ب ناحیا گردەسێن ل سنوورێ قەزا ئاکرێ گەنجەک خەندقی.
دڤی واریدا ئیبرھیم باکرمانی وەکو شایەتحالێ روودانێ بۆ ئەڤرۆ نیوز گۆت: ( ب مەرەما مەلەڤانی و دەم بوراندنێ کومەکا گەنجان قەستا ئاڤا باکرمان کر ، بەلێ ب مخابنیڤە گەنجەک ژ وان بناڤێ ھێمن مەجید شێروان دژیێ ١٩ سالیێ دا خەندقی کو خەلکێ قەزا ئاکرێ یە)
زێدەتر گۆت: (تەرمێ ئەوی گەنجی د ئاڤێ ھاتیە دەرئینان و بو نەخوشخانا داد ھاتیە رەوانەکرن داکو ئەگەرا خەندقینا وی بھێتە زانین)
ئهڤرۆ نيوز، نيوار محهمهد سهليم:
دبيت هێشتا زوو بيت بڕيارێ بدهين يان ههڤبهركيێ د ناڤبهرا دهولهتا كوردستانێ و عيراقێ دا بكهين كا پشتى راپرسيێ كێش دهولهت ژ وان دێ يا سهركهفتى بيت، بهلێ ئهم دشێين ژى پشت بهستنێ ل سهر هندهك بهلگهيێن ناڤخۆيى و جيهانى بكهين كو ببنه پيڤهر بشێين ههڤبهركيێ د ناڤبهرا دو دهولهتان دا بكهين ئێك كو هێشتا نههاتيه راگههاندن و ئێك ژى پتر ژ سهدهيهكى يه دهولهت.
بۆ ڤێ ئێك ژى باشترين نمۆنه ئهم كار ل سهر بكهين، سهرۆك وهزيرێ ههرێما كوردستانێ نێچيرڤان بارزانى و سهرۆك وهزيرێ بهرێ يێ عيراقێ نورى مالكى نه.
دامهزراوا فورن پۆلسى د راپۆرتهكا خوه يا شرۆڤهكارى دا ئاماژه ب وان سهركهفتنان كريه يێن سهرۆك وهزير نێچيرڤان بارزانى د وارێ ئابوورى دا ب دهست خوه ڤه ئيناين كو د ماوێ بۆرى دا شيايه پهترۆلا ههرێما كوردستانێ ب رهنگهكێ سهربهخۆ ب رێيا توركيا رهوانهيى بازارێ ژ دهرڤه بكهت و پهيوهنديێن خوه ل گهل وهلاتێ توركيا گهلهك باش بكهت و ژ دوژمنهكێ خوه ل دهڤهرێ بكهته ههڤپشكهكێ بازرگانى.
ههر ديسا ڤێ راپۆرتێ ئاماژه ب سهركهفتنا پێشهسازى ل ههرێما كوردستانێ كريه كو شيايه ب رێيا پهترۆلێ كۆمپانيێن مهزن يێن جيهانى بكێشيته ناڤ ههرێما كوردستانێ وهكو كۆمپانيێن ئێكسۆن مۆبيل و شيفرۆن و هندهك كۆمپانيێن توركى ژى.
ژ لايێ مرۆڤاتى و ديموكراتى و ئازاديا رادهربڕينێ ژى سهركهفتنهكا گهلهك مهزن ب دهست ڤه ئينايه، دوژمن كرينه دوستێن بازرگانى و سلامهتى بۆ ههموويان دابينكريه، پارێزگارى ل كێمينهيان كرينه، خوه ژ شهرێن مهزههبى دوورخستيه، ههرێما كوردستانێ پێشخستيه، هێزێن پێشمهرگهى رێكخستينه و بهرسينگێ گهندهليێ گرتيه، ئهڤه تايبهتمهنديه ژى شيانێن وى د سهرهدهريكرن د گهل كێشهيان دا نيشان ددهت. د سهر هندێ را روو ب روويێ گهلهك كێشێن مهزن بوويه، ژ وان ژى بزاڤێن ئيرانێ بۆ سهرنهكهفتنا پرۆسا سهربهخۆيا كوردستانێ، دودليا توركيا ل سهر پرسا ريفراندۆمێ و كێشا سنوران و ههبوونا ميليشياتان و چهندين كێشێن دى.
ههكه ب رهنگهكێ كورت بهحس ل وان كارێن نورى مالكى بكهين يا ژ ههموويان سهرهكيتر ئهو بوويه كو رێژهيا سونان ل بهغدا ژ 45% بۆ 25% كێم بكهت كو ئهڤ چهنده ژ ئهگهرێ نهبوونا باوهريێ ژ دهف سونان بۆ حوكمهتا مالكى بوويه. ديسا كوشتنا ب هزاران خهلكێ سڤيل و بێ گۆنههـ ژ ئهنجامێ ههڤركيێن مهزههبى.
راپۆرتهكا نيويورك تايمز يا ئهمريكى ژى بهحس ل ديارنهمانا 220 مليار دۆلارێن حوكمهتا عيراقێ دكهت كو ل سهر دهمێ نورى مالكى بۆ ب جهئينانا ب شهش هزار پرۆژهيان تهرخان كربوون، ههتا نوكه ژى ئهگهرێ بجهئينانا ئهوان پرۆژان يێ ديار نينه.
راپۆرتهكا هيۆمهن رايتس وۆچ ژى بهحس ل سهر دهمێ مالكى دكهت كو سهركردێن سونان يێن مهزن بهرزه دكرن و دكرنه د زيندانێ دا و هندهك ژ وان ژى ژ وهلاتى رهڤين و بهرچاڤترين كهس ژى تارق هاشمى بوو، ب ئهڤێ چهندێ ژى سونه گهلهك بێهيڤى بوون.
ئێك ژ بهلگهيێن دى يێن گهلهك ئاشكهرا ئهو بوو كو ب تنێ بۆ مانا خوه ل سهر كورسيێ ههژموونا ئيرانێ ل ناڤخۆيا وهلاتى زێده كر و ئهڤه ژى بوو ئهگهرێ توندڕهويێ و سياسهتا خهلهت يا عيراق بهر ب رۆژهڤا ئهڤرۆ برى كو وهلاتهكێ شكهستى يه ب ههموو رامانان.
ههڤه ههموو ژبلى ههكه بهحس ل هاتنا داعش بكهين و كوشتارگهها سپايكهر و وێرانكاريا ژ ئهگهرێ داعش دروست بوويى كو بوويه ئهگهرێ كوشتن و بهرزهبوونا ب سهدان هزار كهسان ژبلى ئاوهربوون و بجههێلانا وهلاتى ژ لايێ مليۆنان مرۆڤان ڤه، ب رهنگهكى كو ب چ رهنگهكى عيراق ناڤهگهريته سهردهمێن خوه يێن هێمن و ئارام و دێ ههر وهلاتهكێ شكهستى بيت كو ههكه بچينه سهردهمێن بهرێ، ههر ژ ئاڤابوونا دهولهتا عيراقێ و ههتا نوكه يا ئارام و سهقامگير نهبوويه.
ئهڤه ههموو هندێ د گههينن كو ههكه دهولهتهكا مهدهنى و ديموكرات ل رۆژههلاتا ناڤهراست بهێته ئاڤاكرن دبيت ببيته ههژموون بۆ ههموو دهڤهرێ.
ئهڤرۆ نيوز، نيوار محهمهد سهليم:
بهرپرسێ دهستهيا كارگێرى يا مهكتهبا سياسى يا ئێكهتى نشتيمانى كوردستان دهربارهى سهرهدانا شاندێ ئێكهتيێ بۆ تههرانا پايتهختێ ئيرانێ گۆت: “ئيران ريفراندۆمێ رهت دكهت و مه ژى تێبينى يێن خوه دانه بهرپرسێن ئيرانێ”.
مهلا بهختيار بهرپرسێ دهستهيا كارگێرى يا مهكتهبا سياسى يا ئێكهتى نشتيمانى كوردستان د كۆنگرهكێ رۆژنامهڤانى دا بهحس ل سهرهدانا شاندێ خوه بۆ ئيرانێ كر و گۆت: “بهرى نوكه ئيرانێ ل سهر ئاستێ رێبهرێ خوه ههتا كو وهزارهتا دهرڤه ههلويست دژى ريفراندۆم و سهربهخۆيا كوردستانێ ههبوو، د ڤێ كۆمبوونێ ژى دا ب رهنگهكێ هوورتر دژايهتيا خوه دياركر، ئهوان ئاخفتنا خوه كر و مه ژى يا خوه كر، ئهوان رهتكر و مه رژدى ل سهر ريفراندۆمێ كر”.
بهرپرسێ دهستهيا كارگێرى يا مهكتهيا سياسيا ئێكهتيێ گۆت: “د ئێك ژ كۆمبوونێن خوه دا ب ئاشكهرايى مه گۆته بهرپرسێن ئيرانێ ههر چ روو بدهت بلا روو بدهت، جارهكا دى قهبوول ناكهين حوكمهتا عيراقێ كهركووكێ ب پشكهك ژ عيراقێ بزانيت بێ بجهئينانا ماددێ 140، د ئامادهينه باجا ههر تشتهكى بدهين، بهلێ ئهوێ قهبوول ناكهين”.
دهربارهى وێ چهندێ كا ئايا قوباد تهلهبانى و نهجمهدين كهريم نوونهرێن ئێكهتيێ نه، مهلا بهختيار گۆت: “دكتور نهجمهدين كهريم وهكو نوونهرێن ئێكهتيێ و پارێزگارێ كهركووكێ پشكدار بووينه و كاك قوباد ژى ل سهر داخوازا جهنابێ كاك مهسعود بارزانى پشكدارى كريه، بهلێ كاك قوباد ژى ئێكهتى يه و كورێ مام جهلاله”.
ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا بەردەرەش یا سەر ب پارێزگەھا دھۆک دوو کەس خەندقین کو ھەردوو ژی خوشک و برایێ نئێک بوون.
دڤی واریدا بێوار عەبدولعەزیز بەرپرسێ راگەیاندنا رێڤەبەریا بەرەڤانیا باژێری ل دھوکێ بۆ ئەڤرۆ نیوز گۆت: (ئەڤرۆ ئێڤاری ل گوندێ بەردەسوور یا سەر ب ناحیا روڤیا ل سنوورێ قەزا بەردەرەش دوو کەس خەندقین کو ھەردوو ژی خوشک و برابوون)
زێدەتر گۆت: ( تەرمێن ھەردوو خوشک و برا ژلایێ وەلاتیان ژ ئاڤێ ھاتینە دەرئینان و رەوانەیێ نەخوشخانا داد ھاتینەکرن بو زانینا ئەگەرا خەندقینێ)
ئەڤرۆ نیوز ، نەوزاد ھلۆری:
وەسا بریارە لژێر چەند درۆشمەکێن ریفراندۆم و سەربخوی یا کوردستانێ ، رێڤەبەریا شەھید و ئەنفالکریێن بارزان ٣٤ سالیا جینوسایدا بارزانیان ل گوندێ بارزان ساخ بکەت.
دڤی واریدا رێبوار رەمەزان رێڤەبەرێ رێڤەبەرا کاروبارێن شەھید و ئەنفالکریێن بارزان بۆ ئەڤرۆ نیوز گوت: (لژێر چەند درۆشمەکێن ریفراندۆم و سەربخوی یا کوردستانێ ، رێڤەبەریا شەھید و ئەنفالکریێن بارزان دێ ٣٤ سالیا جینوسایدا بارزانیان ل گوندێ بارزان لرۆژا ٣١/٧/٢٠١٧ ساخ کەت و تێدا کومەکا چالاکی و گوتارێن جوداجودا ھێنە پێشکێشکرن و خواندن)
زێدەتر گۆت: ( د رێورسمێن ساخکرنێ دا دێ ھژمارەکا زور یا بەرپرسێن حکومی و حزبی و نونەر و کونسولگەریێن ھەرێمێ و کەسایەتی و کەس و کارێن شەھید و ئەنفالکریان و جەماوەرەکێ زور بەرھەڤبن ، و بو ئێکەم جار ژی دێ کەس و کارێن شەھیدێن شەرێ داعش ل گەل کەس و کارێن جینوسایدا بارزانیان پێکڤە چالاکیان ئەنجام دەن ، و دیسا ندێ کومەکا گوتاران ژی ھێنە خواندن)
دھێتە زانین کو لرۆژا ٣١/٧/١٩٨٣ د رۆژەکا رەش دا و د پلانەکا دارشتی دا ب بریارا سەرۆکێ رژێما بەعسا روخاندی سەدام حسێن ، ھەشت ھزار کەس ژ نێرینەیێن بارزانی دناڤبەرا ژیێ ١٠ بو ٧٠ سالی دا ھاتنەگرتن و بو بیابانێن باشوورێ عیراقێ ھاتنە ڤەگوھاتن و ل دەڤەرا بناڤ “نوگرە سەلمان ” ب ساخی بن ئاخکرن ، پشتی کو ھژمارەکا روفاتێن جینوسایدکریێن بارزانی بو گوندێ بارزان ھاتینە ڤەگوھاستن و ل گورستانەکا تایبەت ھاتینە ڤەشارتن ، وەکو نەریتەکێ جڤاکی سالانە کەس و کارێن جینوسایدکریان ئەڤێ رۆژێ ب چەند سالاکیان ساخ دکەن.
ئەڤرۆ نیوز:
ئەڤرۆ روژا پێنج شەمبی حەیدەر عەبادی سەروک وەزیرێن عیراقێ و فەرماندەیێ بالایێ هێزێن چەکدارێن عیراقێ دیارکر کو رولێ هێزێن پێشمەرکەی د ئازادکرنا موسل دا رولەکێ نایاب بوویە.
عەبادی گۆت: ( رولێ هێزێن پێشمەرگەی د هەڤکاریکرنا هێزێن عیراقی د ئازادکرنا موسل دا رولەکێ نایاب و بەرچاڤ بویە ، هەڤدژێن وان ژی رەت دکەین د ئازادکرنا دووەم مەزنترین باژێرێ عیراقێ کو ل ناڤەراستا سالا 2014 کەفتبویە دەست داعش)
عەبادی ل بارا بەغدادی گۆت : (ئەم ب ئێکگرتنێ د بەرسینگرتنا داعشێ دا ب سەرکەفتین و نها هەڤکاریێن باش دناڤبەرا هێزێن عیراقی و پێشمەرگەی هەنە )
ئهڤرۆ نيوز:
پشتى كو نووچێ رزگاركرنا چهند پێشمهرگهيان ژ دهستێ چهكدارێن داعش ل مووسل هاتيه بهلاڤكرن داخۆيانيێن جودا ل سهر هاتنه بهلاڤكرن و ئهڤرۆ نيوز ژى بزاڤ كر خوه بگههينيته پترترين ژێدهران دا كو بگههيته راستيا بابهتى.
بههزاد عیسا کەسوکارێ ئێک ژ ئێخسیرکریان ب ناڤێ باپیر عیسا بۆ ئەڤرۆ نیوز گۆت: “مە نووچەیێ رزگارکرنا ئێخسیرکریان ژ تورێن جڤاکی زانیە، د دووڤ دا مە بۆ پشتراستبوونێ پەیوەندی ب ئاسایشا دهۆکێ کریه، ئەوان ژی دیارکر کو چەند پێشمەرگەیەک هاتینە رزگرکرن بەلێ گۆت ژی کو هەتا نها ئەڤ یەک ب دروستی نەهاتیە پشتراستکرن و ئەو ژڤانن کو نووچەی پشتراست بکەن پاشان بەلاڤ بکەن”.
زێدەتر گۆت: “هیڤیا مە ئەوە کو ب زووترین دهم هەموو ئێخسیرێن پێشمەرگە بهێنە رزگارکرن و کەسوکارێن وان ژی دلخوش و شاد ببن”.
سۆپاسالارێ پێشمهرگێ كوردستانێ د داخۆيانيهكێ دا بۆ ئهڤرۆ نيوز دياركر كو چو تشتێ دروست ل بهر دهستێ وان نينه و ب تنێ ئهو پێزانينن يێن ژ پهيجێن ئهنترنێتێ هاتينه وهرگرتن، “چ تشت ب فهرمى بۆ مه نههاتيه، ئهم يێ دووڤچوونا بابهتى دكهين”.
عسمەت رەجەب بەرپرسێ لقێ 14 یێ پارتی دیموکراتی کوردستان بۆ ئەڤرۆ نيوز دیار کر ھێزێن ئەمنی یێن عیراقێ د کڤانێ پرۆسەیەکا لهشكرى دا ب سەر زیندانەکا تیرۆرستێن داعش ھەلبووینە و ژمارەکا زیندانیان تێدانە و پشتی ھینگێ سوپایێ عیراقێ لیستەک ب ناڤێن وان زیندانیان بەلاڤ کریە و دیار بوویە کو چار ژ وان پێشمەرگەنە کو ب ئێخسیری کەفتبوونە د دەستێن داعشێ دا.
بەرپرسێ لقێ 14 یێ پارتی دیموکراتی کوردستان ئاماژە ب ناڤێن وان چار پێشمەرگێن ئێخسیر ژی کر کو وەکو دلیستا سوپایێ عیراقێ دا ھاتین، یێ ئێکێ ئەحمەد یاسین رەجەب، یێ دویێ باپیر عیسا ئەحمەد، یێ سیێ کامیران بەھجەت عەبدولمەجید و یێ چارێ عەزیز جومعە رەمەزان مزووری و گۆت “ئەڤە وەکو پێزانینێن دەستپێکینە، رەنگە ل دەڤەرا گۆگجەلی ھاتبنە ئێخسیرکرن”.
ههر ئێك ژ نيوار باشوورى، حكمهت زێوكى و نهوزاد زاده هلۆرى پشكدارى د بهرههڤكرنا ڤى بابهتى دا كريه.
ئەڤرۆ نیوز ، ھلۆری:
دەستەیا دەستپاکی یا ھەرێما کوردستانێ د کونگرەیەکێ رۆژنامەڤانی دا دیارکر کو د ئەڤ سالەدا 378 دوسیێن گەندەلیێ ل دادگەھێن ھەرێما کوردستانێ ھەنە.
حاکم ئەحمەد ئەنوەر سەرۆکێ دەستەیا دەستپاکی یا ھەرێما کوردستانێ ئەڤرۆ ل ھەولێرێ د کونگرەیەکێ رۆژنامەڤانی دا دیارکر کو دماوەیێ شەش مەھێن بوری دا ل سنوورێ ھەردوو پارێزگەھێن ھەولێر و سلێمانی 22 دوسیێن ھەوالدەری و 87 داخوازی و دوسیێن سزایی و 83 دوسیێن زانیاری ھاتینە تومارکرن)
ل بارا پارێزگەھا دھوکێ گۆت: (ل سنوورێ پارێزگەھا دھۆکێ 16 دوسیێن ھەوالدەری و 9 داخوازی و دوسیێن سزایی و 10 دوسیێن زانیاری ھاتینە تومارکرن)
سەرجەمێ ھەموو ئەو دوسیێن گەندەلیێ کو ل ھەرێما کوردستانێ ھاتینە تومارکرن دبنە 378 دوسیە ، ئەڤە ژبلی 92 دوسیێن دن یێن زانیاریان.
نيشاندان